|
واتتهم النجيييييضة :: من بين 16 مليون ناخب 10 مليون يرفضون التصويت للبشير !!!
|
هذا من واقع سجلاتهم ومضابضهم الرسمية ... وما تم الاعلان عنه رسميا ... 10 مليون ناخب ما بين مقاطع ورافض للبشير !!!
ضربة قوية رغم كل ما فعلوا .... ورغم ما صرفوا ورغم النفوذ والسطوة ...
وما خفى اعظم فهناك 10 مليون ناخب قاطعوا التسجيل ايضا !! اذا اردت يمكنك اضافتهم للرافضين ..
ييس ويى كاااااااااااااااااان !! من واقع ارقامهم نفسها
ــــــــــــــــــــــــ مافى زول يحى يقول لى الستة دى معاها كسر ما حسبتيه ... ما انا الستة دى حاسبة فيها الخج والقلع و يا قول ريا وسكينة ( الميتيين اللى تحت ) والاطفال وكلو حسبنا ليكم جات على الكسر المع السته ؟ تغالتونا دايرين الحساب ال صحيح بنرجعكم لى ال 2 مليون بتاعتكم .... امنعوا الفوضى !!
|
|
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
ياسر عرمان قاطع الانتخابات ولم يخض معركة الاقتراع لا هو ولا ناسو هو ذاتو ما صوت لى روحو !!
وبالرغم من المقاطعة بلغ عدد الذين تمرودا على قرار القيادة او قل غير الحزبيين الذين اصروا على منحه صوتهم رغما عن طلبه منهم با لا يصوتوا كان اكثر من 2 مليون ناخب !! ..
لاحظ ديل المتمردين على القرار بس !!!!
طيب ديل اذا كانوا المتمردين على قرار المقاطعة فقط
كان كيف بكون الحال لو شاركت القواعد !!
ــــــــــــــــــــ عشششششششششششششرة مليون ناخب رفضوا التصويت للبشير وهذا بعد الخج .. قبله كان كيف الله وحده يعلم !!
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: Elsheikh Mohd Aboidris)
|
ودا من بوست عاطف مكاوى .. يا سيف اليزل لانو للاسف نحن ما بنقدر نشوف اليوتيوب كدا احكى لى الشريط فيه شنو ؟؟
أبيل ألير...ونقض العهود
د. حيدر ابراهيم علي
تحتاج البلدان الساعية نحو التحديث والديمقراطية الى جانب الأحزاب ومنظمات المجتمع المدني،الى شخصيات ذات رؤى وحكمة وبصيرة تقوم بضبط ايقاع حركة الدولة والمجتمع والسياسة.ومثل هذه الشخصيات يفترض فيها أن تمتلك الكفاءة والأخلاق والضمير والموضوعية المتجردة.ويمثل هؤلاء في مجتمعات مثل السودان،أهم مكوّن وضامن لسير الأمور ونجاحها.ولقد دأبنا على تسمية هؤلاء بالشخصيات «القومية».وهو تعبير فضفاض ومراوغ وقادر على توجيه الموصوف وقولبته ،لأن الاوصاف وسمات الشخصية متغيرة دوما.وفي بلد نزاعي وانشطاري مثل السودان،يزداد الطلب على مثل هذه الشخصيات للتدخل.ولكن الصعوبة هي في الحصول على مثل هذه الشخصية في بلد تعمل فيه القوى السياسية من المرحلة الثانوية على «تجنيد» الطلبة.وكثيرا ما يدمغ المستقلون بصفات سالبة،ولذلك يكاد أن يكون من المستحيل وجود مثل الشخصية الصافية من شوائب.وبالتالي تتميز الشخصية «القومية» بقدرة فائقة على التقية وعلى اخفاء الميول أو عدم التعبير.وفي فترة الحركة الوطنية كان الجو العام يسمح بالتسامي رغم هوس الخريجين بالتشرذم بدءً من الشوقية والفيلية.ولكن ظهرت شخصيات رغم حزبيتها كانت ذات رؤية قومية مثل شيخ الخاتم والشنقيطي.ومن بعدهم صار أي حديث عن شخصية قومية مجروحا،ويقف المشير سوارالدهب دليلا ناصعا على القومية المظلومة.
