|
|
 اختراعات سودانية
|
حاولت ان اجد اي جهة سبقت اهل السودان السياسي في نجر هذين المصطلحيين ادناه فلم اجد وكذلك لم استبين ما يعنيانه فالديمقراطية عند الذين هم اصحابه الذين نجروه نجده بدون هوامش ولا تحويلات فلذا فان المصطلحيين اختراعيين سودانيين خالصيين لا شق ولا طق بهما فلينعم العالم بحسناتهما :
"هامش الديمقراطية "
"التحول الديمقراطي"
|
|
  
|
|
|
|
|
|
|
|
Re: اختراعات سودانية (Re: abubakr)
|
باضافات الفاتح وناذر حتي الان فجملة الاختلراعات السودانية :
"هامش الديمقراطية "
"التحول الديمقراطي"
"....البكور...."
"النفره الزراعيه"
"الإجماع السكوتي "
"التوالي السياسي "
"هامش الحرية .."
واضيف :
"التوجه الحضاري"
" الدبابيين"
| |
|
|
|
|
|
|
|
|
|
Re: اختراعات سودانية (Re: abubakr)
|
أبوبكر يا خوى سلاااام
ياخى ده قاموسن عويص بالحيل .. لاكن(مش فيها ألف) مافى مشكلة كدى خلينا نبدأ بالحاجات القالا حبيبنا ناذر ده (طالبو صحن مرارة) !! أها يلاكم وأبدأ ليكم بـ(إستراحة محارب) !!!
| |
|
|
|
|
|
|
|
|
|
Re: اختراعات سودانية (Re: الفاتح يوسف جبرا)
|
الفاتح جبرا هنا يا بختنا ...الف تحية وسلام ايها "المحارب"
"تسوية البلاغ" دية فيها من "نظرية التشبيهات بتاعة السعدني وصلاح جاهين الله يرحمهم" ملامح اصلو بنشوف في الافلام الامريكانية! اللي فيها قضايا ومحاكم ومحاميين انو الادعاء بيعمل اتفاق مع الدفاع والمتهم واها بدل الحقنة السامة يدوهو 25 سنة .. ياااخ الجماعة دييل ما يعملو معانا "تسوية بلاغ" ونخلص سجن سجن بس نعرف لكام سنة ؟ ويادار ما دخلك شر
__________________
حاشية : كما وضح المرحوم اسامة انور عكاشة في مقابلة تلفزيونية وهو يرد علي سؤال في الكورة فقال انو الكورة عندنا تنطبق عليها "نظرية التشبيهات" يعني 22 لاعب وكورة واقوان ونجبيلة بس مهياش الكورة بتاعتهم ...
دة بس للقياس والباقي عليك ....
| |
|
|
|
|
|
|
|
|
|
Re: اختراعات سودانية (Re: abubakr)
|
سلامات يا خال ...
و الله لو شدينا الهمة ممكن نرجع من الحج قبل العيد لوووولز
و نعمل معجم مصطلحات نلم فيها المفردات و نخلي الشرح نقط نقط
و المشتري يملأ الفراغ زي ما هو عايز ...
حريات و كده ...
والله انا في حاجة محيراني اكتر من المفردات و كل مرة، في الحقيقة المحيرني
منبع المفردات و منجمها الشهير ... كل ما امشي اقرأ صحيفة الانتباهه
بسرررررررح بعيد و بحاول استشعر الحالة النفسية للشخص اللي كتب الـ slogan -motto بتاعها:
قال ليك صوت الأغلبية الصامتة ... دن دن دن ضوء خافت، البطل و الخيانة ماشين سوا سوا
يعني صحيفة الحزب الحاكم هي صوت الأغلبية ، ماشي يا عم الاقلية تتحرق بكروسين بايت
بس صامتة، دي هاء السكت يا ربي؟ ساكته عاجبها ساري بالها ولا المانع لعلو خير
يبدو انها ساكتة غصبا عنها بدليل ان الانتباهه بتتكلم بالنيابة عنها، ألف مبروك بيت مال و عيال ...
طب الأقلية ما صامتة؟ الحمدلله حمد كثيرا، أقلية نضامة خلاس!
بتقول في شنو؟
الاقلية البتدق و بتتحرق و تتسجن يا ربي فيها حيل تقول شنو؟!
أقلية ما منضبطة ما تتلم على الأغلبية و تبطل هرج!
الاقلية دي سبب المحن خلي بالك ...
و لإيجاد قيمة من يتحدث (س) قمنا بحذف الكلام من طرفي المعادلة
الحل: البلد اغلبية و ما أغلبية صامتين يحمدوا ربهم
البلد كويسة و زي الفل يا خال ... الامن مستتب و ابشرك:
| Quote: السودان أصبح دولة تحظي باحترام العالم من خلال الدور الحيوي الذي يلعبه في قضايا الإقليم والعالم |
الفوق ده ما منشيتات عام 2090، ده طبيخ الليلة، آي و الله طازة ..
العالم شخصيا بيحترمها، سنا يا احترام!
