|
Re: يا ناس الشعر والادب والمهتمين ورونا رايكم في زينوبا (Re: Sami Talab)
|
الأخ سامي لك التحايا قصيده جميله ومعبره
Quote: وشان زينوبا ما تتخم علي ناس الضلال تتلم دقن الضلال منكوش فيها الحرام عشعش تيس الخلا المنبوش في ريحتو تلقي الغش زينوبا مايهموك لمة دقون ضالين دقنا عليك مفكوك سارق لسان الدين زينوبا كان باعوك باسم الضلال والدين حنجيبو لين الحق ونهدو جبل الطين حنجيبو ليك الحق ونهدو جبل الطين
|
نرجو ان تواصل وتتحفنا
اما بخصوص االتشكيل اعمل الآتي وانت تطبع: بعد طباعة الحرف يمكنك وضع التشكيل بالضغط على Shift واحد الحروف التي بها التشكيل ولمعرفة هذه الحروف فهي محصوره في الحروف الاخيره على يدك الشمال يعني ال ع غ ف ق ث ص ض ش س ي وهكذا ولكي تعرف ياتو منها الفتحه وياتو الضمه مثلا افتح برنامج الطباعه العندك مثلا Word ثم جرب كل حرف لتعرف مايمثله من تشكيل وسجل ذلك في ورقه خليها جنبك وانت تطبع وآسف لهذا الشرح المطول .. ولك مودتي عزالدين
| |
|
|
|
|
|
|
Re: يا ناس الشعر والادب والمهتمين ورونا رايكم في زينوبا (Re: Sami Talab)
|
إسمح لى يا سامى أن أقدم هذا التشكيل
ولكن هناك تشكيلين للفعل المصارع ( بالأف المكسور بالهمزة أو الياء) يمكنك استخدام أيهم حسب نطقك ففى ريف الجزيرو والوسط عامة ينطق ألفاً مكسورا(همزة) بينما هى ياء فى حَضَرِها
راجيكِ يا زينوبا بي خَبَر البُشارة وفال راجيكِ يا زينوبا لما العَمْ إقالْد الخال وإشيل شبالو من عروس الحي راجيك ومعاي أطفال تناجيك وتنادي البسمة في ذاتِك فرَّح بنُوتْنَـا غنواتِـك كلام من شبّ ما فاتِك وحِلْم الزادو تَمْرَاِتك إشيلُو اللّيل يناجو النّيل يجرو النم زينوبا يا أمل البعايِن لي مِطيرةَ الدم تجيهو صَبَاح تبِلْ شوق الأرِضْ بالرّاح تسِيل وديان تَغَنَِي جروف وصوت الساقية والشادوف أعمق في صدور ناسْنَا حُب زينوبا ميراثنا صوت زينوبا كرّاسنا وصوت زينوبا في الوديان يِجُو الصبيان يِسابقو الريح يِشيلو الليل يِبِعْدُو الهَّم وشَان زينوبا ما تِـتْخَمْ علي ناس الضَلال تِـتْلَمْ دِقْن الضلال مَنْكوش فيها الحرام عَشْعَشْ تيس الخَلا المنبوش في ريحتو تلقي الغَشْ زينوبا ما يْهِمُوك لَمَةْ دقون ضالِّين دِقْنَـاً عليك مفكوك سارِق لِسان الدِّين زينوبا كان باعوك باسم الضلال والدين حَنْجِيبو لِيك الَحق وُنْهِـدُّو جَبَل الطِّين
| |
|
|
|
|
|
|
Re: يا ناس الشعر والادب والمهتمين ورونا رايكم في زينوبا (Re: معتصم الطاهر)
|
Quote: اشيلو الليل اناجو النيل اجرو النم |
سلمى
امسكي في الكلام الورد في مداخلة الاخ معتصم الطاهر قوي قوي
شوفي دي (ينطق ألفاً مكسورا(همزة) بينما هى ياء فى حَضَرِها) دي عاملة مشاكل كثيرة للقراء انفسهم
كما قال معتصم الشغلانةي ليست متداولة في كل السودان ... تلقيها بس في قرى الجزيرة
قبل ايام نبَه اليها العديد من القراء خاصة في بوستات هشام هباني
القصيدة حلوة جد وبعد التشكيل بتكون اروع
| |
|
|
|
|
|
|
|