|
|
|
 Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
ازهرى
ما عندى شيئ اقولو
غير انت رائع
=====
بس ما قادر اسمع الترامبيت فى تسجيل الاذاعة
مع انو الصوت عندى نقى جدا
يبدو انو كثافة الكمنجات بتوحى بوجود ترامبيت
وعلى كل لم يشتهر ذاك الزمان بالترمبيت
الاككورديون سبق الترامبيت للاغنية السودانية
ولا توجد فى هذا التسجيل
فباتالى لن يكون فيه ترامبيت
والله اعلم
لك الشكر بهذه الاريحية والاستراحة الجميلة
| |
 
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: محمد النيل)
|
الأخ محمد النيل
لك الشكر يا سيدي على المرور وعلى الإطراء الطيب
Quote:
بس ما قادر اسمع الترامبيت فى تسجيل الاذاعة
|
الترامبيت موجود في تسجيل الإذاعة و الرجل الذي عزفه محمد إسماعيل (عليه الرحمة) هو رجل إشتهر بالعزف الناعم ويعزف الترامبيت كالكمان،
وهو يعزف الموسيقى الأساسية بإنضباط شديد ومتقيد بالنوت وقيمها ولم تكتب له وظيفة محددة لذا تجده يتماهى بين مجموعة الكمان حتي يذوب ويختفي.
لكن راجع اللازمة الموسيقية عقب كل مرة يردد فيها وردي وحياتك وحياتي.....إلخ هنا الترامبيت واضح جدا وأصواته طويله ومربوطة...بس ناعم جدا..
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Elmosley)
|
الموسلييي يا أسلييييييييييييي
شكرا على المرور
و شكرا أيضا على الملاحظات القيمة:
(1) التمبو السريع وسرعة التشكيلة الإيقاعية.
(2) وطبعا أبوالورود (وعيني باردة عليه كالثلج) دايما بزيد في الدرجات وما بنقص لإحترافيته العالية
وكلما تقدم به العمر زاد صوته جمالا وتعتق (وعمره الدهب دائما يزداد توهجا بمرور الزمن، رغم نوائب الدهر)
ربنا يخليه ويحفظه...
| Quote: اها جيب لينا بتاعة القاهرة الموصليه كمان |
ودي طبعا يا صاحبي نحن لا نفتي ومالك بالمدينة....
جيبه إنت وتعال والبيت بيتك
بس إنت تعال وورينا فنونك....
ألف مرحب بيك...
وحلو الكلام في خشم سيده
و لك حبي الذي تعرف.........
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
يا ازهرى وموصلى
ما سألتونا نحن البنات السودانيات فى زمن مراهقتنا كنا بتسمع الغنا ده بياتو شجن وياتو أمل وياتو منى وياتو حنان وفى دموع وخاخيت مع غسيل العدة
ومافى زول الا فى الخيال ...
المغنى يشدو" وحياتك وحياتى عندك"
بالله هو الحب فى ومسموح بيهو ومتيمين بيهو ناس تانيين ونحن بى هنا من مدرسة لى مدرسة ومن واجب لى واجب؟؟
ويقول وحياة طره غرامك انتى القمرة ...بس ياهو ده غرامى انا ذااتى "اقصد البت يعنى" ...طااااهر ومافيه كلمة ولا يغم ما تقالت
وامك وابوك يسمعوا الفنان وما يقفلو الرادى ولا يقولو ده كلام شنو ده يا راجل ؟؟ مع انهم ما بخلوك تتكلم عن الحب والغرام اصلو ولا سيرتو بتجى فى البيت مع المقشاشة والكفتيرة والمفراكة والليفة والملايات و
ومريق السراير ...كانه عالم آخر عالم ساحر وده يقول "الشامة الفوق خدك نايمة دلل وعلامة" تمشى اقرب مرايه تشوف فى شامة ولا مافى ..وصحى دليل ولا ما دليل ...ما يبقى كمان دليل النوع البجيب ليك دقة
ولا قرصة فى الورك ...ولا عقاب تحلى 100 مسألة فى المغارب دى ... المهم يقول "وحياة صمتك انتى وحاة السمرة" وانا زمان السمرة دى قايلاها لون تانى ...ياربى البت السمرا ده مصرية هندية شنو هى
وتغيرى وتحزنى لانك ما "صمرة" ومرات .تقول لى اهم شى الصمت ده ...طالما انتى صامته ما بتجيك عوجة ومرات ..ترقصك الموسيقى وتخليك تشعرى بأنه العالم ده حلو "بس لو طلعت من البيت ده" كلو حلو ...
