|
لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج ..
|
الاســـــــــــم : .........
تاريخ الميلاد : 1980
مستوى التعليم : ماجستير ادارة اعمال – الولايات المتحدة .
المهنـة : سكرتير شخصي لسيدة الاعمال الاولي في المملكة .
الجنسية : ســــــــــودانية
وحاصلة على الجنسية الامريكية ..
مكان الســــــكن : حي السليمانية – الرياض
مكان العمل : حي العليا
شخصية جزابة للغاية ..مرحة .. تحب الحياة .. منطلقة .. مثقفة ... متفتحة ..
عزباء .. لم تتزوج من قبل ...
الوضع المادي جيد جدا (راتب 4000 دولار – مايعادل 15000 ريال سعودي)
متابعة جيدة للبورد .. ومعجبة بكتابات وافكار العديد من اعضاءه ..
شرطها الوحيد ان يكون المتقدم متعلم.. (جامعى ) ومافوق .. وان لايمنعها عن العمل .
شكليات الزواج السوداني ( دهب - شيلة - حفلة - بهرجة) لاتهمها وليس شرطا ..
وكذلك الوضع المادي ..
تفضل ان يكون المتقدم من اعضاء البــــــــــــــــورد ...
واضيـــــــــــــــف من عندي ..
انها .....
ملتزمة اخلاقيا .. (على ضمانتى)
جميــــــــــــــــــلة جدددددددا ........ (ابصم بالعشرة )
بالبلدي كدة ....... بنـــــت حربيــــة للديـن .
ساقوم بكتابة باقي سيرتها ... وباقي التفاصيل ... في حال وجود تجاوب ..
ملحوظة :
قمت بكتابة البوست .. بناء على طلب منها بذلك ..
والله من وراء القصد .
|
|
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: عادل فضل المولى)
|
يازول ماتأنث .... بغلط معاك ..
اعرب ليك التحتو خط فوق شنو ؟ انت بالشفع الخاتيهم لى ديل(الله يخليهم)لا تصلح .
بعدين .. الراتب دة ماضعيف .. لانه دة راتب اساسي بدون البدلات ..
ومع (بدل سكن - بدل سفر - بدل علاج - بدل لبس - اوفر تايم ... الخ ) بتاهبش في الـ 6000 دولار
وانت يا خوي .. خليك في مكاتلتك مع ام محمود دي ...
Quote: ما عندنا مانع نشاور أم محمود |
تشاورها يا كبيـــــــــر .. هاك الهرشة دى ..
ياخوي .. البوست دة موجه للشباب الغير متزوج ..
معتصم عمر
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: samo)
|
يا سامو بالله دي سيرتي الذاتية وساعدنا بواسطة كدا.
الاسم : معاذ حسن. الجنسية : سوداني. الحالة الاجتماعية:أعنس. الحالة النفسية: أحمق. الحالة المادية:فلس طيني. الحالة العاطفية: بكّاي. المؤهل العلمي: بكالريوس . المهنة: مثقف,شاعر. اللون السياسي: ليبرالي,راديكالي. الحزب: كاديما. برنامج تلفزيوني: وجه النهار. المذيع المفضل:أسامة الخليفة,محي الدين جبريل. المذيعة المفضلة: الأستاذة:سارة فضل الله.المذيعة:تباريح الهوى بقناة النيل الأزرق. الهوايات: النوم,مشاهدة الأفلام الأمريكية.المغالطة. الممثل: توم هانكس,الترابي, ليوناردو دي كابريو. المطربة: غادة حسن(نجوم الغد) نانسي عجرم ,نانسي عجاج,أم كلثوم الله يرحمها,سيلون ديون. المطرب: حسين شندك, حوته,ود السافل. السياسي المفضل:مجذوب الخليفة,عمر البشير.سلوبودان ميلوسوفيتش. الكاتب الصحفي:الطيب مصطفى.الفاتح جبرا. الخبرات: العمل في طاحونة لمدة شهر. العمل في تجارة العملة لمدة سنة. العمل في محل لبيع الملابس النسائية. اللغات: عربي سوداني,انجليزي, عربي مصري, عربي لبناني, عربي سعودي,عربي كيرلا. إقامة قابلة للتحويل.ورخصة قيادة. حسن المظهر وأجيد التعامل مع الجمهور.
