|
فى القولد إلتقـــيت بالصــديق .. !!
|
من ضمـن برنامج العوارة الداخل فيهو البنى آدم الايام دي .. صحيت من الصباح و انا اردد .. ( فى القولد إلتقـــيت بالصــديق ) .. و لحدي ما وصلت المكتب .. سمعت 90% من كتاب المطالعة و الاناشيد .. الامر دا بقى ملازم لحالة الفلس و الضغوط النفسية .. و محاولة استرجاع شعور الارتياح الكان عند الزول في الفترة التي إلتقيت فيها بالصديق في القولد ..
.. ..
فى القولد التقيت بالصديـق أنعم به من فاضل صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت اورو والودا ودعته والأهل والعشيرة ثم قصدت من هناك ريره نزلتها والقرشى مضيفى وكان ذاك فى أوان الصيف وجدته يسقى جموع الإبل من ماء بئر جره بالعجـل
.. ..
|
|
|
|
|
|
|
|
Re: فى القولد إلتقـــيت بالصــديق .. !! (Re: humida)
|
طبعا و بسبب الجو المتوتر في العالم عموما .. لازم تتذكر ( النخلة الحمقاء ) .. مع ابتسامة عريضة .. تريح بيها نفسـك ..
.. ..
للمعلومية .. النخلة الحمقاء هي في الاصل قصيدة ( التينة الحمقاء ) للشاعر ايليا ابو ماضي ..
و تـيــنــة غــضـــة الأفـــنـــان بــاســقــة قـالــت لأتـرابـهــا و الـصـيــف يـحـتـضـر بئس القضاء الذي في الأرض أوجدني عنـدي الجمـال و غيـري عنـده النـظـر لأحـبـسـنّ عــلــى نـفـســي عـوارفـهــا فـــلا يـبـيـن لـهــا فـــي غـيـرهـا أثــــر كــم ذا أكـلّـف نـفـسـي فـــوق طاقـتـهـا و ليس لي بـل لغيـري الفـيء و الثمـر لـذي الجنـاح و ذي الأظفـار بـي وطــر و ليس في العيش لـي فيمـا أرى وطـر إنّـــي مفـصـلـة ظـلّــي عـلــى جـســدي فـــلا يـكــون بـــه طــــول و لا قــصــر و لــســـت مــثــمــرة إلا عـــلـــى ثـــقـــة أن لـيــس يطـرقـنـي طـيــر و لا بـشــر عـــاد الـربـيـع إلــــى الـدنـيــا بـمـوكـبـه فـازّيـنـت واكـتـسـت بالـسـنـدس الـشـجـر و ظــلّــت الـتـيـنــة الـحـمـقــاء عــاريـــة كـأنّـهــا وتــــد فـــــي الأرض أو حــجـــر و لــم يـطـق صـاحـب البـسـتـان رؤيـتـهـا فاجتثّـهـا ، فـهــوت فـــي الـنــار تسـتـعـر مـن ليـس يسخـو بمـا تسخـو الحيـاة بــه فــإنّـــه أحـــمـــق بــالــحــرص يـنـتــحــر
| |
|
|
|
|
|
|
Re: فى القولد إلتقـــيت بالصــديق .. !! (Re: عبدالله ود البوش)
|
ود البوش ..
Quote: ودجاجتي الصغيرة الحمراء |
بتذكر جارتنا إيناس .. زولة حلبية كدا و شعرها ما شاء الله .. كانت بتسرح علي استايل اسعاد يونس .. ( بينهم شبه ) .. قرر طلاب مدرسـة الحارة العاشـرة الابتدائية .. و باجماع منقطع النظير .. تسميتها بـ ( الدجاجة الصغيرة الحمراء ) .. القصـة دي الناس بتقتبس منها كتير .. و ما انقطع الناس عن تذكير بعضهم ببعض مقاطعها .. و استخدمها كثير من الصحفيين للتعبير عن ارائهم تجاه مواقف معينة .. مثال علي ذلك ما كتبه الاستاذ عبداللطيف البوني ..
