|
Re: الوزيرالسار قبل العريس (فى امر التوثيق للشريف احمد ودطه) ... (Re: محمد عبدالرحمن)
|
الأخ / محمد عبد الرحمن السلام عليكم ورحمة الله وبركاته الأخ أبوبكر الأمين يوسف ولد خال زوجتي أم أحمد بت المرحومة نجاة ، ووالدها البروف حسن محمد الزين مدني .
Quote: اخي اسحاق رحم الله السيدة نجاة بت العمدة يوسف ، عمدة فداسي الحليماب، وبنية الشريفية السيدة فاطنة بت الشريف محمد الأمين يوسف الهندي، وجدهاالشريف بركات ود الشريف أحمد ود طه اللي كاتل الإنجليز في منطقة الشرفة شرق الجزيرة ودحر كتيبة بحالها وفز جنودها وتعدوا الرهد حتين وقفوا يجروا نفسهم وقال قائلهم وين نحنا يا جماعة من أب حراز وكما جاء في مناحته: بطراه وبقول الصادق حلقته تكر فوق أم صال صمد أم جباهن غر يبنك الخلاوي الكلهن نايرات وحزنانات عليك يا ود القريشيات الليلة الشريف السواها حقاها ضرب الصاد صحيح والطوبة بي إيدو غزاها لين تقول المناحة : هم فاتوا الرهد وقالوا أب حراز وينو
الأخ الأستاذ / الطيب شيقوق السلام عليكم ورحمة الله وبركاته رحم الله السيدة نجاة يوسف محمد الأمين، فقد كانت شجرة ظل ظليلة، يستظل تحت ظلها الغاشي والماشي، تحمد سيده قدمتها وستحصد ما قدمت يداها خيرا كثيرا بإذن الله، ايده عطاية، وعينه بكاية، أخت الضعفاء، رحامة المساكين، ست الكتير وما بتعرف الشوية, ربنا يجعل الرحمة وسادتها، ويصبر بنياتها وأمها وزوجها وأخوانها وأخواتها، ركن وانهد يا ود شيقوق، لكن ما كتيرة على ربها، خربانة أم بناين قش
نقلا عن بوست الطيب شيقوق لقى سوقو في السوق الخيري بمسقط بموقع سودانيز أون لاين
|
|
|
|
|
|
|
|
|