هذه هي أسباب أزمة الأغنية السودانية

Quote: .. واصل يا سلامة .. كان في حلقة قبل كم يوم في قناة النيل الأزرق .. فيها الصحفية أم وضاح وصحفي تاني ما قادر استحضر اسمو .. بالإضافة لي طـه سليمان .. الحلقة كانت جميلة جدا .. خد وهات ما بين أم وضاح المدافعة عن ما يسمى بالاغنية الشبابية أو الاغنية الحالية .. وتجارب الشباب .. وبين الصحفي الآخر الذي اصر على أن الاغنية الحالية .. شوهت معالم الأغنية السودانية .. وبين الخد والهات دا كان طه سليمان في النص .. كنت بتمنى إنو يكون بيعبر عن جيلو بي شكل كويس .. وعن الاغنية الحالية ما على سبيل النماذج فقط .. بل حتى على سبيل النقاش والفكرة .. والمحاججة .. لكن طلع طه سليمان غير مقنع .. بي طلوع الناس من الحقيبة لي الشعبي ولي الحديث .. وقبل كم يوم برضو كان في حلقة عن الآغنية المصورة .. أو الفيديو كليب وكان فيها المخرج معتصم الجعيلي .. والفنان عاصم البنا .. والشاعر الفاضلابي .. بي صراحة كدا .. الحلقتين ديل ما طلعت منهم بما يفيد .. من اسباب فك الازمة ..