Quote: هذة المرة اعتلت الدجاجة الصغيرة الحمراء مئذنة الجامع العتيق وصاحت باعلى صوتها (ياناس ,, ياهوى ,,, ياعلا ,,, ياملا ,, الحاضر يكلم الغائب,,, ويقول ليهو الحميرا قالت ,, التصويت تصويتي ,,, احصيته وحدي ,,, ووزعت داوئره وحدي ,,,وسجلت سجله وحدي ,,, و(سمحت لكم بالترشح معي) ,,, واقترعت فيه وحدي ,,, وفرزته وحدي ,,,وبعدين انتو ماعندكم شغلة انتو فاكرين الاشتراك في عملية واحدة من ستة عمليات بتجيب حاجة ؟ انتو مساكين ولا شنو ؟) صاح فيها احد المارة قائلا(انتي ما سمعتي المثل البيقول البياكلو براه بيخنق) ردت عليه قائلة (اكان خنقت ما تناولني موية ولاتديني ام دلدوم) صاح اخر قائلا( اكان خيولك اتنافست براها حزبك بنشق ) ردت عليه قائلة (ان شاء الله نبقى عقرب مقفولة في قزازة انت مالك)
|
| |
|
|
|
|
|
|
Re: فى القولد إلتقـــيت بالصــديق .. !! (Re: walid taha)
|
تحياتى اخى حميدة،،،
Quote: فى القولد التقيت بالصديـق أنعم به من فاضل صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت اورو والودا ودعته والأهل والعشيرة ثم قصدت من هناك ريره نزلتها والقرشى مضيفى وكان ذاك فى أوان الصيف وجدته يسقى جموع الإبل من ماء بئر جره بالعجـل |
بوستيك المره دى جيت شايل فيهو قولد الله المعظم... وكمان الرائعة التاريخية( الجغرافيّة) وذلك لاتباطها بمنهج مادة الجغرافية التى كانت تدرس قديما فى مدارسنا السودانية...
ومن هنا التحية لكل اهل القولد... والف رحمة تنزل على قبر عمنا صديق عبد الرحيم... والتحية لابنائه والتحية مليونية لقولد الاجداد... وهى تحتضن وتعانق نيلنا الخالد وتبادله اسمى معانى الارتباط الابدى ،،
| |
|
|
|
|
|
|
Re: فى القولد إلتقـــيت بالصــديق .. !! (Re: على محمد الخير)
|
Quote: والف رحمة تنزل على قبر عمنا صديق عبد الرحيم... والتحية لابنائه والتحية مليونية لقولد الاجداد. |
كمال صديق ،، إبن فى القولد التقيت بالصديقِ ،، رجل جميل إلتقيناه هنا ،، إن كان هذا هو الأبن فكيف كان حال والده ؟؟ أعتقد بأنه لم يتم إختيار عم صديق عبثاَ ليعطر إسمه كُتب الجغرافيا ويتداول إسمه يومياَ من ملايين التلاميذ ،، قطعاَ كان هنالك شيئاَ يميزه عن الآخرين ،، أعتقد أنه كان حكيما وكريماَ وحليماَ لأننى رأيت وعايشت هذه الصفات فى إبنه كمال صديق هنا .َ
لك الشكر حميدة ،،
ماهر َ
| |
|
|
|
|
|
|
Re: فى القولد إلتقـــيت بالصــديق .. !! (Re: Mahir Mohammed Salih)
|
تعم القُسِّيبة ، بهرتني القسيبة عندما شاهدت "حبوبة زهرة" عليها السلام ، تفتح ذلك "الزير الكبير" قيتدفق منه التمر!! فمن فكرة القسيبة طور الناس الإهرامات، ولكن السادة حكامنا ، لجهلهم بثقافة بلادنا وتراثها، استعانوا بالروس ، أو إن شئت فقل السوفيت ، لتشييد الصوامع في القضارف وبورتسودان.
تحياتي
| |
|
|
|
|
|
|
Re: فى القولد إلتقـــيت بالصــديق .. !! (Re: walid taha)
|
Quote: ها يا حميدة قلت شنو |
يا ويلي .. قالوا زمان ( لا يفتى ومالك في المدينة ) ..
.. ..
بالمناسبة .. عبارة ( لا يفتى ومالك في المدينة ) .. عندها قصـة غريبة .. قالوا .. و العهدة علي الراوي ..
