|
Re: الزبير محمد الحسن وولده وبسكويت الدولة . (Re: فتحي الصديق)
|
* ذات لحظة قلت لنفسي: يا سلام أنا نظيف.. وجاءت اللطمة لنعرف ضآلة ما عندنا.. * وأحدهم كان بعد ساعة يحدثنا عن الزبير محمد الحسن وزير المالية من قبل والطاقة الآن في أنس مسترسل.. قال: الزبير وقبل لحظات من اجتماع وزاري مهم جداً يفاجأ بوالده يسقط مريضاً.. مرض يشفق.. والوزراء يحولون اللقاء إلى منزل الزبير فاللقاء لا يؤجل.. * والمراسم – بكل الصرامة- تحمل أباريق الشاي من قاعة وزارة المال إلى بيت الزبير ومعها أطباق صغيرة من البسكويت.. * وبعد اللقاء يخرج الرجل ويودع ضيوفه عند الباب ويعود ليجد أغرب مشهد.. * الزبير يجد ابنه – في العاشرة- يغرس أصبعه في حنجرة أخيه الطفل في الثالثة حتى يجعله يتقيأ. * وعند السؤال المصطرخ يقول الصبي لأبيه في حزم : هذا أكل قطعة من البسكويت هذا.. وهو من أموال الدولة وليس من مالك..
| |
|
|
|
|
|
|
Re: الزبير محمد الحسن وولده وبسكويت الدولة . (Re: فتحي الصديق)
|
المصطفى عليه الصلاة والسلام قال( الخير في وفي امتي الي يوم القيامة)
يا جماعة الخير زي ما الفساد كتيـــــــــــر والمفسديــــن كتااااار برضو في صالحين وحواء السودانية عندها الكتيــــر من الابناء الشرفاء سواء كانوا في المؤتمر الوطني ولا في الاتحادي ولا الشيوعي
والفساد والخيانة والامانة والعدل ما مرتبطه بي حزب او قبيلة او فكر او حكومة
وفي النهاهية
(كلٌّ اتيه يوم القيامة فردا) وربنا ما بحاسبنا بالعقل الجمعي
..
| |
|
|
|
|
|
|
Re: الزبير محمد الحسن وولده وبسكويت الدولة . (Re: حذيفه ابراهيم الكباشي)
|
Quote: يا جماعة الخير زي ما الفساد كتيـــــــــــر والمفسديــــن كتااااار برضو في صالحين وحواء السودانية عندها الكتيــــر من الابناء الشرفاء سواء كانوا في المؤتمر الوطني ولا في الاتحادي ولا الشيوعي
|
يا حذيفة ياخي ..خلينا من الولد الشفت الطلع البسكويت من بطن أخوهو دا... انت رايك شنو في الاجتماع الذي نقل لمنزل الوزير بسبب مرض والده؟؟؟؟؟؟؟
| |
|
|
|
|
|
|
Re: الزبير محمد الحسن وولده وبسكويت الدولة . (Re: فتحي الصديق)
|
Quote: يا حذيفة ياخي ..خلينا من الولد الشفت الطلع البسكويت من بطن أخوهو دا... انت رايك شنو في الاجتماع الذي نقل لمنزل الوزير بسبب مرض والده؟؟؟؟؟؟؟ |
طبعا عادي جدا انو القصة تكون من اولا لي اخرها مفتولة من الخيال الخصب او ممكن جدا تكون الحقيقة بس عشرة في المية ولا خمسين في المية ولا تسعين في المية ولا مية المية
لكن انا افتكر انو نحنا حقو نحاول ناخد لينا عبرة من الحكاية دي .....
نحنا في الحقيقة محبطيـن شديـــــــــد بسبب الفساد والظلم الذي يتحدث عنه القاصي والداني وبدينا ننسى انو الله كريم علينا الحمدلله وانو نحنا شعب تكثر فيه الامانة ويكثر فيه الخير...
غير كدا في الزمن دا العفة في اللسان بقت مشكلة بمعنى اذا نحنا قلنا انو فلان الفلاني دا حرامي وقدام ربنا طلع ما حرامي
نحنا حنمشي وين قطعا موقفنا حيكون صعب جدا
..
| |
|
|
|
|
|
|
Re: الزبير محمد الحسن وولده وبسكويت الدولة . (Re: حذيفه ابراهيم الكباشي)
|
Quote: غير كدا في الزمن دا العفة في اللسان بقت مشكلة بمعنى اذا نحنا قلنا انو فلان الفلاني دا حرامي وقدام ربنا طلع ما حرامي
نحنا حنمشي وين قطعا موقفنا حيكون صعب جدا
|
هسي منو القال أنو الزول دا حرامي يا حذيفة؟؟؟؟؟ أول مرة أعرف انو اسحاق روائي خطير ..أتاريهو كل يوم ناجر لينا فلم جديد ..
| |
|
|
|
|
|
|
|