|
Re: فيصل نوبى....استعد (Re: abubakr)
|
فيصل نوبى....سرك باتع و الله. دى المره التانية تنكت ليك بوست من ربع قديم كده الناس نسوه. شكرا . أميرة فاروق عبد العال عمر عبد الخالق سعيد شكرا يا جماعة....تسلموا Dalal Ezzaldin ....طبعا ممكن تشاركى احنا لاقينك وين ? بشمهندس ابوبكر...مفروض تحول النظاره ل 3D . غايتو عالم ال3D اجمل حتى من الدنيا اللى انا شايفنها بعيونا دى عديل كده. حالتنا شايفين 4D ! صحبتى الذيذه امانى...اترشح عديل كده? انا نكره فى بحرى بتكونى بتعرفينى انت و ناس بيتنا و صحباتى فى المدارس القريت فيها. لو كنتي ساكنه فى الحلفايا كنت قلت ليك رشحى خالى و فردتى محمد فاروق سلمان. ذى ما قال ليك نوبى... احنا ناس don't have life و حياتنا كلها الاولاد و ابوهم او امهم و الافلام و المسلسلات.* نوبى احسن منى .لسه عندوا ولاء لحبيبة القلب و بيحاولوا يمشوا السنما مع بعض. انا حاولت الشهور الفاتت كلها انو نمشى السنما انا و زوجى لكن ما اتسهلت. الاسبوع الفات اتجابنت و مشيت براى. و احنا -ذى نوبى - بنفكر الايام دى فى تلفزيون 3D
نرجع لموضوع بوستنا. ده واحد من سلسلة بوستات. اولها كان {فيصل نوبى...معليش}. و ده {فيصل نوبى.. استعد}. و ما عارفه الجاى ح يكون اسمه شنو. لكن كلها عن الدراما. و فى البوست ده ح نجرد افلام 2009 .شنو البستاهل و شنو ما بيستاهل. و برضو افلام 2010 شنو الطلع و شنو الطالع قريب.
و مع ان الناس قتلت افتار نقدا. لكن برضوا ح نبدا بيه. و دى مداخلتيت كتبتهم فى بوست تنقو..
Quote: سلامات عمك تنقو... الفلم انا ما حضرتوا (لسه)...لكن قريت عن القص فى الجرائد و المجلات و الانترنت و هسى بوستكم ده. كل الناس بتتكلم عن ان المؤثرات كانت خرافية. امس فى لقاء مع المخرج قال بانه كان بيصمم فى المعدات لمدة سنيت و الممثلين بيمثلوا لمدة سنة كاملة و سنة كاملة عشان يختوا الحجات دى مع بعض. يعنى الناس ديل شغالين 4 سنوات لحدى ما شتفوا اول مشهد جاهز من الفلم....مبالغة. كل الناس بتتكلم عن القصة الجميلة و عن المؤثرات الخرافية... و انا اوافق ان ده انتاج عظيم...لكن ...لكن انا حقيقى مندهشة من قصة (الامريكى الابيض) اللى ح يحل للسكان الاصليين كل مشاكلهم و يساعدهم. القصة اتكررت فى اكتر من فلم امريكى ذى Dances With Wolves و The Last Samurai . الابيض اللى بيجى للناس المساكين الى عايشين حياة بسيطة. تعجبوا حياتهم و يقرر انها افضل من حياة اهله المليانة جشع و طمع. يبقى زول من السكان الاصليين و يبقى بطل كمان. و يحارب اهله المستعمرين. يبق بطل دى هى الحاجه البتزهج...و كمان دائما بيحب اجمل فتاة فى القبيلة. وعقدة الرجل الابيض تتاصل فينا.
