اليقابل الاخت تراجي مصطفي يسلم لي عليها شديييد ..

Quote: Quote: وحريق مثل هذا وتصرفات مثل هذه لم نكن نعرفها سودانيا وانما نشاهدها في المسلسلات المصريه فقط انتقامات ملاك الارض من بعضهم البعض. يا تراجي عشان تكوني في الصورة وما يخموك باسم شباب البجا المامعروفين هم زاتم شنو والا جايين من وين ومجرد واجهة مؤقتة ساي اول مرة نسمع بيها .. الارض منزوعة وبقت معلقة بواسطة الحكومة لغاية ما تبت في امرها .. صاحب المزرعة الحالية عوض الله وبعلاقاتو بالحكومة بني فيها مزرعة ساي كدة هبتلي وما بيغلبو خاصة وانه كان وزير مالية سابق بالقضارف وزول راسمالي من تجار المؤتمر الوطني يبقي محسوبية المؤتمر الوطني ليها اثر بالقضية .. وتحوير القضية من إنها تعدي علي ارض علي الغيــر وبناء مزرعة بدون وجه حق ثم إعتداء مجموعة من المواطنيين علي مال مواطن آخر مما يستدعي انه تتدخل الجهات القانونية حاول البعض تحوير الامر من الاتجاه دا لقضية عنصرية وجهوية ومحاولة كسب سياسي باسم البجا وجبهة تحرير البجا .. وهي سياسة لا تخفي عليك عند اتباع المؤتمر الوطني فساد ثم تحويل الحقوق والقضايا القانونية لجهوية وعنصرية وينفخو فيها وفي الآخر يكسبوا هم ويتمزق النسيج الاجتماعي للسودانيين .. الآن زولنا دا بعد مؤتمرجي وطني وصل لمرحلة وزير والآن حاليا هو مسؤول بوزارة المالية اصبح بقدرة قادر مظلوم ويستدعي ان يدافع عنه البجا بمجموعه وجبهة تحرير البجا بخصوصهم ..وعشان شنو؟! عشان لحمة بتربطه بالبجا من جهة ابوهو وتناسو هؤلاء انه الظلم الواقع عليهم هو جزء من الكيان الظلم الناس اجمعين ..