|
|
|
 Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
سلام يا داليا,,
يا داليا ياخ الزول دا خلعوهو فى صمة خشمو وقالو ليهو فى مسيرة جاية عليك!!
عليك الله شفتيهم جايين مسخنين وروحم محرقاهم خاااااااصة شول والعوض ومحمد جبريل
وحاتم كاهن وإنعام حيمورة وبدرالدين !!!
فشغل بنات أفكاره أو أصلا عندو طاقم سودانى شغال معاهو إجارك الله!!!!
فخرجوا عليهم بنظرية خمسة وخمسة جونى الشايفاها دى!!!!!!!!!
بعدين نحن فى موضوع إحتضار الديبلوماسية دا أحسن نسكت ساااااااااااااااااااااااااى  عشان خاطر عيون مصطفى!!!!
| |
 
|
|
|
|
|
|
|
 Re: إحتضار الدبلوماسية ..(سفير لبنان بالخرطوم نموذجاً) !!! (Re: أيمن الطيب)
|
Quote: عليك الله شفتيهم جايين مسخنين وروحم محرقاهم خاااااااصة شول والعوض ومحمد جبريل
وحاتم كاهن وإنعام حيمورة وبدرالدين !!! |
والله ما قصروا الله يديهم العافية ..لكن يا أيمن لمن إعترض على الكروس في علم بلدو ..لازم نقطع ليهو الورقة الشارطة من كتاب المطالعة دي ..ولأنو اخوانا ما كان ممكن يعملوا كدة وهم في ضيافتو كأدب على الأقل ..
خلونا نقوم بالدور ده من وراء الكيبورد وكدة ونقطعا ليهو هنا ده 
عليك الله يا أيمن أصابع اليد الواحدة طلعوا خمسة ؟
| |
|
|
|
|
|
|
|
 Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
داليا كيفك
يازولة ده إستهتار وإستصغار للناس ... وعبط كمان ... الراجل قال لينا عن الكروس اللى عملنا على علم لبنان ودعوات المقاطعة
قال دى إهانة لشعب لدولة دولة لها سيادة .... لكن العوض المسلمى بررد بطنا ، رد ليهو على طول : وطيب إهانة شعب بأكمله تطلع ايه
والله لو كنت حاضرة كلاموا معانا كنتى مشيتى خليتيهو ، الراجل كان خايف يطلع لينا ... وبعد أن أقنعه الوسطاء طلع ويلوك فى اللبانة
ويتصبب عرق ... ده شجاعة لمواجهة شوية ناشطين ماعندو ... ناهيك عن أسلوب يليق بالدبلوماسية ..
المهم ح تتواصل حملات التصعيد ودعوات المقاطعة ... وده أضعف الإيمان مننا فى الخرطوم
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
شيء أخر ياسيدي لم يسعفك به خيالك الدبلوماسي ..
الأيدي المتصافحة في الرسم الموجود على ورقتكم العظيمة (بيضاء) !!!
وكان الأنسب أن تكون واحدة بيضاء والأخرى سوداء..
هل كنت تظن اننا سنغضب ؟أبدا ..فهذه حقيقة ..أيادينا فعلا سوداء ..
حتى أنها مسالة بديهية جدا والدليل واضح كلونكم الأبيض أن أسم دولتنا الكبيرة المتعارضة مع صغر
دولتكم ـويا سبحان الله إكتشاف خرافي ـ إسمها (السودان ) ..شفت كيف سعادتك ؟
| |
|
|
|
|
|
|
|
|
 Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
Quote: ولم أفهم ما الذي يمكن أن نستفيده من التشابه اللفظي بين لبنان وسودان ..
والحقيقة ياسيدي إسم بلدنا ليس سودان وانما معرفا الـ سودان
فحينها يكون عدد حروفه سبعة ..
إلا ان كنت تعني كتابته بالإنكليزية sudan
وحينها يجب أن تأتي بمقابله بالإنكليزية Lebanon
وتصبح حينها سبعة أيضا ..
إذا النتيجة مرة 5/7 لصالح Lebanon
ومرة 5/7 لصالح السودان ..
أريت حجة ضعيفة جدا ..
والأهم حجة لماذا ؟
ولماذا هذا الإستدلال أصلا؟ |
الزول ده يا داليا إلا كان قاصد يبقي بلدنا نكرة.
