|
Re: عقدة جماهير الهليل مع كراسي الزعيم حدها وين (Re: عبداللطيف حسن علي)
|
اللغة بتاعة منتديات هلال مريخ و النعوت البطلقوها على بعض من أسخف الحاجات الفي السايبر جلافيط دي مقابلها بعيوات و خنازير و حاجات بطّالة ما أنزل الله بها من سلطان لا نتشرف بها ولا يسعدنا الرد بها أو استخدامها هلال مريخ البنعرفها حلاوتها في المناكفات الما بتتعدى الحدود ولا بتجيب زعل أو بتنتهك إنسانية الآخر و كرامتو الآخر الممكن يكون والدك أو أخوك او صديقك فبالله ياخينا الله يرضى عليك خليك في مثقفاتيك و مباراة المناضلين و ما تخرب علينا كورتنا ساي
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: محمد البشرى الخضر)
|
محزن يا ود البشري صورة التخريب الفوق وده مال أيتام وما من جيب زول صدقني وما راعوا فيه اولوية صرف،وبرضو قمة عدم المسئولية انو مشجع يدخل استاد التاني ويخربه محزن اكتر تفريخ المصطلحات البقت الجماهير تتداولها وتنعت بيها بعض. الفاجعة يا ودالبشري مع كثرة النفاجات الاعلامية في الانترنت ...الرياضة السودانية دي بعد شوية حتعمل تغير كبير جدا في استخدمات المصطلحات الصعبة. زي الشارع المصري الراجل بكون مرته واولاده واقفين وهو بصف زول تاني بأقذع الكلمات ودي حاجة عادية عندهم..لكن نحن اعتقد لسة لو في حاجة واحدة حتوصل الشارع السوداني لحتة زي دي هم مشجعي الهلال والمريخ.
البعرفه أنا حاجة واحدة انو دي اتعدت مسألة انها تبقي رياضة يشجعوها الناس الي هستيريا بتمارسها الجماهير
الله المستعان
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: abas)
|
بسم الله الرحمن الرحيم
يا اخوانا باركوها > الشغلانيه ما بتستاهل ومفروض تكون ونسه ومناكفات فى الحدود المقبوله
والله انا هلالابى موت وبدون اصحابى و اخوانى المريخاب والذين اكن لهم كل التقدير و الاحترام لا استمتع بالكوره نهائى
يا اخوانا ده كوره وانتهت يا تعالوا ونسونا يا فضوها سيره
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: طارق الكوتش)
|
يا كوتش يا حبيب
والله ياخ لو هو ما بقبل في المرخرخ نحنا ما بنقبل في سيد البلد
واي تطاول لازم يكون ليه حد
واسال المريخاب القدامي هنا لو حصل اي مشكله مع واحد هنا
الاحترام متبادل
لكن الزول ده زودها حبات مش حبتين
وانت قريت الكلام الكاتبو
برضو نحنا بنكتب
وشخصيا لو ما بطل ما ببطل
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: abas)
|
والله يا عبد اللطيف يا صديق إنت أكبر من كدا بكتير ما يحدث في استاداتنا إن سميناها كذلك هو وليد سياسات القادة والزعماء واﻹعلام الرياضي السقيم ... ناسكم يا صاحبي براهم ممكن يكسروا كراسيهم ﻷنهم زهجوا من لاعبينكم الراقدين خل ديل أعملوا حراسة في الاستاد عشان ما في زول يشيل كرسي بلاستيك وتجوا تتباكوا ...
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: جعفر محي الدين)
|
Quote: اللغة بتاعة منتديات هلال مريخ و النعوت البطلقوها على بعض من أسخف الحاجات الفي السايبر جلافيط دي مقابلها بعيوات و خنازير و حاجات بطّالة ما أنزل الله بها من سلطان لا نتشرف بها ولا يسعدنا الرد بها أو استخدامها هلال مريخ البنعرفها حلاوتها في المناكفات الما بتتعدى الحدود ولا بتجيب زعل أو بتنتهك إنسانية الآخر و كرامتو الآخر الممكن يكون والدك أو أخوك او صديقك فبالله ياخينا الله يرضى عليك خليك في مثقفاتيك و مباراة المناضلين و ما تخرب علينا كورتنا ساي |
ود البشري
عذبتنا....
ياخ مالك خليك في مثقفاتيك ومباراة المناضلين
ياصديق
انا مريخابي للطيش ، واحب الكورة اكتر من (الثقافة) ..علي اليمين
انتظر كورة المريخ باكتر من انتظاري لعملية جراحية قد تودي بعزيز
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: عبداللطيف حسن علي)
|
Quote: والله يا عبد اللطيف يا صديق إنت أكبر من كدا بكتير ما يحدث في استاداتنا إن سميناها كذلك هو وليد سياسات القادة والزعماء واﻹعلام الرياضي السقيم ... ناسكم يا صاحبي براهم ممكن يكسروا كراسيهم ﻷنهم زهجوا من لاعبينكم الراقدين خل ديل أعملوا حراسة في الاستاد عشان ما في زول يشيل كرسي بلاستيك وتجوا تتباكوا ... |
ابو الجعافر
جمهوركم فاقد تربوي ، دي ماعايزة ليها نقاش
انت معذور لانك برة السودان
جمهوركم قطيع من الفاقد التربوي والشماشة والمقهورين
بيفتكروا انو حل مشاكلهم في تدمير كراسي الزعيم
جمهور مسكين ، اول نادي ليهو ، كان في زقاق الشهداء ، محل رش
الموية ، موية ، موية أل ....
قوموا لفوا يا جلافيط ....
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: عبداللطيف حسن علي)
|
Quote: الفاجعة يا ودالبشري مع كثرة النفاجات الاعلامية في الانترنت ...الرياضة السودانية دي بعد شوية حتعمل تغير كبير جدا في استخدمات المصطلحات الصعبة.
|
قمر بوبا ، انت راجل محترم في مداخلاتك ، واعتقد ، إنك ، علي درجة من التقنية
والاستيعاب لشغلة الانترنت والاتصالات
لكن يا اخوي ، المفردة ، هكذا ، الله خلقها ، لهذا الوقت ، المناسب لاستخدامها..
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: abas)
|
عبد اللطيف Quote: انا مريخابي للطيش ، واحب الكورة اكتر من (الثقافة) ..علي اليمين |
طيب ياخي حبك للكورة و المريخ ما مفروض يخليك تحافظ عليهم وما ترضى فيهم في ما معنى حديث الرسول عليه افضل الصلاة و السلام لا تسبّوا آباءكم اسي إنت كدا بتشتم في مريخك و في المريخاب لمن تكتب للهلالاب جلافيط و هليل و مش عارف إيه اتوقع انك تقرا دلاقين و مرخرخين و ما هو أسوأ من ذلك ثم ياخي الكورة دي طلعت نزلت هي رياضة ولعبة ما مفروض يكون فيها سباب و مشاكل وغيره كان بتحب الشتايم و المشاكل اقع المؤتمر الوطني سب ليهم زي ما عايز يمين ديل عندهم باكات صاقعة بمتعوك لمن تقول كفى في الشكل خلي لينا الكورة في جوّها الظريف البنستمتع بيه كلنا
ثم ياخي عليك الله جملة زي بتاعة "جمهوركم فاقد تربوي" اسي في زول عاقل و عامل مثقفاتي زيك كدا بقولها اسي فاقد تربوي دي فاهمها بالضبط شنو ولاّ لافحها ساي كالعادة؟
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: عبداللطيف حسن علي)
|
سلامات .. عبدو
أكثر ما يحيرني أنهم يمارسون تلك الهمجية والنتيجة في صالحهم .. انتزاع الكراسي وتحطيمها للمرة الثانية والقيام بأعمال تخريبية عقب مباراة كسبوا نتيجتها رغم تواضع مستواهم ينم عن حقد كروي حاد .. لن يغفروا للزعيم امتلاكه لاستاد يعتبر درة استادات السودان .. رغم أنه دون طموح الصفوة ونسعى ليصير أجمل وأروع من ذلك .. اما ناس الزريبة فلهم يوم .
| |
|
|
|
|
|
|
Re: عقدة جماهير الهليل مع كراسي الزعيم حدها وين (Re: منتصرمحمد زكى)
|
Quote: أكثر ما يحيرني أنهم يمارسون تلك الهمجية والنتيجة في صالحهم .. انتزاع الكراسي وتحطيمها للمرة الثانية والقيام بأعمال تخريبية عقب مباراة كسبوا نتيجتها رغم تواضع مستواهم ينم عن حقد كروي حاد .. لن يغفروا للزعيم امتلاكه لاستاد يعتبر درة استادات السودان .. رغم أنه دون طموح الصفوة ونسعى ليصير أجمل وأروع من ذلك .. اما ناس الزريبة فلهم يوم . |
منتصر الزاكي يا صفوة يا جميل
قدرنا كدة ، تدمير الناجحين تربية وسلوك نعرفه جيدا
انا لو كنت ادارة لن اسمح بإقامة مباراة للهليل بالمفخرة ابدا
خاصة بعد الذي شاهدناه منهم من قبل ، صورة كربونية.
| |
|
|
|
|
|
|
|