|
Re: دعوة باللقاء لخريجى الدفعات الأولى فى بورتسودان الثانويه 1959 /60/61/1962 (Re: haroon diyab)
|
وأول الغيث هى كلماتك الطيبات يا عزيزى الزميل هارون دياب ... ولربما لم نلتق من قبل أو طال بناالعهد لكن فرحى بك بلا حدود وكاننى اقفز السلالم قفزا لحضور حصةالتاريخ فى فصل الجاحظ ثم أدك الباقى واتجول فى الداخليات / اربعات / جبيت/المنار/القاش/اركويت ثم امشى على البوفيه واتناول كباية شاى أكملهابى تخميسه ورا المسرح وامشى أخدلى نومه فى العنبرمع الزملاء ناس الكونج رحمه الله كان معذبنا ننوم الساعه عشره وهو وعبد المنعم أحمد على يتونسو فى الحوش ... ذكريات لو الواحد قعد يسترجعها يا هارون عايز ليهوشهور ... المهم ابقى عشره على البوردولو قبضت ليك خريج بلغ طوالى ..نحن عايزين نعمل لينا رابطه كاربه نوثق لتاريخ المدرسه .... أساتذه وطلاب وعمال وموظفين ومناهج وأنشطه رياضيه وثقافيه وفنيه كمان لازم نتذكر الزملاء الرحلو عن دنياناوكان ليهم دور فى كل مناحى الحياه فى السودان بكل أقاليمه ... واهداف أخرى إجتماعيه.... المهم الحرص على التواصل وانت مابتقصر شايفك مهتم شديد وياريت تدينا سى فى مختصر عنك للتعارف والتوثسق .... مع أكيد التحايا
|
|
|
|
|
|