|
طبيــــخ الرجـــــال ........
|
و أنا فى المطبخ يوم الجمعة .. وطبعا يوم الطبيخ العالمي ..
يعني اليوم الوحيد البكون عائمه وسط الخضار وال وال ...
(( يقطع الدوام وسنينه )) ..
|
|
|
|
|
|
|
|
Re: طبيــــخ الرجـــــال ........ (Re: tmbis)
|
تصدق يا تمبس انت من الناس الكنته حا اهبشهم لو ما دخلته هنا ..
Quote: يعني يا عفاف بتقصدي إنو الرجال يدينم طاعمه ..؟ |
ما كلهم يا تمبس ..
لكن لو الواحد ما اتغاتد ممكن يبدع ..
اها انت بتجيد شنو من الطيبخ ..
غايتو يا داليا اليوم داك اعملي ساتر ..
وكتري من الفلاجيل والاسبازمين ..
| |
|
|
|
|
|
|
Re: طبيــــخ الرجـــــال ........ (Re: عماد الشبلي)
|
Quote: انا اعتقد انو دي محاولة فاشلة منك ,,لجرجرة الرجال ,,
اتكلي علي الله .. |
الشبلي ... كيفنك ..
ليييه كده ياخ ..الاحباط ده ..
انا كان ما اتكلته على الله كان فتحته بوست ذي ده ...
كدي زح الكاميرا بتاعتك دي بعيد ..
وتعال ورينا الوجه الاخر ..
ابداعك شنو فى المطبخ ..؟
غايتو انا احساسى بقول لي الشبلي ده ما ساهل ..
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
Quote: هع هع هع
الآن أحيل سعادتكم إلى مداخلة الأستاذ/ عماد الشبلي |
منو القال ليك الشبلي ما مبدع ..
بعدين مش احسن يكون عندك على الاقل فكره لانه الدنيا ما معروفه ..
طبعا يا نادر انا فتحت البوست ده عشان استفيد من شيء معين تصدق ..
كدي خلي هع هع بتاعتك دي ورينا الحاصل .. بعدين ياخ انت
تعال نسألك يا اخوي الطبيخ والمساعدة في المطبخ عيب ..؟؟
| |
|
|
|
|
|
|
Re: طبيــــخ الرجـــــال ........ (Re: عماد الشبلي)
|
Quote: فعلا انا ما ساهل ...
مرة كبيت السكر في في ملاح ام نعيمية ,,
الجماعة شربو عصير ,, وبالمصاصة !!! |
الشبلي ما تعمل رايح ..
لكل جواد كبوه .. السكر في النعيمية عرفناهو ..
لكن أكيد بعده اتعلمته وبتعرف تعمل حاجة نجيضه ..
قول .. قول عادي ..
تعرف انا ابوي مره عمل لينا سلطة بتاعت قرع كوسه ..
والله حتى الان بشتهيها .. وبحب يساعد أمي رحمة الله عليها ...
وما يفوتك كان شغال تلاته دوامات .. الله يطول عمره ..
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
Quote: بي شغلي الطويل في مجال الرقابة الغذئية نفسي يوم الاقي شيف (حرمة) كلهم ريايل تقولي لي القطر قام؟؟
180 فندق (4 & 5 ) نجوم في دبي كلها الشيفات رجال
تفتكري ليه يا عفاف؟ |
القرضابي .. مرحب بالطله البهية ..
تعرف يا غرضابي الطبيخ بقى عنده كليات ومعاهد ..
كدي خليني من الفنادق .. نحن في مطبخ البيت ..
طبعا أكيد في جزء كبير منهم بعترض على الطبيخ ..
اها انت وضعك كيف داخل المطبخ ...؟
| |
|
|
|
|
|
|
Re: طبيــــخ الرجـــــال ........ (Re: ALGARADABI)
|
Quote: بي شغلي الطويل في مجال الرقابة الغذئية نفسي يوم الاقي شيف (حرمة) كلهم ريايل تقولي لي القطر قام؟؟
180 فندق (4 & 5 ) نجوم في دبي كلها الشيفات رجال
تفتكري ليه يا عفاف؟ |
الكلام دا صاح100& ياقرضابى وعفاف,,,,
بس دا لانو بتتعاملو معاهو كمهنة وفيهو عائد مادى يعنى نهاية الشهر فى كاااااش,,,
وطبيخ الفنادق اى حااااجة متوفرة وراقدة هبطرررش يعنى ماشطارة منكم واكل الفنادق دا زاتو لغاويس* ساكت
عفاف وقرضابى ازيكم يااخ
__________________________ لاتوجد ترجمة,,,,
| |
|
|
|
|
|
|
Re: طبيــــخ الرجـــــال ........ (Re: ALGARADABI)
|
Quote: بس دا لانو بتتعاملو معاهو كمهنة وفيهو عائد مادى يعنى نهاية الشهر فى كاااااش,,,
|
مرمر يا حبيبة .. كيف حالك ..
تعرفى انا هنا قاصده انه في رجال طبيخهم احلى من غيرهم ..
