اليقابل الاخت تراجي مصطفي يسلم لي عليها شديييد ..

Quote: سلامات يا تراجي .. برجع ليك بعدين وللاخ محمد عثمان بعد العمل ان شاء الله بس في نقطة عشان تتابعي معانا كويس : أولاً القضية محل النزاع ليها اكتر من سبعة سنين اي ليست وليدة اليوم ثانياً Quote: ولو كتبت وقتها مدينا للحرق ومن ثم رافضا لعصنرية ما جاء بالمقال لكان لك كثير من المصداقيه. ولكنك لم تفعل وغيرك لم يفعل مقال الاخ عوض ليس هو ما نفخ في العنصرية ولا روج لها بل القضية تحولت لجهويــة عنصرية منذ بيان شباب البجا الصادر في ابريل الماضي ونحن انتظرنا انه ناس هاشم نوريت بدل ينتظر ويسكت علي تحويل مسار القضية من المحاكم والقانون البيدين المتهجمين الي قضية عنصرية بين - اهالي العكد وأبناء البجة - كما وصف القضية بيان شباب البجا انه نوريت او غيره زي ما بتصوري انتي الان انه دا دفاع عن البجا انه كان مفروض اولاً يوضحو وزي ما مثبت في البيان انه المشكلة دي بين ولد واخواله وابناء خاله - والخال والد زي ما بيقولوا اهلنا .. ومفترض فيكم في البدء بدل تحرك الناس العنصرية البيجاوية تفتش عن الحقيقة وتدين البيان عوض كتب ردو علي بيان شباب البجا بعد قرابة الشهر - نعم محمل بلغة ايحائية عنصرية - لكنه ليس من حول القضية لهذا المسار ولا حاول يتخذها مطية لاغراض سياسية ويكبر بيها كومو .. ارجعي للتاريخ الوارد للاحداث ثم حددي منو الاتكلم اول ومنو السكت .. سلامات لي بعدين