الدور الحيوي ده ما عرفتو بس لو غيروهو أقرب مرادف مناسب بيكون (جوطة)
http://smc.sd/news-details.html?rsnpid=15487
الحمدلله البلد ... ماشة كويس ... صلاة النبي!
| |
|
|
|
|
|
|
|
|
|
Re: اختراعات سودانية (Re: عزاز شامي)
|
ياعزاز يابتي ... انا بس لو عرفت الجماعة دييل مصريين انو خلق الله يا صامتة يا سكوتي ليه ؟؟؟.. ياااخ دييل عندهم عشق ل"هس" ...هسع الناس دي حتهتف ليهم "سير سير " كيف يعني ؟؟؟
| |
|
|
|
|
|
|
|
|
|
Re: اختراعات سودانية (Re: abubakr)
|
برطع - فرتق – كنكش – سردب – صنقع - - هضرب – زرقن – بشتن – سنسن – طرشق
- طربق - شحتف – دنقر – شلهت – سلفق – عنقد – حمبك – عصلج – خرخر – حندك – جهج – تلب –
| |
|
|
|
|
|
|
|
|
|
Re: اختراعات سودانية (Re: عاطف عمر)
|
يا عاطف انت باين عليك "لبلب" في اللغات ... انا غايظاني واحدة اسمها "سيسيولجي " ..دة بس ما سودانية لكن منابر كدة وكتاب كدة سودانيين بيستعملوها كتير وانا جني وجني السينات الكتار
| |
|
|
|
|
|
|
|
|
|
Re: اختراعات سودانية (Re: عاطف عمر)
|
بعد اسهام الفاتح جبرا وندي وعاطف وقلقو في القاموس المختصر :
"هامش الديمقراطية "
"التحول الديمقراطي"
"....البكور...."
"النفره الزراعيه"
"الإجماع السكوتي "
"التوالي السياسي "
"هامش الحرية .."
"التوجه الحضاري"
" الدبابيين"
"تسوية البلاغ "
"الأغلبية الصامتة"
"السندكالية"
"النرجدة"
"المناورات السياسية"
"قبة البرلمان"
"اخوات نسيبة "
"مرابطين/مرابطات"
"الجنجويد"
"الخطوط الحمراء"
"الأيدى المتوضئة"
"هى لله "
ومساهمة مكي في القاموس الشامل :
برطع - فرتق – كنكش – سردب – صنقع - - هضرب – زرقن – بشتن – سنسن – طرشق
- طربق - شحتف – دنقر – شلهت – سلفق – عنقد – حمبك – عصلج – خرخر – حندك – جهج – تلب –
| |
|
|
|
|
|
|
|
|
|
Re: اختراعات سودانية (Re: قلقو)
|
يا قلقو العربي دة بقوه لينا اصعب من زمانك ...يعني الواحد في امانة الله بيعرف يقرء جرائد زمان زي البلب يجو يجيبو عربي جديد هو احنا عرفنا القديم
| |
|
|
|
|
|
|
|
|
|
Re: اختراعات سودانية (Re: abubakr)
|
يا باشمهندس
ياخي احترنا في تلفزيونات السودان
وفي (الخلوق) النازلة فيهو كلامات ....
سمعت بمصطلح (ظواهر سالبة) .... ؟
سالبة من شنو والموجب حقها شنو ..... ؟
لغة من ياتو عصـر ومقيوسـة على ياتو قياس ..... ؟
يا باشمهندس الناس في البيت .. الولد وأبوه ممكن يختلفوا ... الحوار وشيخه ممكن يختلفوا ... صحيح ..؟
طيب لو اختلفوا ... السالب مين والموجـب مين .... ؟
الله المستعـان .... من قبل ومن بعـد ..
أحمد الشايقي
| |
|
|
|
|
|
|
|
|
|
Re: اختراعات سودانية (Re: أحمد الشايقي)
|
تعرف يا باشمهندس
Quote:
قال ليك صوت الأغلبية الصامتة ... دن دن دن ضوء خافت، البطل و الخيانة ماشين سوا سوا
يعني صحيفة الحزب الحاكم هي صوت الأغلبية ، ماشي يا عم الاقلية تتحرق بكروسين بايت
بس صامتة، دي هاء السكت يا ربي؟ ساكته عاجبها ساري بالها ولا المانع لعلو خير
يبدو انها ساكتة غصبا عنها بدليل ان الانتباهه بتتكلم بالنيابة عنها، ألف مبروك بيت مال و عيال ...
طب الأقلية ما صامتة؟ الحمدلله حمد كثيرا، أقلية نضامة خلاس!
بتقول في شنو؟
الاقلية البتدق و بتتحرق و تتسجن يا ربي فيها حيل تقول شنو؟!
أقلية ما منضبطة ما تتلم على الأغلبية و تبطل هرج!
