|
|
|
 Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: محمد حسن العمدة)
|
Quote: بعد الخج دا كلو لسع بتكابر ؟؟
رئيسين في الدينا دي كلها من ما بدات ولحدي حسع ولحدي ما تنتهي انضربو بالجزمة
البشير وبوش
بعد دا كلو عاوز تكابر ؟؟ |
ودالعمدة،،
ياخي رغم الأختلاف..
لكني عهدتك منطقيا...
يعني هسة وين المنطق هنا؟؟؟؟؟؟؟؟
لنفترض صحة الواقعة التي تشير لها...
هل تدعم الفكرة؟؟؟؟؟؟؟؟؟؟
وهل هي مقياس صحيح؟؟؟
أو حتي تعتبر مقياسا؟؟؟؟؟؟؟؟
أرجع للسيرة النبوية..
وانظر ماتعرض له سيد البشر..
وهو يحتمي بذاك الجدار...
وقد أغري به أشراف ثقيف سفهاءهم..
رجموا عراقيبه بالحجارة حتى اختضب نعلاه بالدماء..
كان إذا أذلقته الحجارة قعد إلى الأرض..
فيأخذون بعضديه فيقيمونه..
فإذا مشى رجموه وهم يضحكون..
حتى انتهى إلى حائط عتبة وشيبة..
والرسول عليه الصلاة والسلام يدعو بالطائف..
بعد أن ناله الأذي..
اللهم إليك أشكو ضعف قوتي ، وقلةَ حيلتي ،
وهواني على الناس يا أرحم الراحمين .
أنت رب المستضعفين . وأنت ربي .. إلى من تكلني ؟
إلى بعيد يتجهمني .. أم إلى عدوٍ ملكته أمري ؟؟
إن لم يكن بك عليّ غضبٌ فلا أبالي ..
غير أن عافيتك هي أوسعُ لي...
أعوذ بنور وجهك الذي أشرقتْ له الظلمات ،
وصلحَ عليه أمر الدنيا والآخرة أن يحلّ عليّ غضبك ،
أو أن ينزلّ بي سخطك .. لك العتبى حتى ترضى ..
ولا حول ولا قوة إلا بك.
فهل يصح أن يكون مقياسك ذاك مرجعا هنا؟؟؟؟؟؟؟؟؟؟؟؟؟؟؟؟
حاول غيرها ياودالعمدة.
| |
  
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: يوسف الخضر)
|
Quote: وبعدين الخواض والدريم دي ما كنت واقف فيها انت ألف أحمر....
مالك فطيت سطر؟؟؟
|
ولا زالت واقف الف احمر
انا ضد الفساد
ولكن انت كنت ضد عصام الخواض
البشير ما حاكم جزر الواق واق مع انها الليلة افضل الف مرة من السودان في عهد عمر البشير
البشير هو المسئول عن كل الفساد الفي البلد سوا من عبد الرحمن سر الختم او الخواض او بهجت
الناس الغلابة الانت الليلة بتكضب باسمهم لدنيا تصيبها هم من تهجم الخواض وبهجت وسر الختم على اراضيهم
زول حقو مقلوع ما بحب الزول البدعم وبقوي القالع
ورد عن سيدنا عمر بن الخطاب قوله لو عثرت بغلة في العراق لسئل عنها عمر
وين سيدنا عمر امام المخلصين
ووين سيدكم عمر حارس المفسدين ؟؟
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: محمد حسن العمدة)
|
Quote: انا ضد الفساد
ولكن انت كنت ضد عصام الخواض |
دي عايزة شرح!!!!!!!
يعني بقيت بتقرأ الكف ولاّ كنت صاحبي ولقيتني ما بحب عصام الخواض؟؟؟؟
ومالذي يجعلك سعادتك ضد الفساد ويجعلني أنا ضد الخواض؟؟؟؟
Quote: البشير ما حاكم جزر الواق واق مع انها الليلة افضل الف مرة من السودان في عهد عمر البشير
البشير هو المسئول عن كل الفساد الفي البلد سوا من عبد الرحمن سر الختم او الخواض او بهجت |
أها بي منطقك ده..
الزول العمل أستوب وقلع الواطة ده ياهو برضو العينو البشير..
ما جا من الواق الواق ولا من مدينة أفلاطون..
Quote: الناس الغلابة الانت الليلة بتكضب باسمهم لدنيا تصيبها هم من تهجم الخواض وبهجت وسر الختم على اراضيهم
زول حقو مقلوع ما بحب الزول البدعم وبقوي القالع |
أها تاني قمت لقراءة الكف والغيب والخطرفة...؟؟
ليه الأتهامات دي؟؟؟
وين الكضب الكضبتو أنا بأسم الناس الغلابة؟؟؟؟؟؟؟؟؟؟؟؟
وين الدنيا اللي عايز أصيبها دي؟؟؟؟؟؟؟؟
ياخي حقو أول حاجة زي ما الناس بتدرس طبيعة رض المعركة في الفنون العسكرية..
تدرس الخصم أو تسأل عنو..
وعندنا نحن السودانيين مافي حاجة مدسوسة..
يعني ممكن تعرف الرئيس من صغرو كان بكضب ولاّ بخاف ولاّ كيف..
خليك مني أنا ومليون معارض معاك بعلرفوني كويس..
وبلاش مدرسة تراجي مصطفي وهشام هباني بتاعة أقذف أولا .. ثم حاور..
بعدين أنت ماشي بعيد ليه؟؟؟؟؟؟؟؟؟؟؟
عندك المنبر والقوقل وأرشيف صحيفة الخرطوم.....
شوف دي كتابات زول عايز أصيب دنيا........؟؟؟؟؟؟؟
المهم ما نطلع بره الموضوع ونشخصنو..
خلينا في البشير..
Quote: ورد عن سيدنا عمر بن الخطاب قوله لو عثرت بغلة في العراق لسئل عنها عمر
وين سيدنا عمر امام المخلصين
ووين سيدكم عمر حارس المفسدين ؟؟ |
أنت ما قريت أنو سيدنا عمر حامي الشريعة والحاكم العادل..
ياهو ذاتو في ظروف محددة قد ( درأ الحدود بالشبهات؟؟؟)..
يعني لو كنت زمان انت في وعندك منبر زي ده..
كان عنوانك الرئيس عمر بن الخطاب أفسد وأوقف الشريعة وعطّل الحدود!!
ياودالعمدة كلنا ضد الفساد..
لكن بالله عليك..
كده شوف البلد دي عشرين سنة.. عشرين سنة
ظروفها المرت بيها والمحن المدخلنها ومطلعنها منها...
متين خلوها تاخد نفس عشان ترتب ولا تنظّم ولاّ تحاسب؟؟؟؟
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: يوسف الخضر)
|
Quote: وين الكضب الكضبتو أنا بأسم الناس الغلابة؟؟؟؟؟؟؟؟؟؟؟؟
|
ياخي حبرك ما جف وعاوز تكضب يا يوسف ؟؟
انت موش تحدثت باسم السودانين كوووووووووووووووووووووووولهم ؟
ولا اكون انا الكتبت عنوان البوست ومصر على التدليس ؟؟
منو القال السودانين بحبو البشير انا ولا انت ؟
انت قدم طلبك لود الباوقة بعد ما فركش صلاح غريبة
لكن ود الباوقة بعثي قديم وفاهم الشغلة كويس
انت صحفي وهو اخدا عنقالية ساي وشفتنة منو يعني ما بخليك تجي بخبرتك وتقلعا منو
عموما الباقي 6 شهور اعملو العاوزينو فيها ونتقابل بعد تمزيق البلد علي يد البشير اسؤا حاكم مر على تاريخ السودان القديم والحديث والجاي في السكة
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: د.محمد بابكر)
|
Quote: أرجع للسيرة النبوية..
