|
اكتشفته انى بحب الزول ده جدا
|
اكتشفته انى بحب الزول ده جدا
كنت خاتيهو قائمة الفنانين المفضلين بالنسبة لي... لكن اكتشفته بحبه حد انو ببكينى.. الليلة أنا جاى من الشغل وما عندي مواصلات أتبرع واحد من شبابنا السودانيين الشغالين معاى بانو يوصلني مع انو ما ساكن في المنطقة بتاعتى لكن كتر خيرو اتبرع يتوصيلى ... أتحركنا مسافة والزول مشغل راديو والخواجات ينبحو في رأسنا.. قلت ليهو بلاهي فكنا من الخواجات ديل طلعوا دينا في الشعل ينضموا في التلفزيون في الراديو بلاهي شغل لينا غناء خلينا ننسى انو بكره تأنى حنجى هنا.. الزول عاين لي عين انو حاوريك.. قام طلع شنطه الاسطوانات وبالتحديد سحب وحدى من بعد تفتيش سلا روحي المهم الراجل شغل الاسطوانة وكانت أجمل اسطوانة سمعتها في طريقي إلى العمل.
اتفضلى إذنك معاك.. فجي المسامات وادخلي...
يااااااااااااااااااااااااااااااااااااااااااااااااااااااااااالله يا محمود يا عبد العزيز.. مبالغه طبعا.. الزول ده بيعمل فى حاجات كويسه جدا.. يعنى الزول ده بيطور في شكل ألغنا السوداني بشكل مفرح.. وبيعمل فى الزول البيسمع ليهو حاجات وحاجات وحاجات وتحديدا لو كان مشخبط وملخبط زى حالاتى كده ..
الريح كودى ...
|
|
|
|
|
|
|
|
Re: اكتشفته انى بحب الزول ده جدا (Re: Soumeta)
|
Soumeta
سلامات
عارفه زمن طويل لورا .. كنت فى القاهرة اصحابى كانوا مجنونين بالزول الاسمو محمود عبد العزيز .. كنت بسمعو معاهم لكن هم كانوا مهتمين جدا ومتابعنو .. يعنى اى شريط ليهو جديد لازم يكون عندهم .. وبكون مسيطر على المكان .. وهاك يا نقاش حول محمود واغانيهو .. ما كان الانتباه ليهو قدر كدا عندى .. بسمعه وبستمتع جدا بالادا الصوت الخرافى الكلمات .. لكن حاليا وتحديدا بعد اتفضلى ازنك معاك وباقى الاغانى الفى الاسطوانه بتاعت صاحبنا الوصلنى من الشغل ما حاعرف اقول غير انو الزول دا انا بحبو وشديد جدا كمان ..
وتشكرى على الطله الجميلة
الريح كودى ..
| |
|
|
|
|
|
|
Re: اكتشفته انى بحب الزول ده جدا (Re: الريح كودى)
|
ناذر إزيك،،
الريح فتح لي باب ما بنسد عندي،،
و انا محمود ده حيلي ما بشيلني لمن اسمعو،، ولااااااااا بشتغل بي الناس الما بحبو،، و شايفاهو تالت احسن زول غناي عندنا،،
و اسع إنت جبت لي الغناء بي الدرب،،
| |
|
|
|
|
|
|
Re: اكتشفته انى بحب الزول ده جدا (Re: الريح كودى)
|
لـهـذا المحـمـود صـوت بهـي مـمـتلئ بقدرات تطـريبية عالـية
يماوج نغيم صـوته وكأنما هـناك سـر تتنازعـه نقـطة البوح الاخـيرة
وشـعـور انك تبحـث عن السـر يجـعلك لا(تشـبع) من ان تستمـر في سـماعه.
تحياتي يا الريـح.