كان من أنجح حيل المؤتمر الوطني الأتيان بأبيل ألير رئيسا للمفوضية القومية للانتخابات،وقد تم استغلال الاسم وعصره تماما.فقد كان الرد جاهزا حين يتشكك الناس في حياده وهو ان المفوضية على رأسها شخصية مشهود لها بالنزاهة والموضوعية!وهل يكفي التاريخ دائما في شرح المواقف الراهنة؟ما يؤلم هو صمت ألير وترك للآخرين حق الكلام والتصدي والتبرير غير الصادق في كثير من الاحيان.لقد أقسم ألير على اقامة انتخابات حرة ونزيهة.ولكن القاضي المحترم اختفى طوال الوقت وترك المجال لحكم في كرة القدم.فقد تم ابتذال كلمة»فني» واخطاء فنية،ولم نعد نسمع كلمة قانوني أو قانونية.أن يسقط اسمي من الكشوف كيف يكون ذلك خطأ فنيا وأنا قد فقدت حقي الذي كفله لي الدستور في اختيار من يشرع نيابة عني؟ وقد سمعت في احدى المرات عضوا في المفوضية يقول من الممكن أن يصوت طفل في السابعة حتى ،طالما لم يطعن في تسجيله.ولم يعلق القاضي على ذلك.فهذه اخطاء فنية لا صلة لها باحقاق الحق وقوة القانون في عملية يتوقف عليها مستقبل وطن.ورغم الحديث المستمر عن قانون الانتخابات الا أننا عرفنا قانونا خالٍ من المحاسبة والعقوبة والادانة،فكيف يكتسب الاحترام والنفاذ؟
اكتسبت المفوضية القومية للانتخابات صفات اهل الجبهة الاسلامية رغم أن بعضهم لا صلة له بالجبهة.واعني صفة «الصهينة» وعدم الاكتراث لما يقوله الناس.وهذه الصفة مهمة في العمل السياسي لأنها تجنبك التردد وعدم الحسم،فلو كنت حساسا وتراجع نفسك وتندم،سوف يصعب عليك اتخاذ القرارات اللئيمة.فهذا الجلد التخين ضروري عند القيام بمهام مثل تلك التي تكفلت بها المفوضية.مما يحمد للسيد الير أنه ترك عبء التبرير لزملائه فهو - كما يبدو- يستحي وتظهر له الاشياء صعبة على المنطق.وهذه افعال لها رجال يلعبون بالبيضة والحجر.واذ لم يكُ صمت ألير «صهينة» فهو ابلغ الكلام.وقد تكون دهشة من الرجل،فهو لم يتصور أن تبلغ الجرأة مثل هذا الحد.
يكاد الكل يجمع أن الانتخابات لم تكن بعيدة عن حالات التزوير،وأنها قد تعرضت للكثير من الخروقات التي تشكك في نتائجها.وهنا يهمني ضمير القاضي ابيل الير والذي ظللنا نشهد له بالنزاهة والكفاءة والصدق:هل يريد أن يلقي بكل ذلك التاريخ المضئ في الوساخ وتهم التزوير؟لماذا لا يعلن موقفا يبريء نفسه وينقذ سيرة عظيمة عطرة؟هل تتذكر ياسيدي العزيز قول السيد المسيح في هذه اللحظات:ماذا يكسب الانسان اذا كسب الدنيا وخسر نفسه؟خاصة وانت الذي كسبت من قبل نفسك والدنيا ومعها احترامنا وحبنا.