Quote: بينما الإمام مالك بن أنس -طيّب الله ثراه- في مسجد رسول الله -صلى الله عليه وسلّم- يفقّه الناس في دينهم، إذ وفد عليه وفد من المسلمين يستفتونه في أمرٍ عظيم!! عجز عن حلّه العلماء، وتوقّف عن بيانه أكابر الفقهاء! فقد ماتت امرأة من المسلمين فتولّت غسلها إحدى المسلمات، وبينما هي كذلك سوّلت لها نفسها بالسوء، فظنّت أنّه لا سميع ولا بصير ولا حسيب ولا رقيب، فاتّهمت البريئة المسجّاة بالفاحشة، وهي تتقلّب في يدها يمنة ويسرة، لا تملك لنفسها ضرًّا ولا نفعاً، فقالت، وبئس ما قالت: ألا كم زنت هذه المرأة!. وما كادت تنطق بهذه الكلمة القاتلة التي هي أشد على النفس من سهام النبال وطلقات الرّصاص إلاّ وتلتصق يدها في جسد الميّتة! فيطير لبّها ويعلو صراخها، ويرتفع عويلها، ويأتي الرّجال الأشداء لنزع يدها لكنّها لا تنتزع، فشكوا أمرها إلى أكابر علماء المدينة فما وجدوا بُدًّا من الإفتاء بقطع يدها!!. وعندما سمع مالك بن أنس هذه الحادثة وهذه الفتوى قال بتؤدة متعجّباً: سبحان الله… سبحان الله! إن الله -جلّ في علاه- إنّما شرع قطع اليد للسّارق والسّارقة… أمّا هذه المرأة يا قومي فإنّها قاذفة، والقذف أن يتّهم المسلم بالفاحشة، وعقوبته في الشرع ثمانون جلدة. ثمّ قال: إن كنتم تريدون أن ترتفع يدها عن جسد المرأة فاذهبوا واجلدوها ثمانين جلدة. خاصّة أن أهل المتوفّاة قد جاءوا يطلبون بحقّها. وكلّما قطع القوم شوطاً من الجلد نزعوا يدها لكنّها لا تنتزع، وعندما وصل العدُّ إلى الثّمانين ارتفعت اليد عن الجسد دون ما جهد أو كد، فصاح النّاس مهلّلين مكبّرين، حامدين الله وشاكرين. وأخذت المرأة تذرف العبرات، لا تدري أهي دموع ألم السّياط التي لعبت على جسدها، أم هي دموع الفرحة، فرحة النّجاة؟!. وبينما القوم كذلك تملؤهم الفرحة ويغمرهم السّرور إذ نادى من علٍّ في الناس منادٍ، فالتفتوا إليه جميعاً فإذا به وبأعلى صوته يردّد: ألا لا يفتى ومالك في المدينة. فردّ عليه القوم: صدقت… صدقت… لا يفتى ومالك في المدينة. |
| |
|
|
|
|
|
|
Re: فى القولد إلتقـــيت بالصــديق .. !! (Re: عاطف عمر)
|
Quote: فى القولد التقيت بالصديـق أنعم به من فاضل ، صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت اورو والودا *** ودعته والأهل والعشيرة ثم قصدت من هناك ريره نزلتها والقرشى مضيفى وكان ذاك فى أوان الصيف وجدته يسقى جموع الإبل من ماء بئر جره بالعجـل *** ومن هناك قمت للجفيـل ذات الهشاب النضر الجميل وكان سفري وقت الحصاد فســرت مع رفيقى للبــلاد ومر بي فيها سليمان على مختلف المحصول بالحب إمتلا ومرةً بارحت دار اهـلى لكي أزور صاحبى ابن الفضل ألفيته وأهله قد رحلـوا من كيلك وفى الفضـاء نزلوا فى بقعة تسمى بابنوسـة حيث اتقوا ذبابة تعيســــة *** ما زلت فى رحلاتى السعيدة حتى وصلت يا مبيو البعيدة منطقة غزيرة الاشجــار لما بها من كثرة الأمطــار قدم لى منقو طعــم البفره وهو لذيذ كطعام الكســـره *** وبعدها استمــر بى رحيلى حتى نزلت فى محمد قـــول وجدت فيها صاحبي حاج طاهر وهو فتى بفن الصيد ماهـــر ذهبت معه مرةً للبحـــــر وذقت ماء لا كماء النهــــر **** رحلــت من قول لود سلفاب لألتقى بسابع الأصحــــاب