|
|
|
 Re: الفنانة شروق علي مسرح نادي طيران الخليج- الخميس 1 مارس 2007 (Re: nazar hussien)
|
Quote: Ýí ÍÝá ÈåíÌ ááÊæÞíÚ Úáí ÇáÈæãåÇ - ÚÇÝíÉ ÇáãØÑ
æÓÊÕÏÍ ÔÑæÞ Úáí ãÓÑÍ äÇÏí ØíÑÇä ÇáÎáíÌ ÈÏÁÇ
ãä ÇáÚÇÔÑÉ ãÓÇÁ...
æÇáÏÚæÉ ãæÌåÉ áßá ÇáÇÓÑ æÇáÔÈÇÈ ÈÇáÈÍÑíä æÞØÑ æÇáÓÚæÏíÉ æÇáÇãÇÑÇÊ æÇáßæíÊ
 |
لا شك بأن الفنانة " شروق ابو الناس " لها صوت مميز ..
لكن الاخ نزار ..ورد خبر الحفلة ناقص..لأن نادي طيران الخليج ..موجود تقريبا في اغلب الدول التي ذكرتها..ففي اي دولة من هذه الدول ..سوف يقام الحفل..والتحية لك
| |
 
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: Elmosley)
|
الاخ القرير...
اوردت الخبر علي خلفية الخبر المنشور بمنتدي عكس الريح...وكنت اظن ان نادي طيران الخليج
عندنا نحن هنا فقط...وربما يكون بمسقط....فطيران الخليج الآن ما عادت...لدول مجلس التعاون
اما النادي القصود هنا فهو نادي طيران الخليج...بالقرب من وزارة العمل,,,بمدينة عيسي من
مملكة البحرين...وللقادمين عبر الجسر ما عليهم سوي متابعة السهم المؤدي لمدينة عيسي..عبر
جسر الملك فهد...سيقودهم هذا السهم لنادي طيران الخليج...
شكرا اخي القرير...للتنبيه...
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: nazar hussien)
|
| Quote: ومن السعودية الخبر والقصيم والدمام...أقرب |
يا نزار :
تحياتي..
والله لكن حشرتك للقصيم دي في نص المدن دي ضحكني شديد 
تعرف يا الحبيب دي زي لمن تكون بتتكلم عن حفلة في الخرطوم وتقوم تقول :
ناس امدرمان وبحري وبورتسودان هم الأقرب..
ياخ القصيم دي بعد الرياض بي 350 كيلو في الاتجاه المعاكس للدمام من الرياض اللي بتبعد برضو حوالي ال350 كيلو او 400 ..
يعني يا قريبك دي زي 600-700 كيلو
غايتو أظنك داير تجيب ليك زول من القصيم ساي
تخريمة :
شكراً للأستاذ الموصلي على الدعوة بس لو كلمتونا من بدري كان نسقنا وأخدنا الإجازة عشان أمشي افتح بوست في المسرح
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: Dr. Moiz Bakhiet)
|
Quote: يا نزار :
تحياتي..
والله لكن حشرتك للقصيم دي في نص المدن دي ضحكني شديد
تعرف يا الحبيب دي زي لمن تكون بتتكلم عن حفلة في الخرطوم وتقوم تقول :
ناس امدرمان وبحري وبورتسودان هم الأقرب..
ياخ القصيم دي بعد الرياض بي 350 كيلو في الاتجاه المعاكس للدمام من الرياض اللي بتبعد برضو حوالي ال350 كيلو او 400 ..
يعني يا قريبك دي زي 600-700 كيلو
غايتو أظنك داير تجيب ليك زول من القصيم ساي
تخريمة :
شكراً للأستاذ الموصلي على الدعوة بس لو كلمتونا من بدري كان نسقنا وأخدنا الإجازة عشان أمشي افتح بوست في المسرح
|
يا عمر الفاروق...اولا بركة الجيت بي جاي...
لكن تصور لي زي عشرين سنة مفتكر القصييم جنب الخبر...نعمنو اي سعودي يجينا هنا يقول...
جايي من القصيم القصيم...اصلو ما بقولوها مرة واحدة زي الكمسنجية...
ثانيا كلمناك من يوم الخميس...والخفلة فرصة طيبة عشان تسمع بي اضانك من قريب...
وانا متأكد حا تسحب البوست الخاتي في رأسك...
وبعدين معاك يا دكتور معز...نحن ندعو الناس يجو انت تقوم تقول ليهم بجيب ليكم
السي دي في محلكم...
الحفلة غير....والمكضبني اليجي...كان ما رجعناه طربان لا حولو...
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: nazar hussien)
|
سبحان الله يا نزار :
قبل يومين جاتني دعوة من صديقي المقيم بالبحرين (صديق بابكر) بمناسبة مولده الجديد وحضور السماية وكده لكن بس ربنا ما سهّل ..