ليس من السهل على المرء دمغ ألير بالصفات المجانية واطلاق النعوت الرديئة والمهاترة.ولذلك ابحث عن العذر فقد يكون عامل السن والزمن جعل الرجل لا يحسن تقدير الامور بصورة جيدة احيانا.ولكن من الواجب - مهما كانت الخلافات أو المصائب ،أن ننصح الرجل.فمن عدم المروءة اهمال امثال الير وتجاهله،فالرجل جدير بأن يختم حياته العملية - ونتمنى له طول العمر- بنفس الكرامة والاجلال والتقدير.وقد كنت يا سيدي العزيز أول من اشتكى من نقض العهود والمواثيق.والآن تنقض عهدك بأن ترعي - من أجل الشعب السوداني - انتخابات حرة ونزيهة.ويجب الا يجرفك تيار الاعلام والتهريج والصخب،ثم تندم على مشاركتك في مسرحية لا تليق بالعمالقة والنبلاء امثالك.
أظنك رأيت - ياسيدي - كيف يستقيل اصحاب الضمائر اليقظة حين تورطهم الظروف أو سوء التقدير في مواقف حرجة وضيقة.فهم يواجهون انفسهم قبل ان يواجهوا شعوبهم.وبكل فروسية وشجاعة مضيفين لعظمتهم عظمة اخرى،هي فضيلة الاقرار بالخطأ وعدم المكابرة والخوف من مواجهة الذات.وقد راجت اخبار باستقالتك قبل مدة وحمدت الرب .وقلت لحق ألير نفسه قبل أن تهلك في الغش والتزوير الممكن،حينذاك لم تبدأ عملية التصويت.ولكن يبدو أنه تمت محاصرتك وعاد الرجل الطيب المجامل عن قراره.ثم اغمض القاضي الفاضل عينيه خاصة وقد اصمت الاصوات العالية اذنيه،واصبح ماشيا في ليلته الظلماء.وكثيرا ما اظن أن الرجل في حالة لا يحسد عليها ،خاصة إذ كان ذلك الرجل القديم.
أشد ما يؤلم في محنة ألير أنه يبارك عملا غير مقدس لا يهمه مباشرة.وأن العمل بدأ خطيئة واحتاجت لمثل الخاتمة التي يقوم بها ألير.فالمؤتمر الوطني يجادل بأن الاحزاب تهربت من الانتخابات رغم علمها بأن بدايتها كانت منذ توقيع الاتفاقية عام2005 وهي ليست مفاجأة.ولو كان الأمر كذلك فلماذا لم يهيئ المؤتمر الوطني من حينها الاجواء للتنافس الحر بتعطيل القوانين المقيدة للحريات وساوى في الفرص ؟الانتخابات ليست مجرد أن ترمي بورقة داخل صندوق الاقتراع. واكتفى ألير بلعب دور أن يعطي الانتهاكات المستمرة منذ التوقيع على الاتفاقية،شرعية ويباركها باقتراع جاء معيبا تماما.
كل الذي اتمناه الا نفقد رمزا عظيما وبلا مقابل.مازال في مقدور ألير الا يخذل اصدقاءه ومحبيه والا تغره كلمات كاذبة تنتظر نهاية الصلاحية لكي ترمي بالفاضي دون ندم.
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
Quote: يااا استاذة ابو ادريس !