وانظر ماتعرض له سيد البشر.. |
Quote: أنت ما قريت أنو سيدنا عمر حامي الشريعة والحاكم العادل..
ياهو ذاتو في ظروف محددة قد ( درأ الحدود بالشبهات؟؟؟)..
يعني لو كنت زمان انت في وعندك منبر زي ده..
كان عنوانك الرئيس عمر بن الخطاب أفسد وأوقف الشريعة وعطّل الحدود!!
ياودالعمدة كلنا ضد الفساد..
لكن بالله عليك..
كده شوف البلد دي عشرين سنة.. عشرين سنة
ظروفها المرت بيها والمحن المدخلنها ومطلعنها منها...
متين خلوها تاخد نفس عشان ترتب ولا تنظّم ولاّ تحاسب؟؟؟؟ |
اها وان شاء الله عمر البشير سيد البشر ولا بن الخطاب ؟؟
ياخي شفت التبرير بيرمي الزول في مطبات كيف ؟
مافي اي وجه مقارنة بين المصطفى عليه افضل الصلاة والسلام وعهد سيدنا بن الخطاب ابدا
عشرين سنة اول ما بدا بيها عهدكم يا بن الخضر شتم وسب للعالم اجمع بدا من الجيران فرعون مصر ويهود يهود ال سعود دا كان خطابكم مع دول الجوار والاشقاء والمسلمين الرسول لى الله عليه وسلم لم يكن شاتما ولا سابا بل اوصى بحق الجار القريب والبعيد وامرنا بحسن المعاملة والمجادلة بالتي هي احسن
تقدر تقول لي ما ذنب السعودية وصمر وكل دول الخليج عندما شتمتوهم وبشعتو بيهم في الاعلام وعلى لسان يونس محمود اتذكره ؟؟؟
اول ما بداتم بداتم بالدم ولترق كل الدماء وقتلتم خيرة ابناء الوطن بدعاوي المتاجرة بالعملة وافرغتم كل بضائع التجار في الشوارع باسم محاربة التخزين واخذتم اموال الناس عنوة باسم تبديل العملة وحجزتموها الا لتجار الجبهة الاسلاموية
هل كان رسول الله صلى الله عليه وسلم او خليفته يقطعون ارزاق الناس ويفصلون 5 الف عامل بالسكة الحديد في يوم واحد وبامضاء واحد فقط ؟؟؟
هل كانوا يحيلون الصحابة للصالح العام ؟
هل حاربو بني وطنهم باسم الدين والجهاد ثم عادو ونكصو دماء الشهداء ووقعوا اتفاقية ادت الى تقسيم السودان واشعلت الفتن في كل الاقاليم ؟؟
هل كان رسول الله يبعث باسماء اعضاء الحركات الاسلاموية الى امريكا وتحميل طائرة خاصة بملفات المخابرات السودانية الى امريكا روسيا قد دنى عذابها ؟؟
يا اخي بالله عليك ابعد دنس البشير عن طهارة حبيبنا رسول الله وصحبه
لا تشوه سيرة النبي الامي سيد المرسلين بزج امام المفسدين فيها ومحاولة المقارنة
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: محمد حسن العمدة)
|
الحقيقة التي لا يمكن نكرانها .. هي أن الشعب السوداني، شعب بسيط وطيب
صراحة ....
عبر آلة الإعلام استطاع الكيزان أن يصوروا للشعب السوداني ان الـ (كم كبري) والسد والانجازات التي تمت (خلال أكثر من عشرين عاما من الحكم المنفرد والتحكم الكامل بالاقتصاد الوطني) تمت عبر البشير وبسببه، وكانت صور هذه الانجازات التي تكرر نفسها دائما وفي كل مكان مقرونة بصور البشير باعتبار أنها السند الوحيد الذي يستطيع المؤتمر الوطني الاعتماد عليه لخوض الانتخابات .. حيث لا تاريخ ولا انجازات حقيقية للنظام ولا طرح فكري أو برنامج انتخابي يهدف لخدمة الشعب. حتى صور مرشحي المجلس الوطني والولايات كانت غالبا مقرونة بصورة البشير باعتباره الكرت الوحيد الرابح بين كومة أوراق المؤتمر الوطني.