بس بقصد بالطبيخ بتاعنا والمطبخ بتاعنا ..
انا يوم الجمعه لما دخلته المطبخ صراحة جاءتني الخاطره دي ..
اخبارك شنو انتي .. من غير الترجي ..
| |
|
|
|
|
|
|
Re: طبيــــخ الرجـــــال ........ (Re: بدر الدين الأمير)
|
Quote: عفاف صاحبى الفنان محمد السنى بورق الخضرة وبفرمها كمان وبقشر البصل وبدق التوم هل يصنف طباخ |
لا .. لا يصنف طباخ .. بل يصنف مساعد ..
برضو بعتبرها مشاركة ملموسه وحلوه منه ..
هو نصف الشغله وللنصف الاخر باقي الشغله ..
وكده تتم الطبخه وبالهناء ..
لكن تعال انت يا بدر موقفك كيف في الامم المطبخيه ..
بصراحة طيب ..؟
| |
|
|
|
|
|
|
Re: طبيــــخ الرجـــــال ........ (Re: khaleel)
|
خليل .. يا خليل
Quote: افضل طباخي العالم من الرجال
وافضل مصمي الازياء من الرجال فقط المراة تغولت عليهم
|
حلوه المراة تغولت عليهم دي ..
عشان كده .. قلنا لمل يكونوا عايزين يبدعو ببدعو
Quote: صحن فول
تجيب الفول
وتجيب ثوم وشمار وزيت وجبنة وما تكسر الفول
والله ابوك ما تديهو معاك |
ما قصرته تب .. ده القدرته عليهو !!
| |
|
|
|
|
|
|
Re: طبيــــخ الرجـــــال ........ (Re: انور التكينة)
|
Quote: استجابة لمطلبك الظريف فأفيدك ان طبيخ الراجل العزابى و الست الشغالة واحد .. كلو دقة سريعة .. احلى حلة تمكنت من اجادتها تكون كالاتى : 1/ كيلو لحم و تقطيعه . 2/ بصل يتم تقطيعه كشرائح رقيقة و رصه على ارضية الحلة الممسومة بقليل من الزيت . 3/ طماطم و تقطيعها شرائح مستديرة و رصها ايضا . 4/ وضع اللحم ( بعد تبهيره ) فوق شرائح الطماطم . 5/ تغطية الحلة جيدا ووضعها على نار هادئة حتى تستوى و اضافة الملح قبل الاستواء . كدى جربيها .. ساهلة و سريعة و مسبكة .. |
التكينه يا زول يا فنان ..
حلوه طبيخ العزابي والشغاله واحد .. والله عجبتني هههههه
تعرف ببالغ لو قلت ليك شميت رئحة حلتك ..
دي اسمها لحمة مرقده وعلى فكره بحبها جدا ..
وتخصص طارق على فكره وهاريني بيها هري ..
((الليله كان سمعني ما بعملها تاني ))
التكينة طلعته شامل كل الفن .. تمام..
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
عفاف يا جميلة الروح عارفة احسن ناس بعرفو يطبخو الرجال لكن الغتاتة عندهم ما بسخو الا مع بعضهم لكن لو فى البيت اكبر طناش يدوك ليهو ومش السودانيين براهم كل الرجال زى ماقال لى صحبى الامريكى راندى قال انه الرجال صنف واحد مافى فرق وعن نفسه قال انا ماقاعد اساعد زوجتى لانها مفروض تعمل حاجات البيت لانه دى شغلتها شفتى المغصة ؟ لكين فيهم واحدين زى العسل "طبعا بعرف ناس من الصنف دا ونادرين للاسف "
| |
|
|
|
|
|
|
Re: طبيــــخ الرجـــــال ........ (Re: سلمى الشيخ سلامة)
|
سلومه يا عسل ..
Quote: عارفة احسن ناس بعرفو يطبخو الرجال لكن الغتاتة عندهم
|
ودي الحاجة الخلتني افتح الموضوع ده زاتووو .. والله يا سلمى نصفى الاخر زي ما بقولوا ببدع لكن غتيت غتاته اسكتي بس ..
Quote: لكين فيهم واحدين زى العسل "طبعا بعرف ناس من الصنف دا ونادرين للاسف " |
والله تعرفى لما نكون مع اصحابنا والواحد يقول ليك رائك شنو في الاكله دي عملتها انا ...
طوالي انا اقلب عيوني الاتنين واحوص عديييل كده واقول في سري يا حليلك يا عفاف ..
