|
|
 بورداب وسط الهضبة الاثيوبية..اميرة الحبر والصحفي طلال...وانا..
|
مدهشا ورائع ويماذج الافكار ويسهل التعارف هو هذا المنبر ..!!
وعندما تلتقي باحد افراده في اي نقطة من هذا العالم تحس ان ما بينكم هو عالم ضخم ومعرفة
ذات الف عام وعام...
كان هذا شان الصحفية الرائعة اميرة الحبر والشاب العالي التهذيب طلال (ابونظارة)..
تلاقينا علي سفح تلال اديس ودار بيننا حوار رائع عن هذا الموقع الخطير وقضايا الصحافة
وكل القضايا السودانية...وكان اغلب الحديث عن قضايا هذا المنبر..!!
اكثر ما اضحك الاخ طلال هو سوالي عن بورداب الخرطوم..وعن حسين ملاسي بالتحديد عندما بادرته
(ياخ كنت تجيبو معاكم حسين ملاسي ده علي الاقل ناخد معاهو جكة في البلد المافيها اوكسجين دي)..!!
|
|
 
|
|
|
|
|
|
|
|
Re: بورداب وسط الهضبة الاثيوبية..اميرة الحبر والصحفي طلال...وانا.. (Re: اميرة الحبر ادريس)
|
مرحب اميرة
وسلامات..
بمناسبة الكمساري والبصات دي..
انا طبعا لاحظت انو الناس ديلك عندهم اربعة انواع للترحيل الداخلي في وسط اديس الكبيرة دي
1_ البصات العامة الكبيرة الماكنة ديك..وقالوا تبع الحكومة ورخيصة ..مدعومة يعني
2-حافلات وكلها لونها ازرق عاملة زي تكسي مدني ودي قطاع خاص
3_ تكاسي وبرضو لونها بشبه تكسي مدني(تقرب تقول للواحد فيهم وديني (ام سويقو) عليك الله
4-عربات شغالة (كيري) ودي معظمها مملوكة لنساء وبعض الطلبة الجامعيين وديل الواحد يعمل حسابوا
شديد في الحساب معاهم لانو ممكن يزيدوا ليك المحلبية بتاعة(البر) شوية لو لقوك (فاره) وراسك
مقطوع..
انا طبعا من ما جيت بحلم اني شغال كمساري في خط (ماركيتو) ومطلع راسي بره الحافلة
وبكورك (مركيتو كنجو..مركيتو كنجو)..
| |
|
|
|
|
|
|
| |
عبدالكريم الامين احمد
tmbis
اميرة الحبر ادريس
فيس بوك
تويتر
انستقرام
يوتيوب
بنتيريست