كلامك صاح فى 16 مليون ناخب مسجل وكلامك صاح البشير فاز بى سته وما قلنا حاجة هو رئيس للسودان ,,
بس نحن قلنا هو جاء رئيس بى 6 مليون صوت مقابل 10 مليون صوت رفضوا التصويت له الكلام دا صاح ولا غلط ؟؟؟ فى 10 مليون ناخب مسجلين رفضوا التصويت للبشير .. بس .. |
اولاً انا استاذ وليس استاذة
ثانيا كلامك سليم فاز ب 6 مليون و10 مليون ما صوتو للبشير بس يا استاذة من هم 10 مليون الماصوتو للبشير
فى التالف وفى المقاطع وفى الماصوت كدة بس ومع دا كلو الراجل فاز ب 68% ودي نسبة توهلة لان يكون رئيسنا للخمسة سنوات القادمة
هى المشكلة في الماصوتو في اكبر الدول ديمقراطية في العالم الهند رئيس الحكومة يحظى بنسبة اقل من هذة
دي الديمقراطية ولا عندك راى ثاني
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: محمد عبد الماجد الصايم)
|
صدقيني يا أستاذه هذه الأرقام تحتاج لاستثمار وهي لها دلالة ناجزه أن الجماهير ما زالت بخير: معطيات: أي ناخب لم يسجل ليس مؤتمر وطني ((والذين لم يسجلوا ما أكثرهم)) أي ناخب سجل ولم يصوت ليس مؤتمر وطني أي ناخب أدلى ببطاقة تالفة ليس مؤتمر وطني كم من الذين صوتوا لهم وقعوا تحت تأثير آلة إعلامية وإعلانية هائلة لم تتوفر لمنافس .. الأرقام ليست محبطة وهي مناسبة أن تعرف الأحزاب حجم عجزها وان تعيد النظر في آلياتها التنظيمية .. وان تستثمر في هذه الأرقام ..نعم عليها أن تعمل بدل أن تندب الحظ وتناطح طواحين الهواء .. هي مناسبة أن تعرف أن خصمها لن يترك هؤلاء لو ظلوا يتخبطون ... هي مناسبة أن تعرف أنها لو أرادت خيرا بالبلد وبنفسها أن تعرف أن المؤتمر الوطني لن يمنحها ما يقويها .. لن يمنحهم إعلاما مجانا يعروا أخطائه به .. إذن فليبتكروا لتكون لهم وسائلهم الإعلامية.. لن يمنحهم تمويلاً بلا مقابل إذن فليبدعوا بحثًا عن برامج تمويل ذاتية.. لن يمنحهم حرية عليهم أن يقاتلوا من اجلها.. ببساطه على الأحزاب أن تفيق من ثباتها العميق لتخرج البلد من سوءة اللون الواحد الماسخ ..
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
وليد صاحبى !!
Quote: هسع نفهم شنو ؟ مزورة ولا ما مزورة |
برضو اكلمك انا يا وليد ؟؟ انت سيد الخائضين ! وشفت بى عينك ما تم وكنت شاهد عيان ..
ولكن برغم كل ما تم ... وسيتم
برغم كل السلظة والجبروت واموال الدولة ومؤسساتها التى خاضوا بها برغم كل ما كان ,,, وسيكون هناك عشرة مليون حسب حساباتهم هم اى بعد التزوير يا وليد التزوير القديم فى تقسيم الدوائر نفسها وفى السجل وفى القوانين التى حمتهم والجديد بتاع الخج فى الاقتراع كلو كلو نهضت 10 ملايين مشرئبة الاعناق رافضة وممتنعة للتصويت للبشير ...
ابو ادريس التالف دا كم ؟؟؟ مليون ؟؟؟ التالف كلو كان للناس الصوتوا لغير البشير لمعلوميتك فالشجرة سوقت كما لم يسوق اى رمز حتى اصبح احتمال الخطأ لقاصدها معدوما
عشان خاطرك اخصم مليون ... هل طفف الميزان ؟؟؟؟
ــــــــــــــــــــــــ النجيضة هناك عشرة مليون ناخب مسجل رفضوا البشير ماذا تروه فاعل بهم ؟؟؟
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: عاطف عمر)
|
Quote: قال ( الزميل ) الشيخ محمد أبو إدريس مخاطباً ( الزميلة ) دينا خالد
Quote: اولاً يا استاذ ال 16 مليون ديل مسجلين في السجل الانتخابي
ردت ( الزميلة ) دينا خالد مخاطبة ( الزميل ) الشيخ محمد أبو إدريس
Quote: يااا استاذة ابو ادريس !
__________________________________
النجيضة انعل أبو المساخة زاتو |
فعلاً انا غلطت واعتزر للاخت عن الخطاء الغير مبسوط وكمان انا مسامحك للخطاء المقصود علشان نغلق الباب على الاخوة الحلوين ديل
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: Elbagir Osman)
|
لووووووووب يا وليد شريف هو دا ذاتو غمسوا لى يدو فى الحبر ؟؟ يعنى فى امكانية يصوت تانى ؟؟ انا قايله سرقو سرقة وما بتتكرر ..
