|
Re: أكاديمية نجوم الغد الثقافية الفنية (Re: الطيب اسماعيل)
|
العزيز الطيب اسماعيل
اشواقنا تشتاق ليك و تسال عنك طبعاً نحنا محرومين من اشراقات قناة النيل الازرق لكن اهو الشباب ما بقصروا بحكوا عن طرف منها و بعرضوا طرف اخر. الاستاذ بابكر صديق زول مسكون بالابداع و برنامج محراب الاداب و الفنون بتاع تلفزيون الجزيرة الاقليمي بعتبره من اعظم الاعمال التلفزيونية السودانية علي الاطلاق،، و الفترة ديك كانت مدني عبارة عن منتدي ادبي و ثقافي و معرفي ممتد و الفضل في دا امثال بابكر و عبد الرحيم سرالختم و الشاعر محمد محي الدين و اسماء كثيرة عظيمة. كنا في مدرسة السني الثانوية نحظو بنشاطات تضاهي نشاطات الجامعات و دا انعكس في احتكار السني الثانوية لكأس الثقافة في الدورات المدرسية علي مستوي الولاية و المستوي القومي،، الاعمال المسرحية كان يكتبها و يسهم في مراحل انتاجها المبدعين الذكرتهم ديل اضافة لاساتذة المدرسة بقيادة استاذ الفنون بشير زمبة و استاذ اللغة الفرنسية الكنا بنسميهو بشير اتخيفي،، الممثلين كانوا شديدي الموهبة و ما اظن اني شاهدت ممثل سوداني بعظم موهبة زميلنا معتصم الشايقي و من نجوم التمثيل ايضاً ناجي حسن. استاذ بابكر صديقي في برنامج حروف و انامل اهتم بالمواهب في مجال الرسم و الشعر و الان في مجال الغناء اتمني أن يلتفت لمجال الدراما و هو كما ذكرت ليس غريباً علي هذا الفرع الابداعي و الدراما عندنا مأزومة ليتهو يوليها اهتمامه.
|
|
|
|
|
|