|
بنغالي يتزوج من ناوا ..
|
الليلة العديل والزين الليلة العديلة تقدمو وتبرا ..
بالعديل والزين تم زفاف الوجيه كبير صورات علي من بنغلاديش على احـــــدى حسناوات ناوا .. حدثني بهذا الخبر عبد القادر بن نقــد قائلا حدثه يوسف بن على الذي عاد من السودان بعد انقضـــاء اجازته السنويه وقد ( هجج ) الجميع على شرف العريس . وبعد انتهاء مراسم الزواج الميمون توجه العريس بعروسته للاستقرار بالعاصمة الخرطـــــوم حيث يعمل بوظيفة فني حدادة براتب يعادل 1800 ريال سعودي ..
مبروك وبالرفاه والبنين ....
ود الباوقة
|
|
|
|
|
|
|
|
Re: بنغالي يتزوج من ناوا .. (Re: Ahmed Yousif Abu Harira)
|
Quote: نقلا عن ( الرأي العام ) زاوية حادة جعفر عباس سيرة في مسيرة (12) لقد تابعت بالدقيقة والثانية رحلة قامت بها الكاميرا في الشمال النوبي انطلاقا من جزيرة ناوا، المشهورة بانتاج وتصدير السحاحير (مفردها سحار، وليس ساحر) وهم كائنات لها أذناب وتتقمص هيئات حيوانات مفترسة مثل التمساح وتفتك ببني البشر، وكان سحاحير ناوا مصدر رعب دائم في مناطقنا على ايام الطفولة، وكنا نشق مزارع الذرة ونحن نرتعد من خوف التعرض لمداهمة السحاحير وكنا على نحو خاص نحرص على عدم الاقتراب من النيل ليلا لأن السحاحير تنشط في الليل في المياه وقرب شواطئ النيل، وكان هناك كائن آخر اسمه سُرِنق جَدي، وتعني مصاص الأنوف، كان يختبئ في مزارع الذرة ويمسك بالناس ويمص أنوفهم ولا يتركهم إلا بعد ان يسقطوا موتى بعد ان يسحب أمخاخهم عبر الأنف،.. ولم اسمع او يسمع غيري بأن هناك شخصا تعرض للأذى على أيدي مصاصي الأنوف، ولكن ذلك لم يكن دليلا كافيا على أنهم غير موجودين،.. أما بالنسبة لحكاية سحاحير ناوا فقد كان من السهل الوثوق بها، لأن كل من صادف تمساحا او ذئبا كان من حقه ان يفترض أنه ''سحار مستهبل''!! وقد تحسب نفسك ذكيا وتطرح سؤالا من شاكلة: هل يعقل ان يكون سيد احمد الحردلو ذلك الشاعر الرقيق والشخص الودود الذي لم يؤذ في حياته أحدا، سحارا بحكم انه من ناوا؟ يعقل وُنص.. يقول المصريون: تحت السواهي دواهي، ونقول نحن ان فلان موية تحت تبن!! وهل من المستبعد ان الحردلو جعل عنوان كتابه الأول '' ملعون أبوكي بلد'' لا لسبب سوى أنه أحس بالاحباط بعد انتقاله الى بندر الخرطوم حيث الشرطة والأمن والمخابرات وفشل في ممارسة نشاطه كسحار فكان أن شتم البلد التي حرمته من حرية الحركة والنشاط السحاري؟ وبالمقابل هناك سؤال مشروع: إذا كان الحردلو سحارا فكيف نجحت عملية زرع الكلى ''البشرية'' التي أجريت له قبل أشهر قليلة في العاصمة القطرية الدوحة؟ سؤال صعب ولكن الرد عليه قد يكون أنه ورغم ان العرق دساس إلا ان الحردلو سحار بمعنى ساحر، (بالمعنى الحميد للكلمة) فقد ثبت لجميع من عايشوه وصاحبوه والتقوا به ان لديه قدرة هائلة على غزو القلوب بالفعل والقول... شفى الله ابو السيد ليواصل لعننا والتحليق بنا في عوالمه البهية. |
| |
|
|
|
|
|
|
Re: بنغالي يتزوج من ناوا .. (Re: Ahmed Abdallah)
|
أها ....يعني انت يا حاج احمد خايف علي البنغالي؟
والله كان انقلبتلو كوبرا بعد دا ما يخليها ..دي بالنسبة للبنغالي مشروع استقرار دائم في بلد هامله !!.. المغصة يكون البنغالي أصبح بالنسبة لأهل ناوا نموذجا للوجيه المسبسب ذي القسمات الدقيقه ويكونوا ناس سيد احمد و ناس أمحمد أحمد راحوا في الرجلين
والله أنا كنت قايل قلبك علي (بتنا) بت (ناوا) أتاريك مع البنغالي الجاي من قريب جزيرة (جاوا) !!