الاقلية دي سبب المحن خلي بالك ... |
الزميلة دي كتابتها طاعمة شديد
أحمد الشايقي
| |
|
|
|
|
|
|
|
|
|
Re: اختراعات سودانية (Re: أحمد الشايقي)
|
سلام يا احمد..انت الفضائيات السودانية بتسوي ارتفاع في الضغط والسكري في الدم وقرحة في المعدة ..اسالني والسبب البنيات والوليدات بتاعيين "سالب وموجب" دييل ...انا زمانمك لما الواحد يقول "بيتقعر في الكلام " ما كنت عارفا شنو (ما نوبي ) لحد ما سمعت دييل وقلت اكييد دييل ناس التقعر .... وقيل في التقعر في الكلام :
Quote: التقعر في الكلام
كان رجل من التجار له ولد يتقعر في كلامه، ويستعمل الغريب؛ فجفاه أبوه استثقالاً له
وتبرماً به، ومما كان يأتي به، فاعتل أبوه علةً شديدة أشرف منها على الموت. فقال: أشتهي
أن أرى ولدي، فأحضروهم بين يديه وأخر هذا ثم أخر حتى لم يبق سواه، فقالوا له: ندعو لك بأخينا فلان ؟ فقال: هو والله يقتلني بكلامه، فقالوا: قد ضمن ألا يتكلم بشيء
تكرهه؛ فأذن لهم. فلما دخل قال: السلام عليك يا أبت، قل أشهد أن لا إله إلا الله، وإن
شئت قل أشهد أن لا إله إلا الله؛ فقد قال الفراء: كلاهما جائز، والأولى أحب إلى سيبويه.
والله يا أبتي ما شغلني غير أبي علي، فإنه دعاني بالأمس، فأهرس وأعدس، وأرزز وأوزز،
وسكبج وسبج، وزربج وطبهج، وأبصل وأمصل، ودجدج وافلوذج ولوزج.
فصاح أبوه العليل: السلاح السلاح، صيحوا لي بجارنا الشماس لأوصيه أن يدفنني مع
النصارى وأستريح من كلام هذا البندق.
__________
جمع الجواهر في الملح والنوادر : الحصري القيرواني . |
| |
|
|
|
|
|
|
|
|
|
Re: اختراعات سودانية (Re: abubakr)
|
التأصيل
التمكين
الاتنين الفوق ديل سقطن قبّال ما نعرفن ذاتو ..!
خليك من "الضقل بالخصوم السياسيين" ... و"هلمجرا" ذاتا
تجي تقول لي "المواعين السياسية"؟
كده بالله اشرحوا لينا "التأصيل" دي في الأول ..
أنا اعتقد انها من أصله .. الثعبان الكبير داك
لأنو الأصلة بتبلع بدون ما تمضغ .. واللا أنا غلطان ؟
| |
|
|
|
|
|
|
|
|
|
Re: اختراعات سودانية (Re: سالم أحمد سالم)
|
يا سالم يا خوي .. التاصيل دي مستشارية بحالها والتمكيين ياها البعثرتنا في كل واد ....
هسع قالو في سوق للمواعيين السياسية زي مواعيين المطبخ سوا سوا وفي تجارر جملة وتجار قطاعي وموزعيين ووكلاء وكمان سوق ابيض لانو سوق المواعيين السياسية كلو اسود
| |
|
|
|
|
|
|
|
|
|
Re: اختراعات سودانية (Re: abubakr)
|
فجوه غذائيه = مجاعه
قواتنا قادره علي التعامل = نيران غير صديقه
قوي الاستهداف = امريكا ومن لف لفها
الحركه الشعبيه = قوات التمرد
اختي الكريمه = لمخاطبه حرائر القنوات عند اللقاءات التلفزيونيه
انفلات امني = دواس
العملاء = كل من يخالف الراي
الصف الوطني = المؤتمر الوطني + احزاب التوالي
ابتلاءات = البتسوي كريت في القرض
| |
|
|
|
|
|
|
|
|
|
Re: اختراعات سودانية (Re: باسط المكي)
|
بالغتو يا جمااااعة أنا منتظر من أمس
قولت ممكن بوردابي فيكم يكتب عن ...
الجنجويد
"اليوناميد" صنعت للسودان , بعد حليفة /عمر بشير الباطلة بعدم دخول الاجانب
الخارجين عن القانون
قوات حرس الحدود
مجلس شوري الموتمر اللاوطني
شنطة تمكنّا
لفظ "كيزان" , قاتلهم الله
أمري الجديدة و الكذبة الكبيرة
الخصخصة
"موسي هلال" ... صناعة كيزانيّة 100%
وأخيراً..
صعاليق سودانيزاونلاين ...