يااا وليد بطل العوارة قلنا بى ى ى ى تزويرها وهى مزورة كدا ما قدروا يجيبو راس ال 10 مليون الما صوتوا للبشير ديل لو قاطعوا ولا صوتو لى ناس سيدى او اى جهة .. فهمتا ؟ يعنى وهم فى يدهم القلم كدا ما قدروا تعبوا ونفسهم قام مما يدل على ان كللللللل ما فعلوا ما قدر يفوت ال 6 ديل .. وانشالله يا وليد صوتك دا ما ينفع البشير يا رب !
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: khaleel)
|
يا دينا يا دينا
لامن تكتبي النجيضة لازم تنجضيها كوييييس
اوكي البشير حصل على حوالي 43% من المسجلين
كدي بالله جيبي لينا النسبة الحصل عليها اييي رئيس امريكي من اوباما الي بوش الاب
افضلهم لم يحصل على 15%
النجيضة هنا يا دينا : اديناها دكتور محمد علي وما قبلها: نفرض انه الجنوب صوت بنسبة 60% يعني حوالي 2 ونص مليون منهم مليون لينا الباقي واحد ونص مليون يعني المعانا 8 ونص مليون باضافة ال7 مليون
ده كوووووله اولا
ثانيا ال6 مليون القاطعو ديل عندنا فيهم النص وهم تكاسلوا بعد الانساحابات كده بقينا 11 ونص ال3 ديل فيهم 2 مليون جنوبي يعني ما تبعكم باقي 1 مليون و ثلاثة ارباعهم محايدين وما عندهم علاقة بالسياسة الباقي ليكم 250 الف 200 الف حزب امة وباقي الاحزاب تتشارك بالتساوي في ال50 الف اها قصرنا معاك يا دينا مع انو انتفاضة الاتنين بتقول اقل من كده ودي الذي تعرفين وان شاء الله ما فقعت مرارتك ودي عشان ما تزعلي
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: Elbagir Osman)
|
علتى العلعالة واااااااى من اللوايق !! عارف يا علاء حبوبة عشان مشيت معاها انا وكنت متفسخة يا قول العرب لوووب .. ما كانو حارينها بتدى البشير عشان ما جات فى التفويج وامير المنطقة ما عارفها لووووووووول اها يا زول تلتلوها ليك تلتلة شديده وعمملوا ليك ليها واحد حبر من الاصلللللى داك لى هسه قاعد فى اصبعها ...
دا ردى ختيتو ليك هناك فى بوستك الجبتو لى هنا
كتبت ليك علتى العلعالة ... Quote: أنا كُنت ما واعي للدُنيا كويِّس لكن |
وانا برصو والله ... بس يا قولك لكن ::: انتخابات 86 نظمها وكانت تحت يد مدير حملتكم الحالى الفريق سوار (الذهب) .. بعدين لو قاصد انو مافى اقبال وعدد المسجلين شوية دا لانو كل الشعب ما كان فارقه معاه يجى منو
لكن هسه هب 10 مليون واتسجلوا عشان يقولوا لا للبشير وشفت كيف قالوها ... يعنى هسه عندهم دافع ،، دا الفرق !!
اما قصة السكر والبنزين دى يا علويا حجيتك ما بجيتك .. الازمة شكلو كان سببها انو عدد الناس فى السودان ال كانو بشربوا السكر وبستخدموا البنزيين كان كبير عشان كدا ما كان بكفى
لكن عليك الحرام هسه كل الناس الكانوا بشربوا السكر دا وبستخدموا البنزين بقوا مافى اتشتتوا وما عادوا بشربوه قـــــــــام السكر رققققققد رقاد التراب ..
