|
هـلا..هـلا... الواحد باقي لو فرد سنية ويتم اربعين
|
هلا...هلا... الواحد باقي لو فرد سنية ويتم اربعين سنة...والله يا جماعة ايام مافي....داك الليلة بظكر ايام كنت بمشي الروضة وأبلة نوال كانت تدرسنا وتدينا اللناشيد...وصحباني ناس لوئ وهيثم والجاك الجاك دا جانا بالغلت بعدين انتو قايلين ما رفدوهو..... رفدوهو ابله نوال قالت ليهو يا يغيرو اسمك اليجيب القطايع دا يا نرفدك..ابوها قال ما بغير اسم الجاك اصلو متباخت بو....قال من يومو الولدوهو لي يوم الليلة مافي غنماية عندو جابت لها فردة غنمو تبارك الله كلها تتاوم تلد اتنين اتنين وان خلاص بخلت تلد واحد ونص......بعد اسبوع ونحن قاعدين عند اهلنا ونعاين في برنامج اللطفال... واشوف الجاك يرفع ايدو ويجاوب المذيعة لما سالتو عن الغلوتية" احمر بلو.... في امك غزو"...قالت لو يا الجاك اساعدك" اول حرف في الاجابة بالزين"..الجاك ما كضب ورماها ليها رميت السواد والرماد.. والمذيعة مسيكينة تقصد الزمام..... والتفلزيون قطع الارسال واعلنو حالة الطوارئ. ولما رجع الارسال ساعتين شغال مارشات عسكرية....والحكومة نكست العلم تلاتة ايام....وفي ضمتم قالو تلاتة وتلاتين مرا حامل كانو بيشوفو في البرنامج دافقن...واربعتاشر ود طهور طهارتهم اتفرتقت..علا لتقوها ليهم تاني... شفتو عليكم النبي الجاك دا صاط البلد كيفن؟ ... الصعلوج بركة الرفدوة... حسي كان علمنا قلة الللدب." القصة مشهورة".....الروضة لي حسع بتظكر اسمها اسمها روضة البراعم البرئية لصاحبتها نوال ...... كنا وقت نمرق من الروضة نمرق نضااااااف.... يلاقونا الولاد الشماشة..... والله كان فيهم واحد ديمة حالق صلعة.. وراسو فيهو دوائر دوائر......ويختف مننا شندوشتات البيرقر...ويقوم جاري.....حدست مامي بالدواير الحلوة الفي راس الولد دا.. مامي قالت لي يكون لابس طاقية جلد نمر....وقعدت ابكي داير لي طاقية زيو....بعدين بعد كبرت عرفت انو الولد دا كان عندو قوووب.....كان بيلبس عراقي دمورية وباتا بنية...وبيسف الصعوط....
يا اخونا لو في أي زول قرا في الروضة دي في نهاية الستينات يحدسني يمكن نطلع دفعة.... عشان نجي نجدع ونجتر الزكريات........
|
|
|
|
|
|
|
|
Re: هـلا..هـلا... الواحد باقي لو فرد سنية ويتم اربعين (Re: سجيمان)
|
سجيمان !!!!
دة كلام شنو دة ؟؟ من قبيل أقرأ و ما فهمت حاجة يطرشنى
حاولت أربط الكلام ، أول شى إنت فضل ليك سنة و تتم الأربعين ، يعنى مولود زى حلاتى كدة (يا 68) يا (67) موش ؟؟ و كيف الروضة دخلتها (آخر الستينات) دى روضة شنو دى البودوا ليها الزول و عمرو سنتين تلاتة !!!!!
و ماما نوال ، و "سفة" يتلمو كيف ديل !!!!!!!!!!!!!!!!!