_____________
Capital S please 
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
شباب
غايتو هانت الشعيريه
زمان كنت بأعتقد إنك عشان تشتغل في السلك الدبلوماسي لازم تكون زول خارق
سوبرمان ملكاتك ما بتشبه باقي البشر
لكن بعد الشفته من السفير اللبناني ده
باقي لي بكلم واحد قريبي شغال في الخارجيه يشوف لي وظيفه إنشاء الله وكيل وزاره الخارجيه
يأخي ده قعد في مكتبه وعمل ليهو ورقه ببرنامج ويرد زي الطالب بتاع آولى إبتدائي
ألوان وصور تضحك
قال شنو ؟؟
لبنان والسودان
متشابهان في اللفظ متعارضان في المساحه
لبنان أصغر دوله متوسطه
السودان أكبر دوله أفريقيه
لبنان خمسه
سودان خمسه
هما عدد أصابع اليد
لنشبك الخمستين سودان ولبنان
وما الأيدي إلا علامات البناء والمحبه والصداقه
لاحظ رعاك الله إن كلامه ده معاهو صور لتدعمه
صور أصابع وخراط للسودان ولبنان
الزول ده قايل نفسه بيخاطب في تلاميذ روضه
معقوله سفاره لبنان ما عندها ملحق إعلامي
ما عندهم زول يعرف يصيغ خطاب لمخاطبه مسيره غاضبه من فعل عنصري
يأخي والله قلت الواحد يتهور وينط جوز زي بله جابر في وش الزول ده
وأخرب ليك العلاقات نهائياً
ولا أقلع جزمتي وأجدعه بيها ولا أضحك ولا أبكي ولا أعمل شنو ..!!!
الوصيه بالمهله بالله شيلو خطاب الزول المحترم ده ولفو بيها في كل الأسافير عشان نفضح العن(.........)ه اللبنانيه الفارغه الإتضح إن سفيرها ما قادر يكتب خطاب صحيح
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
يا داليا,,
شكلك ماخدة الموضوع دا جد!!!!
كان ذلك ممكنا لو أنه خرج علينا بجملة مفيدة واحدة!!
عشر كلمات تحس إنهن قد خرجن من فم ديبلوماس يحترم دولة
هو سفير فيها!! الشخص الأول فى البعثة الديبلوماسية..
من قلب مأساتنا ومأساة إخوتنا الذين تعرضوا لأشكال مختلفة وما زالوا يتعرضون لها,,
خرجت نكتة هذا السفير المعجزة !! السطوحى المسطح السطحى السطحنجى ,,
ديبلوماسية إيه الى إنتى جايه تقولى عليها!!!
اللهم إلا كان ديبلوماسية الخمس خمسات,,
تحياتى وكدا..
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: داليا حافظ)
|
يا داليا,,
شكلك ماخدة الموضوع دا جد!!!!
كان ذلك ممكنا لو أنه خرج علينا بجملة مفيدة واحدة!!
عشر كلمات تحس إنهن قد خرجن من فم ديبلوماس يحترم دولة
هو سفير فيها!! الشخص الأول فى البعثة الديبلوماسية..
من قلب مأساتنا ومأساة إخوتنا الذين تعرضوا لأشكال مختلفة وما زالوا يتعرضون لها,,
خرجت نكتة هذا السفير المعجزة !! السطوحى المسطح السطحى السطحنجى ,,
ديبلوماسية إيه الى إنتى جايه تقولى عليها!!!
اللهم إلا كان ديبلوماسية الخمس خمسات,,
تحياتى وكدا..
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: Tabaldina)
|
داليا
ازيكـ
لم يسبق لي ابداء رايي حول قضية السودانيين ببيروت ، لظني ان لاجديد في قضية الاهانة من العرب للسودانيين ولم استغرب كثيرا مما بدر من اللبنانيين ، فهم قطعة من العرب ،،
لذلك وحسب وجهة نظري.
كل سوداني ماعاجبه حاله برا بلده ينقلع يجي راجع ،بدل التباكي الحاصل دا
وعلينا كسودانيين ان نكون اكثر انتماءا لعرقنا الافريقي بدلا من التلبط باذيال العروبة
بالنسبة للورقة المقدمة من السفير والتي لم تكن بحجم القضية
انت طماعة خلاص ياداليا،، شعب تلات ارباعه مصففين شعر ، عايزة سفيره يكتب شنو يعني؟؟؟؟
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: شمائل النور)
|
داليا سلامات
Quote: لبنان أصغر دوله متوسطه
السودان أكبر دوله أفريقيه |
و هذا لعمري أكبر دليل يريح الشباب العاملين لينا فيها عرب
لم يقل لبنان أصغر دولة عربية
و السودان أكبر دولة عربية
و يحاول اللعب علينا بأقوال من شاكلة الأخ الكبير بيسامح الصغير إذا غلط
أو الكبير كبير.....
