يحتفل العالم يوم الاثنين 31 مايو 2010 بال World No Tobacco Day 2010 اليوم العالمى للامتناع عن التدخين
شعار الحمله لهذا العام هي : "Gender and tobacco with an emphasis on marketing to women" وترجمتها المعتمده من قبل منظمة الصحه العالميه: "التبغ خطر على الجنسين سهام تسويقه تستهدف المرأة"
تهدف الحمله هذا العام الي التركيز علي أضرار تسويق التبغ وتدخينه التى تلحق بالنساء وتسعي أيضا إلى زيادة وعى الرجال بأضرار التدخين على من يحيط بهم.
الجدير بالذكر أن منظمة الصحه العالميه قررت في السابع عشر من مايو 1989, في اجتماعها العام الثاني عشر, تعيين يوم 31 مايو من كل عام يوما عالميا لمكافحة التبغ ..
بالرغم من أن نسبة النساء المدخنات 9% (200 مليون مدخنه) أقل نسبيا عن نسبة الرجال المدخنين 40% (مليار مدخن), الا أن دوائر صناعة التبغ أصبحت تستهدف النساء بصوره واضحه, وتستخدم سياسات تسويقيه لاغراء المرأه بالتدخين, ظهر أثر ذلك بوضوح في نتيجة مسح خاص باتجاهات التدخين بين الشباب في 151 بلداً، كانت نتائج المسح أنه: يتساوى تقريباً عدد الفتيات المدخنات مع عدد الفتيان المدخنين. وفي بعض البلدان يزيد عدد الفتيات المدخنات على عدد الفتيان المدخنين. الجدير بالذكر أن شريحة المراهقين والمراهقات المدخنين/ات ممن شملتهم الدراسه يتوقع أن يتحولوا إلى مدخنين/ات منتظمين/ات وهم بالغون/ات.
بالاضافه الي ازدياد عدد النساء المدخنات المتوقع فهنالك خطر اخر يقع علي النساء, وهو خطر تعرض النساء لدخان التبغ الذي ينفثه الذكور، وهو خطر أكبر من خطر إغرائهن بتدخين التبغ أو مضغه ,,
لذلك هدفت حملة منظمة الصحه العالميه لهذا العام لتوعية النساء تحديدا ومن ثم الرجال, بمخاطر التدخين وضرورة الامتناع عنه تماما,,
احدي بوسترات منظمة الصحه العالميه لحملة توعية النساء في 31 مايو 2010 للامتناع عن التدخين:
أماني مساء الخير موضوع التدخين ده موضوع ما عايز توعية بقدر ما عايز آكشن من الحكومات وفي الفترة الأخيرة يمكن رده الفعل الحكومية في كتير من الدول بقت قوية وكان ممكن تكون بدري لكن الناخد بعض الجوانب التانية
الاقتصاد هو البسير اي دولة ،شركات التبغ مثلها مثل الكبيرة التي تأثر في قرار الدولة لانها بتساهم في عجلة الاقتصاد ولان التبغ صناعة ضخمة لها ما لها من المستهلكين بشكل يومي في كل الدول في العالم مثلها مثل كرافت فوودز وبركتر اند قامبل ويني ليفر، دي شركات بتدفع للحكومات الكتير مثلا فتواجها مهم جداوبتقدر تحافظ علي مصالحها تماما شركات التبغ الكبيرة حديك منهم شركتين الهم فيليب موريس والـ BAT أو ما يعرف بالاميركان بريتش تباكو
فيلب موريس من اشهر علاماتها التجارية مارلبورو بدت قبل اكثر من 80 سنة وهي العلامة الاشهر في تاريخ التبغ وكان الباكينق بالصورة دي واتطورت بقت اتراكتيف من ناحية بتاعة باكينق بقت كدة والغريبة العلامة استهدفت نساء الطبقات البرجوازية لكن بقت للرجال اكتر وعالمية
وكذلك الحال للـBAT في اشهر علاماتهم بدت بالشكل وتطورت
ثم تطورت اكتر
الا ان مجتمعات مدنية استطاعت ان تضغط و وتحاول ان تخرج الباكينق والبرانديق الاخير بمثل هذه الصورة وقدرت تعمل آكشن أكتر وشوفوا كركبة فيليب موريس
Quote: On June 22, 2009, President Obama signed legislation granting the Food and Drug Administration (FDA) the authority to regulate tobacco products.
Effective June 22, 2010, the law prohibits the use of certain terms such as “light,” “mild,” or “low” in smokeless tobacco product labeling and advertising.
