|
|
|
 Re: أبقى منجم .... كلمة طيبة .. إبتسامة حتى (Re: أبوبكر أبوالقاسم)
|
Quote: ســــــــلامات أهل الإنجمامـــة
ماشاء الله عامرة
خالد أنا كنت قايلك متخصص حقيبة ...لكن ماشاء الله حافظ كمية كبيرة من الأغانى حتى أغانى الشواكيش للراحل المقيم هاشم ميرغنى
مالها زى الناقصة مقطع " فى نهاية لومى ليك " !!!
بت المبارك حمداً لله على السلامة |
ابو القاسم سلامات
وبركة الشوفة
نقلب الصفحة ومعاها ندعو بي الفكاك من الهكر الكرهنا المنبر
| |
 
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
هذه القصيدة للشاعر باشمهندس محمد أحمد عبدالله الحفيان هو أبن الفنان الأستاذ أحمد الحفيان ووالدته هي الاستاذة الشاعرة عشة أحمدونة
ومرت الايام وانا زي ماكنت
لامره جفيت ولا لحظة خنت
في بحر عينك زادت اشجاني
اهديتك روحي وقلبي ليك سلمت
البسمة تاهت بين الاحزان
زدت في هجراني وانا ليك امنت
ايام تولت والبهجة معاها
ومابقي غير ذكري في قلوبنا اساها
وياظالم ليه طولت غيابك
وانا بوصاللك ياحبيبي حلمت
ومرت الايام وذادت اشجاني
كان املي الجنه وجزاي نيراني
ويا حبيبي ليه تسيبني اعاني
من المي وبعدك وكمان حرماني
محمد الحفيان
| |
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
وين الكلام دا؟
يازول الجنا لسة في بطن أمو ما جا مارق قول بسم الله
ولا داير تزوغ من الهدية
......................................................................
شيقوق دا يا أبارو
أسمو
لحفن جرن عدم الأكيدة
وهدب بت المبارك معا
يعني مقطوع الطاري مابقع برا
شفتا كيف بنور ابوالقاسم الإنجمامة
لكن التصبر ريحانة البطانة قطعتو لينا أخدر في الإنجمامة الأخيرة دي
ياأك ما بتجي تقولا
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
e: ســــــــلامات أهل الإنجمامـــة
ماشاء الله عامرة
خالد أنا كنت قايلك متخصص حقيبة ...لكن ماشاء الله حافظ كمية كبيرة من الأغانى حتى أغانى الشواكيش للراحل المقيم هاشم ميرغنى
مالها زى الناقصة مقطع " فى نهاية لومى ليك " !!!
بت المبارك حمداً لله على السلامة
....................................................................
حمد الله على سلامة العودة يا الظريف وخفيف
قطعتها أنا لانها قطعت قلبي
عليك الله بطل حركات التنقل من مكتب لي مكتب دي وأهجس معانا
في الإنجمامة
البلاكم خربانة
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: العبيد الطيب عبدالقادر)
|
ود المنسي سلام عليك وعلي كل الاحبة والاخوان كل عضوية المنتدي
شن خبرك وقدر ما رجيتك في اخر زيارة ما لميت فيك
واتمني التواصل في ها البوست
والليلة جابني الدرب
لكن بكرة بجي عديل قاصدكم
وفتكم بي عافية
.........................................................
ودالعبيد
والله ماقادر اصدق
انت بيننا في الإنجمامة
موش معقول
قلت زارع
قلت بحصد
وأمكن شال المحصول ومشى السوق
وأمكن وامكن
وقلت الإمكانيات
سعداء نحن بوجودك من تاني تاني
تحياتي ومودتي
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: ممدوح أبارو)
|
اب أحمد إت عليك الترس اتوصابو
وانا بجهز ام دقوقة وبجيكم صاد
>>>>>>>>>>>>>>>>>
أبارو
بنقول ليك الصغار يملو البيت نضار وجمال
وربنا يهنئك قريباً يا رب وتبكر بي الوليد وبنية ( توأم )
عشان تقول
جيد يا تومي تومتك جات
أريد أتلمو التيمان
تحياتي ابارو
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: عاطف رميتي)
|
المنسي العشاء اب لبن
ممدوح ابارو
يا اخي كتر خير الاخ اسامة ابارو واولادو فقد كانوا باتصال معي على الدوام في الهند .