حسب ما أطلق البرلمان علي أعضاء هذا المنبر
----------
شكراً م/ أبوبكر سيد أحمد
| |
|
|
|
|
|
|
|
|
|
Re: اختراعات سودانية (Re: abubakr)
|
الله واكبر
عارف يا صحبى الجميل مرة كنت فى وفد رسمى لمدينة الابيض
كنت اشتغل مع منظمة طوعية
المهم يا سيدى مشينا الابيض لانه المنظمة بجهد شعبى عملت مركز غسيل كلى
فى الاستقبال الذى قام به حينها الوالى دكتور فيصل
جاء هو ومن يدعى مولانا احمد هرون
اول مادخلوا القاعة ووقفوا يتحدثون واحد منهم على الاقل كان يتحدث
فاذا المواطنة الواقفة الى جوارى تقول بصوت عال
"الله واكبر "
كانت تلك اول مرة احضر فيها فعالية رسمية
سالتها بتعجب
ـ ليه قلتى كدا ؟
اجابتنى
ـ اصلا الناس بقولو كدا
وتعجبت من تلك المقولات
لكن اطرف ما تم اختراعه ما ساحكيه لك
قال الراوى
كان والى سنار فى زيارة الى سنجة ربما فى زيارة حبية
السواق كان من النوع اللذيذ سطل يا صحبى وكان منتظر الوالى
بالمناسبة كان هذا الوالى لما يجى داخل المكتب المحدد لازم تصطف الصفوف كل يوم بل كل لحظة يكون مارى فيها ويردد الجمع
الله واكبر
السواق سطل وقاعد فى العربية مشغل التكييف وضارب الهم بالفاقة
اها الوالى جا عشان يشيل ليهو ورق نساهو فى العربية او حاجة كدا المهم
السواق من جهته دور وفتح على سنار
لمن مشى مسافة اكتشف انه ما معاهو الوالى ، طيب كيف العمل؟
اتوكل ووصل المكتب
الجماعة من شافو عربية الوالى اصطفو عشان يقولو الله اكبر
صاحبنا جاهم جارى سالوه وين سعادة الوالى؟
قال ليهم ـ خلونى اخد نفسى ، انى امنت بالله ، اول ما ركبت العربية بعد الاجتماع انتهى ،
حسيت انه فى حاجة غريبة بتحصل
اتاريهو سعادة الوالى كان راكب فى بساط البساط دا مرات يجى قريب منى فى العربية
وانا اجرى بسرعة وهو لاحقنى
المهم يا صحبى فى اللحظة ديك الوالى هلّ وظهر وداير يهجم على السواق ،
الناس الواقفين صف قعدو يقولو للوالى "سبحان الله ، الله اكبر "
سالهم ـ فى شنو ؟ حكوا ليهو القصة بتاعة السواق
فاذا به يبتسم ابتسامة ترابية مجيدة ويقول للسائق
ـ ياخ الكرامات دى مش قلنا ما تكلم بيها زول ؟
فى انحطاط اكتر من كدا ؟
| |
|
|
|
|
|
|
|
|
|
Re: اختراعات سودانية (Re: د.محمد بابكر)
|
اسهامات جديدة من عاطف وسلمي سلامة ود.محمد بابكر :
- الشاعر القامة ...
- رقم يصعب تجاوزه
-الكرامات
-ترعتى كنانه والرهد؟؟
وانا كمان اضفت :
ابتلاءات
الفضائيات السودانية
خبير استراتيجي
خبير عسكري
العمالقة
عفراء مول
الجمرة الخبيثة
| |
|
|
|
|
|
|
|
|
|
Re: اختراعات سودانية (Re: abubakr)
|
تعرف يا باشمهندس,
أول ما تلاقي كلمة (ابتلاءات) دي , تعرف خلي بالك ..... أكيد دي ورطة من الورطات الـ ورطوا فيها السودان,
يعملوها بإيديهم ويقوليك : (ابتلاءات)
أحمد الشايقي
| |
|
|
|
|
|
|
|
|
|
Re: اختراعات سودانية (Re: abubakr)
|
أستاذ ابوبكر وضيوفو
سلامات
ديل مختلفات شويه لكن ما بعيدات عن الموضوع:-
دول الإلحاد والإستكبار
القوى الأمين = حرامى كبير
طلاقات وحرامات الرئيس
بلوها وأشربو مويتها
تحت جزمتى
أمريكا لمى جدادك
واحده إندثرت
نأكل مما نزرع ونلبس مما نصنع
وأكبر نكته :- سلة غذاء العالم
| |
|
|
|
|
|
|
|
|
|
Re: اختراعات سودانية (Re: Egbal Elmardi)
|
الباشمهندس أبوبكر
تحياتي
الراحل المقيم(cliche)
الرقابة القبلية(المسبقة)، (وتقابلها الرقابة البعدية.. والتي هي مستحيلة عملياً)
الشفقة والتسرع (الصحافة الرياضية)
الاسهالات المائية
الأديب الأريب (cliche)
التجربة الماليزية :)
عروس الرمال
اللذيذ تفاحها
أرمي قدام
دا الشغل
أخوي الكاشف
البورداب
معارضة الفنادق
تجار الدين
الحرائر (وعكسها غير الحرائر، إلا أنها لا تقال تأدباً)
ود بلد
سيد البلد
هاهاها ... كليييييييين!
أهل العوض
قمة الدناءة (الجمع بين النقيضين)
| |
|
|
|
|
|
|
|
|
|
Re: اختراعات سودانية (Re: عاطف عمر)
|
شكرا يا عاطف .. انت عارف الزي كدة الاتعلمو العربي في المدارس بس قدر المناهج بيعتبرو الباقي كلو اديشنال لكن دييل عملو اديشنال للادينشال ذاتو
| |
|
|
|
|
|
|
|
|
|
Re: اختراعات سودانية (Re: abubakr)
|
الا دى ..حينما يسأل احدنا عن شئ يقول الا دى وعندما يسأل عن شئ اخر يتضح انه غير موجود ايضا.
اذا كانت الساعه العاشره الا ربعا وسألت احدهم فسيجيبك ب(الا ربع) اعتمادا على انك تعرف الجزء الاول من التوقيت.
الجاتك فى مالك سامحتك ورغما مما فى هذا التعبير من تخفيف على المصاب ورغما عن ان الامر حينما لا يصل الى (العافيه) كما يقولون فهو هين. فلك ان تتخيل لو ان الامر اوكل لنا لمناقشة الازمه الاقتصاديه العالميه فهى جات فى المال ولا اظنها سامحت.
| |
|
|
|
|
|
|
|
|
|
Re: اختراعات سودانية (Re: د.محمد بابكر)
|
الجزء الثالث ,tdi اسهامات lr]vm عاطف ومحمد بابكر واقبال المرضي ,ابو فؤاد وحسن بشير وانا :
قبيلة الرياضيين؟؟
كنت ضيفا خفيفا علينا؟؟
"الموقف الاخباري "
"سياق متصل"
"رتق النسيج "
"خطوة استباقية "
دول الإلحاد والإستكبار
القوى الأمين = حرامى كبير
طلاقات وحرامات الرئيس
بلوها وأشربو مويتها
تحت جزمتى
أمريكا لمى جدادك
واحده إندثرت
نأكل مما نزرع ونلبس مما نصنع
وأكبر نكته :- سلة غذاء العالم
الراحل المقيم(cliche)
الرقابة القبلية(المسبقة)، (وتقابلها الرقابة البعدية.. والتي هي مستحيلة عملياً)
الشفقة والتسرع (الصحافة الرياضية)
الاسهالات المائية
الأديب الأريب (cliche)
التجربة الماليزية :)
عروس الرمال
اللذيذ تفاحها
أرمي قدام
دا الشغل
أخوي الكاشف
البورداب
معارضة الفنادق
تجار الدين
الحرائر (وعكسها غير الحرائر، إلا أنها لا تقال تأدباً)
ود بلد
سيد البلد
هاهاها ... كليييييييين!
أهل العوض
- طاولة المفاوضات
- خشبة المسرح
- سجل لينا زيارة
الا دى
الجاتك فى مالك سامحتك
## الــنــفــره الــزراعــيـــه..
## أذهب للقصر رئيساً ... وذهبت للسجن حبيساً..
## نأكل من مانزرع .. ونلبس من مانصنع..
## نضحك من مانسمع...
## قروش البترول بنشترى بيها الزيكم..
#### خــــــلــــــوهـــــا مـــســتـــوره ..
## الــضــحـاكــات .. (الـشــرتـيـت ) = القروش ..
## الــــنـــفـــره..
## مُــــرطـــب = لحس المال العام..
## الراكب البرادو الله رادو...
## داقـــس ..
## داقى صيوانو معانا = (لمن يسترق السمع لحديث أثنين)..
## دمغة الجريح ... دمغة الشهيد... عمولة الوالى ...
## التفايات ... المحليات .. الولايات ... الجبايات..
## عــودو راكب = لمن يحضر إى مُبايعه أو مُقايضه تجاريه ويُطالب بعمولته "رجاله وحُمرة عين"..(البلد كُلها عودا راكب)
## مُــــعــــيـــنـــات..
## أحــــــســــــــــب..
## جالب رؤوس = (من يحضر الاشخاص فى المسيرات والنفرات) (يُحاسب بالرأس عند قبض الشرتيت)..
قمة الدناءة (الجمع بين النقيضين)
## مــاســــوره..
## سوق المواسير ..
## كُـــوكــــبـه ..
الدواير الحكوميه
اهلين
| |
|
|
|
|
|
|
|
|
|
Re: اختراعات سودانية (Re: عبدالكريم أحمد الامين)
|
ياابو فؤاد الماكيكي ...اها تاني ما بتقدرو تخرتونا احنا "العجم : النوبيين " بمناهج لغة عربية تجو حافظنها اصلا ونحن نعرفها اول مرة في المدرسة اهو اللغة بتاعتكم (بحكم انكم اعراب ..) صارت سداح مداح متوفرة في الفضائيات ..
_________
اخر واحد انا قابلتو و اسمو فؤاد تيمنا بالملك فؤاد الاول عمرو كدة كام وتمانيين يعني انت "اسماعيل باشا" ذاتو ؟؟ (.. ما ابو فؤاد كان اسمو اسماعيل باشا ) شقلبتو التاريخ ذاتو قول "بن فؤاد" " ؟؟؟
| |
|
|
|
|
|
|
|
|
 Re: اختراعات سودانية (Re: abubakr)
|
| Quote: اخر واحد انا قابلتو و اسمو فؤاد تيمنا بالملك فؤاد الاول عمرو كدة كام وتمانيين يعني انت "اسماعيل باشا" ذاتو ؟؟ (.. ما ابو فؤاد كان اسمو اسماعيل باشا ) شقلبتو التاريخ ذاتو قول "بن فؤاد" " ؟؟؟ |
** الباشمهندس ابوبكر ..
** مساءك خير..
## محمد فؤاد "إسم واحد" زى محمد أحمد ,, وهو تيمناً بصديق عمرى الشهيد عقيد طيار محمد فؤاد على زكى والذى أُستشهد فى عام 1987 عند تحرير مدينة الكُرمك..