To comply with this prohibition, PM USA is removing these terms where they appear from its packaging and advertising. Our products, which have not changed as a result of this law, continue to be available, but their packaging may be different. http://www.philipmorrisusa.com/en/cms/Products/Smokeles...ult.aspx?src=top_nav
_ نواصل من كم ناحية علامات اخري تجارية أسباب التدخين* دعايات العلامات التجارية(ده فيديو منو نموذج موجود في اخر المداخلة:أشهر الدعايات المجودة من ناحية تسويقية في العالم وتضرب بها المثل)
الصور أعلاه من الويكيبيديا وقوقل
نواصل في ناتج التبغ في اقتصاديات الدول بعض العلامات التجارية وسطوتها وغيرها
قمربوبا شكرا علي المداخله اللي حقيقي In point موضوع التسويق لمنتجات التبغ وأثرها علي الاقتصاد العالمي, موضوع كبير ومهم, خصوصا انه شعار هذا العام :"التبغ خطر على الجنسين سهام تسويقه تستهدف المرأة" حسب خبرتك في المجال ده حننتظر منك الكثير عن استهداف المرأه في تسويق التبغ,
بالمناسبه سمعت انه في حظر شامل للإعلان عن التبغ !!! وانه لا يغطي للأسف غير 9% من سكان العالم. كذلك لا تغطي القوانين الوطنية الشاملة الخاصة بالبيئات الخالية من التدخين بمعني قوانين منع التدخين في الأماكن المغلقه والعامه غير 5.4% فقط من سكان العالم. وده فعلا بيدل علي ضرورة اتخاذ الحكومات لخطوات صارمه لمكافحة التبغ زي ما أشرت,,
أكثر من خمسة ملايين شخص سنوياً يفقدون حياتهم بسبب التبغ أي بسبب احدي الأمراض التي يسببها (شخص كل ست ثوانٍ)، ويتسبب في 10% من وفيات بين البالغين. وتشير توقعات منظمة الصحه العالميه الي أن نحو نصف المتعاطين الحاليين سيفقدون حياتهم من جراء الإصابة بأمراض ذات صلة بالتبغ.
أثر التدخين وتعاطي التبغ والأمراض الناجمه عنه كبير علي أقتصاد الأفراد والأسر والدوله من بعد, يبقي الموازنه بين أثر تجارة التبغ علي الدخل القومي اذا قارناها بمردوها علي صحة المواطن ومنتوجه في العمل, وتكلفة علاجه من بعد, حنجد انه من المنطق مكافحة الدول لهذه التجاره بدلا عن السماح بترويجها ,, خصوصا انه اكثر من 80% من وفيات التبغ تكون عادة في البلدان الناميه وذات الدخل المنخفض.
التدخين اللاارادي,, وهو استنشاق دخان السيجائر أو الشيشه أو غيرها من أنواع التبغ بواسطة الأشخاص المحيطين بالشخص المدخن, سواء كانوا من أهل بيته أو من المحيطين به في الأماكن العامه :(العمل, المقاهي, الأسواق ..الخ)
حسب احصائيات منظمة الصحه العالميه فانه:
- 22 مدينة فقط من بين أكثر 100 مدينة اكتظاظاً بالسكان خالية من دخان التبغ.
-نصف عدد الأطفال تقريباً يتنفسون بانتظام هواءً ملوثاً بدخان التبغ
- أكثر من 40% من الأطفال يدخن أحد والديه على الأقل.
- التدخين اللاإرادي يتسبب في 000 600 وفاة مبكرة سنوياً.
- في عام 2004 شكل الأطفال 28% من الوفيات الناجمة عن التدخين اللاإرادي.
- دخان التبغ يحتوي على أكثر من 4000 مادة كيميائية، من بينها 250 مادة على الأقل معروف أنها مضرة، وأكثر من 50 مادة معروف أنها تسبب السرطان.
- التدخين اللاإرادي يتسبب في إصابة البالغين بأمراض قلبية وعائية وتنفسية خطيرة، بما في ذلك مرض القلب التاجي وسرطان الرئة. ويتسبب في إصابة الرضّع بالموت المفاجئ. أما فيما يتعلق بالحوامل فيتسبب في نقص وزن المواليد.
