|
|
 سرقة العام .. عام السرقة !
|
يمكننا ان نطلق أي من الاسمين علي العام 2007 القادم ، الذي سيسرق كما سرقت الأعوام السابقة له ، كما انه هذا العام سيكون عام السرقة في السودان ، أي الاكبر من حيث حجم السرقات التي ستتم فيه . و بكل تأكيد فان ما حدث في الاعوام السابقة من فساد و سرقة ستتقازم و تتضائل امام ما سيحدث في العام القادم من فساد و افساد متوقع لجملة اسباب و وقائع حدثت تبشرنا بذلك .
اول اسباب تفرد العام بهذين الاسمين تباشير ميزانيته الجديدة ، حيث اننا مبشرين من قبلها بان 75% تقريبا من بنود الصرف الميزانية لهذا العام ايضا كسابقاتها ستوجهه للامن و الدفاع كما اعتدنا ، و لا يخفي ابدا حجم الفساد المستشري في هذه الاجهزة و بالذات وسط جهاز الامن ، اذ لا يكفي هذه الاجهزة ( الامن ، القوات المسلحة ، اجهزة الداخلية ) الشركات المشبوهة التابعة لها ، و منافستها للناس في ارزاقها اليومية ، و لا يكفيها بؤر الفساد التي تديرها و تمتلكها بدعوي تمويل نفسها ذاتيا ، و المستغلة لمصالح المحدودين من كبار منسوبيها ، فانها ستستحوذ ايضا علي هذه النسبة العالية من بنود صرف الموازنة . اذن سيظل الوضع الفاسد القائم في هذه الاجهزة كما هو عليه اذا لم يزداد سوءا على ما هو عليه من سؤ ، و يتطور الي اساليب جديدة تلائم عام السرقة المتوقع ، و بذلك نضمن ان نسبة ما لا يقل عن 25 % من الميزانية ذاهب الي جيوب كبار المنتسبين للأجهزة الثلاث ، و هم المحصنين اصلا ضد أي مساءلة او حساب .
اما السبب الاخر و المتعلق بالميزانية نفسها فهو اعلان ان العام القادم هو عام الخصخصة ، و لا تعني الخصخصة في السودان باية حال تلك الآلية الاقتصادية التي يتم بموجبها تحويل ملكية القطاع العام لشركات و مؤسسات مالية او خدمية حيوية فيها الي ملكية القطاع الخاص ، بقدر ما تعني سرقة تلك المؤسسات و الشركات بالقانون . فاذا كان العام هو عام الخصخصة فذلك يعني انه عام السرقة بدون شك .
ثالثا الفرق الشاسع بيع اسعار بيع العملات الاجنبية و اسعار شرائها و الذي عادة لا يتجاوز 0.75 % في الاقتصاديات العادية ، فانه يصل في حالة السودان الي ما يقارب ال 5.5 % ، و هذا مصدر آخر جديد من مصادر السرقة و النهب القانوني لا ادري كيف تم اكتشافه و من هو مكتشفه ، فانفتح علي آخره في هذا العام و من المتوقع ان يستمر بتوسع اكبر في العام القادم حسب تباشير وكيل وزارة المالية الاخيرة . كما ان استمرار الارتفاع في سعر العملة المحلية مع بقاء الاسعار كما هي عليه ان لم ترتفع هي ايضا احيانا في بعض السلع يُدخِل مداخيل اخري زائدة بغير استحقاق الي فئة المستنفعين من تجار الدولة المحدودين و المسيطرين علي مفاصل الاستيراد و التصدير ، فارتفاع اسعار السلع المستوردة رغم هبوط اسعار العملة الاجنبية مع وجود التفضيلات الجمركية لهذه الفئة من التجار يضاعف من هامش الارباح المرتفع اصلا الي اضعاف لم يتوقعها التجار انفسهم ، عليه يمكننا تخيل حجم الفساد و الدمار الذي ينتظر الاقتصاد هذه السنة .