قالها لكم بمنتهى الصراحة: نحن متوسطيين: يريد أن يتلصق في الأوربيين
و بارك الله ردنا إلى أصلنا الإفريقي
دون أن يضطر إلة قولة أسلافه عندما طلب أسلافنا (الله يطراهم بالخير من البلاوي الرمونا فيها) الإنضمام إلى جامعة الدولة العربية: عندما صرحوا صراحة بأننا عبيد لولا تدخل عبدالناصر
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: سامي صلاح محمد)
|
دا انسان بائس بؤس سفير الخرطوم ببيروت
اتخيل ما حدث في لبنان من دولة تجاه رعاية دولة اخرى
لكن ماذا عن يهود بني السودان ؟
دا طبيب بيضرب من قوات امن سودانية يتخيل لي الضرب ما بيكون بايسكريم
لك الله يا شعب السودان من السودان الى لبنان انت مهان
ثم لا يجد البشير حرجا في ان يتحدث عن عزة وكرامة السودان وهو اول من مرمط كرامته
| |
|
|
|
|
|
|
|
|
|
السفير السوداني ببيروت يعرب عن اقتناعه بالتبرير الذي قدّمه الأمن اللبناني!! (Re: Amira Elsheikh)
|
سفير وسفير !!
السفير السوداني ببيروت يقلل من حجم الكارثةويعرب عن اقتناعه بالتبرير الذي قدّمه المدير العام للأمن العام اللبناني!!
Quote: .. وفيما حاول السفير السوداني «عدم تكبير حجم الحادثة»، أشار إلى أنّ جميع المواطنين السودانيين الذين يملكون إقامات قانونية أُطلق سراحهم، على أن يُرَحَّل الآخرون الذين يقيمون على الأراضي اللبنانية بصورة غير شرعيّة. وأعرب عن اقتناعه بالتبرير الذي قدّمه المدير العام للأمن العام اللواء وفيق جزيني «لأننا لا نريد إثارة مشكلة هي عبارة عن مسألة فردية»، جازماً بأنّ حكومته «ستكتفي بهذا القدر حالياً».
|
لاحظ: لا نريد إثارة وتكبير مشكلة هي.عبارة عن مسألة فردية!!
يأتي هذا في وقت يستميت فيه السفير اللبناني بالخرطوم بالدفاع عن مصالح بلاده ويقاتل بشراسة ضد الدعوة لمقاطعة المطاعم اللبنانية ويرفع شعارات الخمسات التوحيدية ! بينما يستهين نظيره السوداني بكرامة مواطنيه!!
.......
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: نجلاء قرافي)
|
الاستاذة داليا حافظ تحياتي
من رمى بنا في هكذا مهازل هي حكومة السواد
حكومة الغفلة وله الحق يتطاول السفير في بلادنا
فمن يلازم اؤلئك ويرى تجاهلهم لشعبهم وي رى احتلال مصر
لحلايب ومهانة الاطباء وضربهم وسلخهم ثم يرى مطاردة ناهد
والامن يقمع ويقتل دون مساءلة فله الحق في التطاول من لا
يحترم داته لن يستطيع اجبار الاخرين على احترامه سيدتي .
................................................حجر.
| |
|
|
|
|
|
|
|
|
|
Re: إحتضار الدبلوماسية ..(سفير لبنان بالخرطوم نموذجاً) !!! (Re: حسن محمود)
|
يا داليا ..
عرفتك إنك ما حتقدري تتجاهلي (ورقة المطالعة) دي ..
العجب أنا ..
أنا الورقة قاااعده عندي في مكتبي ومن أمبارح أي زول جا ماري علي ساي ..
حكيت ليهو عن الحصل في لبنان ومستواهو الأخلاقي .. وفي الآخر كده بقوم بوريهم الورقة بي نفس الطريقة الجا مارق لينا بيها السفير ..
أيوا يعني عايزانا نموت من المغسة دي برانا ..