خلاصه : يجب الامتناع عن التدخين علي الأقل بالقرب من الاخرين, خصوصا الأطفال والنساء الحوامل, لتجنيبهم مخاطر التدخين اللاارادي
* مصدر المعلومات والاحصائيات الموقع الرسمي لمنظمة الصحه العالميه,,
إن حظر الإعلان عن التبغ والترويج له وسط المراهقين خاصه يمكن أن يحد من استهلاكه بيني البالغين في المستقبل, وبالتالي مكافحته. كذلك الاعلانات المضاده والملصقات المليئه بالرسومات التوضيحيه من شأنها ايصال معلومة خطورة التدخين والتبغ, لكافة طبقات الشعب, (المتعلمه والأميه), ولكافة الأعمار ,,
كمثال أطلقت منظمة الصحه العالميه هذا العام العديد من الملصقات فيما يتعلق بتنبيه المرأه (أم وأخت وزوجه وابنه وصديقه), لمخاطر التدخين والتدخين السالب أو التدخين اللاارادي :
وتبقي ترجمة الملصقات وسودنتها ثم طبعها وتوزيعها مهمه تبحث عن متصدي لها ..
أيضا كما سبق وأشرنا هناك 26 بلداً فقط، (8.8%) من سكان العالم يفرض حظراً وطنياً شاملاً على الإعلان عن التبغ والترويج له ورعايته. 27% من سكان العالم يعيشون في بلدان لا تفرض حظراً على توزيع منتجات التبغ مجاناً.
السودان من الدول التي لاتطبق قوانين منع التدخين في الأماكن العامه وأماكن العمل وكافة الأماكن المغلقه !!!!! لم أتحصل علي معلومه بخصوص حظر الاعلان عن التبغ في وسائل الاعلام أرجو الافاده من ذوي الاختصاص ..
فكر في الأسباب اللي علشانها عايز تمتنع عن التدخين:
- فكر في صحتك, - فكر في أموالك اللي بتنفقها في شراء السجائر والاموال اللي حتوفرها لما ما تشتري سجائر . - فكر في الوقت البتضيعه وانت بتوقف عن عملك من أجل التدخين, أو بتخرج من أجل شراء سجائر أو ولاعه ! - فكر انك لما تمتنع عن التدخين حتتوقف الام الصدر والسعال (الكَُحه) وصعوبة التنفس, وعلي فكره دي أعراض لو ما شعرت بيها لسه حتشعر بيها عاجلا أو اجلا. - فكر في أطفالك وحمايتك ليهم من اثار التدخين السالب أو التدخين اللاارادي, فكر في أسرتك كلها اللي حتحميها من المخاطر دي, وكمان فكر في انك حتقدم نموذج جيد لأطفالك لما تكون ما بتدخن ..
-أضف الي الأسباب أعلاه أي أسباب شخصيه خاصه بيك,
- أكتب الأسباب دي في ورق, وضع نسخه في الحمام, ونسخه في غرفتك, ونسخه في السياره أمامك, ونسخه في المكتب, ونسخه في محفظتك, ونسخه في مكان وضع سجائرك, ونسخه في المطبخ, ونسخه في ال Desktop بتاع الكومبيوتر بتاعك, باختصار نسخ في كل مكان :)
وقتها كل ما حتجي تدخن حتلقي لستتك قدامك وحتتذكر أسباب امتناعك عن التدخين :)
---- المصدر: الأفكار مترجمه بتصرف من موقع الامتناع عن التدخين www.Smokefree.gov
الترجمة دي اظنها مامزبوطه كده على العموم قد يكون هذا البوست اجابة لبوست مفتوح لمصلحة من الحملة ضد محلات الشيشة كما وان التدخين اللا ارادي لاول مرة اسمعها بعتقد كان اسمها التدخين السلبي او السكند هاند
أخونا صبري الشريف,, مرحب بيك, وانشاء الله بخير والمدام والأسره,,
Quote: ادعم معك هذا اليوم ويا ريت لو قبل اخواننا واخواتنا المدخنين والمدخنات الاقلاع عن التخدين ومراعاة ان نعيش في بيئة صحية جيدة وان نجد انسان صحيح البدن والعقل
أكيد عارف انه التدخين من ضمن الحاجات اللي الحريه الشخصيه فيها بتتعارض مع حرية الاخرين, المدخن بيؤثر علي صحة المحيطين بيهو, وأكيد علي صحته,
شكرا لدعمك من أجل بيئه صحيه واتسان سليم معافي,
تحياتي,,
05-31-2010, 02:37 PM
محمد الامين محمد
محمد الامين محمد
تاريخ التسجيل: 03-07-2005
مجموع المشاركات: 10014
الزول زاتو, صورة ود الصايم دي يتعمل فيها Cross أحمر عريض كده X , وتتعرض في وسائل الاعلام والصحف تبقي حاجه ما تخلص :) زي صورته بتاعة الضحك والقمح ديك, معبّره خالص