يازول ....الغنا ده لعب بينا لعب
والله زمن يا حبايبنا جيراننا فى قسم الموسيقى يا حليلكم
وتحياتى
| |
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Tumadir)
|
تمدورة الدكتورة
حبابك حبابك
واليوم السعيد الليلة جابك....
والله إتلومنا يابت جيرانا..(يعني القصة بقت بت جيرانا بس..مش؟) وما سألناك عن مشاعرك وعن هوانا...مع العلم أننا في الهم شرق...
لكن والله ضمنيا جاوبتي وعبرتي عن مشاعر كل البنات (امونة يا خرطوم) بجمال إنقطع له نظير....
وأديك سر..؟
والله إنتي عبرتي عننا كلنا بالذات عن حالة الحب والوجدان الملتهب تلك... | Quote: ومافى زول الا فى الخيال ... |
وما حصل....(يا الله هوي... بجيك كدي... وبتسألني) إتجسد حبنا الخيالي داك والبكينا وإتعذبنا فيهو في زول كدي ده في الدنيا دي
الله عالم وشاهد....والحمد لله...غايتو...
تماضر..
لك من الود والشوق والحب ما يفيض له نبع توتيل شلالا رويا ويهتز له مكرام والتاكا شرقا.....
ثم أنني تبينت إرتعاشا في يدي....
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
فعلا والله يا ابو الزهور
ربنا يحفظو
اتذكر زرناه انا ود عبد القادر سالم والقديره هاديه طلسم
بالمنزل فوجدنا روحه الفكهة العاليه
وتونسنا طويلا
===========
بجيك لذات الشامه الموصليه باذن الله
كل الود
==========
طلب بسيط وتوثيقي
ياريت تعمل الفكرة دي سلسلة
طويلة وانا متآكد من النجاح والتفرد
كل الود وسلام للاسرة
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
Quote:
ذات الشامة...أغنية في مقارنة بين زمنين!!!!
|
أبو الزّهور
نهارك سعيد
يشهد الله دا توارد خواطر مدهش
حقيقة أنا مخلوع جد
عارف إنّي بحضّر في بوست بعنوان (( ورديّات بين زمنين )) ؟
وكنت سأضع فيه مجموعة من الأعمال الورديّة القديمة
ومقارنتها بالنّسخ الحديثة لنفس الأُغنيات
وقد حشدت لهذا البوست :-
ذات الشّامة
قبل الوداع (( يا سلام))
ليالي اللقاء (( أوّل غرام))
فرحة
نور العين
يا ناسينا
المستحيل
الحُب والرّيدة
أعزّ النّاس
الحنيِّن ي افؤادي
مرحباً يا شوق
يا راجيانى ((استنّيني))
وهذه الأخيرة قدّمها أبو الورود بشكل مختلف تماماً عمّا عرفه النّاس بعد ذلك
ولدي تسجيلها الأوّل العجيب
والمدهش أنّني كنت سأضع ذات الشّامة القديمة هذه نفسها كإفتتاحيّة للبوست
لكنّي كنت سأستخدم في تسجيلها الحديث تسجيل نادر جدّاً وغير متوفّر
وفيه عمل خرافي لذات الشّامة
بوست عجيب
لك وُدّي
| |
|
|
|
|
|
|
|
|
 Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
أبو الزهور
تحياتى لك وضيوفكم الكرام
شكراً على هذا الإبحار الشجى، والذى إزدان بتحليلكم السهل الممتنع
مما أضفى بعداً اَخر للمقارنة بين نموزجى الأغنية. دعنى أنتهز هذه السانحة
لأحيى وأقف إجلالاً وتبجيلاً للأجيال المتعاقبة من الموسيقيين الأفذاذ الذين على أك########م
بُنى إرثناالموسيقى / الغنائى الفخم الذى شكل وجدان الشعب السودانى والذى صنعوه بلا منٍ ولا أذى
وبنكران ذات منقطع النظير، نترحم على من توفاه الله منهم، ودوام الصحة والسعادة
ومزيداً من الإبداع للأحياء منهم.
