|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
قلنا نطلع شوية من الجو المسيخ.. دا ضرب دا.. دا فقع عين دا.. سلب نهب..مشانق مع العيد.. جو وخيم سخيم مظلم قاس..يأس..دا كضب في دا.. دا غش دا.. العالم ملتهب من جميع أطرافو..كذب غش.. تدليس يسود الناس ........ قلنا مع تباشير العيد نهدي نغم كدة حنيين.. ينغم الخواطر بالسلام والمحبة والوئام والفرحة شئ روحي يشد الروح والنفس ويبعد بها عن سخائم العالمين ونقائصهم
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
الصفحة الأولى في المنبر دا.. أصلو ما بتثبت.. دقايق موضوعك في الصفحة الأولى فجأة تلقاهو غطس تحت.. وغيرو مواضيع كل الناس الفي الصفحة الأولي.. ......... الصفحة الأولى دي بقت زي ميزان القطن.. ميزان القطن زمان في مشروع الجزيرة زمن الإنجليز تلقاهو معلق في شجرة وهو عبارة عن خشبة كبيرة فوق وتتدلى منها حبال ثلاثة من هنا وثلاثة من هنا كل جهة تمثل كفة.. ويختوا السنج الكبيرة فجأة نلقى كفة مع راس الشدرة فوق والتالية في الأرض ثم يضعوا القظن في الكفة التانية بس بعد مايجروهو عاملين الى تحت لينزلوا الكفة ديك الطلعت في راس الشدرة.. حاجة كدة زي نشل النبروية..( الشادوف) كمان يجروا الكفة يجيبوها ليضعوا فيها القطن والقطن طبعا خفيف.. عشان يعادل سنج الوزن يملأ الأفق وهو في الكفة.. الإنجليزي عايز يتخلص بسرعة عشان كدة يضع سنج كبيرة جدا.. وكل مرة يقلعوا يعلقوا في حواشة أخري.. الحواشة ممكن يوزن قطنها على وزنتين بس.. ........ أها هسه كل المواضيع الفي الصفحة الأولى تختس في لمحة بصر قبل ما يقروها الناس عديل وكضاب اللي يقول ليك قريتها كلها.. زي الأكل المامهضوم.. الأكل المامهضوم موش قاعد يسبب النزلات المعوية وغيرو وكدة.. ....... عشان مانهدر الطاقة والمعرفةوالباندوث والحشو كمان لازم الموضوع دا بكري يشوف ليهو طريقة كتاب كبار يكتبوا فجأة تلقى مواضيعهم زاغت من الصفحة الأولى وذهبت الى قاع المنبر بعد الصفحة العاشرة.. هو صاح يمكن حوالي خمسة آلاف عضو يتنافسوا على الصفحة الأولى صعب الصفحة الأولى تثبت ......... هسه فكروا معانا عايزين الصفحة الأولى دي تكون زي ميزان الدهب تحريكوا دقيق وقاس عشان يستفيدوا الناس عايزين الصفحة الأولى زي ميزان الدهب موش زي ميزان القطن نعمل شنو؟
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: د.أحمد الحسين)
|
صديق منصوري، تحياتي وكل سنة وأنت وأسرتك طيبون وإن شاء الله القابلة زي ما عايز، وشكراً على هذا العيدية المموسقة، وعليك الله يا منصوري عندي طلب عندك وهو طلب أغاني بلحن الدليب خاصة من أدائك وهي: 1) أنا من أعز ديارنا (الأداء ومعة كلمات النص) 2) سلام يعم يطوفك (بيوت الطين القديمي)، برضو الأداء مع كلمات النص 3) يارمال حلتا زولاً كان بوالفك يا حليلو، برضو الأداء مع كلمات النص ولك كل شكري وزائد إمتناني
وبخصوص ميزان القطن الإمام الشافعى قال فيها:
أما رأيت أن البحرَ تعلو فوقه جيفٌ --- وتستقر بأقصى قاعه الدررُ؟!
ولك كل محبتي وفائق إعزازي
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
دكتور أحمد تسلم على المرور والله وبعدان راودتني نفسي أن أكتب عنوان البوست( هاك قصيدتك البي تحبها يا دكتورأحمد) تاني عدلت في عنوان البوست وجعلتو عام.. ...... سبحان الله أنا أيضاً أحب من شعرك العرفاني قصيدة( الغاسلة) ولكني أحب أن أسمعها بصوت العميد كرومة.. لأنو بيأديها أداء رائع.. أما محاولات حفظها مني وأدائها قائمة..