فكرت في ضرورة امتناعك عن التدخين؟ كتبت أسبابك في أوراق صغيره ووزعتها في جميع اتجاهاتك؟
الان عليك الاستعداد للامتناع عن التدخين الامتناع عن التدخين فجأه يجعلك في غاية القلق ويمنحك شعور بعدم الراحه,, لذلك عليك بالاستعداد لتنفيذ هذا القرار, باتباع هذه الخطوات : والمختصره في كلمة إبدأ أو START
طيب إ ب د أ
وتفاصيلها كما يلي:
إ= إختار يوم محدد لبدء الامتناع عن التدخين. من الأفضل أن يقع اليوم الذي قمت باختياره في غضون أسبوعين من اتخاذك القرار بالامتناع عن التدخين, حتي لاتفقد الدافع وتنسي أسبابك بمرور الوقت, اختر يوم مميز في حياتك مثل يوم عيد ميلادك, يوم ذكري زواجك, أوّل يوم في السنه الجديده, اليوم العالمي للامتناع عن التدخين .. الخ اذا كنت من المدخنين أثناء العمل, اختار يوم اجازه, أو عطلة نهاية الاسبوع للشروع في الامتناع عن التدخين, حتي تصبح أكثر توازنا حين العوده للعمل,,
ب= بلّغ وأخبر أفراد أسرتك وأصدقائك وزملائك في العمل بخطتك للامتناع عن التدخين. أخبرهم ليتوقعوا تغير مزاجك خلال فترة الاسبوعين الأوائل في تنفيذ الخطه, وأخبرهم أنه في حال اجتيازك للمرحله الأولي ستعود ذات الشخص القديم الهادئ والمتفهم, كذلك أخبر الأشخاص المقربين منك ليقدموا لك الدعم الذي تحتاجه خلال هذه الفتره.
الامتناع عن التدخين سيكون أسهل بمعاونة الأصدقاء أو الأسره ,, أيضا أخبر أصدقائك المدخنين ليمتنعوا عن التدخين حولك أو في وجودك في حال أنهم مدخنون أيضا, أخبرهم بمنتهي الحزم والوضوح.
د= دوّن وتوقع وخطط لمواجهة كل التحديات والصعوبات التي ستواجهك حال شروعك في الامتناع عن التدخين. قد تمر بمشاكل في العمل أو في البيت تزيد من توترك وتشعرك برغبه في العوده للتدخين, لابد من وضع خطط بديله مثل ممارسة الرياضه أو المشي حين الشعور بالتوتر.
أ= أزل كل عبوات التبغ من من منزلك ومكتبك وسيارتك وكل أماكن تواجدك . عطّر سيارتك ومكتبك لازالة رائحة السجائر العالقه في الأثاث, لابأس من زيارة طبيب الأسنان لتنظيف وازالة أصباغ التدخين من أسنانك, فهو أمر محفّز لبدايه جديده لحياه جديده خاليه من التدخين, إيّاك ثم إيّاك من اعتماد أي نوع من البدائل المحتويه علي التبغ, أعني الناس اللي بتستخدم التمباك لاستبداله مكان السجائر !!!! ما حتكون عملت حاجه !! بالعكس التمباك بيحتوي علي نسب مركزه جدا من النيكوتين وال Tar والسموم الكيميائيه المميته,
أيضا لا بأس من اخبار طبيبك بنية شروعك في الاقلاع عن التدخين من أجل مد يد العون والمشوره.
-- التعديل لتصغير الصور,,
(عدل بواسطة Amany Elamin on 06-01-2010, 09:01 AM) (عدل بواسطة Amany Elamin on 06-01-2010, 09:03 AM) (عدل بواسطة Amany Elamin on 06-01-2010, 09:08 AM) (عدل بواسطة Amany Elamin on 06-01-2010, 09:14 AM)
06-01-2010, 09:18 AM
عبدالحفيظ حسن
عبدالحفيظ حسن
تاريخ التسجيل: 05-05-2009
مجموع المشاركات: 1436
كنت من المدخنين لفترة طويلة جدا.... فى يوم 19/11/2009 كنت منتظر الأولاد فى موقف البصات الجاية من أم درمان... و أنا فى الأبيض...عاينت لعلبة السجاير لقيت فيها سيجارة واحدة بس.... قلت كويس...أقوم أولع السيجارة دى..و لما اخلصها أمشى البقالة اشترى علبة!! قعدت فى الكرسى قدام مكتب الترحيلات وولعت السيجارة الوحيدة الفاضلة فى العلبة. و لما كملتها وجدعتها كنت داير أقوم اشترى العلبة زى ما وعدت نفسى!!!! فجأة قلت لنفسى...( دى آخر سيجارة أدخنها)!!!! ومن اليوم داك ...ولحدى هسه...ما ولعت لى سيجارة!!!!