التحية للأستاذ محمد وردى
شكراً أبو الزهور
ولى عودة
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: وليد محمود)
|
العزيز وليد محمود
تحية إحترام وإجلال
شكرا ياوليد على المرور والذي أعتبره تشريفا وإكراما وشهادة غالية أعتز بها من موسيقار كبير
مثلكم يا صديقي العزيز...
ودعني أتضامن معك وأنحني إجلالا وتقديرا، تحية وإحتراما لكل هذا الجيل العظيم من الموسيقيين السودانيين العظام الكرام عبر كل الأجيال، الذين تحملوا الكثير في سبيل تلطيف كل هذا وجعله ممكنا لنأ.
لك من الود الكثير ومنتظرين عودتك القيمة..
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: لؤى)
|
مساء النور يا لؤي
يا أخي دي ضواقة ولا دي حندكة عديل كده...؟؟؟
غايتو كدي خليني أمرق الناس النفذوا الشغل ده حسب أسلوب العزف:
- أسلوب البنقز ده أسلوب الصديق العزيز المرحوم
هاشم حامد هريدي
- الطبلة ايضا المرحوم الفنان العظيم
الزبير محمد الحسن
- البيز غالبا ما يكون أيضا المرحوم
الفنان ناصر جاد كريم....
ولكن لدي شكوك في إنه يكون الأستاذ الصديق متعه الله بالصحة والعافية..
فيصل سيد إمام
- الجيتار لصديقي العزيز الفنان متعه الله بالصحة والعافية
شاكر محمد عبدالرحيم
و الترامبيت ده لصديقي الفنان متعه الله بالصحة والعافية والمروة
(إهمد) أحمد دو (كماكنت أناديه دائما)...
لك الشكر الجزيل يا لؤي....
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
Quote:
مساء النور يا لؤي
يا أخي دي ضواقة ولا دي حندكة عديل كده...؟؟؟
غايتو كدي خليني أمرق الناس النفذوا الشغل ده حسب أسلوب العزف:
- أسلوب البنقز ده أسلوب الصديق العزيز المرحوم
هاشم حامد هريدي
- الطبلة ايضا المرحوم الفنان العظيم
الزبير محمد الحسن
- البيز غالبا ما يكون أيضا المرحوم
الفنان ناصر جاد كريم....
ولكن لدي شكوك في إنه يكون الأستاذ الصديق متعه الله بالصحة والعافية..
فيصل سيد إمام
- الجيتار لصديقي العزيز الفنان متعه الله بالصحة والعافية
شاكر محمد عبدالرحيم
و الترامبيت ده لصديقي الفنان متعه الله بالصحة والعافية والمروة
(إهمد) أحمد دو (كماكنت أناديه دائما)...
لك الشكر الجزيل يا لؤي....
|
أبو الزّهور
بالغت عديل
إليك الفرقة التي أدّت العمل في 1981
بنقز المرحوم هاشم هريدي
طبلة المرحوم الزّبير
بيز فيصل سيّد إمام
جيتارات شاكر عبد الرّحيم وصلاح خليل
ساكسفون المرحوم وليد عجاج
طرمبة أحمد دو
فلوت عبد الهادي
أورقن صلاح عبد الماجد
أوكورديون عبد العزيز حسن محجوب ( عصفور )
كمانات عوض رحمة ، رياض ، بشير صالح ، صلاح عبد الرّازق ، المرحوم علي ميرغني ومحمّديّة
تحاياي
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: لؤى)
|
Quote:
أبو الزّهور
بالغت عديل
|
لؤي يا صديقي
مافي مبالغة في الموضوع، لأنه عادي جدا إذا كان عليك أن تميز الناس بال DNA أو البصمة، نبرة الصوت أو بنوع الخط، الأمضاء أو أسلوب الكتابة فمن البديهي في مجال الموسيقى أن تميز أسلوب عزف الموسيقار زميلك ولسنوات...