اول مرة اعرف ناهد زوجة اسامة اخوك بت ابو دية
جهزلنا قرعة تيراب لي شيقوق دا باقي طول من مبارات السلوكة
اب أحمد إت عليك الترس اتوصابو
وانا بجهز ام دقوقة وبجيكم صاد
وين البني كربو ؟
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: الطيب شيقوق)
|
سلامات اهل انجمامتنا الزينين
شيقا التكنلوجي
Quote: ممدوح ابارو
يا اخي كتر خير الاخ اسامة ابارو واولادو فقد كانوا باتصال معي على الدوام في الهند .
اول مرة اعرف ناهد زوجة اسامة اخوك بت ابو دي |
دي المحرية فيهم ابو غفران وامها
عشان ما يبرد ما قلبناه في المخلاية راجنك يا مسنوح
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
الاخ المنسي
الاخوة الانجماميون والانجماميات
وصلتني هذه الرسالة عبر المسنغر الداخلي
Quote: سلام الطيب
والله أنا عارفة جات متأخرة لكن حقيقة ما كنت متخيلة إنى أقدر حتى أدخل على المسنجر عشان كان واقف
قريت الأخبار المفجعة ربنا يتقبله قبول حسن ويعوضه شبابه الجنة
ويصبركم يا رب
تحياتى لكل الأسرة
سماح |
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
الاخ المنسي
الاخوة الانجماميون والانجماميات
وصلتني هذه الرسالة عبر المسنغر الداخلي
Quote: سلام الطيب
والله أنا عارفة جات متأخرة لكن حقيقة ما كنت متخيلة إنى أقدر حتى أدخل على المسنجر عشان كان واقف
قريت الأخبار المفجعة ربنا يتقبله قبول حسن ويعوضه شبابه الجنة
ويصبركم يا رب
تحياتى لكل الأسرة
سماح |
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
ما تكشف حالها يا مسنوح - خليني انا بدارجا برااااااااااااحة نامن تجيكم بهنا
شوف قديديمو من هسع جاء نابل باشواقو ومشاعرو
الشوق ال
.............................................................
هههههههههههههههههههههههههههههههههههههههههههههههههه
ضحكتني لما كلوي وجعتني
لا يغرك هذا الماسنجر
مازلنا نحن الكل في الكل
لكن بيني وبينك الأيام دي بقو مابردو على رسائلي حتى
هههههههههههههههههههههههههههههههههههههههه
الله يجيب العواقب سليمة
والشوق الأخير لك منه نصيب يا شيقوق
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
بو ابو القاسم
كيفك وكيف امورك
تقرر ترشيح الحاضرة الغائبة سماح لقيادة الانجمامة بعد التنحي الطوعي من المنسي
كفانا من العجائز
...................................................................................................................
والله موافق وبكل رضى ونفس طيبة
من ينبري ؟؟؟
بس مايكون شيقوق ولا أبارو
اي زول غير ديل موافق عليهو
وبالذات واحد من هولاء
سمية الحسن
سلمى سلامة
سماح
تيسير
أو
أبوالقاسم
بوبا
أيمن الطيب
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: ممدوح أبارو)
|
منسي المتنحي
ابارو
Quote: ياخ والله يا شيقا جبت عجب!