تسلمي يا سلوم ..
| |
|
|
|
|
|
|
Re: طبيــــخ الرجـــــال ........ (Re: انور التكينة)
|
Quote: اها انت بتجيد شنو من الطيبخ .. |
.. كلام القرضابي دا نبهني لي حاجة كويسة يا عفاف ، لي فترة عايز اتكلم عنها .. بالصدفة لقيت زولة كاتبه عنها على ما اعتقد في جريدة الأهرام السودانية .. قبل كم يوم .. هي مسالة دراسة الفندقة بالنسبة لي الرجال .. الكلام هو ما بيتعلق بي مسالة الطبيخ .. بيتعلق بي مسالة (الويترات) أو المباشرين البقومو بي خدمة الزبون .. سبق وحصلت لي حالة متعود عليها لما يكون الويتر سوداني .. في مكان فخم جدا في الخرطوم في اجازتي قبل كم شهر .. لاحظت انو مستوى الخدمة في المكان دا ما بيليق بي اسمو ولا بي حجمو الضخم جدا .. الويتر السوداني جا وقف عشان ياخد الطلبات .. ياخ دا ما فضل ليهو غير انو يدقنا .. متبرم .. زعلان .. صاري وشو .. واقف وقفه عجيبة جدا .. زي الكأنو مجبور على المسالة دي .. وفعلا علقت علي سلوكياتو مقارنة بي الجنسيات الأخرى .. فرق شاسع .. بينما (الشيفات) بداخل المطبخ بيقومو بي عمل جميل جدا ويكاد يكون كل الشيفات السودانيين بيبدعوا ابداع ما بعدوا ابداع في مجال الطبيخ بي كل انواعو ... ..
Quote: اها انت بتجيد شنو من الطيبخ .. |
.. بي صراحة أنا بجيد حاجات كتيرة جدا .. .. اطباق سودانية شعبية .. وحاجات عالمية وشرقية .. واطباق حقتي انا دا براي لكن عندي مشكلة بطبخ لما يكون عندي مزاج .. ولما ما يكون عندي مزاج ما بقدر اتعامل مع اي حاجة ... يعني عادي جدا ممكن ما اكل اسبوع واقعد شهر ما اطبخ .. لكن ممكن كمان دفعة واحده اطبخ ما يكفي مية نفر .. الكلام دا سر طبعا .. انا متأكد إنو في (عيـن) بتكون متابعة ما اكتب هنا دا .. لكن احب اطمن الجهات المعنية .. إنو حدي الشاي الأخــدر وغسيل العدة وهي لينه .. كان نشفت والله معلقة ما اغسله .. طبعا الكلام دا حسب برتكول محمد بشرى الخدر .. والاتفاقية الأخيرة الموقعة بيناتنا في احدى البوستات المجاورة .. ياخ اساسي بيغسل العدة .. معتصم دفع الله بيغسل العدة .. محمد البشرى بيغسل العدة .. محمد الصايم بيغسل العدة وبيكويها عديل كدا .. الناس دي كلها بتغسل العدة .. بقت علي أنا ..؟
| |
|
|
|
|
|
|
Re: طبيــــخ الرجـــــال ........ (Re: خالد درق)
|
الاخت الكريمة \عفاف تحياتي واحترامي متابع بوستيك من الاول..وبعاين بي الشباك اها يا ستي.. احنا كويسين في الطبيخويعني طباخين,عزابة و بنطبخ برانا.. هههههه وقدامنا الويك اند,ح نوريك عملنا شنو؟؟
تحياتي واحترامي.........
| |
|
|
|
|
|
|
Re: طبيــــخ الرجـــــال ........ (Re: عماد الشبلي)
|
عفاف ياغالية اليوم البدخل فيهو السني المطبخ انا بقنع عديل من المطبخ لانو بيكون عباره عن دمار ومخلفات حرب وحياتك غير السلطة وصليح الفول والبيض مابيقدر يعمل اي حاجه ـــــــــــــــــــــــــــــــــــــــــــــــــــــــــــــــــ
صاحبى الفنان محمد السنى بورق الخضرة وبفرمها كمان وبقشر البصل وبدق التوم هل يصنف طباخ
اول حاجه يا بدر ما اسمها خضره اسمها ملوخية يا عرريب وبعدين السني ما بورق الخضرة . بس بيعمل ملاح النعيمية اها رايك شنو
| |
|
|
|
|
|
|
Re: طبيــــخ الرجـــــال ........ (Re: احلام وهبي)
|
Quote: اول حاجه يا بدر ما اسمها خضره اسمها ملوخية يا عرريب
|
الرطانية الملقوفة (ملوخية دي بلغة المصريين) نحن في الجزيرة موطن الخضروات اسمها الخضره
Quote: وبعدين السني ما بورق الخضرة . بس بيعمل ملاح النعيمية اها رايك شنو |
ياملقوفة انا بتكلم عن السنى صاحبى لمن كان ساكن معانا عزابى مش بعد ما اتنيل على عينوا وتزوج من حلفاوية وكمان ملقوفة
| |
|
|
|
|
|
|
Re: طبيــــخ الرجـــــال ........ (Re: بدر الدين الأمير)
|
/Quote: تغطية الحلة جيدا ووضعها على نار هادئة حتى تستوى و اضافة الملح قبل الاستواء . كدى جربيها .. ساهلة و سريعة و مسبكة .. |
كدي يا أنور جرب اسلق اللحمة دي قبل ما تدخلها النار- يعني بعد السلق شوحها في البصلة و كدة و استخدم الشوربة للطبيخ
طريقة تونسية-بس ما بتركب التونسية-جربوها
| |
|
|
|
|
|
|
Re: طبيــــخ الرجـــــال ........ (Re: مازن فيصل هلال)
|
Quote: يعني يا عفاف بتقصدي إنو الرجال يدينم طاعمه ..؟ |
بالطريقة دي يا تمبس حتكون استثنائي و تمشي بوست العبار.....