والله حقو نعمل مسيرة تانية ونطالب السفير ده بإعتذار منفصل من الهببو أمبارح بي وريقتو دي ....
والورقة لفتتني لي شيتين :
أول شي ، تعامل سفارة لبنان الغير جاد والهزلي مع الحدث .. والجواب باين من ورقتو ...
الشي التاني ، إختيار هكذا سفراء للسودان .. وده إن نم عن شي بينم عن .. رؤية الحكومة اللبنانية ممثلة في وزارة خارجيتها لدولة كالسودان
على أنها بتحتاج لسفير درجه عاشرة أو أدنى لإدارة العلاقات بين البلدين .. وأهو خلاص إذا صعبت شديد أجيهم مارق بي ( الأصابع الخمسة ) ..
عشان كده .. أنا بتفق مع أخوي محي الدين جبريل في إنو مد(الإعتراض) الشعبي مفروض ياخد بعد دولي بمعونة بورداب الخارج ..
فالرهان على الداخل ( سفير الورقة + حكومة فضيلة الصمت ) غير حيحرجنا جنس الإحراج ده ما راح يسوي شي ..
على هامش(الورقة ) :
إنتو صحي في حلاوة لبنانية إتوزعت ؟ وأنا كنت وين ؟
يمين الله مشيت جعان ورجعت جعان ...
| |
|
|
|
|
|
|
|
|
 Re: إحتضار الدبلوماسية ..(سفير لبنان بالخرطوم نموذجاً) !!! (Re: حسن محمود)
|
أستاذة داليا ومتداخليها الاكارم
| Quote: هو ان جماعتنا ما قصرو وعاملوهم بالمثل. |
السفارة السودانية في لبنان تتحول الى شرطة أداب على مواطنيها
أرسله وليد اسكاري (لم يتم التحقق) يوم جمعة, 2010-06-18 22:21.
أنا لا الوم ألامن العام على تصرفه المهين للسودانيين لأنه تصرف على طريقةالصهاينة عندماتتلقى الضوء ألاخضر من أميركا تأملوا رد القنصل العام للسفارة السودانبة في جريدة السفير يوم 12 حزيران في معرض رده على هذا التصرف من قبل ألامن العام قال بالحرف الواحد للدولة اللبنانيةالحق بأتخاذ ألاجراء الذى تراه مناسبا وتناسى أن للمواطن حق الحماية الدبلوماسية من قبل سفارته لا اقول الحصانة الدبلوماسية لأنه متحجب ورائها فهذه فضيحة للسفارة بتقطية الجريمة لكي لا تفتضح في ايعازها للأمن العام السفارة ترى في السودانيين المقيمين بلبنان عار على السودانيين وتناست عار فساد الحكومة السودانية الذي تسبب في لجوء السودانيين الى لبنان
الكلام أعلاه لدهشه اللينانيون أنفسهم من أداء السفارة السودانية في الازمة
وموقفه المخزي من الحصل لمواطنيها في بيروت
فيبقي مافي تعامل بالمثل السفير اللبناني حتى لو ده سقف أمكانياتو بيظل بدافع عن بلدوا وموقفه
ممكن بنندهش من السطحية لكين ده الواقع كدي عاينو للأعلام ولكل الطريقة البتتعامل بيها لبنان كرائدة للتنوير في العالم العربي
السطحية سيدة الموقف
---------------
لفت نظرى برضوا من خلال قراءاتي في الموضوع تصريحات الاتعرضوا للإعتداء سوال العساكر ليهم أتعلمتوا العربي وين ؟؟؟؟
وتعليق اللبنانيون أنفسهم أنو جنود الامن بتاعنهم بجهلوا أنو السودان دولة عربية !!!!!!
أو بتحاول تقنع العرب أنها كذلك
أسفي على زمن الهوان
| |
|
|
|
|
|
|
| |
داليا حافظ
أيمن الطيب
محي الدين جبريل
شول اشوانق دينق
فدياس نجم الدين
khaleel
nazar hussien
خضر حسين خليل
العوض المسلمي
محمد صباحى
شمائل النور
محجوب البيلي
طارق جبريل
talha alsayed
Abureesh
كمال عباس
نجلاء قرافي
الرفاعي عبدالعاطي حجر
حاتم كاهن
نصار
فيس بوك
تويتر
انستقرام
يوتيوب
بنتيريست