______________________ اساسى ...الصين وقفت الفلم لانه عندهم قانون (لتشجيع السنما الوطنية) بينص ان اى فلم اجنبى يشتغل 10 يوم بس. اظن افتار اشتغل اكتر من كده كتير. و خاصة ان اعياد السنة الصينية على الابواب. يقال (تحت ..تحت) ان الحكومة الصينية اوقفت الفلم لانه بيحكى عن العمايل الى بيعملوا فيها الان ....بيقلعوا فى موارد الدول النامية. لكن ما اظن ده السبب...بس قلت اخت كل وجهات النظر. |
Quote: سلامات يا نوبى....وينك? متذكر البوست ده : فيصل نوبى....استعد كنت قايله انى ح القى وقت احكى عن الفلم من الزن داااك... بس ما اتسهلت. امس ربنا سهلها و مشيت شفت الفلم. الفلم ممتع. بكيت فى نهاية المعركة الاولى و ضحكت من سخرية عالمة النبات من جهل و حماقة بطل الفلم. و اندهشت من فكرة التواصل بين كل الكائنات فى القمر. عجبنى تفصيل القصة لسلوك العالم البيختلف عن سلوك ضابط القوات البحرية المتقاعد و بيختلف برضوا عن سلوك "الملكى" موظف الشركة اللى بتنقب عن المعدن اياه. القصة -عموما- ما فيها جديد... بس لذيذه. المؤثرات ال3D مبااالغة. انا عموما ما بحب اشوف فلم3D. ما بحب الحجات تجى طايره فى وشى. بس فى افتار كانت ال3D جميل جدا. اكتر من كده ح نحرق الفلم...امشوا شوفوه |
اها يا امانى...احكى لينا انت شفتى شنو فى افتار...
____________________________________ *هسى ال اى فون بقى برنامج برضو
|
|
|
|
|
|
|
العنوان |
الكاتب |
Date |
فيصل نوبى....استعد | smart_ana2001 | 11-08-09, 06:48 AM |
Re: فيصل نوبى....استعد | فيصل نوبي | 11-08-09, 11:16 AM |
Re: فيصل نوبى....استعد | فيصل نوبي | 03-18-10, 06:42 AM |
Re: فيصل نوبى....استعد | أميرة فاروق عبد العال | 03-18-10, 06:59 AM |
Re: فيصل نوبى....استعد | عمر عبد الخالق سعيد | 03-18-10, 07:33 AM |
Re: فيصل نوبى....استعد | Dalal Ezzaldin | 03-18-10, 07:01 AM |
Re: فيصل نوبى....استعد | abubakr | 03-18-10, 07:02 AM |
Re: فيصل نوبى....استعد | Amany Elamin | 03-18-10, 07:48 AM |
Re: فيصل نوبى....استعد | فيصل نوبي | 03-18-10, 08:23 AM |
Re: فيصل نوبى....استعد | abubakr | 03-18-10, 09:04 AM |
Re: فيصل نوبى....استعد | smart_ana2001 | 03-18-10, 06:22 PM |
Re: فيصل نوبى....استعد | smart_ana2001 | 03-20-10, 00:52 AM |
Re: فيصل نوبى....استعد | Amany Elamin | 03-20-10, 02:40 PM |
Re: فيصل نوبى....استعد | Amany Elamin | 03-20-10, 02:52 PM |
Re: فيصل نوبى....استعد | نجوان | 03-20-10, 05:09 PM |
Re: فيصل نوبى....استعد | ABUHUSSEIN | 03-20-10, 05:14 PM |
Re: فيصل نوبى....استعد | فيصل نوبي | 03-20-10, 07:01 PM |
Re: فيصل نوبى....استعد | فيصل نوبي | 03-20-10, 07:24 PM |
Re: فيصل نوبى....استعد | Dalal Ezzaldin | 03-20-10, 10:43 PM |
Re: فيصل نوبى....استعد | Dalal Ezzaldin | 03-20-10, 11:20 PM |
Re: فيصل نوبى....استعد | smart_ana2001 | 03-21-10, 03:17 AM |
Re: فيصل نوبى....استعد | smart_ana2001 | 03-21-10, 03:41 AM |
Re: فيصل نوبى....استعد | smart_ana2001 | 03-21-10, 06:39 AM |
Re: فيصل نوبى....استعد | Dalal Ezzaldin | 03-22-10, 00:47 AM |
Re: فيصل نوبى....استعد | smart_ana2001 | 03-22-10, 05:22 AM |
Re: فيصل نوبى....استعد | smart_ana2001 | 04-28-10, 07:01 PM |
|
|
|