يعنى ما مريت على الخطوات القلتيها دى!!!
أنا بفتكر إنو الأمر ممكن يتم بكل سهولة...بس بعزيمة قوية ...وقوة إرادة!!!
Quote: أنا بفتكر إنو الأمر ممكن يتم بكل سهولة...بس بعزيمة قوية ...وقوة إرادة!!!.
برافو عليك والله, بصراحه خليتنا نشعر بالتفاؤل .. الدافع الذاتي هو أهم محرك للامتناع عن التدخين فعلا,,
بس ياريت تحكي لينا تفاصيل عن الدوافع الناقشتها مع نفسك لايقاف التدخين تماما؟ هل امتنعت عن التدخين ورجعت ليهو قبل الحادثه دي؟ شكل أيامك الأولي بعد الامتناع كان كيف؟ هل فكرت في العوده؟ عايزين تفاصيل عشان الناس تتشجع بتجربتك الفريده ,,
طيب أولا المطلوب منك في اليوم ده: أشغل نفسك: إتمشي,, إتمرّن, أحضر فيلم, أمشي جيم ..الخ أقضي وقت فراغك كله في نشاطات, حافظ علي وقتك ممتلئ بأشياء مختلفه عن روتينك اليومي, كمان يدك المتعوده تكون فيها سيجاره خليها مشغوله, شيل قلم, أو زجاجة مويه أو أي حاجه ما تشعرك بفراغ يدك, برضو استعمل حاجه زي لبان, حلاوه أي حاجه عشان تبقي فمك مشغول ..
لازم تغير روتينك اليومي المتعلق بالتدخين, ابتعد من الأماكن المتعود تدخن فيها, مثلا كرسيك المفضل في البيت, امتنع عن مشاهدة برنامجك التلفزيوني المفضل لو متعود تدخن أثناءه,, والوضع ده لازم يستمر في الأسابيع القدمه برضو يعني ما بس في أول يوم امتناع عن التدخين,,
ثانيا متذكر الخطه البديله الوضعناها للأوقات الحرجه البتستدعي التدخين؟ سبق وقلنا انه حتمر بيك ظروف معقده أو سيئه تشعر معاها خلال البرنامج ده انك راغب بشده في التدخين, ووضعنا برنامج بديل,, قلنا لما تشعر بحوجه مُلحه في لحظه ما للتدخين, ممكن تاخد دُش بمزاج, ممكن تعمل تمارين تنفُس, ممكن بدل ما تولع سيجاره تولع شمعه (حتشعر بتحسن),,, ممكن تطلع من المكان الانت فيهو وتخرج تتمشي,, ده كله حسب البرنامج البديل الوضعت وبيلائم ظروف عملك أو حياتك,, إياك ثم إياك تقول لنفسك حدخن سيجاره واحده وبعدين أواصل في البرنامج عادي, سيجاره واحده ما بتعمل حاجه !!!!!!! سيجاره واحده ممكن تهدم البرنامج كله, حذاري من التهاون, ما ممكن تقطع المشوار وتتعب نفسك علي الفاضي, أهم حاجه زي ما قال أخونا عبد الحفيظ العزيمه وقوة الاراده,, طيب علي أسوأ الفروض لو ده حصل ودخنت سيجاره واحده بعد تلاته أسابيع مثلا, ما تفكر انك فشلت والبرنامج فشل, اطلاقا, فكر في التلاته أسابيع اللي نجحت فيها, وفي تلاته أسابيع ويمكن أكتر تاني حتقضيهم بدون تدخين, أي سقطات أثناء البرنامج ما حنفكر فيها كنهايه للبرنامج اطلاقا ,,
طيب ثالثا خليك عارف ومتوقع شعورك في المرحله دي حيكون شنو, حتكون: مدبرس :) قد تواجه صعوبه في النوم, قد تشعر باحباط, قلق, عصبيه, عدم راحه, تشعر انه تفكيرك مشوّش, وقد تفقد شوية وزن, ده كله عادي وممكن تشعر بيهو كله أو جزء منه ..