3 ملايين دارفورى بين نازح وبين سكر الامريكان !! حرب الجنوب ل 20 سنه خلت 10 مليون فى الجنوب ما بشربوا السكر وكذا فى الشرق والشمال هو فضل زول للسكر يا علاء السكر رققققققققققققققققققد
ــــــــــــــــــــــ قول جملة المسجلين كانو اتنين سو واااات !!
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
Quote: في الوقت داك تعاد الانتخابات بين الاول والذي يليه... ويلا خت البشير مع اي من المرشحين الاخرين (راس) واديني رايك؟ |
خليك من يختـوه رأس مع واحـد من الحداشـر مرشــح المحترمين ديك
في الإعادة لو ختـوه مع شــارون , كان الـ 10 مليـون أدوا شـارون
يا أخي شـارون دا في ناس بيمشـوا ليهـو لي عنـدو عشـأن يكفـروا ليهو
الرقدة الطويلة دي ,
أهـا لو جاهم لي عندهم كان حصـل شــنو ؟
يعنـي بالعربي أي زول في الإعادة كان ســوح ليك البشـير
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: عبدالله احيمر)
|
Quote: والنيى للنار النى للنار .. |
دينـا ( حاف كدا )
في الوقت الحاضـر صـعب نرجـوا للنار لأن الصيني بتاعنـا ما بسـتحمل وح يضرب في النار لي مليون حته وخاصـة أن المحيـط الإقليمي والمجتمع الدولي مع الطبخة النية دي , يا دينـا الناس ديل من الضعف لدرجة أنهـم وفي سـبيل البقاء اصبحـوا في جيب كل دول الجـوار وأمريكا( شوفي ذي تصريح غرايشـن دا الانتخابات مزورة لكن ح نعترف بيهاعشـان نصل لإسـتقلال الجنوب ) يحققوا مصالح الدول الأخرى ويقفـون ضـد مصالح شــعبهم ومفتكرين أنو دي فلاحة , جماعتنا ينفذوا الأوامـر بالريموت كنترول وما فالحين إلأ على الشـعب الأعزل حلايب في سـتين , الفشـقة في سـتمية , تشـأد تسـرح وتمـرح وآخرتا عايزين يدوها كهربة مكافئة لها على اسـتباحة أراضينـا , الأراضي الزراعية مبذولة لمن يـريد , وحدات القطاع العـام الما يشـتري يتفـرج , عشـان كدا هـم ومسـنودين ودا بينعكس داخليا إضافة ألى البطش والتنكيل والتجـويع وتثبيط الناس داخليا عشـان كدا نارنا ما عاوزة تعـلب بسـرعة لكن ما ح نيأس و سـوف نظل نهب في النار ونحسـن في طوتنـا وبعدين ينجـض الني
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: عبدالله احيمر)
|
Quote: يا وليد داووش .. الفكرة مش باقى الناس ح يجييبوا كم !!
الفكرة انو عايزين نشوف الما عايزين البشير كم ! فى كم زول من عدد الناخبين المسجلين ما داير البشير بى الللله واحد ... اها نحصر عددهم بعدين هم عايزين منو ؟؟ دى حاجة تانية .. |
يادينا طريقة القياس هنا غريبة... فاذا قلتي تسعه مليون مليون ما دايرين البشير ايضا هناك 14 مليون ما دايرين عرمان و14مليون ما دايرين حاتم السر و 14 مليون مادايرين الصادق و و و
اذا فمن يصبح الرئيس؟؟
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
يا اخوان اولا خلونا نقول الحمد لله انو الانتخابات خلصت بهذة السلاسة وبدون اي مشاكل انظروا للعراق تعرفوا الفرق
ثانياً البشير فاز ب 6 مليون و 900 الف صوت يعنى تقريبا 7 مليون من 16 مليون
هؤلاء ال 10 مليون فيهم بطاقات تالفة وفيها ايضا مقاطعين
ثالثا ال 7 مليون ليست من 16 مليون للاسباب السابق ذكرها البشير فاز ب 7 مليون من عدد الاصوات السليمة رابعا انتو عايزين الراجل يكوش على كل الاصوات ما يخلى شوية للبقية لو جاب 92% كان الناس ما سكتت
واخيراً البشير الان هو الرئيس المنتخب للسودان مبروك للبشير الرئاسة وللشعب السودانى التحول الديمقراطى والتعامل الراقي
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: Elsheikh Mohd Aboidris)
|
Quote: لا خيالو ما واسع ولا حاجة لما ينزل اى زول وااااحد قصاد البشير المعيار ح يكون الما عايز البشير ح يصوت للتانى ...