| Quote: ياابو فؤاد الماكيكي ...اها تاني ما بتقدرو تخرتونا احنا "العجم : النوبيين " بمناهج لغة عربية تجو حافظنها اصلا ونحن نعرفها اول مرة في المدرسة اهو اللغة بتاعتكم (بحكم انكم اعراب ..) صارت سداح مداح متوفرة في الفضائيات .. |
** ياخوى منو القال ليك :- نحنا عرب أو أعراب ,, الكلمه دى أنا شاطبها من قاموسى مُنذ زمن بعيد ,, وعندما أُسأل من البعض هل السودانيين عرب ؟؟
** أُجيب بأننا أفارقه ...
** المُشكله العرب مامُقتنعيين أنو نحنا عرب ,,, والافارقه مامُقتنعيين بينا..
** يعنى حالتنا زى البيت الوقف (افروعر)
(ودام الود بيننا)
| |
|
|
|
|
|
|
|
|
|
Re: اختراعات سودانية (Re: عاطف عمر)
|
أبوبكر
يا أخي ما كل حاجه نحملها للحكومة ، ما الحكومة دي بتحكم الشعب "تفشير إبن بشير" أها والشعب لمن ما عايز الحكومة يصحى من الصباح بدري ويقول ليها يا حكومة ما عايزك تحكميني وبي كده ينتهي الحكم والنظام ودي ظاهرة طبعاً غير طبيعية ونادرة الحدوث بسموها "العصيان المدني" لكين مرات كده الحكومة بيكون ما عندها دم وفي رواية أخرى دمها تقيل يعني لو فلقتها ما تطلع نقطه أها في الحتة دي لو عصيتو مدنياً أو بكيتو النتيجة واحده فالحكومة قد تردد لكم شعارها الأخرق "قاعدين قاعدين لي يوم الدين"
حكاية الهامش الديمقراطي زي حكاية الشارع الجا شاقي أرض ناس ود أم حق في خلا ورفيق فسل كمان أها الشارع ماشي عديل أول ما قرب من أرض ناس ود أم سجم دا وهي تبعد عن الشارع بمقدار ثلاثة وعشرون فرسخاً أو دونماً ولا هكتار مش عارف ، المهم قوم يا شارع السجم أعمل يو تيرن وخد أو شمال وبي كده قام بشق أرض الجماعة النص الأمر الذي منحهم تعويض في مقابل الأرض المنزوعة لو قُدر لهم أخذه كانو ينبو بيهو بيت أحلي من قصر بيكنجهام أو نيفرلاند المهم في النهاية الحكاية أضغاث أحلام يصعب تفسيرها ناهيك عن تحقيقها.
المهم يا عمك العبارة مركبة ولابد من تشريحها وشرشحتها قبل أن نخوض في تفسيرها فهامش يعني مارجن وديمقراطية هي ديمقراطية أها الهامش دا طبعاً الحته البكتب فيها المعلم ملاحظاته في كراس التلميذ لكين الحق يقال أن الديمقراطية لا هامش لها يعني ورقة A4 ناصعة البياض وأى شخبطة أو وساخة أو كتابة فيها ترجع لكاتبها ولا تعيب الديمقراطية كمصطلح.
حكيم أفريقيا ومعجزتها وصاحب أطول فترة حكم في التاريخ القديم والحديث قال عن الديمقراطية أنه مصطلح إمبريالي يعني "ديمومة الكراسي" وإن كان ذلك كذلك فيقيني بأن سعادته ونظامه الحاكم أفضل من مارس الديمقراطية على وجه البسيطة.
الهامش دا زمان واحد من أولاد بحري كان بليد ومهمل وأكبر طالب في الفصل الكراس من بدايته لي نهايته ما في ولا كلمة لا بكتب ملخصات لا ناقش حنانه أها يوم المعلم قاعد يفتش في الكراسات لقي صاحبنا ده ما كاتب إلا شوية حاجات في الغلاف الخارجي إسمه والصف الدراسي وفي الورقة الأولي من الداخل "وقل ربي زدني علماً" فمن شدة غيظ الأستاذ شطب العبارة وقال له يجب أن تقرأ العبارة في كراسك إنت بالذات كالتالي:
"وقل ربي زدني هبلاً"
التمكين من المصطلحات التي ما أن أسمعها إلا ويقفز إلى ذهني الكنتين ، أو المقصف قصف الله عمر من فعلنا بنا كل هذا ، التمكين الوحيد الذي إستهواني هو عند إستخدام الممثلة القديرة سهير البابلي له في إحدي مسرحياتها مع أبوبكر عزت عندما قالت له "إنك لمتمكن" ، والتانية هي فوق حبوبة ود العم عندما قالت لزوج بنتها الذي سكن معهم ووراهم الوجه القبيح بعد حين من الدهر قالت فيه قولتها الشهيرة في التمكين "يتمسكن لمن يتمكن".
