|
|
|
 Re: يجب الذي يجب :هل داهمو منزلها أم اقتحموه أم .... ؟ (Re: esam gabralla)
|
أَشلاؤنا أَسماؤنا. لا.. لا مَفَرُّ
سقط القناعُ عن القناعِ عن القناعِ،
سقط القناعُ
لا إخوةٌ لك يا أخي، لا أصدقاءُ
يا صديقي لا قلاعُ
لا الماءُ عندكَ، لا الدواء ولا السماء ولا الدماءُ ولا الشراع
ولا الأمامُ ولا الوراءُ.
حاصِرْ حصَارَكَ.. لا مفرُّ
سقطتْ ذراعك فالتقطها
واضرب عَدُوَّك.. لا مفرُّ
وسقطتُ قربك، فالتقطني
وأضرب عدوكَ بي .. فأنت الآنَ حُرُّ
حُرُّ
وحُرُّ..
قتلاكَ، أو جرحاك فيك ذخيرةٌ
فاضربْ بها. اضربْ عدوَّكَ.. لا مَفَرُّ.
| |
  
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: Hani Arabi Mohamed)
|
Quote:
كيف يتسنى لمن يداهم منزله بواسطة قوّة الأمن أن يقوم بتصوير حالة المداهمة
والتى تأتى على حين غرة؟ إلاّ إذا قام الأمن بتحذير المداهم مسبقاً لتحضير نفسه للمداهمة!!!!
فى يوم 20 أغسطس من العام 1991 وفى تمام الساعة الرابعة والنصف بعد الظهر تم إعتقالى من
من المنزل الذى كنت استأجره بشمبات وفى الساعة السابعة من مساء نفس اليوم حضر أفراد الأمن
وأرغموا صاحب الدكان الذى يجاور المنزل والذى تركت مفاتيح المنزل بطرفه نسبة لغياب أسرتى
وقاموا بدخول المنزل ونهب معظم محتوياته ممّا خفّ حمله وغلا ثمنه امام ناظرى الجيران.
بعد أن تمت محاكمتنا الصورية وتم ترحيلنا إلى سجن شالا قامت أسرتى بإخلاء المنزل وتخزين ما تبقى
من الأثاث بمنزل الأسرة بأمدرمان.
بعد أعوام من السجن فى شالا تمّ ترحيلى إلى سجن سواكن حيث قمت بكتابة شكوي ضد التعذيب.
وبعد شهور من هذه الشكوى قامت قوّة من الأمن مكونة من ضابط وتسعة أفراد مدججين بالسلاح بإقتحام منزل
أصهارى بأمدرمان مطالبين بتفتيش بقية العفش الذى يخصنى والمخزون فى غرفة من غرف المنزل لما يقارب الأربعة أعوام!!!
كسروا الباب ونقلوا الأثاث قطعة قطعة بصورة عشوائية ونهبوا بعض الأوراق ومكاتبات تخصنى وكتب وصور وأشياء أخرى صغيرة
ثم قاموا بتكسير دواليب الملابس والشنط وانصرفوا بعد أن تركوا المكان وكأنه قد أصيب بزلزال.
حضر شقيق زوجتى وهو ضابط برتبة اللواء جزءاً من هذا المسلسل فذهب إلى مدير جهاز الأمن وقتها وهو من دفعته ليستفسره
عن سرّ هذه المداهمة بعد أربعة أعوام وأنا لازلت بالسجن!! فذكر له مدير الأمن المجرم المدعو حسن ضحوى الشهير بحسن كيس
بأن " ود الريح إشتكانا ولوّث سمعتنا وقصدنا من المداهمة التفتيش لمستندات ندافع بها عن أنفسنا"!!!!!
وتقول لى عايزين صور لمداهمة منزل دكتورة ناهد!!!!!!!!!!
