بعد اذن الاخ بكري استشاره ومساعده لصديق محتاج لزراعة كلي

Quote: وصلتني رساله عبر الايميل من الاخت الهام علي أحمد من الامارات تقول في الرساله :_ السلام عليكم ورحمة الله وبركاته وجدت ايميلك في منبر سودانيز اون لاين ومتابعة ليهو بي صورة يومية ونفسي ادخل واشارك في الحوارات الدائرة فيه منذ زمن طويل بس ما عارفة كيف يتم ذلك – ارجو الإفادة - واكثر ما يعجبني انو الناس بيتضامنوا مع بعض بصورة قوية ودا طبعا حال السودانيين في كل مكان والحمد لله. وكما قال حميّد: حبيبة قلبي يا سودانية يا ود ضكران يا بت دغرية، وحقيقة الشئ الخلاني اليوم اصر علي الإتصال بك هو انه لدي ابنة اخت شابة متزوجة في السودان وعمرها حوالي 28 سنة ولديها 3 اطفال جاها فشل كلوي مفاجئ قبل شهر واحد فقط وهي الآن بتغسل كل يومين وقد قرر الأطباء بضرورة إجراء زراعة كلي لها وعرفت في المنبر انكم لقيتو طريقة زراعة في القاهرة بتكلفة 10 الف دولار نحن عندنا المتبرع بس ما عارفين الإجراءات فيرجي المساعدة بمدنا بالمعلومات اللازمة عن المركز اللي وجدتوهو في القاهرة وآسفة جدا علي المراسلة المباشرة بدون سابق معرفة.