وصلته والقطن فى الحقل نضر يروى من الخزان لا من المطر أعجبنى من أحمد التفكيـــر فى كــــل ما يقوله الخبيرُ *** ولست أنسى بلدة أم درمــان وما بها من كثرة السكـــان إذا مرّ بي إدريس فى المدينة ويا لها من فرصـــة ثمينة شاهدت أكداساً من البضائــع وزمراً من مشتر وبــــائعْ *** وآخر الرحلات كانت أتبره حيث ركبت من هناك القاطره سرت بها فى سفر سعيد وكان سائقى عبد الحميـــد أُعجبت من تنفيذه الأوامر بدقة ليسلم المســـــافر *** كل له فى عيشه طريقـة ما كنت عنها أعرف الحقيقـة ولا أشك أن فى بــلادى ما يستحق الدرس باجتهـــاد فإبشر إذن يا وطني المفدي بالسعي مني كــي تنال المجدا |
سبل كسب العيش في السودان
| |
|
|
|
|
|
|
Re: فى القولد إلتقـــيت بالصــديق .. !! (Re: humida)
|
الكتاب التاني .. The Nile Course For The Sudan حســب المعلومات المتوفرة في الانترنت .. published September 1981 by Longman International Education Division - a Pearson Education company وتم تقسيمه الي 6 اجزاء حسب السـلم التعليمي .. ( المتوسط - الثانوي ) ..
.. ..
| |
|
|
|
|
|
|
Re: فى القولد إلتقـــيت بالصــديق .. !! (Re: humida)
|
Quote: فتحــي الصديق .. و ود البوش .. بحاول مع الاخ فيصل الرشيد .. انه ننزل المادة بتاعت المطالعة الابتدائية .. و ان شاء الله يكون من ضمنها ما طلبتم ..
|
حميدة نشكرك مقدما لتلبية الطلب وكت اصلوا ما لقينا اراضي نطلع منك بكتاب مطالعة ورجاء خاص بالله كتاب المطالعة الفيهو الولد اللابس الجلابية ورافع اصبعو فووووووق والكتاب اسمو كتابي الاول ولبعدين ما تجيب ناس ضا ضابط انا وفتحي دا طالبين ناس ض ضرب ود دخل وخ خرج وم مسح والغراب النبيه ولمن نمشي الثانوي العام نطلب : GREAT EXPECTATION و LITTLE WOMEN و SCENE AND SENSIBILITY
| |
|
|
|
|
|
|
Re: فى القولد إلتقـــيت بالصــديق .. !! (Re: على بدرى حاج)
|
حميده
حايم تعولق بوستات الناس وسالي لسانك ومتماسخ
واهو دا بوستك مع الرجال
كتاب المطالعه مش
اهو دا القاعد في راسك كلو وعاوز تاكل بيهو عيش هنا
بعدين الانا متاكد منو والادهي الامر
انك مافاتح الموضوع من زاويه النوستالجيا
ولا عندك عبر جديده في الامر
لكن دا فعلا الفي راسك
شوف ياطالب انت
قيام
تاني اوعك تخش تصوت لي بوست
ولي القاك صايت ليك لي زول بوست
قوم لف عامل فيها مثقف و بتاع حنين وذكريات
وكيسك فاضي
امشي اشترك ليك في موقع بتاع دلاله
قال الود عندو ذكريات دراسيه
خلاص
نعمل ليك منبر زي بتاع ناس الزقازيق
وهمتك عينه ومابتخم بيهازول هنا
ضوق زي دا
قوم لف تاني
| |
|
|
|
|
|
|
Re: فى القولد إلتقـــيت بالصــديق .. !! (Re: طارق الأمين)
|
اوووووو السناتور عن ولاية نبراساكا اخونا طارق الامين .. ياخي ما عرفتك كلو كلو .. و الله بعد بوستك الاخير دا مفروض تمشي تشتري ليك اتنين بدلة واحدة رسمية وواحدة سفاري .. و تلبسهم فوق بعض .. و تشوف ليك حمار تشيل فيهو الكرفتات .. و تشبك الناس بلييييييييييييييز بلييييييييييييز .. آي كانت اندرستاند يو .. ماي كنتري إذ نيجيريا .. نيجيريا إذ ماي كانتري .. و تختمها اي جملة بـ انفور شنتلي .. و ترفع كتفينك لفوق كدا ..
| |
|
|
|
|
|
|
|