طيب عايز تعرف انت كسبت شنو في كل يوم سبت فيهو التدخين؟ شوف بنفسك:
إحتمال أن تكون قصتى مع التدخين ما بتشبه باقى الناس......
يعنى كنت فى أوائل عهدى مع السيجارة ما بدخن إلاّ فى الأمسيات...
ثم بعد داك بقيت أدخن بالنهار أيضا ...لكن كانت عندى شروط فرضتها على نفسى ...وهى : -
أولا: -عدم التدخين فى أية غرفة ....لما كنت أعزب ...بس فى الحوش.!!! ثانيا: - عدم التدخين داخل غرفة المكتب فى العمل!! ثالثا: - بعد الزواج والإنجاب ...عدم التدخين داخل المنزل تماما....يعنى طول ما أنا فى المنزل ما بدخن إطلاقا!!!! رابعا: - عدم التدخين قدام الأولاد....لحدى ما بطلتو مافى واحد من أولادى شافنى بدخن!!! خامسا:- عدم التدخين داخل أية وسيلة ركوب....سواء أكانت خاصة أم عامة!!
وبالطبع أى واحد....وخاصة المدخنين.....مقتنعين تماما بخطورة التدخين وضرره فى كل شى.....الصحة...المال....الأولاد وخلافه.....لكن الغريبة أنا ما فكرت أوقفو لأنو كنت بقول دى التسلية الوحيدة الفضلت لينا!!
هل تصدقى إنو القرار دا كان وليد اللحظة ودون سابق إنذار.....يعنى ما كان فى أى تأثير واضح على عشان أقرر التخلى عنو.......لأنو زى ما قلت كان من المفترض إنو بعد ما أخلص السيجارة الأخيرة دى أقوم أشترى لى علبة تانية....لكن فى اللحظة الخلصت فيها السيجارة فجأة قلت: - وليه ما تكون دى آخر سيجارة.....وقد حصل!!!!
وأقول ليك حاجة غريبة....من اللحظة الوقفت فيها من التدخين أصلو ما حسيت بأى شى.. يعنى .....زى ما بيقولوا.....ما خرمت لسجارة أبدا.....و لا فكرت فى إنو أولع لى سيجارة تانى......أو أرجع تانى للتدخين!!!
الظاهر إنو أنا عندى مناعة ضد أى تأثير فى حالة عدم الحصول على أى من المكيفات!!! يعنى أضرب ليك مثل.......الناس كلهم فى أول يوم فى رمضان يجيهم صداع وخرم للشاى والقهوة والسيجائر وكل المكيفات......لكن أنا أصلو ما بتأثر بى حاجة زى دى!!!!
و بالطبع الناس كلهم ما واحد .....يعنى تجربتى دى قد لا يستطيع كل واحد إنو ينفذها بنجاح... وفى ناس زملاى هنا حاولوا وما قدروا.....لكن زى ما قلت عايزة عزيمة وقوة إرادة..... وبنفس الطريقة الفجائية دى ...أنا توقفت عن عادات مماثلة!!!!
الأخ عبد الحفيظ,, شكرا لعودتك بتفاصيل امتناعك عن التدخين,, أسمح لي أشيد جدا بالفقره دي:
Quote: أولا: -عدم التدخين فى أية غرفة ....لما كنت أعزب ...بس فى الحوش.!!! ثانيا: - عدم التدخين داخل غرفة المكتب فى العمل!! ثالثا: - بعد الزواج والإنجاب ...عدم التدخين داخل المنزل تماما....يعنى طول ما أنا فى المنزل ما بدخن إطلاقا!!!! رابعا: - عدم التدخين قدام الأولاد....لحدى ما بطلتو مافى واحد من أولادى شافنى بدخن!!! خامسا:- عدم التدخين داخل أية وسيلة ركوب....سواء أكانت خاصة أم عامة!!
ده كلام يتبروز بالدهب, نتمني كل مدخن يضع لنفسه خطوط زي دي ويلتزم بيها, عشان علي الأقل يحمي الحوالينو من أضرار التدخين,
تاني برافو عليك يا أخ عبد الحفيظ ونتمني كل الشباب يكونو بعزيمتك وهم أكيد حيقدروا ببساطه يتخلصوا من عاده مرهقه صحيا زي التدخين,, بس أهم خطوه هي اتخاذ القرار بعزيمه واراده, وبعديها ما في شئ مستحيل ,,
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة