|
وطن واحد... وطن واعد بغنِّيلُو... إهداء إلى الجميع ودعوة للتســــــامح...
|
إخوتي الكرام...
وطن واحد كلمات الشاعر: السر عثمان الطيب أهديها إليكم جميعاً وأدعوكم ونفسي للتحلي بالكلام الموزون الفي محلو... والإبتعاد بقدر الإمكان من أساليب السَب والشتم والإغتيالات الكلامية خصوصاً العنصرة وما أدراك ما هي...
وطن واحد .. وطن واعد
وطن واعـــد .. بغنِّيلو
موحَّد .. والمصير واحد..بغنِّيلو
وطن من كسلا للفاشــر ... وطن من نمولـي لي حلفا
وطن بالوحدة يتعافــى ... ربوعــو تعمهــا الإلفـة
يقيف ناهض على حيلـو
شمالو البي الجنـوب قـوَّة ... جنوبـو مع الشمال خُوَّة
غربـو ال للشــــرق يهوى ... وشرقو مع الغـرب يقوى
سلام .. .. والناس تناديلو
وطن ما فيهو قبليـــــة ... ولا نزعـــــــة إنفصاليــة
وطن زنجيتو عربيـــــة ... وعروبتو السمــــرا زنجيــة
سوا سوا .. كلُّو حريـة
سوا سوا يا بجــة ونوبة ... سوا سوا .. فور وشايقيـة
مسيرية وشلك ، دينكــا ... سوا سوا زانـــدي ، لاتوكا
وطن حق كل زول .. هولو
سوا سوا صحرا والغابة ... سوا سوا وحـــــدة نرضابا
سوا سوا نخلة وابنوســة... روا روا فوق ضفــاف نيلو
وطن واحد .. ولا غـيرو ... جميــع نتهنى بـي خيــرو
نغــني مع عصافيـــرو ... وننقـــرش فـي طنــابــيـرو
نصفِّقْلُو ونراقصو نشيل شبابيلو...
أسأل الله أن يهدينا والجميع لما يحبه ويرضاه..
قواسيب مودتي...
أبو الحســـــــــــــين....
|
|
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
Quote: ياسلااااااااااااااام اخ ابو الحسين علي الكلمات الصادقه اتمني من كل قلبي ان يتحقق ماتحمله القصيده من كلمات انا مسامحه من كل قلبي وعلي قول المغني مسامحك ياحبيبي يااااحبيبي مهما قسيت عليا قابك عارفوا ابيض ابيض عارفوا قلبك وكلك حسن نيه واتمني السماح من الجميع ( احبائي بورداب الاون لاين ) مع خالص محبتي فدوي الشريف |
تسلمي بتنا فدوى...
ودا من أصلك وكرمك وشرفك...
لأن المسامح دوماً كريم...
أرجو أن تتوسع هذه المسامحة من الكُل لتطال الجميع...
كميات مودتي...
أبو الحســـــــــــين...
| |
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
Quote: أبو الحسين ياحمامة السلام ياصوت مفعم بالود والتسامح أتمني أن يستمع البعض هنا إلى صوت العقل.. أمنياتي أن لايبح صوتك كما بح صوتنا ونحن ننادي لسنوات خلت بأن يسود الحب..أن يهيمن أسلوب الحوار الراقي..فانزوينا في ركن قصي وترك البعض المنبر إلى غير رجعة عافاك الله وأنت تنادي بالحب ..و.. تحياتي من أرض الكنانه |
تسلم يا قريبي...
وأنا إنشاء الله أوعدك بأنني سأُنادي بالحُب والتسامح والمودة ما وُجِدت في هذا البورد... وأسأل الله أن يسود الحُب والوئام بي أرجائه وأن يبتعد البعض منا من هذه المهاترات التي هي سبب بلاوي الدنيا كلها...
تحياتي للوليدات ولأهلنا في قاهرة المعز... وافتقدناك حقيقة في العيد المضى... إنشاء الله كل سنة وأنت والأهل والجميع بألف خير وعافية...
كميات مودتي...
أبو الحســـــــــين...
| |
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
Quote: أبو الحسين سلام كبير ياشامخ بقامة الوطن سلام لضيوفك وزوارك والعفو لله والرسول نقعــد ســـوا
سدود لوطنّـا في وجه الطامعين كلمتنا واحدة ...
صفنا واحد متحدين
زي مااتحدوا
على ترابنا النيلين
أزرق .....وأبيض
في نيل واحد
سوا سوا ماشين
|
تسلمي أُستاذة سمية...
وهذا تعبير صادق يأتي من نفس صاااااااااافية غيورة على وطنها...
سلمك الله أختي العزيزة...
والوطن أكيد محفوظ وموحد مادام فيهو مثل سمية الحسن...
كميات مودتي...