سماح مره واحده؟
ورسلت ليك مسنقر وداخلي كمان؟
الهي تدخل في جحر ضب ضكر
والله كان سماح ما عارف؟ |
اخوك كان رفع ضرعاتو ولخلخ حجباتو بجيب ليكم سلمى بت الشيخ هسسسسسسسسسسسسسسع
وضاحة متابعاكم بالطوالة وبتسلم عليكم واحد واحد
دعواتكم بالشفاء لاخينا عماد العريس ربنا يرفعه
| |
|
|
|
|
|
|
|
|
 Re: أبقى منجم .... كلمة طيبة .. إبتسامة حتى (Re: الطيب شيقوق)
|
Quote: تقرر ترشيح الحاضرة الغائبة سماح لقيادة الانجمامة بعد التنحي الطوعي من المنسي
كفانا من العجائز
تعال يا ايمن الطيب فقد آن الاون ليقود الانجمامة شباب وجكس ينضح بالنشاط و الحيوية . |
معاً من أجل التطور والترقي بإنجمامتنا
إنتخبو مرشحتكم سماح الرمز الـ 
من أجل إنجمامة خاليه من المسانيح
اللجنة العليا للانتخابات بالانجمامة
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: ممدوح أبارو)
|
Quote: معاً من أجل التطور والترقي بإنجمامتنا
إنتخبو مرشحتكم سماح الرمز الـ
من أجل إنجمامة خاليه من المسانيح
اللجنة العليا للانتخابات بالانجمامة |
يا سيدي الحسن يا اب قبتن مبنيه
اكتب لي حجاب من راسي لي كرعي
لو ما حكمت سماح والايد بقت ملويه
بجلس مع البنات وبشنق الطاقيه
دى الدعاية الانتخابية لسماح
انتي تشبهي اللبن القبيل حلبوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو
هيييييييييييييييييع كع
لقيتني كيف ود ابارو؟
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: الطيب شيقوق)
|
Quote: يا سيدي الحسن يا اب قبتن مبنيه
اكتب لي حجاب من راسي لي كرعي
لو ما حكمت سماح والايد بقت ملويه
بجلس مع البنات وبشنق الطاقيه |
يا سيدي الحسن يا اب قبتن مرفوعة
اكتب لي حجاب اتم بيو موضوعه
لو ما حكمت سماح والايد بقت مفدوعة
بجلس مع البنات وبلبس المرقوعة
هيييييييييييييييييع
لقيتك شر مستطير
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: الطيب شيقوق)
|
ههههههههههههههههههههههههههههههههههههههههههههههههههههههههههههههههههههههههههههههههههههههههههههههها
عافي منك دنيا واخرة يا ود ابارو
المنسي سقط
المنسي سقط
المنسي سقط
...................................................................
ماعندي اقتباس
والله النفس تجود بكل غالي لسماح والسماحة والطيبة
هي الدرة الغالية المكنونة ليوم الحوبة
ربنا يعيدها لينا سالمة أمانة
تحياتنا لسماح من على البعد
ومحل رهيفة التنقد
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
وضاحة متابعاكم بالطوالة وبتسلم عليكم واحد واحد
...................................................................
ماعندي أقتباس
طرب رابّو ............... ومعناها بلغة الجن
هذا المرء كذابّو
والخبر اليقين قالوا البطانة إترشّت
خت الفأس علي كتفك
وبوّح غادي
بوّح غادي
ونم فوق البعجبك
زين ؟
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: خالد علي محجوب المنسي)
|
كنت اتعجب كثيرا واستنكر على ابني استخدامه لكلمات غريبة في تواصله بالهاتف مع زملائه مثل كلمة مكسب ولغم وضهب ... الخ . بعد ذلك عرفت أن هذه ما عادت لغة شماسة وانما تستخدم في ارقى جامعاتنا وهي لغة كاملة يستخدمها شبابنا اليوم فيما بينهم وربما يقولون لمن من يجهلها: "دا زول فاره أو فرندقس ساي". واصبح الناس يألفونها بل وصل الحال بالبعض الى استحسان الامر باعتباره تطور في لغتنا ... يا سبحان الله ... يبدو أننا اصبحنا مثلما قال المتنبي:
ومن صحب الدنيا طويلا تقلبت *** على عينيه حتى يرى حلوها مرا
تعالو نشوف الحاصل:
--------------------
ضفادع+نحل+دبايب +ضهب + مظلات = شخص يفرض نفسه ويتواجد فى كل مكان (زول ما معزوم )
مرطّب= مرتاح أو بحاله ممتازه.