اختنا عفاف سلام وتحية
انا كنت ماخد عن نفسي فكرة حسب افادات الربع
انه انا طباخ ماهر ( والاكل نفس) علي رأيهم
لكن بعد الزواج تحطمت صورة الطباخ الماهر لدي
أو في رواية اخري بهت الذي افتكر
| |
|
|
|
|
|
|
Re: طبيــــخ الرجـــــال ........ (Re: osman righeem)
|
عثمان ود رغيم .. كيفنك يا الزعيم
Quote: لكن بعد الزواج تحطمت صورة الطباخ الماهر لدي
|
قادر الله قادر الله .. عاد بعد بت شامي مافي كلام ...
اها بتساعدها فى المطبخ ولا لا ..
و اكتر شيء بتحب تعملوه جيب لينا وصفه هنا بالله ..
| |
|
|
|
|
|
|
Re: طبيــــخ الرجـــــال ........ (Re: احلام وهبي)
|
احلام يا صاحبة ..
Quote: اليوم البدخل فيهو السني المطبخ انا بقنع عديل من المطبخ لانو بيكون عباره عن دمار ومخلفات حرب وحياتك غير السلطة وصليح الفول والبيض مابيقدر يعمل اي حاجه
|
حلوه منه يدخل المطبخ ويعمل حاجة ..
لكن يا السني يا اخوي ما تمشي لي قدام شويه ..
والله قصة الفول دي قصه ... ههههههه
--------------------------------------
تعرفي يا احلام يوم طارق عمل لي رز مفلفل .. حاجة ما تخلص رهيييب ..
اها ... مره من المرات قلت ليهو يا طارق تعال اعمل الرز وانا بعمل حاجة تانيه ..
ما يفوتك انا الرز ما بظبط معاي نهائي .. اها قعدته الخم ليك فيهو ..
تعرفي قال لي شنو ...؟ لو قائلك ما بتعرفي تعملي رز ما كنت غيرته رائي نهائي ..
بي قلبي قلته كر علي .. حلة رز كان بشتنة عدلي ههههه ...
| |
|
|
|
|
|
|
Re: طبيــــخ الرجـــــال ........ (Re: محمد سنى دفع الله)
|
السنى اخونا الفنان ..
Quote: شوفتي الطباخ الصيني عندو اجمل برنامج اشهر طباخين في العالم رجال |
تعرف البرامج الزي دي بحبها حب ..
وتانى يوم هاك يا تجارب .. والجماعه قاعدين منتظرين (فيران التجارب )
لكن برضو بتطلع حلوه .. (شكر نفسه ابليس ) هههه
اها انت بتعمل شنو ؟؟ ما عارفه لكن يتخيل لي ممكن ترمي قراصه إبداع ..
اين انتى يا احلام ...؟
| |
|
|
|
|
|
|
Re: طبيــــخ الرجـــــال ........ (Re: هواري نمر)
|
هواري .. كيفنك
Quote: متابع بوستيك من الاول..وبعاين بي الشباك اها يا ستي.. احنا كويسين في الطبيخويعني طباخين,عزابة و بنطبخ برانا.. هههههه وقدامنا الويك اند,ح نوريك عملنا شنو؟؟
|
تعال بالباب مالك بتعاين من الشباك .. هههههه اوكي ..كويسين في الطبيخ وانتو عزابه .. اها بعد العزاب يزول .. حا تطبخوا ولا لا ... في الويك اند عملتو شنو ..؟ وانت شاطر فى شنو ..؟ والله شكلك يا هواري طابزه طبزه هههههه
| |
|
|
|
|
|
|
Re: طبيــــخ الرجـــــال ........ (Re: tmbis)
|
تمبس ... كيفنك ..
Quote: مسالة دراسة الفندقة بالنسبة لي الرجال .. |
دراسة راقيه جدا جدا وليها فعلا ناسه لانه ما اي مجال ممكن يقتحموا اي انسان ..
ممكن تكون فن من الفنون زي ما ناس النحت ببدعو والديكور والهندسه ..
كمان دراسة الفندقة بالنسبة للرجال دراسة فن وابداع ..
بس انا ما عارفه ناسنا متعقدين منها ليييه !!!
Quote: وفعلا علقت علي سلوكياتو مقارنة بي الجنسيات الأخرى .. فرق شاسع ..
|
زي الفرق بين مضيفات سودانير ومضيفات خطوط الطيران الاخرى ..
Quote: .. بي صراحة أنا بجيد حاجات كتيرة جدا .. .. اطباق سودانية شعبية .. وحاجات عالمية وشرقية .. واطباق حقتي انا دا براي
|
بختك يا صحبتي ..
Quote: الكلام دا سر طبعا .. انا متأكد إنو في (عيـن) بتكون متابعة ما اكتب هنا دا ..
|
اصحى يا بريش هههههه
Quote: لكن احب اطمن الجهات المعنية .. إنو حدي الشاي الأخــدر وغسيل العدة وهي لينه .. كان نشفت والله معلقة ما اغسله |
في حتة الشاي الاخضر ده لقيتك في حالة تطبيق للارشادات .. (وش اخضر )
Quote: ياخ اساسي بيغسل العدة .. معتصم دفع الله بيغسل العدة .. محمد البشرى بيغسل العدة .. محمد الصايم بيغسل العدة وبيكويها عديل كدا .. الناس دي كلها بتغسل العدة .. بقت علي أنا ..؟ |
يا أخواني ما فيها حاجة .. الحياة مشاركة .. هههههههه
لكن ود الصايم في حتة كوي العده يستحق وسام ..
| |
|
|
|
|
|
|
Re: طبيــــخ الرجـــــال ........ (Re: هويدا حسونة)
|
هويدا .. كيفك يا حبيبة .. انا غايتو كنت مع الكلام دا
بس
بس
بس ملاح عماد الشبلي
خلاني أفكر وانا احاول اتذوق طعم طبيخ الرجال (وش ماعارفة عامل كيف كيف) الرسول فيك تعالى ورينا طبيخ الشبلي كيف ..
وشك عرفته عامل كيف ههههههههه
| |
|
|
|
|
|
|
Re: طبيــــخ الرجـــــال ........ (Re: عماد الشبلي)
|
الشبلي ..
Quote: مش بيقولو ( اقرب طريق لقلب الرجل معدته ..!! )
يعني لو كل الرجال سمعو كلامك وقلبو طباخين .
تاني ياتو طريق البوصلكم لقلوبم وكمان جيوبم ؟؟؟!!! |
يا حليلك يا الشبلي يا اخوي انت لسه ماسك في دي ..
يا اخوي اصحى اصحى اصحى الكلام ده ما لغوهو من زمااااان ..
| |
|
|
|
|
|
|
Re: طبيــــخ الرجـــــال ........ (Re: عماد الشبلي)
|
Quote: عفاف عارفة طبيخ الرجال كويس..
بس هي عاوزة تدخل الرجال المطبخ من بابو وهي تزوغ من شباكو !! |
هاهاهاها لا والله يا الشبلي انا مقتنعه جدا جدا بطبيخ الرجال ..
بس الغتاته بتاعتهم هي البستغرب فيها ..
يعني فيها شنو لو الراجل اعترف انه طباخ ماهر ..
ولو ساعد في البيت وعمل طبيخ لزيذ هل بنقص ذلك من قدره ؟؟
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
Quote: يا اخوي اصحى اصحى اصحى الكلام ده ما لغوهو من زمااااان .. |
دي منو الغاهو ..
وبعدين يلغوهو ونحنا نايمين وماعارفين ,,
علي فكرة يا عفاف بكرة وكان ربنا هون جاين دبي لحضور منتدي الاعلام العربي ,,
وحا اشوف السودانين هناك واناقش معاهم موضوعك دا ويمكن اعمل استطلاع كمان ..
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
عفاف ياغالية والله السني احسن من يعمل مكرونة بيعمل كم نوع منها وكمان باسميها في واحدة لما يعملا بيقول لي دي مكرونة امدرمان واحدة مكرونة السني وشوفتي يا عفاف كمان بيعمل كريم كرميل رهييييب بس بيبهدل لي المطبخ
بدر صديقي انت لية ماعاوز توري عفاف انت بتعرف تطبخ شنو !!!! وانت برضو زي صحبك السني بتبهدل المطبخ
| |
|
|
|
|
|
|
Re: طبيــــخ الرجـــــال ........ (Re: خالد درق)
|
عفاف الصادق إزيك
بالتأكيد معظمنا عاش فترة العذوبية وطبخ فيها لكن المشكلة فى الغتاتة مع بعلولاتنا ... يعني أنا أذكر انني حتى قبل يوم واحد من الزواج كنت اجيد الطباخة إجادة تامة ولكن وصانا من سبقونا بألا نكشف هذهـ الإمكانيات المدفونة حتى لا تعتمد زوجاتنا علينا فى الطباخة طوال حياتها ... اها عملنا نايمين وبقينا نأكل مما تطبخ البعلولة ... لكن الغتاتة لم تستمر فترة طويلة حيث داهمني الجوع يوماً فى غيابها فقبضت علي متلبساً عند رجوعها وانا أطبخ فما كان مني أن اعترف جزئياً برضو بشوية غتاتة
لكن الوارد ان أي طبخة من إيد الرجال حتكون طاعمة بالنسبة لبعلولتها ليس لأن الرجال يجيدون الطباخة بل لأن البعلولات يبدعن فى اكل الاكلات التى لم تبذلن فيها مجهوداً ... وللتاكد من ذلك انظروا الى بعلولاتكم وهن يأكلن الكبسة وارد المطاعم او حتى فول بدون ملح وارد المطاعم
اها يا عفاف عشان تعملي رفرش لذاكرتنا مفروض تنزلي لينا طريقة طبخة لبعض الاكلات
| |
|
|
|
|
|
|
Re: طبيــــخ الرجـــــال ........ (Re: الفاتح شلبي)
|
سلامات يا عفاف ..