كان المفروض أن تتصل أسرة الدكتورة ناهد بإدارة التلفزيون وومراسلى وكالات الأنباء والصحف حتى يقوموا بنصب كاميراتهم
وتحضيرها قبل ساعات من المداهمة ويمدوننا بالصور!! وبما أنهم لم يفعلوا فهم الغلطانين! سبحان الله...
|
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: ASHRAF MUSTAFA)
|
شكرا يا عصام على اراحة الادمغة الفارغة من العمل
طبعا مفروض تكتب انك متبرع بحقوق هذه الكلمات للاخوة الباحثين عن الحقيقة
وانا نيابة عنك (لو سمحت لي ) بسمح للاخ باسنن (اصلو حضرمي وهو شقيق لباهضرب ) ده يكوت اربعة مداخلات والباقي يتقاسموه بقية الباحثين
لكن يدو محمد فرح النصيب الاكبر والسيدح ما يدوه اي حاجة ماخد حقو وزيادة اليومين دي
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: محمد إبراهيم علي)
|
سنأنتو و لا لسه يا خضر و سيف؟
أميرة سؤال صريح : انتى مستواك ارتفع و لا الامام مستواهو هبط جدآ؟ و اللييلة وووووب عليك
بعدين بقت على الشولة الوقعت دى؟ انتى لاقية الرفاعى حجر شخصيتآ يتبناك؟ حرصآ على مستقبلو و صحتو و سمعتو نرجع الشولة
اميرة الشيخ,,,,,,,,,الرفاعي عبدالعاطي حجر
اشرف دفعو لكن ما كتير ... حق بوست واحد بس , انت ما شايف البنزلو اربعة و خمسة بي صورهم؟ داك العصر الصاح
محمد انا متبرع ... بس لو ساعدوها بي جكة و كم دولار يكونو ما قصرو
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: Salwa Seyam)
|
والله بصراحة كدا اميرة الشيخ دي اختي بالغداء في قندهار
والشراب في جردل العصير ايضاً قندهار يعني اخوان في خروف
الضحية القبل القبل الفات تقريباً فخلو البينا عامرة ...
بعدين في عنوان لم يرد تقريباً ... الرد الرد السد السد
جي واحدة من الحصص الهتيفة بيجودوها وناس قريعتي راحت
بيقولوا الرش واللغة الهابطة ابان الحملة المخجوجة .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,حجر.
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: خالد العبيد)
|
الجماعة اياهم، عرفناهم بلحن القول ولولوة الكلام
عادة يدوها صنة ثم "فجعتن" ،، زي العساكر الجاتهم تعليمات، يجوو داخلين المنبر توووووش
قبل فترة كانت عندنا مجموعة متخصصة في الايات القرآنية، اي كلمة ضد الانقاذ هم عندهم الايةالتي
تتوعد مخالفيها و تربط اي معارضة باليهود و النصارى وعندهم الايات السمحة حقت الرسول و الصحابة
بيقوموا يلصقوها لنفسهم ... شايف ناس الايات اختفوا وظهرت فرقة مط الكلام و السخرية من العباد.
كويس يا عصام انك سبقتهم بالكثير مما سيضعونه هنا.
الله يحفظ ابناء و بنات الوطن الحادبين على صلاحه.
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: المسافر)
|
ود الباوقة يا جماعة كتر خيرو بيحاول يخلص ضميرو وينبهنا
عشان بعدين يجيي يقول أنا كلللمتكم
نشكر ود الباوقة على شعوره الطيب ،،
***********
يا سلوى
| Quote: كذاب أشر من يقول بإن أسرة د.الهادي لم يسمح لها بزيارته |
| Quote: كاذب أشر من يقول ان بيت ناهد تمت مداهمته |
أشر دي يعني بيحب يئشر أودّام الناس ولا عامل إيه بالضبط؟
***********
عصام جبر الله وحمور زيادة الله يخليكم شوكة حوت في حلق اليابا شعبنا ..
| |
|
|
|
|
|
|
|
|
 Re: يجب الذي يجب :هل داهمو منزلها أم اقتحموه أم .... ؟ (Re: Zoal Wahid)
|
الصور دي في ناس بيرسلوها ليهم وبيجو ينزلوها هنـا ..
إنت ركز على الاسماء .. والقوائم .. المرة دي افرز لينا بتاعت الخزي بي جهة .. وبتاعت العار بي جهة تانية .. عشان
وطالما دخلت فيها تراجي مصطفى شخصيا .. فاللهم اجعله خيرا كبيرا جدا ..
التحية للجسورة تراجي مصطفى .. التحية للجسورة تراجي مصطفى .. التحية للجسورة تراجي مصطفى.
الكلام لي أحمد فؤاد نجم.
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: فيصل محمد خليل)
|
سلام يا خضر,,Quote: سنأنا ساكت
سنأنا ونمنا عديل |
إنت يا زول ما بتفتر!!!
كل يوم لامى ليك فى زول مسكين وواقع فيه لطّيش!!
الرأفة الرأفة يا رجل,,
والمبادئ لا تتجزأ يا خضر,,
شهيد شهيد يا عبدالسيد,,
يا خضر والله محتاج لإيميلك جدا جدا...
يا جبرالله أطلب من هذا الخضر الخروج من هنا فهو لم يأتى لحوار ابدا,,
الزول دا جاي يفتش ليهو زول يلطشو ويفش فيهو غبينتو,,
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: أيمن الطيب)
|
| Quote: أميرة سؤال صريح : انتى مستواك ارتفع و لا الامام مستواهو هبط جدآ؟ |
يا عصام جبر الله ازيك يا خي
انت شايف الزول الفتح البوست تمشي تسال اميره؟ ما تسال الزول الفتح البوست
ولا ده تكتيك تمييع القضايا القايم عليك بعد ما رجعت من السودان
____________________________________
غايتو امس بالليل قطعنا فيك قطيعه العدو
| |
|
|
|
|
|
|
|
|
 Re: يجب الذي يجب :هل داهمو منزلها أم اقتحموه أم .... ؟ (Re: الرفاعي عبدالعاطي حجر)
|
Quote: تمبس
ملاحظ تلميحاتك كترت
والتطاول فات الحـد
الان اقيم عليكـ ال
شهود فقط عشان لما
يجئ الرد ما تقوم
الاجاويد تاني مجرد
تنبيه .
صدقني متابع وفاهم
دوافعك لكن قلت اطنش
لحين ما يعود لك العقل
وتميز الامور فأكتب ما تشاء
ولكن دون المساس بي فهمت ؟؟؟
...........................حجر. |
.. تهديد ووعيد .. وقراءة سليمة .. واقامة شهود .. واجاويد .. إلخ
إنت رجعت للحرب تاني ..؟ واللا ما هذه اللغة الحادة جدا ..؟ ماذا دهاك يا رجــل .. اما علمت إنو لو عايز اقوليك اعور بقوله ليك في عينك ..؟ إنت عندك حاجة داسيها ..؟ تلميحات شنو يا حجـــر ..؟
تاني نرجع للملف القديم دا ..؟ تاني نرجع علشان اقوليك ياخ تعال اعتذر عن الكلام الكتبتو في حقي وبلعتو جواك ... وما حتى اعتذرت عنو بي حق الزمالة وبوستينك لحدات الآن قاعد ونشط ..؟
ياخ قول انا لمحته .. إنت عديل كتبت ما كتبت ولا رمش ليك طرف .. ولا نزلت منك دمعة .. ابسط حاجة ياخ كان تشيل البوست بتاعك .. زي ما وصلتك الفكرة .. وتحترم وجودي .. كزميل .. ودي طبعا من ادبيات النضال .. وجلد الذات اوان الخطا ..
على العموم .. الليلة الاربحاء وانا زمني موزع في كم حتة .. لكن ماف مشكلة انا في كامل جاهزيتي لي اي تصرف يبدر منك .. وما محتاجين لشهود ولا محتاج لي انك تشهد علي ناس .. المكان دا كتاباتنا قاعدة وحتى البتمسح في مليون طريقة علشان يترجع بيها .. وأهو نحنا قاعدين ما بيفرقنا إلا الشديد القوي ..
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: tmbis)
|
.. لا اجاويد يا سيد حجـــر .. التحية للشخص الذي كان سبب أن اتجاوز عن كل ما كتبت .. وجيت على نفسي .. واحترمت الرجل ... وتجاوزت كل ما كتبته، بالرغم من إنو كان الاتفاق على التوقف من الردود على تطاولك هو .. حذف البوست الكتبتو والاعتذار عما بدر منك في حقي ..
لكن
يظهر انو المسرح بتاع هنـا .. بيستقبل الزوار بعدديات كبيرة جدا ..
فقط ليعرف الجميع يا حجر عكس ما تلمح به .. ما كان هناك اجاويد من طرفي .. اضبط كلامك كويس .. فلي المقدرة والحمد لله رب العالمين إني اشيل بيها حقي .. وبالزايد كمان ..
تلميحك دا .. كان احسن منو تطلب حذف البوست .. وتعتذر عن الكلام الكتبتو في حقي .. مش كان شكل المسالة بيكون كويس ..؟
عليك الله كيف نفسك تسمح ليك إنك تكتب ليك كلام ما في مكانو وتعتدي لفظيا على زول .. وتكسر في اضانك قشة ..
حقو كان تسمع كلام الاجاويد المعاك هناك .. وتجي تعتذر حتى ولو في الخاص .. وتشيل البوست داك الما دخلت ليك فوقو وكنت منتظر اشوف نهايتك شنو ..
Quote: الفاقد التربوي تمبس تعال.
.............................حجر. |
.. طيب ... اها وبعدين يا تمبظ ؟؟؟؟
مش كان الافضل إنك تشيل البوست دا .. وتعتذر بدلا عن التهديد والوعيد دا .. وتشهيد الناس والتلميح بي اني دخلت اجاويد ..؟
عليك الله هو زول كاتبين ليهو كلام زي دا .. وفاقد تربوي .. تفتكر بيقوم يدخل ليهو اجاويد عشان يسكتو يخلوهو ..؟ إنت قايل يا الرفاعي .. إنت عندك مية وخمسين لسان ..؟ وفاكر يعني لما تشتم وتنبذ زي ما نبذت هنا دا بتخوف ليك زول ..؟
لا والله .. ما بتتشتم .. لانو انا ما حريف شتيمة .. لكن بخليك كل مرة لما تجي تفتح البورد دا تفتش انا قاعد اونلاين واللا وين بالضبط ..
في رواية أخرى .. حتى لو اوفلاين تقوم تفتش لي نقرة الماوس حقتي بين نقرات ماوسات البشر الاسفيريين ديل كلهم ..
أول مرة اشوف لي معتدي وبيشهد .. وبيهدد ويتوعد ..
| |
|
|
|
|
|
|
|
|
|
Re: يجب الذي يجب :هل داهمو منزلها أم اقتحموه أم .... ؟ (Re: tmbis)
|
يا عصام إنت قلت تتغدى بالجماعة قبل ما يتعشوا بيك
لكن هم بسردبوا ليك وبعملوا فيها عمايا وما شايفين البوست ده
وحا يفاجأك واحد منهم بعد يومين ببوست مضاد على شاكلة
(كذاب أشر من قال بأن قوات الأمن لم تداهم منزل دكتورة ناهد)
ما تعمل فيها حريف مع ورثة إبليس ديل..
ورغم إنهم في الغالب بكتبوا كلام كلو كضب وغلاط، لكنهم ببدعوا
في حتة الغلاط دي، في بوست دكتورة ناهد بتاع المطاردة:
كتب شعبان عبد الرحيم بتاعهم ما معناهو إنو دكتورة ناهد المطاردنها
ناس الأمن لمدة كم يوم وبتهرب منهم من شارع لشارع، إنها تشكل خطراً على الأمن القومي..
وما كدة وبس، حتى دكتور الهادي المغمى عليه وفاقد الوعي ليهو كم يوم،
ودكتور الأبوابي الساقوهو ناس الأمن حفيان من بيتو ودقوهوا دق العيش،
قال عنهم برضو بإنهم بهددوا الأمن القومي..
إنت قايل الإغماء ومشي الحفاء ده ما نوع من تهديد الأمن القومي؟
ما لكم كيف تحكمون!!
| |
|
|
|
|
|
|
| |
خضر حسين خليل
Tragie Mustafa
الرفاعي عبدالعاطي حجر
زينب بدر الدين
البدري عبد الله
Hani Arabi Mohamed
ASHRAF MUSTAFA
محمد إبراهيم علي
خالد العبيد
المسافر
تيسير عووضة
tmbis
فيصل محمد خليل
أيمن الطيب
Omar Bob
عبد الناصر حسن أحمد
Nasruddin Al Basheer
فيس بوك
تويتر
انستقرام
يوتيوب
بنتيريست