المؤتمر الوطني الذي صور البشير من خلال اعلامه وخلال الأجهزة التي يفترض أن تكون أهلية وقومية، صوره على أنه بطل صمد أمام (حقارة -بالدارجية) العالم الغربي وأثبت أنه شجاع و(دكران) في رفضه لأن ينصاع للتدخل الخارجي الذي شكلته محكمة العدل الدولية (التي لا أستبعد ان تكون طبخة بين النظام والمخابرات الأمريكية - هدفها حشد التأييد الشعبي السوداني للبشير)
قابلت المئات من الناس البسطاء الذي يدعمون البشير ويكرهون الكيزان (هكذا باللفظ قالها العشرات) .. وأجد ذلك بسبب احتكار الاعلام من قبل المؤتمر الوطني الذي صور البشير بصورة المنجز إضافة إلى أن الاعلام خلال النصف الأول من حكم الجبهة عمد إلى تشويه صورة الخصوم السياسيين وأصر دائما (وما زال) على ربطهم بالعمالة للغرب (رغم ان صلاح قوش -أحد أركان النظام- بشهادة ال CIA هو أهم عميل لها في الشرق الأوسط) .. كما أن التحكم في الاعلام والرقابة القبلية والبعدية التي كانت تصادر وتمحو كل ما يكشف الفساد السياسي والاقتصادي وكل من يحاول أن يكشف شيء من الحقيقة أو حتى يعري المؤتمر الوطني، كل ذلك ساهم في أن يرسم الاعلام صورة طوباوية للبشير في شخصة، إضافة إلى سماح النظام للأفراد والجماعات التي انصب همها على التأصيل لفصل الجنوب، أدى إلى تشوية صورة الحركة الشعبية باعتبارها المنافس الوحيد القادر على زعزعة وزحزحة البشير والمؤتمر الوطني من الكرسي. (ومع كل ذلك اضطر الكيزان لعقد صفقة عبر زيارة علي عثمان للحركة الشعبية لسحب مرشحها باعتباره المرشح ذو الحظ الأوفر إن لم يكن في الجولة الانتخابية الأولى، ففي الثانية)
رغم كل ما سبق ... فشل الكيزان في أن يستعملوا كل ذلك لمحوا جرائمهم وفسادهم من ذاكرة الشعب، فعمدوا إلى استعمال صورة البشير كشخص لا كمؤسسة باعتباره جوكر المؤتمر الوطني ونسبوا كل الخير له، حتى علي عثمان عراب النظام، لم يستطع النظام استعماله او استعمال الأعمدة الأخرى للنظام كدعايات انتخابية
... وللحديث بقية
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: دينا خالد)
|
| Quote: عموما الباقي 6 شهور اعملو العاوزينو فيها ونتقابل بعد تمزيق البلد علي يد البشير اسؤا حاكم مر على تاريخ السودان القديم والحديث والجاي في السكة |
البلد مزقه التنابلة الذين كانوا ياكلون فضلات جون قرنق الفكريةويعيشون في ظله منكسرين
البلد مزقه الحزبيون الفاشلون الذين كانوا ينتظرون التبريكات من اسياسي افورقي وهم يحرقون همشكوريب بمدافع الجيش الاريتري
البلد مزقته الاحزاب الضعيفة التي ولغت في كل ماعون امريكي ويهودي كي تصل الى السلطة في السودان
البلد مزقه هولاء الذين يتمسحون باحذية اوكامبو المخمور المسطول لكي يدمروا كل الوطن ويجلس ابناء الذوات على اطلاله حكاما من الخزف
البلد مزقته الايدي الراجفة التي وقعت في اسمرا على تقرير المصير ولاول مرة في تاريخ الامة يبيع سودانيون عرضهم وشرفهم السياسي مقابل اتسامة من متمرد حقير
وسياتي يوم الحساب
| |
|
|
|
|
|
|
|
|
|
Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: فايزودالقاضي)
|
كل من كتب حرفا لمناصرة الفاسدين قد ندم
و من الناس من ندم حيث لا ينفع الندم
البشير و عصابتة المارقين فاسدين
و من ناصرهم بقلمه و كلمته فهو مأجور فاسد
و قد دعانا الرسول عليه افضل الصلاة و السلام
ان نوطن انفسنا و الا نكون امعة عمى بصيرة
القتل الذى حدث فى السودان و سفك الدماء و غير ذلك من مظاهر الفساد
البشير على علم بها و ابرز مثال الضباط الذى قتلوا ظلما فى رمضان
و مجدى و جرجس الذين قتلوا ظلما و طمعا فى الاتجار بالعملة الصعبة
و اعتراف البشير بقتل الانفس فى دارفور
و الفساد المالى و الادارى الذى شهدت كل الناس و العالم المتخصص
و رجل الشارع العادى
و أما بيوت الاشباح التى ادارها قوش و نافع و غيرهما فحدث و لا حرج ..