أما في مسألة البيز نعم هي البصمة للأستاذ الزميل فيصل سيد إمام و جملة خط الباص جيتار واضح درجة التماثل فيها بين النموذجين، بل من الممكن الرجوع إليها أعلاه في تسجيل التلفزيون لكن فقط ورد إسم المرحوم الصديق العزيز ناصر جاد كريم حبا وكرامة ووفاءا للرجل وللترحم عليه
رحمه الله وأكرمه وأسكنه الجنة إن شاء الله....
ولك كل الود والإحترام....
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
أبوالزهور
تشكرات شديدة على هذا البوست وهذه الفكرة عموما
اعتقد يجب أن تستمر فيها حتى
نتمكن من التوثيق للغناء السوداني
بشكل علمي مدروس.
وبعدين من مصطفى كامل ده ياخي
أتساءل دوما متى سيتم انصافه؟ وطبعا انصاف جد جد
مش احراق واتلاف كل الغناء الذي قام بتدوينه وبالمناسبة
لاحظ معاي ان كل التسجيلات القديمة والتي كان طرفا فيها اشرافا
أو عزفا على القانون ستجدان جودة تسجيلها (تقنيا) عالية جدا
عموما مستيننك ونشوف الجاي شنو، وياريت صديقنا موصلي
يجيب لينا تسجيل القاهرة.
تسلم يا صديق
تخريمة صغيرة:
استاذة تماضر مداخلتك عمل أدبي متكامل، ملئ بالتفاصيل الحميمة
جدا، ما تكتبي لينا طوالي زي الحاجات دي. شكرا على أي حال وتسلمين
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Nizar Ateeg)
|
موضوع دقيق صديقنا ابوالزهور
السؤال الكبير:
لماذا تظل تسجيلات الاذاعة خاصة القديمة هي الانظف والاقوى
واداء المغنيين فيها مضبرط ومحسوب؟
رغما عن بساطة الات التسجيل كذلك
ملاحظة اخري: هناك تسجيلان للطير المهاجر القديمة في الاذاعه
يبدو الاول كان متعجلا اما الثاني ففيه تجويد اكثر
ارجو الافتاء هههههههه
وهل كانت الاذاعة تسمح لوردي بتقديم اكثر من تسجيل للحن مطورا؟
حدث هذا مع (دوري دوري) وذات الشامه ايضا قبل التلفزيون باللحن المعدل
وهناك تسجيل بديع لسليم الذوق بالبيانو والكمان وصوت وردي في عنفوان جماله
فهل استخدم البيانو في الاذاعة في الستينيات؟
شكرا
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Mamoun Ahmed)
|
سلام عليك يا أبو الزهور
وسلام على ضيوفك
ما قمت به هو المحري فيك يا فنان!
هذا النوع من التناول ليس مجرد توثيق وتأريخ للاغنية ولصناعتها في السودان
إنما هو أيضاَ تلبية لرغبة الهواة في أن يعرفوا كيف يميزون ويصفون ما يهمهم
في العمل الموسيقي. كتابة أدنى قليلاَ من الحرفة ومقروءه للهواهي بل وللمستمع. لقد
كنت يا أباالزهور قارئ نهم للناقد الموسيقي المصري كمال النجمي كان عندو عمود
في مجلة الكواكب الاسبوعية وكنت استمتع بكتابته، نفس نوع الكتابة، على الرغم
من جهلي لأغلب المصطلحات التي كان يوردها. مرتكز آخر لاهتمامي بهذه الكتابة هو
اعجابي الدائم بمن يقف خلف المغني. العازفون في منظر رصة الحفلة وراء الفنان
كانوا لي مثلما تكون الطوابع لجامع الطوابع. منظر ساحر وأحس بأن كل واحد فيهم
له قصة مع كل اغنية ومع الفنان!
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: mustafa mudathir)
|
يا ابوالزهور يا دفعة يا ……يا …… لك السلام ولكل زوار دارك العامر
عجبني الشكل الثاني لهذة العمل فعبقرية صلاح خليل وعزفة علي الجيتار مستخدما
الواوا التي كانت سائدة في ذلك الوقت والتي تربعت عرش الغنية الغربية / في
موسيقي ايزك هيز واغنيتة شافت التي حققت نجاحا كبيرا في ذلك الزمن الوريف
وفي ذلك الوقت كان صلاح خليل من احد مواسسي فرقة جاز الاصدقاء وكان طابع الفرقة
يتسم بطابع الصول ميوزك فكانت لمساتة الغربية الطابع ذات تاثير
كبير لاخراج هذة العمل بصورتة هذة كما لابد لي بالاشادة بدور الفنان الجميل
فيصل سيد امام عازف الباص ودرة المتميز داخل نسيج العمل والفكرتة الفنية…….
ومن الناحية الاخري نجد شكل الاغنية يشبة لحد كبير شكل الاغنية الغربية
من حيث الشكل/ واقصد مطلع وكوبلية ولذمة / وما يشابهة في الغنية الغربية A.B.A .C.
فالشكل الدائري تتميذ بة الموسيقي الغربية كما تتميذ بة اغاني الحقيبة الخالدة لحد كبير
عبقرية اللحن وسلاسة الكلمات وصوت وردي وحداثة الفكرة خلتني اقول اللة يا سلام
لكل من كان مشاركا في هذة العمل /
فالشكل الاول يشبة لحد كبير شكل ما يعرف في مصر بالطق طوقة وهذة الشكل يظهر جليا في اغناي
الفنان المصري سيد درويش رحمة اللة وبعض اغاني الفنان المصري الراحل عبد الحليم حافظ لة الرحمة
فطابع التخت الشرقي دومينا في العمل الاول حتي النخاع من وجهة نظري التحفظية حلوة التحفظية
دي ها ها ها …..وبعدين ياخي الشامة دي عملت زمان في الناس دي كدة الحاجات التانية
تكون عملت فيهم شنوا ……………..ها ها ها …………………………… يلا سلام
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: نادر السوداني)
|
نادر يا سوداني
ألف حمدلله على السلامة الظهرت مرة ثانية..... شفتنتا عليك يا راجل....
شكرا على المرور الكريم و ملاحظاتك قيمة ولها قيمتها العالية يا سيد نادر، فهي ترفد وتؤكد و تدلل على صحة ما ذهبت إليه أنت
في بوست سابق بخصوص رفد ما أصطلح على تسميته عرفا بفرق الجاز السودانية للفرق الوترية التقليدية بالعازفين المهرة من أمثال
الاستاذة صلاح خليل ومحمد جبريل وفيصل سيد إمام وآخرين....
وبالإستفادة من شكل القالب الذي أوردته أعلاه في شكل التأليف الموسيقي الدائري وغيره من قوالب التأليف المطروقة الكلاسيكي منها والمستحدث...
ويمكن أن نختلف على أن هذه هي الحداثة أي النقل بالمسطرة من التجربة الغربية......فهذه ليست بالحداثة التي نريدها لموسيقانا الغنية الثرية أنما هو
التقليد الأعمى يا راجل....فالموسيقى السودانية غنية ثرية ولازالت بكر وواعدة بالكثير
نعم تأثرت مدرسة أم درمان الفنية كثيرا بالتجربة المصرية كغيرها من مختلف ضروب الفنون السودانية الأخرى وحتى في السياسة لكن فقط في الشكل ولكننا تميزنا بالخصوصية يا صديقى كثيرا عن الإخوة في شمال الوادي، وندين بالفضل لمؤلفينا ومبدعينا الأفذاذ...الذين تميزوا وأبدعوا....
تحياتي لك
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: mustafa mudathir)
|
الصديق العزيز
مصطفى مدثر
و الله أيام يا زمان... حليلك يا أبوالدرش.. وحليل البازار والهاشماب وشارع النيل وأم درمان وماشى عديل...
شكرا يا صديقي على هذه الشهادة الغالية العالية والتي أعتز بها كثيرا...
Quote:
هذا النوع من التناول ليس مجرد توثيق وتأريخ للاغنية ولصناعتها في السودان
إنما هو أيضاَ تلبية لرغبة الهواة في أن يعرفوا كيف يميزون ويصفون ما يهمهم
في العمل الموسيقي. كتابة أدنى قليلاَ من الحرفة ومقروءه للهواهي بل وللمستمع. |
هذا هو ما نسعى إليه ولازلنا نطمع في توجيهكم وتصحيحكم فهي لكم منكم وبكم...
وشكرا لإحساسك الكبير بنا ودايما إنت كنت معانا مشجعا ومؤاذرا...
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Mamoun Ahmed)
|
المأمون على الخط والظل واللون
سلامات يا دفعة
Quote: السؤال الكبير:
لماذا تظل تسجيلات الاذاعة خاصة القديمة هي الانظف والاقوى
واداء المغنيين فيها مضبوط ومحسوب؟
رغما عن بساطة الات التسجيل كذلك |
الإجابة البسيطة هي:
- المهنية العالية
- الإهتمام بالتدريب
وكما تعرف (وأنت سيد العارفين) فإن الآلة ليست هي الكل في العملية الإبداعية إنما البشر الذين يديرون تلك الآلات
لقد كانوا من الطراز الأول ويعلمون ما يفعلون....على الرغم من إننا كنا شايلين حسهم ومعذبنهم عذاب الويل في إنهم بتاعين نشرات أخبار
ومقابلات وماعندهم أدوات التسجيلات الموسيقية الصحيحة...تصور!!!
يا دفعة البيان بالعمل
أرجو إنزال كل هذا الكم الرائع من التسجيلات دي هنا... يا مامون عشان الفتوى تكتمل يا مولاي
ولا شنو؟؟؟
تحياتي يا مأمون والله لا زلت راجي لوحاتي المن زمن حلة البحر وأم تكيلات.......
لسه الله ما هون ليها يا جوس.....؟؟؟؟
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Nizar Ateeg)
|
الأستاذ العزيز
نزار محجوب عتيق
أشكرك يا عزيزي على هذا المرور الكريم..
- فكرة إستمرارية هذا النوع من الكتابة هي عملية يجب أن تكون مشتركة بين الجميع، حتى نصل لمرحلة خلق لغة خاصة بهذا الشكل من الكتابة تكون مفهومة، مستساغة ومقروءة لأكبر عدد من الذائقة و المهتمين، بعيدا عن التقعير والحذلقة واللغة المحشوة بالمصطلحات الأكاديمية الجافة.
- ثم يجب أن يتم الإتفاق على منهج عام في تناول مثل هذه الكتابات، تقع مسئوليته التضامنية علي المهتمين من أمثالكم يا سيد نزار عتيق...
- الموسيقار مصطفى كامل هو من مصر الجارة الشقيقة، هو رجل فنان وعازف ماهر لآلة القانون الشرقية الهوى ولكنه أضاف بها الكثير من الأخيلة الموسيقية الخلابة و الساحرة في موسيقى الأغنية السودانية. وأرى يا نزار بأنك ملم بحجم المأساة التي ألمت بما تركه لنا من إرث قيم خاصة حادثة حرق الأسطوانات ومدوناته لكثير من الموسيقى و الأغاني السودانية لتلك الفترة الثرة والمهمة من تأريخ الموسيقى السودانية من بعض الحاقدين ضيقى الأفق.
- نعم أتمني أن ينصف الرجل ويتم تكريمه من قبل عارفي فضله على الموسيقي والموسيقيين السودانيين.
- ثم هل تعلم يا نزار أن إبنه الموسيقار محمد مصطفى كامل هو من عزف صولو الكمان الشهير في أغنية المرحوم عبدالحليم حافظ (قارئة الفنجان) محدثا به كشفا جديدا في عزف الكمان الشرقي بل محدثا شكلا تجريديا جديدا في عزف الكمان بشكل عام في ذلك الوقت....
- يا سيد نزار ما تستناني تعال وشارك معاي في الجاي شنو..؟ (و اليد الواحدة ما بتصفق يا صديقي).
Quote:
لاحظ معاي ان كل التسجيلات القديمة والتي كان طرفا فيها اشرافا
أو عزفا على القانون ستجد ان جودة تسجيلها (تقنيا) عالية جدا
|
أوافقك على هذه الملاحظة في العزف نعم ولكنني غير متأكد من جزئية الإشراف هذه.....