*ملحوظة سبق لي دخول السجن لمدة شهرين. أها أنفع والا لا؟
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: معاذ حسن)
|
Quote: الاسم : معاذ حسن. الجنسية : سوداني. الحالة الاجتماعية:أعنس. الحالة النفسية: أحمق. الحالة المادية:فلس طيني. الحالة العاطفية: بكّاي. المؤهل العلمي: بكالريوس . المهنة: مثقف,شاعر. اللون السياسي: ليبرالي,راديكالي. الحزب: كاديما. برنامج تلفزيوني: وجه النهار. المذيع المفضل:أسامة الخليفة,محي الدين جبريل. المذيعة المفضلة: الأستاذة:سارة فضل الله.المذيعة:تباريح الهوى بقناة النيل الأزرق. الهوايات: النوم,مشاهدة الأفلام الأمريكية.المغالطة. الممثل: توم هانكس,الترابي, ليوناردو دي كابريو. المطربة: غادة حسن(نجوم الغد) نانسي عجرم ,نانسي عجاج,أم كلثوم الله يرحمها,سيلون ديون. المطرب: حسين شندك, حوته,ود السافل. السياسي المفضل:مجذوب الخليفة,عمر البشير.سلوبودان ميلوسوفيتش. الكاتب الصحفي:الطيب مصطفى.الفاتح جبرا. الخبرات: العمل في طاحونة لمدة شهر. العمل في تجارة العملة لمدة سنة. العمل في محل لبيع الملابس النسائية. اللغات: عربي سوداني,انجليزي, عربي مصري, عربي لبناني, عربي سعودي,عربي كيرلا. إقامة قابلة للتحويل.ورخصة قيادة. حسن المظهر وأجيد التعامل مع الجمهور.
|
Quote: حسن المظهر وأجيد التعامل مع الجمهور. |
جمهور ... ؟؟؟؟
للاسف ............لاتجيد التعامل مع النساااااااء ..
بي طريقتك دى ..اخير منك دكين بي سجمو ..
Quote: ملحوظة سبق لي دخول السجن لمدة شهرين. أها أنفع والا لا؟ |
بالللللللللللهي .. ابو الزمل ... سنة كم اتخرجت بالله ... احتمال نكون قرينا سوا ..اقصد اتحبسنا سوا .
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: معاذ حسن)
|
Quote: الاسم : معاذ حسن. الجنسية : سوداني. الحالة الاجتماعية:أعنس. الحالة النفسية: أحمق. الحالة المادية:فلس طيني. الحالة العاطفية: بكّاي. المؤهل العلمي: بكالريوس . المهنة: مثقف,شاعر. اللون السياسي: ليبرالي,راديكالي. الحزب: كاديما. برنامج تلفزيوني: وجه النهار. المذيع المفضل:أسامة الخليفة,محي الدين جبريل. المذيعة المفضلة: الأستاذة:سارة فضل الله.المذيعة:تباريح الهوى بقناة النيل الأزرق. الهوايات: النوم,مشاهدة الأفلام الأمريكية.المغالطة. الممثل: توم هانكس,الترابي, ليوناردو دي كابريو. المطربة: غادة حسن(نجوم الغد) نانسي عجرم ,نانسي عجاج,أم كلثوم الله يرحمها,سيلون ديون. المطرب: حسين شندك, حوته,ود السافل. السياسي المفضل:مجذوب الخليفة,عمر البشير.سلوبودان ميلوسوفيتش. الكاتب الصحفي:الطيب مصطفى.الفاتح جبرا. الخبرات: العمل في طاحونة لمدة شهر. العمل في تجارة العملة لمدة سنة. العمل في محل لبيع الملابس النسائية. اللغات: عربي سوداني,انجليزي, عربي مصري, عربي لبناني, عربي سعودي,عربي كيرلا. إقامة قابلة للتحويل.ورخصة قيادة. حسن المظهر وأجيد التعامل مع الجمهور.
|
Quote: حسن المظهر وأجيد التعامل مع الجمهور. |
جمهور ... ؟؟؟؟
للاسف ............لاتجيد التعامل مع النساااااااء ..