يا أخي في الكثير من المصطلحات لو باريتها بتوديك الكوشه عديل كده وهي مصطلحات فضفاضه رنانه يعني أقوال لا أفعال ، وأكيد نحن ولله الحمدل لم نطن بهذا القدر من الغباء في السابق حيث أننا لم نستعمل تلك المطلحات أو ننجرها أو نؤلف بين حروفها ، ولا هؤلاء الذي أتوا بها ونجروها بهذا الذكاء الخارق كل ما هناك أن في الأمر تلاعب بالألفاظ وإستخدام عبارات رنانة ترى فيها البلاغة كعلم أن الأمر يشبه حوار الطرشان قبل إكتشاف لغة الإشارة.
===
هناك مصطلحات حكومية من تمكين وتهليل وتمريخ وتمريد (مشتقه من هلال/ مريخ/ مورده) وهناك أخرى إقتضتها ظروف الحياة في المجتمع ومصدرها المواطن الغلبان أها ورونا دايرين تتكلمو في ياتو واحده عشان نعرف نذاكر كويس ونرجع ليكم تاني
| |
|
|
|
|
|
|
|
|
|
Re: اختراعات سودانية (Re: almulaomar)
|
يالملا .. سلام ... كلو من "الشعب" ؟؟ هو السبب ؟؟ يجيب عيال ما كويسسن يقسمو البلد حتة كبيرة وتلتوار زغنن يادوبك تقدر تمشي
رجل ورا رجل وتتمطوح يمين وشمال اها اكان وقعت في الواطة الكبيرة ياكا تريس باس وتعديت علي الحق العام اكان ما ادوك رصاصة في نافوخك ياكا المشلفطين وشك وداقنك دقة ###### جربان اها اكان قت تسند علي الحطة الجنب التلتوار يجووك دبابيب وفي احسن الظروف عقارب .. هو دة الهامش لا تقدر تمشو فوقو ولا تقدر تطلع منو ولا تقدر تسند علي الحيطة الجنبو....
التمكيين لسبب او اخر دائما بيذكرني ببعض افلام الوايلد لايف تشوف الاسد جاري ..اسد هجمه وعاتي كدة .. جاري ..لحدما نفسك ينقطع وانت بتباريه بعيونك وبس ينقض علي غزالة وتلقي مكتوب في الترجمة "تمكن من فريسته "....
غايتو حكم ....
| |
|
|
|
|
|
|
|
|
|
Re: اختراعات سودانية (Re: abubakr)
|
نحسبه من الشهداء
جلسة إيمانية
زاد المجاهد (هذا الزاد يبيعه اللصوص)
من يتقِ الله يجعلْ له مخرجا (يقصدون بها مأكلة)
بت الشيخ (المقصود بها الزوجة)
هيئة الذكر والذاكرين
تجاوزات مالية
سيد شباب المصارف
شيخ البنوك
البروف فلان الفلاني
الخطوط الحمراء
الأعراف الصحفية
مقال صحفي يهدد الأمن القومي
السوق الموازي
خلية تخريبية
ليلة الإسناد (دي كانت آخر ليلة قبل التعداد السكاني)
الحور العين
الوحدة الجاذبة
رتق النسيج الاجتماعي
الشرعية الدولية
قوى البغي والاستكبار
معارضة الغرف المكندشة
الشيوعيين والشعوبيين (ديل ناس المعارضة)
(لا لدنيا قد عملنا نحن للدين فداء
فليعد للدين مجده أو ترق منا الدماء
أو ترق كل الدماء..
تكبير.. الله أكبر
تهليل.. لا إله إلا الله)
وبارك الله فيك وجزاك الله خير يا شيخ أبو بكر
نسأل الله أن يجعل هذه الكليمات الطيبات في ميزان حسناتك بإذن الله..
| |
|
|
|
|
|
|
|
|
|
Re: اختراعات سودانية (Re: abubakr)
|
| Quote: نسأل الله أن يجعل هذه الكليمات الطيبات في ميزان حسناتك بإذن الله.. |
وفي ميزان حسناتكم .. انت بروف عدييل يعني ... دة كلو عربي ؟؟ انت ما عارف انا رطاني (بربري ساي) تقوم تجيب المقرر كلو ...؟؟
| |
|
|
|
|
|
|
|
|
|
Re: اختراعات سودانية (Re: abubakr)
|
Quote: التمكيين لسبب او اخر دائما بيذكرني ببعض افلام الوايلد لايف تشوف الاسد جاري ..اسد هجمه وعاتي كدة .. جاري ..لحدما نفسك ينقطع وانت بتباريه بعيونك وبس ينقض علي غزالة وتلقي مكتوب في الترجمة "تمكن من فريسته "....