صدقينى تعانى زوجتى للغاية .. للغاية ..
من تحشرى فى المطبخ !!!!
بطبخ أية شىء .. طبيخ جد ..
وحاة الله كتير من الناس بيجو ياكلو طبيخى ويشكرو مرتى
الوكسة انو ولدى بقى فاهم غلط ..
لو جاع الا بابا ..
بابا بس ..
انا كان اتمنعت من - حبيبى - المطبيخ.. حيكون بسبب البوست ده ..
بس ادعى ربنا انها ماتشوفو ..
الله يدينى العافية ياخ
مودتى.
| |
|
|
|
|
|
|
Re: طبيــــخ الرجـــــال ........ (Re: الشاذلى خيرى عبد الله)
|
الشاذلي .. كيفك ..
Quote: صدقينى تعانى زوجتى للغاية .. للغاية ..
من تحشرى فى المطبخ !!!!
|
ما عرفت تستغل الحته دي ..
كدي خليني الاقيها .. هههه
Quote: بطبخ أية شىء .. طبيخ جد ..
وحاة الله كتير من الناس بيجو ياكلو طبيخى ويشكرو مرتى
|
يا سلااااام عليك انت ياخ ..
Quote: الوكسة انو ولدى بقى فاهم غلط ..
لو جاع الا بابا ..
بابا بس ..
|
شفته الالفه دي كيف ..
Quote: انا كان اتمنعت من - حبيبى - المطبيخ.. حيكون بسبب البوست ده ..
بس ادعى ربنا انها ماتشوفو ..
|
انشاء الله تشوفو وتشيد بيك وتشكرك على وقفتك ياخ ..
Quote: الله يدينى العافية ياخ
|
ويطول عمرك كمان .. ويحفظك ويحفظ ست بيتك ..
تحياتي
| |
|
|
|
|
|
|
Re: طبيــــخ الرجـــــال ........ (Re: الفاتح شلبي)
|
Quote: بالتأكيد معظمنا عاش فترة العذوبية وطبخ فيها لكن المشكلة فى الغتاتة مع بعلولاتنا ... يعني أنا أذكر انني حتى قبل يوم واحد من الزواج كنت اجيد الطباخة إجادة تامة ولكن وصانا من سبقونا بألا نكشف هذهـ الإمكانيات المدفونة حتى لا تعتمد زوجاتنا علينا فى الطباخة طوال حياتها ... اها عملنا نايمين وبقينا نأكل مما تطبخ البعلولة ... لكن الغتاتة لم تستمر فترة طويلة حيث داهمني الجوع يوماً فى غيابها فقبضت علي متلبساً عند رجوعها وانا أطبخ فما كان مني أن اعترف جزئياً برضو بشوية غتاتة
|
الفاتح .. انت كيف حالك ..
لكن لييه الغتاته .. تعرف انا متاكدة جدا انه اي راجل عاش عزابي بطبخ تمام ..
لكن الشيء المحيرني انه بعد الزواج ليييه ما يطبخ .. بالعكس المفروض يستعرض امكانياته ..
لانه الظروف ما معروفة ... بتحصل حاجات مرات خارج الإرادة والموقف بكون صعب ..
يعني لازم الواحد يعرف ويساعد ... وما عيب لانه كونه تعرف تخدم حتى نفسك فى ظرف اضطرارى ..
دي براها بالدنيا ... عشان كده خلى الغتاته وابدع وساعد ولاحظ الفرق .. هههههه
Quote: وللتاكد من ذلك انظروا الى بعلولاتكم وهن يأكلن الكبسة وارد المطاعم او حتى فول بدون ملح وارد المطاعم
|
تعرف يا الفاتح انا جنى وجن اكل المطاعم واللغاويس على قول امي رحمة الله عليها ...
يعني اولادى يكون عندهم مزاج فى الاكل العجيب ده .. وانا مجهزة حالى وفارزه عيشتي ..
| |
|
|
|
|
|
|
Re: طبيــــخ الرجـــــال ........ (Re: احلام وهبي)
|
احلام .. يا حبيبة
Quote: والله السني احسن من يعمل مكرونة بيعمل كم نوع منها وكمان باسميها في واحدة لما يعملا بيقول لي دي مكرونة امدرمان واحدة مكرونة السني وشوفتي يا عفاف كمان بيعمل كريم كرميل رهييييب بس بيبهدل لي المطبخ |
لو ببدع في المكرونة بالبشملي خلاس ما خلى حاجة ..
وبعدها كريم كرميل ... ياخ السنى ده ما فنان شامل ..
اتوقعونا فى الدوحة قريب ومعانا بطاح مكرونه ..