| |
|
|
|
|
|
|
Re: بنغالي يتزوج من ناوا .. (Re: Ahmed Yousif Abu Harira)
|
Quote: والله أنا كنت قايل قلبك علي (بتنا) بت (ناوا) أتاريك مع البنغالي الجاي من قريب جزيرة (جاوا) !! |
والله وماكـ طالبني حليفة المغصة علي بتنا شقتني وقلنا ما دام البقى بقى انشاءلله تنقلبلو كديسة عشان يكون عبرة لغيرو
الله يقطع الجبهجية ويقطع يومن هونو امرنا للغاشي و الماشي شوف جنس المحن دي يا ود ابوحريرة كمـان البنغالة
| |
|
|
|
|
|
|
Re: بنغالي يتزوج من ناوا .. (Re: Ahmed Abdallah)
|
ده كلوا من حكومتكم حكومة العار دي سجمتوا البنوت ورمتوهن ..... بنغالي كمـان .. يقطع طاريها حكومة الشوم
انت يا ود عبد الله ( مغيبب ) هس الحكومة الدخلا شنو في الموضوع دا .. بعدين حتى لـــــو عندها دخل مفروض تشكروها لانها بزواج هذا البنغالي استطاعت ان تبسط قيم العدالـــة الاجتماعية بين المسلمين جميعا حيث لا فرق بين عربي اواعجمي الا بالتقوى ...
تصبح على خير ..
ود الباوقة
| |
|
|
|
|
|
|
Re: بنغالي يتزوج من ناوا .. (Re: Salah Waspa)
|
بنقلاديشي عديل كدة - يا حليل ناس بشاشا ينضموا طول الوقت عن الجلابة والعرب وكوش ظهروليهم علي الخط كمان بنقال - حسع ولد البنقالي دة برضوا في عرف بشاشا حيكون جلابي يا ربي !!
| |
|
|
|
|
|
|
Re: بنغالي يتزوج من ناوا .. (Re: Salah Waspa)
|
وإمكن أخونا ود الباوقة حينزل بعد شوية تكذيب للخبر(حاشاك من
الكذب )
اخي الكريم صلاح واسبة ..
ارجو ان تطمئن الخبر صحيح والاخ محمد عبد الله اعطاه اكثر من حجمه ..
فتك بعافية .
ود الباوقة
| |
|
|
|
|
|
|
Re: بنغالي يتزوج من ناوا .. (Re: ود الباوقة)
|
سلامات الإخوة ود الباوقااللذيذ تفاحا وود أب حريرة
ومن تداخل معهم بإحسان ,
ياخوانا البنغالى دة عرس و دربة مرق تب و اسى يمكن ولى العهد ووريت إحدى حضارات زمن العجائب الا
وهى حضارة آفروآسيا فى الطريق و الراجل ده إحتمال كان متضايق شوية اسى السودانيين العرسو بنات
اوروبا و امريكا منذ زمن مصطفى سعيد و الطيب صالح ذاتو كانو أحسن من البنغالى أبراسن غليد ده في
شنو؟!!!!!!!!!!!!!!!!أكيد مافى فرق( فكلنا لآدم وآدم من تراب ),,, وما تكترو البكا ومحاولة تصوير
القصة كأنها مأساة !!!!!!!!!!!!!البقت بقت يا أخوانا كدى شوفو لينا الزول ده ما عندو بنات أعم
عشان تقدروا تتونسو معاه كان جاكم زاير !!!!!!!!!بعدين لاحظو إنو الراجل إسمه كبييييييييييييير
يعنى إسمو زاااااااااتو عجيب و غريب رغم ندرة إستعماله فى السودان لكنه موجود!!!!!!!!! المهم
شوفو القصة شنو وأفتونا!! كان معانا فى الجامعة واحدة هننديةأبوها عرف إنو فى واحد سودانى عاوز
يتزوجها تانى يوم ركبوها الطياره وقال ليها السودان تانى تشميه قدحة ,ما تتحسسو ياخوانا الموضوع
عادى والراجل ده شكلو قرر الإستقرار فى وطن الجدود.
مع معزتى,
| |
|
|
|
|
|
|
Re: بنغالي يتزوج من ناوا .. (Re: أيمن الطيب)
|
ياخوانا البنغالى دة عرس و دربة مرق تب
دربو مرق عديل كدا وعقبال ما يجيبو ليهو ولد ويقوم كمان يتزوج من الشايقية والود يجيبلو ولد ويجي نديهو من اهلنا الجعليين وكدا .. وهكذا .....
بعدين لاحظو إنو الراجل إسمه كبييييييييييييير
يعنى إسمو زاااااااااتو عجيب و غريب رغم ندرة إستعماله فى السودان لكنه موجود
انت مريخابي ولا شنو معتز كبير ما عاجبك ولا شنو
عادى والراجل ده شكلو قرر الإستقرار فى وطن الجدود.