تعال يا صديقي أنا مستنيك للجاي وهو تقيل جدا بس الله يمرق لينا عبدالله ود السجانة ده هو الأخر ويجينا بي جاي....
معزتي، مودتي وإحتراماتي يا صديقي....
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
الأستاذ العزيز أبوالزهور
أتفق معك في شأن ما ذكرته في تعقيبك على الأستاذ نادر السوداني
حول محاولة "غربنة" الأغنية السودانية بدلا من محاولة تجديدها من
خلال النظم والأمزجة التي سارت وتسير عليها لأنها بالفعل غنية.
مسألة اشراف مصطفى كامل على تسجيل بعض الأعمال بالأذاعة هي رواية
شفهية سمعتها في منتصف التسعينات سأحاول أن أتذكر "عنعناتها" لك.
أتفق معك أيضا حول ضرورة الاتفاق على منهج عام لهذه الكتابات
لذا دعنا نفكر فيها سويا
تسلم يا صديقي
مودتي دوما
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Nizar Ateeg)
|
الأستاذ العزيز
نزار عتيق
Quote:
مسألة اشراف مصطفى كامل على تسجيل بعض الأعمال بالأذاعة هي رواية شفهية سمعتها في منتصف التسعينات سأحاول أن أتذكر "عنعناتها" لك. |
مسألة إشراف الموسيقار مصطفى كامل أنا لم أنفيها لك على الإطلاق، فقط في أغنية ذات الشامة غير محتملة لأن المشرف في ذلك الوقت يكون عادة متواجدا دائما في غرفة الإشراف والكنترول وليس من الممكن له أن يعزف مع الفرقة، وذلك لأن التقنية في ذلك الوقت كانت لا تسمح بغير ذلك. و يجوز جدا إشرافه على تسجيل أغنيات أخرى، فقط، الثمن هو أن نفقد دور القانون الجميل مع الفرقة وفي الموسيقى.
الصورة أدناه تظهر الاستاذ مصطفى كامل في حفل حي نقلته إذاعة أم درمان بمصاحبة الأستاذ الموسيقار عثمان حسين ويظهر الأستاذ شرحبيل احمد يعزف على آلة الكمان. المصدر مكتبة الأستاذ عزالدين احمد المصطفى
| |
|
|
|
|
|
|
|
|
 Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
Quote: اها جيب لينا بتاعة القاهرة الموصليه كمان
|
أستاذنا .. هذه لا يبدأ يومنا إلا بها ..
التحية لأزهري نور الهدى .. والكلام الطاعم المؤسس ..
والتحية لنادر السوداني ..
وشكراً ياخ على البيز الفي شريط الحزن النبيل .. شكراً .. شكراً ..
أنا مستمتع للغاية في هذا البوست
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
خارج الموضوع-
يالموصلي طلع عندك طوطحانيات والناس ماعارفين؟
والله ضحكت بشده لمن
شفت واحد في برنامج الشروق مرت من هنا مع محمد موسي-
واحد من شواطين الديم اللذيذين بيقول انو اخترع
طوطحانيه وسماها يوسف الموصلي
لانها بتطوطحك وتوصلك من
الديم لوسط الخرطوم
هه
استاذنا موصلي
ايه الشغل دا وما سمعنا بيهو
تسلم
B]d]
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: نادر السوداني)
|
سلام لصاحب البوست الاخ ازهري وضيوفه الكرام
انا نوهااااائي ما عندي شغلة لتفاصيل المزازيك، لكن القراءة بتعلم
الزول كيف ممكن يستمع ويستمتع بالغناء ومنكم نستفيد
انا اسالوني من "ذات الشامة" نفسها
وللا اقول ليكم، ما تسالوني لانو ما ح اوريكم
البعرف عنها حاجة يقول
تحياتي
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
Quote: لكن تعال نبدأ من نقطتك والتي ذكرت فيها شرعية ميراث ألألات بكل فصائلها والتي ذكرت لكل شعوب العالم وانت خير العارفين
بأن هذة الآلات قد صممت وفق لثقافة موسيقية معينة خصيصاً للتعبير عنها ونشرها وتعميمها علي كل العالم وهي ثقافة لا تخلوا من الإستعماريةالمترفعة |
يامعلم دة كلام خطير جداً ها ها ها / حدائق ألنغم والفنون يا صديقي لا تعترف بحدود وفواصل جقرافية فهي حرة طليقة تشتل ألجمال
أين ما وجدت ونحن كحاملي لأدواتها ومعاولها لا بد لنا من معرفة تقنية تلك الادوات لكي تخضر حقولنا بما تقبلة طبيعة ارض حقولنا
لتخضر وتزدهر ويفوح عطرها في كل الدنيا ..............................