|
يا دينا يا بتي دال ما الكلام القالتوا البت النجيضه هاله عبد الحليم في مؤتمر جوبا وقلبها علي وحده السودان قدمت سلقا كير للمهمه دي فتخازل سلفا كير ورمي كلام هاله البحر واداه الريح عشان عينو علي الانفصال واحزاب الشمال ساطتها وجاطتها وكل زول داير يبقي الرئيس وهدبوا الناس نقاطع ما نقاطع نخوضها لا ما نخوضها اها اسع اليخموا ويصروا البشير ياهو الرئيس المنتخب والجنوب منفصل و البشير لو ما منتخب ياهو القاعد رئيس فوقهم مش قال الزارعنا غير الله اليقعلنا ؟!!! اها الله دا ما بقلع زول الا بالموت وكان مات البشير قوش في وعلي عثمان ونافع ومنو ومنو ولا تجي امريكا بجيشها تقثلعه ليكم قلعه صدام حسين لكين امريكا تكتفي بانفصال الجنوب من غير ان تخسر طلقه او جندي واحد . رجل الوحده اغتالوه شفتو في ودعي دا حليل دكتور قرنق دي مابيور الما بستاهل الموت
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: doma)
|
Quote: لا خيالو ما واسع ولا حاجة لما ينزل اى زول وااااحد قصاد البشير المعيار ح يكون الما عايز البشير ح يصوت للتانى ... |
اها والمنع انو ينزل زول ده يا تو منطق ده ؟ كيف يعني لما ينزل زول وااااااااااااااحد يعني لو نزلوا كم زول الاختلف شنو ؟ ما بتبقى الخيارات اكتر والمعيار حا يكون الما عايز البشير ح يصوت لاي واحد من التانين
يا دينا عليك الله ما تاكلينا حنك ساكت المعارضة بايعة لو كسرت رقبتها
والسته مليون الادو البشير ياهم الكانو حا يدوه باي حال من الاحوال والانسحاب المدروس الاتعمل في زمن ضائع مع توجيه الجمهور بعدم التصويت ياهو الخلا البشير فاز لانو ناس المعارضة عارفين انو النتيجة تحسب من اصوات المصوتين فقط وليس المسجلين يعني بالعربي كده حصل بيع للوطن ده مشتركين فيه الجميع
لو كانت كل المترشحين للرئاسة نزلو كان البشير نسبته بتكون اقل من 40% من مجموع المصوتين يعني كان بكون في دور تاني في الانتخابات
والدور التاني يا ستي بتلقائية وحسب القانون والدستور بكون بين نفرين فقط الاول والتاني ويسيقط بقية المرشحين
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: EMU إيمو)
|
Quote: ياخ انت خيالك واسع خالص خالص. |
شـــكرررررا ليــك يا ظـريف
وبالله مش أحســـن من ضيق الأفـق والخيال والنظـرة السـطحية لواقـع السـودان
البوســت دا إســتقرأ لواقـع الأرقـام ولو حاولت تفهـم ما حدث فإن
1 / من صـوت للبشــير عـدد ثابت في كل الأحوال حتى لو نزل بـراه ولو نزل معاهو 11 أو 1 و يا هـم 6 مليون بها تزويـر وخج 2 / من امتنـع عن التسـجيل قنعـان من خيرا فيهـأ وبأي حال من الأحوال دا صــوتو ما للبشــير ( حســبا وشـوف الحاصل شـنو ) لو ترشـح شـارون أمام البشـير ( منفردين لفاز شـارون )
لا يمكن التعاطي مع الشـأن السـياســي بالخيال بل بقـراءة الوقـع واســتنتاجاته وما ورد هنا دي أرقام
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: دينا خالد)
|
Quote: لا خيالو ما واسع ولا حاجة لما ينزل اى زول وااااحد قصاد البشير المعيار ح يكون الما عايز البشير ح يصوت للتانى ... |
ياخيــــي انتي خيـــالك اوســـع منــــو كمــــان ...
