غسان شربل : صناديق السودان ( لكن التجارب علمتني أن أخاف ) !

Quote: أغلب الناس بتتكلم عن الانتخابات الرئاسية والأنا قنعت من خيرا فيها الى حين الاطلاع على البرامج الانتخابية لكل المترشحين … بس عندى شئ محيرنى … عايز أعرف شئ فيما يخص الولاة … ياربى لو فاز والى من غير حزب الرئيس وحصل الحصل لعبدالرحمن الخضر فى زمن ولايته للقضارف .. من يحق له الفصل فى ذلك هل يحق لرئيس حزبه تغييره ام هل سيعزله رئيس الجمهورية وفى الحالتين من سيحل محله ؟ أم أن هناك مادة تنص على انتخابات مبكرة ؟ … أرجو ممن يملكون معلومات تفصيلية عن الموضوع امدادنا بالاجابات الشافية مع التطرق لما قد يفوت علينا من مطبات غير مرئية حتى يتسنى لنا التكهن بما قد يواجهنا لاحقا … مع فائق الأحترام والتقدير أرسلت فى سياسية | تعليقات 39 تعليقات 1. على الأثنين,1 فبراير, 2010 في 3:12 م | رد حاج أحمد السلاوى أخونا الكاشف الصغير عبدالفتاح التركى .. إنت مستعجل مالك ؟ والقال ليك منو إنو فى والى من غير حزب الريس حيفوز ؟ ما تشغل بالك المسألة محسومة قبل النتخابات تبدا . . دا الشايفو انا غايتو .. يمكن اكون مزغلل شوية … لاكين الطشاش ولا العمى . 2. على الأثنين,1 فبراير, 2010 في 3:23 م | رد ابكرون غاينو يا اتاتورك اخوك الكبير سلو ده محبط بشكل عامل دقنو البتشبه دقون الجماعة.. .ديلك…..عمو….عمو….عمو… شفته البرايه….أقصد الفيل…؟أركبو….(رمز المؤتمراللاوطني) 3. على الأثنين,1 فبراير, 2010 في 5:23 م | رد زووووووول التركى سلااام والله نفس الشعور تخيل انا ليا كم يوم شايل هم الوالى لو ما بقى من جماعة الرئيس الفائز حايعمل تنميه فى ولايتو كيف ورئاسة الجمهوريه حاتتعامل معاهو بى ياتو طريقه وكيف تنتقم الرئاسه من المواطنين الذين قالوا لا لحزب الرئيس فى ولايتهم . كسره : الحزب الحاكم ليس بالضروره ان يكون الوطنى او الشعبيه لانو شايف الجماعه كلهم واثقين من اكتساح الانتخابات . افتونا اذا كنتم بتأويل الاحلام عالمين يا معاشر المرشحين (بكسر الشين طبعا ) 4. على الأثنين,1 فبراير, 2010 في 5:29 م | رد التركــــى اهلين اهلين بفطاحلة المدونة وشكرا على المرور السريع … بس باقى ليك ياحاج لو العملية كدى نحن مرشحين ومتكشحين مالنا … غايتو انا شايف فى شوية ضباب ياربى النضارة عايزه تغير ؟ كلنا عايزين التغيير بس لازم نسعى ليهو يمكن تصدق ياحاج ولا شنو ؟ ابكرون : ههههههههههه ياخ الفيل بسرقوهو على قول اكان سرقت اسرق (جمل) مابركبوهو لكن شفت الجماعة حتى شعارهم واضح يعنى الجواب يكفيك عنوانه ديل جايين ناس شفط سااااااااى . 5. على الأثنين,1 فبراير, 2010 في 5:32 م | رد زووووووول حاج السلاوى سلااام اريتا زغليلتك زغليلت السرور يا جد عبدووووشتووووش 6. على الأثنين,1 فبراير, 2010 في 5:34 م | رد التركــــى زوووووول ياغالى ليك وحشة ياجارى وانا جارو ….. ياخ نقول توارد خواطر … انا غايتو ماقدرت افند الوضع وعلى قولك أفتونا ياناس وأكيد ماشرط يكون الحزب الحاكم الحالى … لك التحايا 7. على الأثنين,1 فبراير, 2010 في 5:47 م | رد زووووووول تخيل يا التركى الجرائد المعارضه تتعرض لتجفيف اعلانى يطير دقيقا شوف