ربه=حفله.
دكاكينيه= خاصه.
ياعمك= ياأخونا.
كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.
شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.
قائد الاسطول= مسطول
سكروتا + مسنن = سكران .
ورل= اكبردرجه من(دبيب ونحل وضفادع) .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي
الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له
شرط للأرض ==سمحة شديدة .
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو
بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور
نار منقد + نجاضه + شديدة = يعني بت سمحة شديد
الاستكش + الخدرا + بشرب الشديد = البنقو او سجاير البنقو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
سوسن عبد الفتاح : يعني سستة البنطلون مفتوحة
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة
كدي النديكم نكت بي الرندوك علشان ما تزهجو
القاضي قال للشاب : أنت الجابك شنو هنا ؟؟؟؟
الشاب: والله يامولانا كنا بنلعب طره كجنق بالشرتيت ،، ، ،
فجأة الجمتي كبس... اثنين تفتيحة كبوا الزوغة
وواحد فارة ماثل أمامكم .....
واحدة عملت الحبيب بورقيبة لواحد ... قام الواحد عمل الضوء قدم الخير لأهلها.... وأهلها لما عرفوا ا نو ما عامل
كمال شغيل ... عملوا ليه الجزيرة أبا .... الاثنين قاموا عملوا الضوء الشارد... وعملوا عقد الجلاد... أم البت عرفت
الخبر عملت احمد الدوخي ... هههههههههههههههههههههههه
..........
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: الطيب شيقوق)
|
Quote: دى الدعاية الانتخابية لسماح
انتي تشبهي اللبن القبيل حلبوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو
|
سلامى للجميع
شيقا زى ما قال ليك المنسى: إت شفتها ووووووين؟
غايتو شيقا ما بتخلِّى محنك ... غايتو نحن راضين بعبارة " الجلاكين ".
شيقا لو تعرف أنا برسِّل المداخلة دى من وين حا تتحير.
خالد: خلِّى تلفونك فاتح.
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: أبوبكر أبوالقاسم)
|
ابو القاسم الشابي
كيفك يا اخي
| Quote: شيقا زى ما قال ليك المنسى: إت شفتها ووووووين؟ |
يبدو انتوا فارات ( بلغة العصر ) فاكرين لازم يكون اللقاء فيزيكال - انتوا عمركم ما سمعتوا بالفيديو كنفرنس
وما سمعتوا العرسان المقيمين في الغربة لما يتزوجوا ليهم بنات في السودان بيكونوا متابعين رقصات عروساتم بالفديو من على البعد وممكن كمان يكون على الخط يطلب رقصة الرقبة او العاجكو ؟
| Quote: غايتو شيقا ما بتخلِّى محنك ... غايتو نحن راضين بعبارة " الجلاكين ". |
انا ما معاكم ولا انتوا شريحة مرغوب فيكم حسب برنامجنا الانتخابي السماحيييييييييييي
| Quote: شيقا لو تعرف أنا برسِّل المداخلة دى من وين حا تتحير. |
انت وين يا مسنوووووووووووووح؟
| |
|
|
|
|
|
|
|
|
|
Re: أبقى منجم .... كلمة طيبة .. إبتسامة حتى (Re: ممدوح أبارو)
|
Quote: عزيزنا ود المنسى
سلامات
وشنو ؟
ضربت دبى دى يا طويل العمر ونسيتنا تب .
تحياتى |
إن نسلو هيهات نسلو كل الجمال
ود موسى والله لكم الشوق بحور وان تروي لا تقك ظمأ لشخوصكم
التي خلدت فينا وحلت دار سكونا
أشرقت بك شديرات إتكاءتنا في الإنجمامة
ولك كل الود ود موسى عِتمان
| |
|
|
|
|
|
|
| |
أبوبكر أبوالقاسم
ممدوح أبارو
خالد علي محجوب المنسي
العبيد الطيب عبدالقادر
الطيب شيقوق
فيصل محمد خليل
Osman Musa
فيس بوك
تويتر
انستقرام
يوتيوب
بنتيريست