لانه اذا كان يعني لك ان الذين لم يصوتو للبشير ما دايرنو.
يبقى ياســر عرمان نــال اتنيــن مليــون صـوت.. اذا هنــــالك 14 مليــون مـــا دايــريــن ياســر عرمان.. ولا كيـــــف؟
Quote: دااوش ياخى حسابك تعبااان ولا بتخجو !! انتو بالتزوير عملتو 6 وعدد المسجلين 16 يعنى الباقيين 10 ما 14 سمح ؟ |
والله انتي عسل....
كلامــي الفوق ده لــو مــا وقــع ليك حا اعيدو ليك تاني 16 مليون مسجل صوت منهم 2 مليون لعرمان .. الباقي كم؟
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: محمد عبد الماجد الصايم)
|
Quote: كلامــي الفوق ده لــو مــا وقــع ليك حا اعيدو ليك تاني 16 مليون مسجل صوت منهم 2 مليون لعرمان .. الباقي كم؟ |
ياوليد دواش ده المنطق
كلام في السلك ،،،،،لو عندك 16 مليون اديت البحر نصها واديت الشجرة التلت واديت التالف ربع واديت المستقلين نص الربع يفضل للنجمة كم ،،،،،
نظرية ابو الحرقص اذا كانت كلها مزورة حصة الرياضيات دي لزوما شنو والا زي ما بقول المثل (دايرين العد وخايفين من التزوير)
مع تحياتي للبصيرة ام حمد التي مسكت راس البقرة ونسيت الزير (التزوير)
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: عبد الملك يوسف الملك)
|
كتبت دينا خالد
Quote: ياجماعة البوست دا لقياس شعبية البشير بعد التزوير
قياسها من مجموع الناخبين ,.. بس ! |
كتب عبدالملك يوسف
Quote: ياوليد دواش ده المنطق
كلام في السلك ،،،،،لو عندك 16 مليون اديت البحر نصها واديت الشجرة التلت واديت التالف ربع واديت المستقلين نص الربع يفضل للنجمة كم ،،،،،
نظرية ابو الحرقص اذا كانت كلها مزورة حصة الرياضيات دي لزوما شنو والا زي ما بقول المثل (دايرين العد وخايفين من التزوير)
مع تحياتي للبصيرة ام حمد التي مسكت راس البقرة ونسيت الزير (التزوير) |
بالله عليك بلغ انت تحياتي للبصيره امحمد الضبحت التور وكسرت الزير.
| |
|
|
|
|
|
|
Re: واتتهم النجيييييضة :: من بين 16 مليون ناخب 10 مليون يرفضون التصويت للبشير !!! (Re: الشفيع محمد صادق)
|
ياخ وليد المبارك دا ووليد داووش ومعاهم فيصل دا غاللاتين غلات حولاااااا ! ماما دومة شرفتى ياخ اول مرة اشوف طلتك البهية هنا ياخ انا لو قلت كلامك دا هى ذاااتها تشب لى فى حلقى تقول لى انتى بتلمحى للناس وبتوحى وكلام ذى بتاع عزاز وتيسير دا كبار كبار ... قولى انتى على كيفك لوووووووب . لقيتك صاحية للون والله ... لوووووب
ــــــــــــــــــ غايتو يا الوليدين فى عشرة مليون قالوا ما دايرين مع البشير هم شايتين وين ما معروف .. بس ديل تلتين واكتر نت النص كتيير !! وليد ادوك قروش الاعادة ؟؟ ولا سجلت من منازلهم ؟ لوووووووبييين .
| |
|
|
|
|
|
|
|