السبب الرابع لدعوة العام 2007 بعام الفساد هو القرار الذي يعد الآن لينزل إلي ارض التطبيق مع بداية العام الجديد و القاضي بتحريم استيراد السيارات الخاصة و لو بصورة فردية للاستخدام الشخصي لأي كان ( مع عدم استبعاد وجود استثناءات خاصة ) ، و الزام من يريد شراء سيارة خاصة من الافراد العاديين بالشراء من الوكالات المحلية و بالاسعار التي تروقها ، مع العلم بفارق السعر الهائل و الذي يصل في بعض الانواع و الموديلات الي 50% من قيمة السيارة مقارنة مع اسعارها في دول الخليج ، و مع العلم ايضا ان سعر السيارة من بلد المنشأ في بعض الانواع و الموديلات تباع لوكلاء البلدان الفقيرة كالسودان باسعار اقل من الاسعار التي بها تباع لوكلاء دول الخليج و دول العالم الاول ، و ذلك مراعاة لمحدودية الدخل و للاختلافات في المواصفات المطلوبة . و بذلك نُبَشّر باقفال باب من ابواب تلافي اثار هبوط العملة الاجنية لدي المغتربين و فتح باب آخر لافراد آخرين لا يتجاوزون العشرة يزادوا به فسادا و ثراء علي ثراء هم ليسو في حاجة اليه .
اما استمرار التمويل الغير محدود من البنوك لعناصر بعينها بدون ضمانات كافية ، او أي ضمانات احيانا ، مع انعدام أي نوع من انواع المحاسبة و الرقابة لهذه الاموال و استمرار الفساد المستشري في القطاع المصرفي و ديوان المراجع العام و ادارة المخزون الاستراتيجي و غيرها من القطاعات و المؤسسات الاستراتيجية ، فانه يعزز و بثقة فرضية عام الفساد المتوقع .
هذه بعض من الاسباب التي اما ان يكون لجانب حزب المؤتمر الوطني من الحكومة يد مباشرة فيها ، او انه يغاض الطرف عنها لانها تتم عن طريق كوادره التجارية بمعرفته و مباركته .
|
|
 
|
|
|
|
|
|
|
|
Re: سرقة العام .. عام السرقة ! (Re: حمد فتح الرحمن)
|
هناك سبب رئيسي آخر زاد في حجم الفساد المنتشر و يتوقع ان يساهم في انتشاره اكثر ، و هو ابتلاع الحركة الشعبية لوعود قائدها السابق بملاحقة الفساد ، و الكشف عن المفسدين و محاربتهم ، و ليت الامر قد اقتصر علي ابتلاع الوعود وحده بل وصل الي درجة الهمس او التحدث صراحة عن سقوط بعض القادة في الوحل نفسه ، و ان كوادر المؤتمر الوطني الفاسدة قامت بشراء ذمم كوادر الحركة القابلة للفساد ، و بذلك ضمنوا استمرار الوضع الحالي علي ما هو عليه ، و ضمنوا التورط و عدم المحاسبة و الصمت من الجهة الوحيدة التي كان يمكن ان تقوم بنوع من المحاسبة و كشف الفساد بعد الاتفاقية ، بصفتها شريك في الحكم بنسبة مقدرة ، و لها القدرة و الامكانية علي الاطلاع علي جزء غير بسيط من الملفات و المستندات الخاصة بقضايا الفساد بحكم وجودها في السلطة . و حال الجنوب و الجنوبيين بالشمال و الجنوب ، و سكوت الحركة عما يحدث ، هو ما يؤكد هذه الاشاعات و يوصلها لمرحلة الحقائق التي كنا نخشاها ، و يسقط اخر امل في خنق الفساد و محاربة السرقة كنا ننتظره .
اما بقية الشركاء الاخرين في الحكم فان تاريخهم لا يبشرنا بانهم افضل حالا من غيرهم ، و ان شراء ذمة البائع منهم لا يحتاج لكبير جهد ، او لكثير مال فهم اسهل من غيرهم و لا حاجة لان يبذل كثير جهد فيهم . عليه فان شراء هذه الذمم و اسكات الاصوات التي كان عُوّّل عليها ان ترتفع خلال العامين السابقين هو ما سيفتح الباب علي مصراعيه للسرقة خلال العام القادم دون خوف من رقيب او حسيب .
اذا كنت منعدم الضمير و مسنود من بالسلطة المطلقة ، و السوق امامك مكشوف تماما ، و تستطيع استصدار القرارات الادارية وقتما تشاء و كيفما تشاء ، و فوق ذلك لا تخشي من محاسبة مجلس الشعب المفترض او معارضيهم ، و امامك البنوك فاتحة خزائنها علي مصراعيها بالمال ، بالله عليك ماذا ستفعل ان لم تنهب و تسلب بيديك و رجليك و فمك و اذنيك ؟ .
