|
هودنا يا هودنا...قصيدة للاخ سوس
|
وصلتنى القصسدة التالية من الاخ ابونورة قصائد خاصة بالوضع السياسى >
هودنا يا هودنا ما شبع يا دا الجنا > حاكم غلط عشرين سنه - والله ضراً مسنا > شرزمنا كنا موحدين – رجعنا لي مليون سنا > عم الفساد بلدا أكان – اشرف بلد في كوننا > افقرنا شوف هذا الفساد- ودرنا بهدل حالنا > اتْ ما شبع يا دا الجنا ؟ > انظر سجل الانتخاب – مضروب يزود همنا > من البداية مزورة – ان كان بعيد كان جنبنا > اما بطاقات الانتخاب – معروضة للبيع دون عنا > تلفازنا صبحا و المسا – في خدمتك في ذمنا > اتْ ما شبع يا دا الجنا ؟ > قال مستقلة اللجنة قال – والله جد ضحكتنا > صاح المراقبين في هلع – مارقين عشان هددتنا > نجن الضيوف في دا البلد –بالله ليه خوفتنا > هم خافو من قطع الرقاب – قطع السان وفضحتنا > اتْ ما شبع يا دا الجنا ؟ > هذي انتخابات مهزلة – محسومة من قبال سنه > قاطعوها ما تتلوثو – الكل جميع انت و انا > شارك بجيك تاني الفساد – وبشيلو حقك وحقنا > الظلم لابدن يزول – والعزم ديدن شعبنا > هذا النظام ممكن يزول – لو بس نوحد صفنا > اتْ ما شبع يا دا الجنا ؟ > ســــــــــــــوس > 9/4/2010
|
|
|
|
|
|