لكن يا مان طالما الحفلة قريبة فانا حا أعمل زي الشماشة وأجي الدمام وأرخي أضاني زي لمن تكون الحفلة في الحارة 13 ونحن ناس ال14 ساكين الصوت ولمن نصل تكون إنتهت..
تخريمة :
يا بروف والله مرحبتين حبابك ومن أسة إنت مدعو يوم مفتووووووح في الرياض تحت ضيافتنا ..
ياخ لكن عليييييييييك الله أمبارح قوون كريستيانو رونالدو ده ما كيفك في حنانك ؟ والله انا لمن نططت زي العوير التقول مانشيستر ده عندي فيهو نص
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: عمر الفاروق)
|
مانشستر ده يا عمر كاسر فيني ضلعة عدييييييييييل كده
والعجب كرستيانو رونالدو
لكن لو شفت محمد ولدي مع مانشسر مباااااااااااااااااالغة
لما هو صغير شوية وديتو أولد ترافولت في زيارة
عارف دخل واتدردق في النجيلة 10 دقايق..
لكن المشكلة ولدي عمر
مهووووووووووووس بأرسينال
لأنو ساكن في لندن قريب من استاد الإمارات
وما عارف أعمل معهاهو شنو.. 
..
المهم تعمل المستحيل وتحنس الكفيل 
وتجينا في البحرين يوم الخميس للحفلة..
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: Dr. Moiz Bakhiet)
|
Quote: سبحان الله يا نزار :
قبل يومين جاتني دعوة من صديقي المقيم بالبحرين (صديق بابكر) بمناسبة مولده الجديد وحضور السماية وكده لكن بس ربنا ما سهّل ..
لكن يا مان طالما الحفلة قريبة فانا حا أعمل زي الشماشة وأجي الدمام وأرخي أضاني زي لمن تكون الحفلة في الحارة 13 ونحن ناس ال14 ساكين الصوت ولمن نصل تكون إنتهت..
|
صديق بابكر....(المدينة) صاحبك...؟؟؟ دي مش سبحان الله....وبس...دي سبحانه بكل اسمائه...
معناتا انت صاحبي لزم....لما تكلموا تاني ما تقول ليه صديق...قول ليه يا( مدن)...وهو
حا يتم ليك الباقي....يا زول ما عندك طريقة...تجي تجي...اما صديق فانا ضامنو ...
وشقة البلد تفتيحة...كان شقيت المرة دي لومني تاني كان قعدت هناك...
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: سمية الحسن طلحة)
|
Quote: نزار أنا جيت أسلم عليك بس...التحيات لله.
ومالك ماعزمت ناس عمان أطفرتهم وفتهم حوفاء
ولا عارف شروق جاتم هنا السنة الماضية
أوع يكون أشتكت منهم.
نتمنى لكم حفل ممتع. |
يا الملكة بنت الحسن....يسلمك الله من كل بلاء...
انت عارفة نحن ثقافتنا ثقافة ألبل...وصريمة...
وفي بالي...مسقط بعيدة علي بكاننا دا...
وراعي ساكت بوهد الناس الطريق ما بتلقي..
نعمنو الدنيا صحراء صقيعة تب...
وماني داير اعزم الناس عزيمة مراكبية...
ناس السعودية ...وقطر ديل ان ركبو حويشي صغير بصلونا...
اما ناس مسقط ...خفت عليهم من العنافي اب خبيبا حار...
وابدا ما سمعت بي جيتها ليكم في قطر...بل لم التقي بشروق
الا زي دقيقتين عاما اول...
لكن طالما لمتيني...يشيلك صنقورنا دا من فوق قبال البلد والحفلة...
وكذلك كل ناس مسقط...وبالمناسبة دي بدر الدين شناة وين؟
انا حا اجيك بي هناك في موضوع الطاقة العجيبة ديك بعد ما تسدري
بالموضوع ....مسافة ضحوة...
دا علما عجيب بلحيل...
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: nazar hussien)
|
.
والله عجبتني النقطة دي يا عادل سمير
لاني زيك حسيت لمان دخلت البوست دا انو مافي داعي لترويج اعمال فنان ممكيجة بالطريقة دي.. عايتو برضها ما عجبتي الا الكلمات الانيقة بتاعت د. معز وطبعا الموصلي رجل فنان وعظيم..
انا خايف الفنان دي بعد انتشار فنها تقول انا من الامارات ولا من القاهرة زي ما الفنانة جواهر قالت انا من منطقة جنوب اسوان يعني عايزة تبقى مصرية بالغصب.