| |
|
|
|
|
|
|
Re: اكتشفته انى بحب الزول ده جدا (Re: الخير محمد عوض)
|
التحية لاخونا الريح كودى ومعاك يا حبيب الاستاذ محمود مبدع وله بصمات واضحة فى نمط الغناء السودانى والتحية ليك ايضا يا اخونا ناذى بهذه الوصل الحميلة الا يا اخى يا ناذر وين اللينك بتاع الاغنية ده عشان الحفظ وعلى العموم كترخيرك
| |
|
|
|
|
|
|
Re: اكتشفته انى بحب الزول ده جدا (Re: عبدالمنعم خيرالله)
|
الكلام سنة 87 او 88 خالي من اصحاب الاذان المرهفة ذلك الوقت عمرنا ما اتجاوز 12 او 13 سنة هو ايضا عمره ما تجاوز 18 او 19 عاما كان يكبرنا بسنوات قليلة لا تتجاوز الخمس ولكنه كان مدرسة في كل شئ بسمع لي مصطفي لمن يجيبوهو في الرادي والتلفزيون كانوا الناس بيقفلوا التلفزيون كان يمتلك له الكاسيت ذلك الوقت تعلمنا منه مصطفي سيد احمد ونحن غضون بدايات بلوغنا بدأ محمود ما بين مدني وكوستي في عام 87 التقطته تلك الاذان المرهفة سريعا وسرعان ما تعلمنا الاستماع لمحمود حينما كان الاخرين يقولون انه (ينبح بي حلقه) خالي الان في واشنطون لك اسمي التحايا يا خال واتمني ان تكون محتفظا بتلك الاذن المرهفة الحساسة . ومنذ ذلك الوقت ونحن نستمع لمحمود الان عشرون عاما ( اول مرة انتبه ) يا لهذه السنوات السريعة عشت تجربة شخصية مع محممود حينها كان انتقل للغناء في الابيض زامل في تلك الفترة الفنان الماسوف علي حنجرته عاطف ابو جبيه في مدينة الابيض .. تجربتي كانت زواج في كسلا خالي الاكبر والذي اقنعه اخوه بان محمود هو المناسب لتك الحفلة حضر محمود من الابيض لاداء الحفلة في كسلا كنت محظوظا بالجلوس طيلة الرحلة في الكرسي المجاور له كان شابا ودودا ظريفا حكي لي الكثير من احداث حياته كانت حياة مليئة بالاحداث وكانه ابن السبعون حين ان عمره كان نهاية العشرينات ايامها في العام 93 كان يخرج من الشبكة حينما يمدد له احد المرافقين له (احدي التبغات ) الملفوفة بعناية ولكنه سريعا ما يعود ويبدأ السرد والحكي . وصلنا الي الزواج وما اظن ان كسلا استمتعت بغناء مثلما استمتعت به ذلك اليوم اذكر جيدا دخوله باغنية علي السقيد المشهورة ذلك الوقت ان شاء الله طول ما عمري بيك ما يطل زمن قاسي وعنيد وعرج علي اغنية ابن البادية انسالك انت بتتنسي (اظن ان ابن البادية لو سمعها من محمود لحردها) وبعدها دخل علي الاغاني الخفيفة وغني لاحمد المصطفي الدنيا تحلي وغني انا في التمني ديما هديلي ساجع لخلف الله حمد وغني ختام الفاصل الحزن النبيل فتمايل الجميع كان يعطي لكل اغنية بعدها الخاص يطوعها بحنجرة نادرة الوجود حتي يومنا .. لا اظن ان احدا في الفاصل الثاني كان يجلس علي مقعده الصوت الناري الحارق من حنجرته يجعل الجميع يتململ في مقاعدهم يومها رقص الجميع بلا استثناء وجميعهم يردد مع محمود الاغنيات وهم هائمون في ملكوتهم الخاص .. بين الفاصل الثاني والثالث قال لي قولا اضحكني قال ان اشد ما يغيظه بعض الذين (يعملون اصحابه من اللبط ) ينادونه اسمع يا استاذ عليك الله خش لينا في الاغنية الفلانية يقولون ذلك بثقة ومعرفة كانها قديمة والرجل منهم لم التقيه الا الان قال لي هؤلاء ضالتي التي لا اتواني عن احراجها بدأ الفاصل الثالث بعد الثالثة صباحا ورغم اننا حضرنا من رحلة مباشرة الي الزواج الا انه كان يوما لا ينسي لذا لا تري احد سوى طربا بمحمود الذي اضفي علي ذلك اليوم توقيع حنجرته التي لم تفارق هذه الذاكرة حتي يومنا السنتين الاخيرتين رأيت ان صوته كان به عيبا ما عاد قويا مثل السابق ولكن في اخر الاعياد عندما استضافه التلفزيون رأيت بعضا من محمود الذي اعرف اتمني له دائما التوفيق فهذا هو المغني الذي نفخر بان جيلنا قدمه للسودان
| |
|
|
|
|
|
|
Re: اكتشفته انى بحب الزول ده جدا (Re: الريح كودى)
|
المساء سعيد عليكم،، الريح و زواره،، اهااااااااا يا محمود،، زي ما قلت من قبل إني ما متذكرة متين بديت اسمع محمود،، لكن و كما جرت عادة التعود السودانية في السمع تحديداً بأن كل من هو جديد،، لازم تطلع عينو عشان يتسمع و يتحسب مع الغنائين الممتازين،، في القاهرة و كان الكلام ده سنة ستة و تسعين علي ما اذكر،، كنت بصحبة والدتي في القاهرة لقضاء عطلة الصيف،، و دهشت لوجود البومي سكت الرباب و الالبوم الاول لمحمود بحوزتها،، كان من الواضح جداً إنهم ما إتسمعو لأنو اغلفتهم لم تُزللم تزل عنهم،، المهم بصحيهم بي محمود،، و بنومهم بي محمود،، و اكاد اري الملل و عدم الرغبة في سماع محمود من ماما و خالي الحبيب طارق بشكل واضح،، بعد فترة قصيرة بديت احس بتجاوب ماما معاي،، و حبة حبة بتسمع،، اسع وحااااااتها هي،، بتنزل الغناء بي صوتو و برااااها تسمع،، اما طارق ف لسع مشربك في الكاشف و حسن عطية و كل المغنين العظماء ديل،، بالتأكيد لا اعتراض عليهم،، لكن كمان ادو محمود حقو،، و البحر نصو،،
اسمع خوف الوجع يا الرييييييح،،
و في نظري من اجمل شرايط محمود بجانب سكت الرباب،، شريط لقيتك،،
| |
|
|
|
|
|
|
|