بي طريقتك دى ..اخير منك دكين بي سجمو ..
Quote: ملحوظة سبق لي دخول السجن لمدة شهرين. أها أنفع والا لا؟ |
بالللللللللللهي .. ابو الزمل ... سنة كم اتخرجت بالله ... احتمال نكون قرينا سوا ..اقصد اتحبسنا سوا .
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: النذير حجازي)
|
Quote: سامو، والله البت دي جدعة وأحييها، لأنو مشكلة الزواج فى السودان مامشكلة جمال أو مشكلة أخلاق ، المشكلة الحقيقية هي الترف فى الأفراح، وكل يوم زائد من سييء إلى أسوأ، وأنا بسبب محاربتي للعادة القبيحة دي حلفتا ما إتزوج سودانية، وكثيرون من الشباب حذوا حذوي، وإن شاء الله ربنا يتمم ليها بخير ويوفقها فى مسعاها. |
فعلا ... الشغلة بقت صعبة شديد ..وفي غاية التعقيد ..
والزولة دى .. جد كدة .. زولة يندر وجودها ...
بس يا اخوي حكاية ماتتزوج سودانية دى ماصعبة حبتين ..؟؟
السودانية زيها مافي ... وصعب تتعايش مع غيرها ... (ودة شي نسبي)
| |
|
|
|
|
|
|
دا كلام جد ما هو هظار (Re: عبدالرحمن عبدالله أبوشيبة)
|
Quote: كدي حنس بكري خليهو يغير ليس اسمك دة ..
واحد يسمى نفسو ابو فلان .. ويجى يعمل ليك فيها صغير وعاوز يعرس ...
ياخى انا بتخيلك كدة .. عندك (خمناشر ) شافع ...
جُــــــلك دة ؟؟؟ |
أخوي مالك علينا نحنا ناس أبو نورة و أبو الحسين و أبوعسل و أبو دقاشم ؟ يعني عشان نعرس إلا نقول لي بكري يغير أسامينا دي؟ يا زول نحن سُغار و دايرين العرس و ما بنغير أسامينا.. و بنريدكم في الله . تاني شنو آلحبيب؟
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: samo)
|
Quote: نايل وصلاح غريبه مالهم؟؟؟ممكن تفسر؟؟؟؟؟ |
والله يا هندسة أنا من أمس حارقني وداير أعرف قصدو شنو؟؟؟
لكن يبقى لي كدي... يكون قاصد مادام إني صاحبكم وإنتو يعني ماشاء الله عجائز!!! أكون مافي شك إني عِجَيِّز مثلكم ولة مُو كدي يا ملاسي!!!
موووووووووتك إن بقى عندك قصداً تاني غير دا!!!
مودتي... والبت خلاص خطبوها زي ما قلت ليكم وإتفضَّ السامِر... ويلة يا الزاكي تشرفنا بكرة على الكورنيش!!!
أبو الحســــــــين...
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: samo)
|
الصيد ظهر بعد ما رماحنا كملن وياسوما والله العرض مغر وبت براها تقول كايسه ود الحلال اكيد دى بت ماهينه خاصه فى الشعار المرفوع اليومين ديل فى السودان انوا العرس ياخفه بنات ياشده امات فهنئا لمن يتزوج هذه الشابه اولا لشجاعه طريقه اختيارها لعريسها وثانيا للمواصفات التى زكرت ويوم ما يتم المراد نحنا الكبر دخل علينا الحفله فى البرد ما بنقدر عليها الا العقد العصر حاضرنوا وما كلين بلحوا باذن الله تعالى
| |
|
|
|
|
|
|
Re: لعموم البورداب والزوار .. فــتاة سـودانية بمواصفات قياسية ( ولا أروع ) تبحث عن زوج .. (Re: samo)
|
خالد عب الله عبد الله الحبيب حيدر حسن نادر درار انعام عبد الحفيظ
ياشبيبة
سامو ده قرا نفسيات ناس السعودية وخاتها ليكم
قال ليكم 1980 عشان عارفكم حلومين وعايزين صبية بالرغم من انكمبلغتم ارازل اعماركم..
