|
|
 Re: لا يا بيروت، لا (Re: هشام آدم)
|
الاخ هشام
تحياتي
انا في وادي وانت في وادي آخر، من الافضل اخليك تكمل خيطك
لكن خليني اكب باقي نقتي
انت بتتكلم عن رعايا الدولة السودانية
وانا بتكلم عن لاجئين الدولة السودانية
فتشبيهنا بالحالة الامريكية والبريطانية والكندية لا يصح، لان هذه الدول ليس لها
لاجئين في اي مكان في العالم
قانونا السفارة السودانية لا تستطيع وغير مطلوب منها الدفاع عن هؤلاء اللاجئين
وباعتباره لاجيء فهو اذن by definition مضطهد في بلاده
قضيتنا ان الامن اللبناني يعلم ان هؤلاء اللاجئين سودانيين، وكان من باب الانبطاح
الحكومي ووهم العلاقات الازلية دا يحترموا اخواننا اللاجئين ديل
طيب، في ستين داهية الانبطاح الحكومي ووهم العروبة دا
اللاجيء له حقوق محل ما هبط، ودا حق انساني واحيانا الهي Exodus للفرار من الظلم والطغيان
كان من باب اولى على لبنان ان تحترم المواثيق الدولية في حماية حقوق اللاجئين ومعاملتهم
المعاملة الكريمة كما يجب وكما يفرض عليها ميثاق الامم المتحدة
هم زاتم العواليق ديل ما شردوا لسوريا والبلاد المجاورة لمن اسرائيل كسرت ليهم بيروت فوق راسهم؟؟
انت زاتك يا النوبي الدنقلاوي اهلك قبل 1400 سنة عملوا شنو ما (الغزاة) العرب؟ وموش لاجئين حتى؟؟
موش جابوا الورقة والقلم وقعدوا في بطن الواطة دي وختوا شروط الاقامة للعربي
1- مجتازين غير مقيمين
2- اذا اقاموا مسجدا ان تقوموا على خدمتة ونظافته
3- .................
4-................
واهلك حفظوا العهد لمدة 600 سنة يا هشام
في عهود ومواثيق توافق عليها البشر في معاملة اللاجئين، وهذا ما نطالب به
الاارتيين والاثيوبيين اقاموا بالسودان لمدة 30 سنة وباعداد وصلت للمليون والاتنين
هل حصل في حياتك سمعت عن انتهاكات حصلت لهؤلاء الجيران من الشعب السوداني او الامن السوداني؟؟
لم يحدث، والله اثيوبي بقول لي في الرياض انا قريت 12 سنة في مدارس السودان مافي زول
ولا مدرسة يوم سالوني انت سوداني وللا لا الا لمن جيت امتحن الشهادة ومطلوب الجنسية السودانية
كما هو معروف
هذا هو الشعب السوداني؟؟
وليس حكومة السودان
لذلك نطالب ان يعامل اللبناني الشعب السوداني كما يجب، بس من اجل الاخوة بتاعت البشر
حق الهجرة مكفول لكن بقوانين، واللاجيء مهاجر وبالضرورة غير شرعي، ياخي وين سمعت ليك
بلاجيء شرعي زاتو
الاشكالية انهم كانوا لاجئين سود في بلد يكره السود
باختصار: القضية هنا عنصرية وليست سياسية او ديبلوماسية
عشان كده ح ندق ليهم جرس لمن يكرهوا يومهم زي ما عملنا مع المصريين ايام الجزائر
وما عندنا شغله بحكومتنا
تحياتي
|
|
 
|
|
|
|
|
| العنوان |
الكاتب |
Date |
 لا يا بيروت، لا | هشام آدم | 06-21-10, 02:37 PM |
| Re: لا يا بيروت، لا | Mohamed E. Seliaman | 06-21-10, 02:52 PM |
| Re: لا يا بيروت، لا | محمد المختار الزيادى | 06-21-10, 02:56 PM |
| Re: لا يا بيروت، لا | أحمد ابن عوف | 06-21-10, 02:58 PM |
| Re: لا يا بيروت، لا | هشام آدم | 06-21-10, 03:21 PM |
| Re: لا يا بيروت، لا | هشام آدم | 06-21-10, 03:22 PM |
| Re: لا يا بيروت، لا | هشام آدم | 06-22-10, 07:17 AM |
| Re: لا يا بيروت، لا | أحمد ابن عوف | 06-22-10, 07:51 AM |
| Re: لا يا بيروت، لا | أحمد ابن عوف | 06-22-10, 07:52 AM |
| Re: لا يا بيروت، لا | Hassan Bakri Nugud | 06-22-10, 07:58 AM |
|
| |
أحمد ابن عوف
فيس بوك
تويتر
انستقرام
يوتيوب
بنتيريست