Quote: بدر صديقي انت لية ماعاوز توري عفاف انت بتعرف تطبخ شنو !!!! وانت برضو زي صحبك السني بتبهدل المطبخ |
ياختى صديقك لااوى وجهه .. وزايق من المطبخ ..
اسمعي خلي السنى يعمل ليهو دروس خصوصية فى المطبخ ..
بعد داك إلا تعملي إبادة للمطبخ .. لانه بكون انتهى هههههههههههه
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
عفاف تحياتي القلبية وعليها كراميلا من المودة عارفة انا اشطر واحد بعمل اكلة من البواقي ومافي حاجة بتزهجني الا تقولي ليا مافي حاجة في البيت ـ المطبخ ـ بقوم بفتش البواقي وبعمل اي حاجة وااهم شئ بعد اعملها ـ بسميها زي ما قالت ليك سمحونه بخب اسمي الأكلات مهما كانت الأكلة بسيطة ودي اتعلمتها من الفنان عبد الحكيم الطاهر مرة عملنا سلطة دقاقة وقطعنا فيها بصورة ناعمة بيض وطعمية وسميناها ÷÷ سيربادووقا** عارفة يا عفاف انا بحضر لي برنامج عن المطبخ السوداني كلو المأخرني انو عايز اقدمو بي صورة جديدة ومنتظرين جيتك عشان تاكلي من مطبخنا الذ اكلاات واحلى تحلية مودتي ـــــــــ عندي نفس في الأكل ما حصل لكن زي ما قالت سمحونه بخرمج المطبخ طبعا انت ما عارفة سمحونه بتطبخ كيف ؟؟ دي بتقطع البصل مثلا بتغسل الحتة كلها وتنظف السكينة وتغيرها مع كل تقطبع وما بتحب اي حد يكون معها وحريفة اي اكل بدخل الفرن مودتي
| |
|
|
|
|
|
|
Re: طبيــــخ الرجـــــال ........ (Re: طارق جبريل)
|
قيبي .. ياخ ازيك ..
Quote: قلنا نجي نسأل من حلتكم دي وصلت وين لا يبقى حرقت |
تعرف يا طارق والله احساسي بقول انت شديد شده في المطبخ ..
تعال كلمنا شويه عن امكانياتك المطبخية ..
ووصف لينا الكوارع بالكسكسي .. او شوربة الحريره ..
يلا .. في انتظارك .. عامله لينا كلها دموع ليل ههههههه
| |
|
|
|
|
|
|
Re: طبيــــخ الرجـــــال ........ (Re: محمد سنى دفع الله)
|
السني .. يا صاحب
Quote: عارفة انا اشطر واحد بعمل اكلة من البواقي ومافي حاجة بتزهجني الا تقولي ليا مافي حاجة في البيت ـ المطبخ ـ بقوم بفتش البواقي وبعمل اي حاجة وااهم شئ بعد اعملها ـ بسميها زي ما قالت ليك سمحونه بخب اسمي الأكلات مهما كانت الأكلة بسيطة ودي اتعلمتها من الفنان عبد الحكيم الطاهر مرة عملنا سلطة دقاقة وقطعنا فيها بصورة ناعمة بيض وطعمية |
قالوا المعاناة بتولد الابداع .. وزاد الابداع ابداع ..
تعرف الذ شيء انك تكون جعان واول شيء يلاقيك تنسفه .. بتحس بانه ده احلى اكل .. قاتل الله الجوع .. اما اللخبطه دي .. انا ما معاك فيها انت وقريبى عبدالحكيم .. لانه بتودي التوج هههههه
Quote: انا بحضر لي برنامج عن المطبخ السوداني كلو المأخرني انو عايز اقدمو بي صورة جديدة ومنتظرين جيتك عشان تاكلي من مطبخنا الذ اكلاات واحلى تحلية
|
يا سلااااااام خبر جميل يلا اوع تكسل من فكرة البرنامج وصدقني حا يكون إبداع .. إنشاء الله .. ربنا يجمعنا على الخير وتكون بينا لقمه هنئية ..
Quote: دي بتقطع البصل مثلا بتغسل الحتة كلها وتنظف السكينة وتغيرها مع كل تقطبع وما بتحب اي حد يكون معها وحريفة اي اكل بدخل الفرن
|
يا صحبتي اشتهيت أكلك .. ربنا يحفظكم انشاءالله ..
احتراماتى ..
| |
|
|
|
|
|
|
Re: طبيــــخ الرجـــــال ........ (Re: Hassan Senada)
|
حسن ود سنادة .. كيفنك يا اخوي ..
Quote: الاخت عفاف بعرف اسوى قراصة بالملوحة فضلى معانا عشاء كاربة انتى وجميع البورداب |
هي الملوحه دي مش بتكون جاهزة ؟؟؟
والله كتير منك .. لكن القراصة انواع وفنون ..
شكرا على العشاء يا حسن يا اخوي ..