* وقال ليكم بي ماستر ادارة اعمال عشان مقتنع بانو اي واحد فيكم جا البلد دي متخيل انو حيشتغل ويحضر .. وجا هنا سجم امو ماسواهو خلي من يحضر.. (حرك فيكم التوق الى تلك المراة الصنديدة المدبرة العصامية التي فعلت ماعجزتم عنه)
* وقال ليكم راتبها 15 الف ريال عشان عارفكم فقرا ومقطعين..وديونكم فاتت السقف الائتماني (حرك فيكم نهمكم الدايم للقروش ا ماقادرين تجيبوها طيلة غربتكم البائسة دي)
* وقال ليكم امريكية الجنسية عشان عارف انو كلكم بي سلامتكم بتحملو بي الجواز ده وعايزنو يجيكم ساي كده ميتة من زوجتو عشان يقشر بيها قدام اصحابو ويداري خيبتو في دنيتو دي.... (حرك فيكم احلامكم بي بلاد يتساقط فيها الجليد وحانات مفتوحة اربعة وعشرين ساعة وعالمين بي تنورات قصيرة)
* وقال ليكم سودانية لانو عارفكم بعد فقركم ده ودناءة همتكم دي وعدم ثقتكم في روحكم متعنطظين ورجعيين وعايزين سودانية عشان تطمئن اليها قلوبكم الخاوية التي لايقين فيها..تتدخن ليكم وتتكبرت ليكم.. (حرك فيكم الحاجات اياها)
* وقال ليكم ساكنة العليا لانو عشان يكون منطقي ولانو عارف انو المواصفات اعلاه لو انطبقت في مخلوق فالمخلوق ده يابكون ساكن السماوات العلى يا بكون ساكن العليا.. (حرك فيكم وهم المنطق والذكاء الانتو مفتكرين روحكم عندكم منو الكتير وانو بس ظروف جابتكم البلد دي)
* وقال ليكم شغالة في العليا لانو البنغلاديش تم منعهم من دخول العليا بواسطة المراسيم الملكية المؤقتة قبل عشرين عاما.. (ماحرك فيكم اي شي لانو الحاجة دي عارفها انا براي)
* وختا ليكم شرطها الوحيد بتاع الجامعة لانو الانقاذ فتح الله عليها عملت طفطاشر جامعة وبقى من الصعب ماتلقى زول جامعي في البلد دي .. وانو اغلب الرعاة هنا خريجي جامعات محترمة..(حرك فيكم همتكم الجوفاء عشان تكتبو) ولانو بصراحة لوكان زاد مقدار خردلٍ في هذا الشرط لعجزتكم اجمعين..
* وقال ليكم الشكليات مابتهمها لانو عارفكم مابتقدرو على الشكليات القالها دي ..وده بشكل ليكم اغراء مااعتيادي (حرك فيكم خاصية تسؤل النساء(عايزنهامجاني))
وقال من اعضاء البورد
لانو عارف انكم اهل هذا البورد من هذه البلاد اهل فراغ وحلم وجوع وهمالةً.. (طوالي حرك كي بورداتكم)
وقال ليكم جميلة جدا عشان يبشتن حالكم ويخلي خيالكم يجمح كما حصين آل مكتوم ..وقد فلح ورب الكعبة..
وقال ليكم ابصم بالعشرة وليست الخمسة لانو لو قال بالخمسة لرجمتموه..
ماتتعبو ساي الموضوع ده مستحمي.. ومن الاخر كده ياشباب سامو فكاها في حنانكم ذاتو لانو بصراحة كده لو في بت بتقبض اكتر من 10000 ريال في الرياض دي كنتا اول من عرف.. ومن ثم تزوج..
| |
|
|
|
|
|
|
|