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: محمد زمراوي عبدالعزيز)
|
الحبيب محمد زمراوي،
| Quote: انا خايف الفنان دي بعد انتشار فنها تقول انا من الامارات ولا من القاهرة زي ما الفنانة جواهر قالت انا من منطقة جنوب اسوان يعني عايزة تبقى مصرية بالغصب. |
المطربة شروق تعتز بسودانيتها لأقصى درجة
وقد اكدت على ذلك وبروح وطنية عالية في سهرتها الأسبوع السابق في قناة عجمان الفضائية وراديو الرابعة
| Quote: والله عجبتني النقطة دي يا عادل سمير |
بالمناسة مولانا عادل وضع النقطة لرفع البوست
وهو معانا في الحفل 100%
| Quote: مافي داعي لترويج اعمال فنان ممكيجة بالطريقة دي |
بالرغم من قناعتي بأنها مسألة شخصية بحتة كما أنني لا أفهم ولا أتدخل في ميكياج أي شخص لكن السبب في ظهور الصورة بالألوان الصارخة مما جعلها تبدو هكذا هو أن الصورة كانت بحجم أكبر من هذا بحوالي 10 ألف مرة لأنها صورة البوستر الكبير ولم تكن ألوانها صارخة هكذا بل في غاية الهدوء واللطافة كصاحبتها
وعندما ضغطت الصورة لتصغير الحجم تكثفت الألوان ونسبة للإستعجال لم أتمكن من تخفيف اللون والكونتراست ليتناسب مع التصغير
لك مودتي واحترامي الوافر
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: Dr. Moiz Bakhiet)
|
يا دكتور معز...
عليك الله لقيت اخلاق تشرح بيها لي زمراوي دا من وين؟
لو صبرت لي كنت حا اقول ليه مالك ومال مكياجها ان شاء الله تتلون بي صفيحة لون...
نحن فتحنا البوست دا عشان نقول هي حا تكون اخصائية مكياج ...؟؟
نحن ماشين نسمع...غنا...
وبعدين...حتي لو ما اعتزت بسودانيتها يعني شنو؟ كمان الغنا عندو جنسية؟
هسي بي اضنيك ديل مش بتسمع غنا غير سوداني من اي زول في الدنيا...
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: خالد المحرب)
|
Quote: نزار الشى كشكره ساهى مافى
حاجه غربيه مالك سمعتو والله جابو
ليك انا كان ركبت حمار ما بصل
فى ساعتين افو امانه ما اتلومت لوم
والله مانى قايلك بتنسانى ابدا
انا طولت خلاس مادخلت الموقع البوست
شفتو 5 صباحا 0 مع السلامه وده كلام زعل
اها الليله الاربعاء اخر يوم فى الجوازات
الجواز عند الراجل (الكفيل) ات قايل نحن زيكم |
يا زول انت بكشكرولك...الدار ما ياها دارك وانت كفيل رقبتك
ما تطق حمارك صوتين وتقطع الجسر دا...علي بالحرام انا كان
في السعودية دي علا اجي كل يوم وارجع...نحن هنا محجرين علينا
الدرب انتو مالكم...
تعرف بجونا ناس من عندكم يتمرنو معانا تمرين يوم الجمعة ويرجعو
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: خالد المحرب)
|
Quote: الجميلالاخ د المعز عمر بخيت تحياتى
والله متابعه جيده توضيح اكتر لكن
بينك وبينا يالعنافى قلعة ريرا
الطريقه كيفن
فتحتو شهيتنا لهذا الحفل |
بعد ما تعدي الجمارك البحرينية بتلاقيك اربعة مداخل عبارة عن بوابات عبور..كلها تؤدي لطريق واحد
بعد نصف كيلو من البوابات دي...انحني مع الشارع يمين واطلع فوق الجسر الطائر تاني براه بوديك
واسهلا ليك اكتر من ما تطلع من البوابات عاين قدامك بتلقي ناس ماشين بي فوق في شارع قدام عينيك
شوف الطريقة التطلعك معاهم بتلقي مكتوب الي الهملة...وتقول لي الدرب جاك زول...تاني بجيبك تووش في النادي لو عاينت بي يمينك من الشارع...النادي ظاهر قبل المعسكر.
| |
|
|
|
|
|
|
|
|
|
Re: الفنانة شروق علي مسرح نادي طيران الخليج- الخميس 1 مارس 2007 (Re: Dr. Moiz Bakhiet)
|
يا عمر الفاروق...الميم ما فيها فتحة فيها سكون...والمنطقة زاتا جميلة وفيها سكونين
يا نوسة الخريطة كالآتي:
تحومي لما تلمي في الطريق البوديك السعودية ...كان جاية من المنامة او المحرق..وتركبي الفلاي اوفر البوديك الجسرة والهملة...تفوتي الاشارة البتوديك الجسرة بعد داك الشارع بوديك
وكان جاية من الرفاع تعالي من سوق واقف...وكأنك راجعة جسر الملك فهد
في الحالتين النادي حا يلاقيك علي يدك اليمين اذا كنت جاية من ناحية البديع او اليسار ا1ا كنت
جاية من سوق واقف... وسوق واقف دا في مدينة حمد..
| |
|
|
|
|
|
|
| |
nazar hussien
Elmosley
Adel Sameer Tawfiq
Dr. Moiz Bakhiet
عمر الفاروق
محمد زمراوي عبدالعزيز
Muna Khugali
نوسة
شهاب الفاتح عثمان
فيس بوك
تويتر
انستقرام
يوتيوب
بنتيريست