مرحب بالاخ كبير صورات على في وطن الجدود .. والجاب كبير ان شاء الله يجيب اصحابو ..
ود الباوقة
| |
|
|
|
|
|
|
Re: بنغالي يتزوج من ناوا .. (Re: ود الباوقة)
|
كلام غريب :
Quote: انشاءلله تنقلب ليه كـديسة |
وهنا الاغرب :
Quote: نقلا عن ( الرأي العام ) زاوية حادة جعفر عباس سيرة في مسيرة (12) لقد تابعت بالدقيقة والثانية رحلة قامت بها الكاميرا في الشمال النوبي انطلاقا من جزيرة ناوا، المشهورة بانتاج وتصدير السحاحير (مفردها سحار، وليس ساحر) وهم كائنات لها أذناب وتتقمص هيئات حيوانات مفترسة مثل التمساح وتفتك ببني البشر، وكان سحاحير ناوا مصدر رعب دائم في مناطقنا على ايام الطفولة، وكنا نشق مزارع الذرة ونحن نرتعد من خوف التعرض لمداهمة السحاحير وكنا على نحو خاص نحرص على عدم الاقتراب من النيل ليلا لأن السحاحير تنشط في الليل في المياه وقرب شواطئ النيل، وكان هناك كائن آخر اسمه سُرِنق جَدي، وتعني مصاص الأنوف، كان يختبئ في مزارع الذرة ويمسك بالناس ويمص أنوفهم ولا يتركهم إلا بعد ان يسقطوا موتى بعد ان يسحب أمخاخهم عبر الأنف،.. ولم اسمع او يسمع غيري بأن هناك شخصا تعرض للأذى على أيدي مصاصي الأنوف، ولكن ذلك لم يكن دليلا كافيا على أنهم غير موجودين،.. أما بالنسبة لحكاية سحاحير ناوا فقد كان من السهل الوثوق بها، لأن كل من صادف تمساحا او ذئبا كان من حقه ان يفترض أنه ''سحار مستهبل''!! وقد تحسب نفسك ذكيا وتطرح سؤالا من شاكلة: هل يعقل ان يكون سيد احمد الحردلو ذلك الشاعر الرقيق والشخص الودود الذي لم يؤذ في حياته أحدا، سحارا بحكم انه من ناوا؟ يعقل وُنص.. يقول المصريون: تحت السواهي دواهي، ونقول نحن ان فلان موية تحت تبن!! وهل من المستبعد ان الحردلو جعل عنوان كتابه الأول '' ملعون أبوكي بلد'' لا لسبب سوى أنه أحس بالاحباط بعد انتقاله الى بندر الخرطوم حيث الشرطة والأمن والمخابرات وفشل في ممارسة نشاطه كسحار فكان أن شتم البلد التي حرمته من حرية الحركة والنشاط السحاري؟ وبالمقابل هناك سؤال مشروع: إذا كان الحردلو سحارا فكيف نجحت عملية زرع الكلى ''البشرية'' التي أجريت له قبل أشهر قليلة في العاصمة القطرية الدوحة؟ سؤال صعب ولكن الرد عليه قد يكون أنه ورغم ان العرق دساس إلا ان الحردلو سحار بمعنى ساحر، (بالمعنى الحميد للكلمة) فقد ثبت لجميع من عايشوه وصاحبوه والتقوا به ان لديه قدرة هائلة على غزو القلوب بالفعل والقول... شفى الله ابو السيد ليواصل لعننا والتحليق بنا في عوالمه البهية.
|
ود الباوقة انت قصدك الخبر ولا التجريح فى ناس ناوا
| |
|
|
|
|
|
|
Re: بنغالي يتزوج من ناوا .. (Re: عبد الدائم سيد أحمد)
|
ود الباوقة انت قصدك الخبر ولا التجريح فى ناس ناوا
اخي عبد الدائم . الاخ نقد هو من ابناء ناوا ويزاملني بالعمل ويعرف مدى معزة اهلنا بناوا في نفسى
ضف اليها انا ابن عمي متزوج من ناوا ( نصر الدين الطيب )
بعدين لم التجريح البنغالي برضو انسان وربما يكون افضل منا باعماله الصالحة وقربه مـن الله سبحانه وتعالى . فصـــــدت من هـــــــذا البوست الاشـــارةالى تجسيد قيم الالفـــة والمحبة بيننا كمسلمين ونبـــذ العصبية والتحيز لجنس دون الاخر ..
ود الباوقة
| |
|
|
|
|
|
|
Re: بنغالي يتزوج من ناوا .. (Re: ود الباوقة)
|
Quote: فصـــــدت من هـــــــذا البوست الاشـــارةالى تجسيد قيم الالفـــة والمحبة بيننا كمسلمين ونبـــذ العصبية والتحيز لجنس دون الاخر .. |
انت يا ودالباوقة جادى ؟؟؟؟؟؟
| |
|
|
|
|
|
|
|