و عليه فعلي نسق ما حدثتنا به الادبيات الكيزانية بان العام 2002 كان عام الفيء ، و كان العام 2000 هو عام المفاصلة ، و سمي العام 1999 بعام البترول ، و اعتقد ان العام 1995 هو من سمي بعام التمكين ، فان العام 2007 سيسمي بعام السرقة عن جدارة و استحقاق . و باعتبار ان العام بعد القادم 2008 سيكون عام الانتخابات فاعتقد ان الخط السياسي لحزب المؤتمر و غيره سيعتمد علي محاولة كسب ثقة الشارع و الظهور بمظهر المحارب للفساد ، و سيكون هناك توجيه واضح و صريح للكوادر الاعلامية بالعمل علي تسليط الضوء علي بعض بؤر الفساد ، و محاولة التخفيف و الحد من حجم السرقات لكسب الانتخابات .
اذن سيسرق عام اخر من اعمارنا كما سرقت قبله اعوام و اعوام .
| |
|
|
|
|
|
|
|
|
|
Re: سرقة العام .. عام السرقة ! (Re: nazar hussien)
|
الاخ نزار
تحياتي
من اعماقي اتمني الا يحصل ، و لكن يا عزيزي ليس هناك سبب يمنع ، فوكيل المالية ينفي انتشار الفساد في مغالطة سمجة للواقع ، و يبشرنا بان عملتنا ستقوي امام الدولار ( دليل عافية ) علي حد زعمه و مغالطته اخري للواقع ، و الميزانية لا تختلف عن سابقاتها و تبشر باللجؤ لبند التنمية في حالة الطوارئ ، و ...
بس ان شاء الله يكون العام 2008 عام الانتخابات احسن حالا ، و تتجه الحكومة و لو من باب النفاق الانتخابي الي محاربة جزء من الفساد .
| |
|
|
|
|
|
|
|
|
|
Re: سرقة العام .. عام السرقة ! (Re: DKEEN)
|
شوف يا دكين
بالعربي الفصيح كدا
موش انتا عايز تشتري اكسنت توديها السودان !!
كوتا حتشتريها بي كم ؟
قول 16000 صاح ؟
يعني 8400000 مليون بي السوداني صاح ؟
حتدفع جمارك 6000000 يبقي الاجمالي 14400000 جنيه مظبوط ؟
زيد ليها ما عارف مصاريف شحن باخرة و مصاريف طريق و رسوم حاجات كدي يتلحق معاك زي 2000000 و شوية تبقي كلها واقعة معاك بي 16 ونص تقريبا .
نفس الحديدة دي و نفس الموديل و اللون بعد يوم واحد الجايي دا تاني الا تشتريها من السودان لانو حيطلع قرار منع دخول العربات الصغيرة دي ،
و سلفا انتا عارف في فرقة بين اتنين مليون لي تلاتة و يمكن اكتر بين اسعار هنا و السودان
احسبا من ناحية تانية !!
اسة ال16 مليون و نص دي تساوي كم الف ريال ؟
قول لو ادويك اعلي سعر لانها كمية كبيرة بتحولا و كدا بتساوي ليك 30500 ريال ، اذا قونا بي سعر 540 اوكي ..
طيب لو اشتريت بي التلتين الف خمسمية ريال دي عربية و مرقتها بي هناك و بعتها بي طمنطاشر مليون بس مع انها ممكن تجيب ليك اكتر يكون الريال وقع ليك بي كم ؟
الريال يا سيدي يكون واقع معاك بي 590 جنيه !!!
يعني عندك فرقة بتاعة خمسين جنية في كل ريال ..
يعني كل ريال لميتو و ادخرتو اكلوك فيهو خمسين جنية يا حبة ...
يعني تكون اتاكلتا في حالتين
الحالة الاولي انك مضطر تحول الريال بي سعر اقل من سعرو الحقيقي !!
و الحالة التانية انك حتشتري حديدة بي اعلي من سعرها الحقيقي لانو الهونداي الاكسنت الكان سعرها في السودان تمنطاشر حتبقي بي عشرين مليون !! و لاحظ انها في السعودية الفيها دخل الفرد ( غير الاجنبي ) السعودي يعني مرتفع نفس الحديدة دي تتباع ليهو بما يعادل 84000000 جنية يعني انتا ماكول ليك زي 12000000 جنيه 8000000 منها دي من الحكومة و زي 4000000 منها من تجار الحكومة .