أبو الحســـــــــين...
| |
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
Quote: عزيزي أبو الحسين حقيقه كل ماينقصنا هو تفشي ثقافه التسامح بيننا .......
إنبذوا كل النعرات القبليه والعنصريه ......
نادوا بسودان موحد لافرق فيه بين دين ولا لون ولالغه.......
قوتنا في وحدتنا والفتره الحاليه تعتبر فتره مفصليه في تاريخ السودان إما أن نتوحد أو نتمزق لالاف القطع وننسى أنه كان هناك يوماً ما وطناً إسمه السودان مساحته مليون ميل مربع .... |
كلامك دا يا ود فرح يقابلو... ما قاله الشاعر...
سوا سوا صحرا والغابة ... سوا سوا وحـــــدة نرضابا
سوا سوا نخلة وابنوســة... روا روا فوق ضفــاف نيلو
وإنت عارف يا محمد يا اخوي... أنا نفسي أن الجميع يفرقوا بين الوطن... والحيكومات!!!
ودعواتي معاك ربنا يحفظك ووطننا واحد وموحد...
كميات مودتي...
أبو الحســـــــــــين...
| |
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
Quote: وطن واحد .. وطن واعد
وطن واعـــد .. بغنِّيلو
موحَّد .. والمصير واحد..بغنِّيلو
وطن من كسلا للفاشــر ... وطن من نمولـي لي حلفا
وطن بالوحدة يتعافــى ... ربوعــو تعمهــا الإلفـة
يقيف ناهض على حيلـو
شمالو البي الجنـوب قـوَّة ... جنوبـو مع الشمال خُوَّة
غربـو ال للشــــرق يهوى ... وشرقو مع الغـرب يقوى
سلام .. .. والناس تناديلو
وطن ما فيهو قبليـــــة ... ولا نزعـــــــة إنفصاليــة
وطن زنجيتو عربيـــــة ... وعروبتو السمــــرا زنجيــة
سوا سوا .. كلُّو حريـة
سوا سوا يا بجــة ونوبة ... سوا سوا .. فور وشايقيـة
مسيرية وشلك ، دينكــا ... سوا سوا زانـــدي ، لاتوكا
وطن حق كل زول .. هولو
سوا سوا صحرا والغابة ... سوا سوا وحـــــدة نرضابا
سوا سوا نخلة وابنوســة... روا روا فوق ضفــاف نيلو
وطن واحد .. ولا غـيرو ... جميــع نتهنى بـي خيــرو
نغــني مع عصافيـــرو ... وننقـــرش فـي طنــابــيـرو
نصفِّقْلُو ونراقصو نشيل شبابيلو...
|
صادق دعواتنا للأخ السر عثمان الطيب... بعاجل الشفاء...
اللهم أشفيه اللهم أشفيه اللهم أشفيه شفاءاً لا يغادر سقماً ياااااااارب...
كميات مودتي...
أبو الحســــــــــين...
| |
|
|
|
|
|
|
وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: أبو الحسين)
|
الأخ / أبو الحسين سلام واحترام ،،،،
احيك أخي على هذا البوست الجميل والدعوة للتسامح وياريت لو نتسامح ونترابط من اجل وطننا الحبيب وغالي وطنا باسمك كتبنا ورطنا احبك وطن الجدود نعم الوطن والله ياريت لو نتسامح ونتماسك من اجل هذا الوطن ومن اجل اهلنا الغلابة حقيقه دعوتك جميله واتمنى ان نعمل بها جميعاً نعم للتسامح نعم للتسامح نعم للتسامح تقبل تحياتي ،،،، أبو كريم
| |
|
|
|
|
|
|
Re: وطن واحد... وطن واعد بغنِّيلُو... إهداء إلى الجميع ودعوة للتســــــامح... (Re: الفاتح خليل الفكي)
|
Quote: الأخ / أبو الحسين سلام واحترام ،،،،
احيك أخي على هذا البوست الجميل والدعوة للتسامح وياريت لو نتسامح ونترابط من اجل وطننا الحبيب وغالي وطنا باسمك كتبنا ورطنا احبك وطن الجدود نعم الوطن والله ياريت لو نتسامح ونتماسك من اجل هذا الوطن ومن اجل اهلنا الغلابة حقيقه دعوتك جميله واتمنى ان نعمل بها جميعاً نعم للتسامح نعم للتسامح نعم للتسامح تقبل تحياتي ،،،، أبو كريم |
تسلم يا أخي أبا كريم...
وهذه دعوة للتسامح والمحبة أطلقتها عبر كلمات الأخ السر عثمان الطيب... (نسأل الله له الصحة والعافية)... وأرجو من الله القبول والرضا من كل الإخوة...
وشكراً لتجاوبك مع هذه الدعوة...
ولك خالص مودتي...
أبو الحســــــــــين...
| |
|
|
|
|
|
|
|