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: نادر السوداني)
|
Quote:
ونحن كحاملي لأدواتها ومعاولها لا بد لنا من معرفة تقنية تلك الادوات لكي تخضر حقولنا بما تقبلة طبيعة ارض حقولنا
لتخضر وتزدهر ويفوح عطرها في كل الدنيا ..............................
|
وطيب يا معلم بما تقبله طبيعة أرض حقولنا دي ماهي نقطة إلتقاءنا
بس إنت ما تنتقي وتجزئ كلامي من سياقه العام
ولكن لازلت أصر على أن النظام النغمي الغربي نظام إستعماري وإستعلائي رغم التنظير والترتيب والمنهجية والمعامل والبحوث والميزانيات الضخمة والتصنيع الكبير يا حاج....وقد صمم لخدمة ثقافة معينة أقصت جميع الثقافات الأخرى وإستعلت عليها...ثم عادت وإعترفت بها عندما غامت وغابت شمس إمبراطورياتهم الإستعمارية...
تخريمة:
إنت عمك عربي في الفيديو أعلاه ماله كان متململ من صوت (الواوا) وأظن من الفكرة كلها
جاوب جواب خالي من الغرض وإنت عارف أبو حنان سلطان الأنغام وعارف رأيه في كل الأمور
إنه رجل منفتح ومتطور حفظه الله لنا.....
| |
|
|
|
|
|
|
|
|
|
Re: ذات الشامة...أغنية في مقارنة بين زمنين!!!! (Re: Azhari Nurelhuda)
|
| Quote: طيب يا معلم بما تقبلة طبيعة ارض حقولنا دي ماهي نقطة إلتقاءنا |
الحبيب ابو ال ز
للأسف هذة الطبيعة حددملامحها ألمستعمر ألتركي في / الفترة العثمانية / ودعمها خديوي مصر / الملك فاروق /
وفي نفس الفترة كان هنالك عباقرة مثال / جمعة جابر/ عثمان ألموا / تعلمواالموسيقي علي يد المستعمر الغربي
أري في موسيقاهم كل ألدسم من تعدودية في الخطوط والأحانها واصالة في ألنغم
وفي نفس الفترة وعلي مري حجر من حدود جنوبنا الغالي توجد تقنية فنية عالية الجودة / فنانين افارقة وانت
سيد العارفين استطاعوا أن يسبتوا وجودهم داخل خارطة فنون العالم باصالة فنهم واستوديوهات زات تقنية
عالية ساعدتهم في إخراج موضوعهم الفني بصورة تنافوسية مقنعة لشعوب العالم
جقلرة
-------
| Quote: إنت عمك عربي في الفيديوأعلاة مالة كان متململ من صوت (الواول ) |
ها ها ها ........تعرف يا دفعة لقد كانت لي تجارب لها العجب معة مزيكاتية مصر عندما صاحبتة العديد
من فرقهم التقليدية فناني هذة الونية جنهم وجن آلالات الكهربية وفي اي عداد تلقة الكمنجاتية الفي الصف الاول
يتلفتوا ذي مروحة الطربيزة شزرا من صوت الباص والاورغ ...ها ها ها
يا خي نسيت اسلم علي الود ساطور وين يا معلم واللة مشتاق ليك ولايامك المفرحة كيف العيال وامهم اتمني ان تكونوا بالف خير
| |
|
|
|
|
|
|
| |
Azhari Nurelhuda
محمد النيل
Elmosley
Tumadir
لؤى
وليد محمود
Nizar Ateeg
Mamoun Ahmed
نادر السوداني
نادر النور آدم
أحمد ابن عوف
ترهاقا
فيس بوك
تويتر
انستقرام
يوتيوب
بنتيريست