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
منصورينا النذير سلامQuote: وبخصوص ميزان القطن الإمام الشافعى قال فيها:
أما رأيت أن البحرَ تعلو فوقه جيفٌ --- وتستقر بأقصى قاعه الدررُ؟! صدق الإمام الشافعي
|
تعرف يا نذير.. منصوري موقد نار دي أما سمعت عيسي بروي آخر تسجيل بالتلفزيون غير كلماتها.. أما كلماتها القديمة عندي رمال حلتنا أغنية خالدة سوف أحاولها لك وبيوت الطين القديمي.. مافي أجود من أداء عيسى لها.. سوف نلبي طلباتك نسأل الله يتوفر ليها زمن.. نطلب منك بس مهلة شوية
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
النذير حجازي ليس غريباً أن تجرك تجيبك قصائد القوم والشيخ الجيلاني سابق الياء.. ما إنتو برضو عترة صالحين مشهود لهم حتى خارج المنطقة وجدكم الكبير ودحجازي كان لايدس كراماته ويعرف كرامته الظاهرة الغاشي والماشي ولذلك ظلل يتكرر إسم حجازي لآخر عترتكم وبنيته ومزاره في قرية( السادي) ( السادة) بالمناصير يزار.. وأنت طبعاً بتعرف ليه سموهو التور ود حجازي أما سمعت المنصورية التي قالت في والدنا في عام1968 حينما سهل سبل المواصلات للناس وجاب لنش كبير ليقلهم من جزر المناصير المختلفة الى محطة الكاب قالت فيه ود حجازي التور الأغر تحفظوا وترعاهو من شر خلوا للحنوني البحر عمرو لى خاتر ماكسر سواا درب اليوم الشهر جيبو لى ناويين السفر حس مكنتو تجيب لي الظهر ........... الغريبة هذه المرأة يا النذير أيضاً من قرية السادي ............. بعدين ظل يتردد اسم ودحجازي في كل شعراء المنطقة عادل السيد عندو أغنية كدة يقول( المثبت قرنو في السادي) يقصد ودحجازي.. سلام مربع يا نذير
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: الرشيد شلال)
|
Quote: سوف نلبي طلباتك نسأل الله يتوفر ليها زمن.. نطلب منك بس مهلة شوية |
حبيبنا صديق الأغر تحفظوا وترعاهو من شر وعمرو لي خاتراً ماكسر
تسلم والله يا قريبي، ولك ملء الأرضين شكراً على تلبية طلبي ومدح أجدادي الكرام، والشكر موصول أيضاً لأخت الشهيد منى على التثنية والتصويت، ولكلما كل حبي وفائق إعزازي، وفى إنتظارك، وبالمناسبة يا صديق أنا إحتمال كبير أجيء إستقر بالقرب منكم فى إحدى البلدان العربية، وسآتي لزيارتك وسآخذ منك إن شاء الله ال "Hard copy" من أغانيك باليد، وح إتلحك كمان فى عطلة كل إسبوع
| |
|
|
|
|
|
|
Re: الشيخ عبد القادرالجيلاني كلمات لحن وأداء صديق منصوري.مموسقة (Re: منصوري)
|
شكرا عمر على المرور من هنا.. والكلمات الطيبة وشكرا الرشيد على هذه الإستنارة الرشيد.. أو إبراهيم الرشيد.. كان ينافس محمد المجذوب ومحمد عثمان الختم الأكبر على درجة التلميذ الأول للشيخ ابن إدريس المغربي.. فريد عصره الذي استقر بمكة واليمن المهم الثلاثة الأوائل من تلاميذه وعددهم ملايين.. وهو يدرس التوحيد والفقه والسلوك في التصوف بالحرم المكي ويدين له وقتها كل العالم الإسلامي من مشرقه الى مغربه.. المهم ابن إدريس بهذا الوضع الرفيع كان أوائل طلبته هؤلاء الثلاثة الأعلام.. وكلهم كانوا منارات هدى.. المجذوب نور الدامر ومناطقها كلها.. والختم الأكبر ماخلى حاجة لى غيرو وقتها.. وابراهيم الرشيد البديري الدهمشي نور ديار الشايقية والمناصير والمحس وجزر أمري كلها.. وقال الشيخ حاج الماحي فيه الطريقة أحمد أساسا والرشيد يعرف لباسا ناسا كمل في الفراسه والعلوم رسخت في راسا ....... الطريقة الأحمدية شيخا ما بسب البرية يشهد الله العليا ماشي فوق أثر النبيا ...... البحر بحر المحبة أصولو نوراً فوقو قبه يا الرشيد هات منو شربه .......... ياشيخ الرشيد تسلم كل هذا الكلام جابو اسم الرشيد..
| |
|
|
|
|
|
|
|