|
دي زمان قالوا كانت في كتب المطالعه تسمى "هجم النمر" تقوموا بعدين دشليون سنه في السلطه تغيروها لي تمكين. يمكن قلبي يقسى زي ما قال وردي ، أها لمن جبنا سيرة الأستاذ محمد عثمان قريبك دا يا تري بقصد شنو بي يا الوضعتك في مكاناً ما مكانك ، هل هو ضرب من ضروب التمكين أيضاً ولا الشغله تانيه خاصة وأن الزول الفنان دا كلامه كلو توريه وجناس وطباق تقول جده الخليل بن أحمد الفراهيدي.
| |
|
|
|
|
|
|
|
|
|
Re: اختراعات سودانية (Re: abubakr)
|
المشورة الشعبية
المقاعد القرطاسية
مصارف المجاري في سجن كوبر
زبادي بيست
شامبيون
بوهيات المهندس
جهاز العاملين بالخارج
الضبط المؤسسي
| |
|
|
|
|
|
|
|
|
|
Re: اختراعات سودانية (Re: abubakr)
|
سلامات يا باشمهندس
المسيرة القاصدة إلي الله
اشواق اهل السودان
إنسان الولاية - التقول اكتشفوهو زيو زي انسان جاوة ... هسة عليك النبي مواطني الولاية ولا سكان الولاية دي فيها شنو؟
حكومة الشريكين (لاقيت محل في الخرطوم اسمو اتصالات الشريكين)
ايضا هنالك عماري التحالف ود الجزيرة والمحسي قرب السوق المحلي الخرطوم
| |
|
|
|
|
|
|
|
|
|
Re: اختراعات سودانية (Re: اشرف السر)
|
كلمة عروس الرمال ..
تعنى مدينة الأبيض .. وهى قديمة قدم المدينة ..
قول:
عرس الشهيد
الصلف الغربى
ربط الأرض بالسماء
الزواج الجماعى
بريمة
| |
|
|
|
|
|
|
|
|
|
Re: اختراعات سودانية (Re: abubakr)
|
تحية -- المقصود بهامش الديمراطية هو الا تكتب في داخل الصفحة اما التحول الديمثقراطي فهو بداية الكتابة ولكن في الهامش فقط--اما النفرة الزراعية فقد يبدو المعني جاذبا علي وزن الوحدة الجاذبة اذا اضيفت كلمة سندسية بعد النفرة الزراعية لتعطي الكلمة مدلولا سرمديا قاصدا الزراعة في اودية النسيان لحصد ذكريات وحكايات سندسية طبعا--
اما البكور فهي علي وزن صقور ويقصد بها انتهاء الحالة السرمدية وبداية الطشاش
| |
|
|
|
|
|
|
|
|
|
Re: اختراعات سودانية (Re: abubakr)
|
قريبنا أبوبكر
مسكاقمي
وخد عندك :
* الوحدة الجاذبة ( ما بعرف لقوا المغنطيس وين ؟)
* الراحل المقيم
* ذكر مدينة والقول (حاضرة) ولاية ...... مثال كادوقلي حاضرة ولاية جنوب دارفور
| |
|
|
|
|
|
|
|
|
|
Re: اختراعات سودانية (Re: ولياب)
|
الأخ العزيز أبوبكر
Quote: "هامش الديمقراطية "
"التحول الديمقراطي" |
هامش الديمقراطية:
هو أن تظل الديمقراطية هامشاً لا يتعدى إطارً نظام الحكم الدكتاتوري
التحول الديمقراطي:
هو أن يتم التحول من نظام الحكم الديكتاتوري نحو النظام الديمقراطي بشرط الإبقاء على الحزب الحاكم
| |
|
|
|
|
|
|
|
|
|
Re: اختراعات سودانية (Re: abubakr)
|
تحية للاستاذ بكري--نغم الساقيات هيج اشجاني واهاج الهوي انين السواقي--دي(رمية) لابد منها للدخول في الموضوع
تلاقح الافكار يعني تلاحق الظاهر الانقاذي مع الباطن المصلحي
هيئة الجسور والكباري تعني مد جسور الوهم علي كباري الامل بتكلفة حقيقية عالية علي المواطن المغلوب علي امره
وزارة السدود تعني ان (تسد) دي بي وزارة
الذوق السوداني معناه ان يأكل غيرك وتتذوق انت بدلا عنه(قلنا بلادنا أمان
وناسا حنان --يكفكفو دمعة المفجوع ---يبدو الزول علي ذاتهم --يقسمو اللقمة بيناتهم --وحتي ان كان مصيرهم جوع)
نعود تاني من تاني--
| |
|
|
|
|
|
|
| |
abubakr
)
الفاتح علي التوم
ناذر محمد الخليفة
الفاتح يوسف جبرا
mekki
عاطف عمر
ندى عثمان حسن
قلقو
سالم أحمد سالم
ود الخليفه
7abib_alkul
باسط المكي
احمد محمد بشير
فيصل محمد خليل
سلمى الشيخ سلامة
د.محمد بابكر
Egbal Elmardi
عبدالكريم أحمد الامين
Nasruddin Al Basheer
شكرى سليمان ماطوس
اشرف السر
بريمة محمد
ابوعبيدة حسن محمد
محمد الكامل عبد الحليم
ولياب
فيس بوك
تويتر
انستقرام
يوتيوب
بنتيريست