و نحن هنا دعاة حق و لا يعرف الجدل الينا سبيلا ...
| |
|
|
|
|
|
|
|
|
 Re: معارضي المنبر،، بعد كل شيئ.. ورغم كل شيئ.. هل اقتنعتم أن للبشير في نفوس السودانيين محبة ومك (Re: عبد الملك يوسف الملك)
|
عبدالملك؟!
قلت متمرد حقير؟!
غايتو المجانين في نعيم
ونعم من فقد عقله!!
انت عبد الملك( والملك بريء منك)
ياخي ما تغير اسمك وتبقي عبد البشير
انت والناس البتقارنو نبيكم وصحابتكم وعهدهم
بعهد البشير!!
أنا متفق معاك انو البلد مزقها الاحزاب ############ة التليدة
من الصادق المهدي لي الميرغني.
وبالذات الصادق المهدي الخلق المراحيل ودعم انصار المهدية
البقوا في عهد الانقاذ جنجويد ونهب مسلح ودفاع شعبي واتسعت
لي مرابطين مجاهدين ودبابين وآوابين.
وبي كدا يبقي البشير وانقاذو أسوأ من المهدي ان لم يكن أسوا به؟!!
تقرير المصير يا ابن الخالة حق شرعي لشعب اصيل ضاق ما ضاق من
المظالم. والحقير هو من يحتقر مثل هذا الحق ويلبس الظالم ثوب البراءة
بينما يأثم المظلوم.
اي اله تعبدون، ومن من الرسل تتبعون!
ياليتكم تدركون كم من العار و والفسوق والكذب والدنس
والفجور تصبغون به الهكم ورسولكم! فان كنتم بعقلاء لقلتم
ان رسولكم المسيخ الدجال الأعور وربكم الشيطان لعنة الله
عليه.
ولكن هيهات فتلك نعمة العقل الذي حرمتم أنفسكم منها لأجل
اشياءاً لا علمً لمخلوق بها، فقد اكاد اجزم ان كل من علي شاكلتكم
جبل من اعفن وانتن عجين، وخلق الآخرون من صلصال اي طين.
ولا جمعنا الله معكم في وطن مهما اتستعت فالافاق تضيق عندما
ننظر اليها باعينكم. فلسنا عماءاً ولا انتم بمبصرون.
£€~¥•<٪¥€,'
| |
|
|
|
|
|
|
| |
يوسف الخضر
د.محمد بابكر
علاء الدين صلاح محمد
Hani Abuelgasim
دينا خالد
فايزودالقاضي
الطيب رحمه قريمان
Albino Akoon Ibrahim Akoon
الامين محمد علي
اسماء الجنيد
الرفاعي عبدالعاطي حجر
محمد فرح
فيس بوك
تويتر
انستقرام
يوتيوب
بنتيريست