وقع ليك يا فردة ؟؟؟
عليه يا دكنز العزيز انتا باقي ليك يا سيدي خمسة ايام و كم ساعة كدا تمشي الحراج تشتري ليك حديدة و تلحقا الميناء سررريع و تمرقا بي هناك و الا يكون القرار ركب فيك ركب فيك .
| |
|
|
|
|
|
|
|
|
|
Re: سرقة العام .. عام السرقة ! (Re: حمد فتح الرحمن)
|
ياحمد ياخوي
يوم الجمعة سمع اضاني دي في قناة قطوف السوداتية
وفي برنامج عن ميزانيةالعام الجديد
في اتصال هاتفي مع مدير الجمارك قال انو حسب الربط الجديد المطلوب من مصلحة الجمارك من قبل وزارة المالية فانوحتكون في سياسات جديدة مع المواصلة في التخفيض التدريجي لي الجمرك لي لي كافةالسلع..
وانوحتكون في زيادات لي السلع مثل الاثاث وحاجات تانية كده ما بتذكرها..
طبعا احتمال يكون في زيادات جمركية من شهر 3 وارد
بس عشان يغطو الربط الجديد الاكثر من ربط السنة الماضبة فلازم يحتفظو بي مورد جمرك السيارات..
مااظن الناس دي تقنع من الدخل ورا العربات..
اهو كل مرة بجيواحد زيك يمرق ليهو اشاعات زي دي بدون اي منطق علمي
يكون بس جاي ليهو من قعدة ومصلح مزاجو ..
وماعندو موضوع
وفجاة اتذكر انو خريج اقتصادولازم يكتب شي عن الميزانية الجديدة..
من ناحية تانية
انا قررتااني اشتري جاغوار يا حبيب..
جاغوار جيب..
| |
|
|
|
|
|
|
|
|
|
Re: سرقة العام .. عام السرقة ! (Re: DKEEN)
|
ديكو انتا جاغوار شنو البتشتريه يا حبيب
و الله انتا تاني جريو وار ما تشتريه
اقول :
بالمناسبة كلام السيارات دا ما من اي قعدة ولا من بنات افكاري !!
الكلام دا جد جد و رسمي
و اكان ما مصدقني امشي اسال القنصل
القنصل دا بكضب ؟
ولّا قاعد يغشنا ؟
ما تجي تقول لي سالتا قريبك الفي الجمارك داك
امشي اسال القنصل الجمبك دا ، و اذا ما قال ليك ايوه في قرار زي دا تعال قول لي انتا قوتا شنو .
قال مورد العربات قال
يا حبيب مورد جمرك العربات منو القال ليك حيتقفل ، العربات حتخش البلد حتخش البلد ، بس موش عن طريق الزيك المساكين ديل .
العربات دي يا حبيب حتخش عن طريق ناسا و لّا وكالاتا انتا ما عليك الّا تمشي تشتريها من جوة السودان بي السعر العلي مزاجم بدل ما تشتريها من برة السودان و تستفيد ليك من فرق قرشين .
و اها ممكن في الحالة دي يرفعو جمركا كمان عشان يغطو الربط زي ما انتا قلتا ، موش في النهاية انتا الحتدفع الجمارك ، في زول فيهم حيدفعا نيابة عنك ؟
| |
|
|
|
|
|
|
|
|
|
Re: سرقة العام .. عام السرقة ! (Re: حمد فتح الرحمن)
|
اقول ليك مدير الجمارك تقول لي القنصل
القنصليات دي بتاعة تاشيرات وشؤن مواطنين موش ميزانية دولة وجمرك..
يا انتا عنك لبس في المسميات يا سعادة القنصل عندو لبس في الاختصاص..
بعدين ياخي لو سرقونا مايسرقونا؟؟
حكومتنا وسرقتنا..
فيها شنو..
دي على وزن مقولة عماد عبد الله
نسوانا وبياكلونا..
| |
|
|
|
|
|
|
|
|
|
Re: سرقة العام .. عام السرقة ! (Re: DKEEN)
|
Quote: دي على وزن مقولة عماد عبد الله
نسوانا وبياكلونا.. |
اول حاجة دي مقولة استاذ السني ما تغالط ساكت , عشان ما تاكل حقو الادبي جنكم بقي ماكلة .
بعدين مدير الجمارك دا موش الكان مرة جابوهو في قناة النيل الازرق يسب و يشتم و اتفضح في المنبر دا و لّا غيروهو ؟
طيب يا بتاع مدير الجمارك انتا لمن القرار دا يطلع ، امشي قول ليهو انا كوتا قايل الود حمد دا بكضب و عايز يفكها فينا .
عليك الله دخل لي عربتي دي
شوفو حيقول ليك شنو !!
| |
|
|
|
|
|
|
| |
حمد فتح الرحمن
nazar hussien
فيس بوك
تويتر
انستقرام
يوتيوب
بنتيريست