ياخى أظنها دى "خطرفات" ألأربعينات الله يكفينا شرها ياخى
أنا غايتو فضل لى 6 شهور و نيف و ببقى أربعين، بس بحاول أعمل فيها " و لا يهمنى"
| |
|
|
|
|
|
|
Re: هـلا..هـلا... الواحد باقي لو فرد سنية ويتم اربعين (Re: سجيمان)
|
فرصة أفك عقدة الروضة. ربما كنت فى الثالثة ,كانت الشغالة بتوصلنى للروضة فى بحري,وأيام تفكنى عكس الهواء ,الروضة فى مركز شباب بحرى,كانت فى لعبات ملونة كرات بها أخرام وعصى صغيرة-ومستطيلات ترص على بعضها,وزحلقانية فى الفناء,أها نجى للعقدة.كنت أقف فى طابور الصباح وكان تفتيش الأيدى,على يساري زميله تحاول أن تخبي ظفورها عن حملة التفتيش مما لفت نظرى للمح طول ظفورها,ولكن للأسف كانت أختها التى تكبرنا ربما بعام ونيف هى من أختيرت لتخرج المخالفين ,فتلاهت عنها وأخرجتنى.وطبعا أكلتها فى حنانى مامكن أفتن بت. مرت سنوات وإذا بى أشك فى زميلتى بالجامعة ,بأنها هى التى تحابت على أختها.سألتها عندك أخت أصغر منك مباشرة,ردت بالإيجاب.سألتها إنتى قريتى آى روضة.بهتت من السؤال وقامت من جنبى.وربما قالت فى سرها :ـ العوير دا إلا يزرعو.
كانت مسأله حياة أو موت بالنسبة لى,لكنها قتلت السيناريو .وساعدها فى ذلك حساس محمد حساس فى كتاب سلامات .بقصة من ينفى عنه الجنون بتوضيح نوع عمله كباحث فى شئؤن الصراصير.
...................................................................... التحية لزملائى وزميلاتى فى الروضة وتحياتى لرجاء مدرستنا فى الروضة فقد وجدت إيصال به إسمها. والتحيه لك أخى سجيمان ,ومتعك الله بسنى عمرك وجعلها مباركة وأمد فى عمرك
| |
|
|
|
|
|
|
Re: هـلا..هـلا... الواحد باقي لو فرد سنية ويتم اربعين (Re: عزيز عيسى)
|
عزيز عيسي
Quote: والناس السمعوها لما شافوا التلفزيون عمل (شششش) قفلوا التلفزيونات بسرعة.. وقالوا لأهل البيت الكهربا عايزة تخرب التلفزيون.. سوها في الكهربا والجاك كان السبب. |
اصلو الجاك السواها رقدت مقالة....لكن مش بالله الحمد لله الرفدوهو من روضتنا؟...كان بوظ اخلاقنا
| |
|
|
|
|
|
|
Re: هـلا..هـلا... الواحد باقي لو فرد سنية ويتم اربعين (Re: سجيمان)
|
سجيمان/ حبيب الكل
سلامات .والله انا بوستاتك بفتشه تفتش.
إنت راجل ظريف
ألذ شى والحمدلله بنتى ألأولى فى ألجامعه سنه تانيه وكل ما نجى ماشين بالروضه القريت فيها ,أقول ليها دى روضة ست زينب القريت فيها .بالجد بعتز بيها.وبالمناسب الله إديها الصحه والعافيه ست زينب لسه عايشه.
هل ممكن أكون دفعتك. أشكرك؟
إسماعيل محمد أحمد عباس
| |
|
|
|
|
|
|
Re: هـلا..هـلا... الواحد باقي لو فرد سنية ويتم اربعين (Re: صديق الموج)
|
سيجمان يا خال ولله من جبت لي سيرة الروضة دي طوالي جاء في بالي زمن الروضة كانت بالبنبر اهم حاجه تجيب بنبرك معاك طبعا الكلام في الثمانينات مافي الستينات بتاعتك دي دحين هسع العيال الواحد في الروضة اقول ليك داير لاب توب المهم في الموضوع دحين انا ما لاقيتك لكن الجماعة قالوا غير كدا وبعدين في واحد من اتنين انا طلعت بيهم من البوست دا الحاجه الاولي اما تكون نطيت الستين يا اخوي او اكون فعلا اربعينات وكد لكن جاءاك خرف مبكر ولا كمان راكب الفيل تحياتي يا منقة البورد
| |
|
|
|
|
|
|
|