الميدان مع اختلافى مع خطها وشوف راى الشعب (وبرضو نفس الشئ) وشوف الايام (نفس الشعور ) . طيب دى جريده امال الوالى يكون كيف . اقول ليكا يا التركى الزوول ال بفوز بمنصب والى من غير حزب الرئيس سجم حبوبتوووووووووو. ولا شنوووو يا نونو 8. على الأثنين,1 فبراير, 2010 في 5:48 م | رد علي سنكل التركي إزيك أنا ما داير أكون محبط ( بكسر الباء ) ، لكن الجماعه ( المؤتمر ) ما بدو معاهم زول حاجه لا رئاسه ولا و لايه، وتشوف عينكم. 9. على الأثنين,1 فبراير, 2010 في 9:57 م | رد abdozc يا التركي الله يكضب الشينه المنكوره وتطلع كضااااااابه وناس المؤتمر يقولو ليك علي طريقه الهيلاهوب ما كضااااابه 10. على الثلاثاء,2 فبراير, 2010 في 10:33 ص | رد التركــــى زووووول : للأسف الجرايد أغلبها استسلم وبعضها باع القضية زى مايقولو اخوانا واحدين كدة .. بس ماننسى أنو الرئيس مفروض يكون رئيس جمهورية السودان مش رئيس حزب وبس وكمان الوالى متولى أمر رعايا الولاية مامصالح حزب الرئيس … اعتقد أنو الناس يمكن تفطن لحقها الانتخابى وواجبات الدولة عليها خاصة لو ادوهم الحق فى أختيار من يرغبون بالطريقة الصحيحة …. يعنى مع فورة غالديمقراطية دى يمكن نشهد اعتصامات ومظاهرات والذى منه . الحبيب سنكل : نحمدو وبطلتك ازددنا سرورا …. انا أتوقع انو فى كم ولاية لومالرئاسة ذاتها بتكون فى حق الله … أو على الأقل ح يكون فى تنافس وتنازلات ولنقل مزايدات . عبدو : هم ناس المؤتمر القالو شوية ياخويا بس ربنا يستر . 11. على الثلاثاء,2 فبراير, 2010 في 4:53 م | رد حاج أحمد السلاوى يا جماعة الخير أنا عاوز أعرف الناس ديل كيف حيقدروا يزوروا الإنتخابات دى كيف ؟ مناديب الأحزاب كوووولها مش حيكونوا موجودين ساعة التصويت وساعة حساب الصوات للمتابعة ولاّ حاجة تانية ؟ وده الحصل لامن مشينا سجلنا ..لقينا كل الناس قاعدين وشايفين كل حاجة ..ممكن حد بس يدينا تصور أنو التزوير كيف حيتم ؟ والمراقبين الدوليين والإقليميين ( خلينا المحلييين ديل ) مش مفروض يكونوا شايفين البيحصل شنو ..؟ ولاّ يكونوا برضوا ضوقوهم موية السكر ؟ أفيدونا ..أفادكم الله .. باقى نحنا ما بنعرف اللولوة واللخبته ..مش كدا .. يا…. ابكرونا .. ؟ 12. على الثلاثاء,2 فبراير, 2010 في 5:34 م | رد التركــــى فى أعتقادى ان كلمة تزوير مبالغ فيها بعض الشئ اذ أن المراقبين المحليين وان امكن تمويههم والمراقبين الدوليين لا أظنهم سيحاسبون من استقبلهم واضافهم بكرم سودانى فياض على (هفوات) صغيرة فى تنفيذها عظيمة فى نتيجتها … يمكن أن نقول سياسة الترغيب والترهيب بدلا من التزوير … أما التزوير فى الانتخابات فيمكن أن يحدث بسهولة خاصة عند نقل الصناديق الى مركز الفرز وقد أثبت كثيرا أن هناك صناديق جاهزة يمكن تبديلها وأخرى يمكن اختفاؤها بقدرة قادر …. ماعارف انتو كان عندكم ولا لا لكن فى منطقتنا اول ماتسجل بنادوك ناس اللجنة الشعبية (طوع الحزب الحاكم) ويسجلوك مع رقم هاتفك قال ايه لو ماجيت ينادوك والسمعتو انهم ح يستفيدو من صوتك لو ماجيت أو ينادوك ويوجهوك عشان تصوت وفى رواية أخرى يساوموك وقد سمعت أن بعض اللجان استلمو الديباجات من اصحابها … والله أعلم