لكن صدقنى الملوحة دي عدتها ما بغسلها .. ههههههه
| |
|
|
|
|
|
|
Re: طبيــــخ الرجـــــال ........ (Re: عفاف الصادق بابكر)
|
الأخت عفاف الصادق سلامات
Quote: يعني فيها شنو لو الراجل اعترف انه طباخ ماهر .. |
والله فيها الكثير جداً . . وأراه إجاب
Quote: ولو ساعد في البيت وعمل طبيخ لذيذ هل بنقص ذلك من قدره ؟؟ |
أعتقد أنه مفروض يزيد . . ولكن يعتمد على روح الشريك
والله أخوك فنان عدييييييييل لاعِن (ديكور السلطات والتحلية)
كل الود إسماعيل حميم
.
| |
|
|
|
|
|
|
Re: طبيــــخ الرجـــــال ........ (Re: إسماعيل حميم)
|
Quote: أعتقد أنه مفروض يزيد . . ولكن يعتمد على روح الشريك
والله أخوك فنان عدييييييييل لاعِن (ديكور السلطات والتحلية)
|
يا سلام عليك يا اسماعيل يا حميم ..
ده الكلام الصاح .. وروح الشريك هي المشجع الاساسي فى الموضوع ..
طبعا الاستفتاحيات دي هي المهمة .. وبعدها النفس بتكون تمام ..
تسلم يا حميم ..
| |
|
|
|
|
|
|
Re: طبيــــخ الرجـــــال ........ (Re: ALGARADABI)
|
Quote: أشتغل أبوي المفاريك دي مااااابتتقدر
عالم تخاف ما تختشيش |
غايتو يا قرضابي أصلي ما بسألك ..
ما تخلى أسماعيل فى السلطات الجميلة دي ..
مفاريك شنو يا قرضابي ياخ انت قديم خلااااس ..
خلاطات خلاطات ياقرضابي يا اخوي .. والله يستر ..
| |
|
|
|
|
|
|
Re: طبيــــخ الرجـــــال ........ (Re: عليش)
|
اعتبر الطباخة هوايتي الاولى وشبه محترف من زمن العزوبية أهم نقطة في حتة طبيخ الرجال مدى جاهزية الملعب اي المطبخ والمعينات المتوفرة في المطبخ ( طبعا مش عينة مفاريك القرضابي) وكلما توفرت هذه المعينات كلما كانت النتائج .......... مع الاقرار بملاحظة السيده/احلام (السنى ) في Quote: عفاف ياغالية اليوم البدخل فيهو السني المطبخ انا بقنع عديل من المطبخ لانو بيكون عباره عن دمار ومخلفات حرب |
لكن وبصراحة ومهما كان مستوى الطبيخ دائما في حتة ناقصة دي البقول عليها "النفس " نفس الستات في الطبيخ
| |
|
|
|
|
|
|
Re: طبيــــخ الرجـــــال ........ (Re: كمال سالم)
|
كمال سالم . اخو الاخوات ..
Quote: إنتو تطبخوا ونحن نأكل بس .
|
ما عندنا مانع لكن حسوا شويه .. صدقنى طعمه مع المشاركه غير ..
Quote: عفاف إزيك ,, ما تزوغى من الخاطره الخلتك تفتحى البوست ده ,, نحن منتظرين . |
زييي زين الحمدلله ... غايتو عالم مفتحه بشكل .. حاضرين .. للخاطره ..
| |
|
|
|
|
|
|
Re: طبيــــخ الرجـــــال ........ (Re: عليش)
|
عليش .. كيفنك
Quote: المطبخ ماعندنا فيهو مشكله لحدي المكرونا بالبشمل بنقدر عليها
|
قادر الله .. ده الكلام ولا بلاش ..
Quote: لكن العواسه والصاج ديل نختلف ول مانختلف مااابنقدر عليهم المهم
|
يا زول صاج شنو ..؟ حدك الطبيخ عواسه ما معانا ..
لكن ما بعفيك من القراصه ..
عليش انا كويسه والحمدلله .. يسأل منك الخير ..
| |
|
|
|
|
|
|
Re: طبيــــخ الرجـــــال ........ (Re: الطيب شيقوق)
|
الطيب ود شيقوق .. كيفنك
Quote: جيت بس عندي سعال واحد ومقبل -
ملاح اللوبا والروب وام تكشو والبربور داخلة المنافسة ولا عندك معايير؟ |
كدي .. كدي قول تاني !!
الليله وووووب حدي معاك ملاح الروب إلا باقي المقررات دي ما ادونا ليها ..
يعني لازم تحرجونا يعني ..
يلا تعال ورينا حرفنتك فى المطبخ ...
| |
|
|
|
|
|
|
Re: طبيــــخ الرجـــــال ........ (Re: ismeil abbas)
|
اختى الكريمة عفاف السلام عليكم
عليك الله لو تكرمتي نريد افضل طريقة لعمل شعيرية وهل هناك طريقتين ؟؟؟ مقدار الموية كم ؟ والتحميرة والزيت ؟ وكيف نعرف الاستواء ؟؟
انا حا امش اعمل الطريقة دي بنفسي لانو الشعيرية دي انتي عارفة وجبة مفضلة لي خالص .................
| |
|
|
|
|
|
|
|