|
Re: مساحة حرة لي ناس الليل خاصة ولي باقي الناس عامة (Re: البدري عبد الله)
|
ادفع كل ما امتلك في هذه الفانية لو يعود بي الزمان واقضي اسبوع في (البركس) او قل يوم واحد بس ..ابداهو بي فطور في سفرة المين وبعدو امشي ميدان اداب بعد ما اشق المين رود ..وادك ليك كل لكاشر اليوم داك ..وارجع البركس تاني عشان احصل الاسبشل ومن ثم ..عشرة وست كاربة ولو كانت عشرة هارت تبقى مية مية ..وبعدين بعد ما الواحد يضرب العشاء بتاع الساعة سبعة يديها واحد دش وتشد ليك احسن قميص موجود بالغرفة وما مهم بتاع ياتو زول ..وتشوف ليك برنامج ولا ركن مسخن او بالعدم خلطة من اياهم ..وتعود ايبا الى البركس بس يعد ما تحضر ليك فلم في BN و.و.و.و.و.و.وو.وواهم من ده كلو تجدع مرتبتك في السطوح وحولك مجموعة من الشباب بعضهم يشتكي من لوعة العشق واخرون ...... يااللللللللللللللللللللللللللللله ..هل من تاني عودة
| |
|
|
|
|
|
|
Re: مساحة حرة لي ناس الليل خاصة ولي باقي الناس عامة (Re: مرتضى احمد عبد القادر)
|
ود البدري ,,,
قبل ان تصبح حالتك متأخرة ,,
دور على اعنية ,,,,,,,, قالوا لي انساه , وامسح من خيالك ذكرياتو فات وخلاك للزمن راحت امالك سدا ليه تحن من تاني ليه ترجع ,,,,,,,,,,,,,,,,,,,,,,,,,,,,,,,,,,,,,, للتعليم المجاني ,,
| |
|
|
|
|
|
|
Re: مساحة حرة لي ناس الليل خاصة ولي باقي الناس عامة (Re: عمار عبدالله عبدالرحمن)
|
Quote: قبل ان تصبح حالتك متأخرة ,,
دور على اعنية ,,,,,,,, قالوا لي انساه , وامسح من خيالك ذكرياتو فات وخلاك للزمن راحت امالك سدا ليه تحن من تاني ليه ترجع ,,,,,,,,,,,,,,,,,,,,,,,,,,,,,,,,,,,,,, للتعليم المجاني ,, |
عمار مليون مرحب
يا زول انت هبشت ليك حتة صعبة خلاص ..ياخ قصة مجانية التعليم دي اصلا ما اتخيلت في يوم من الايام انها تلحق امات طه ..وبالجد في ناس كتااار (لا استثني شخصي ) لو ما مجانية التعليم كانوا وقعوا بي قد القفة ..والغريب في الامر ان من شيعوا هذه المجانية الى مثواها الاخير ..هم من رضعوا من صدرها الحنين وترعرعوا على يديها ..فكيف بالله يمكن لانسان ان يقتل امه ؟!!
| |
|
|
|
|
|
|
Re: مساحة حرة لي ناس الليل خاصة ولي باقي الناس عامة (Re: البدري عبد الله)
|
Quote: يشير دكتور عون الشريف قاسم – رحمه الله – الى التيار البجاوى فى لغة وسط السودان بقوله " إذا تركنا التيار النوبى فإننا نصطدم مباشرة بالتيار البجاوى الذى ينساب قوياً فى صلب لهجتنا ويقف شاهداً على أن الاتصال بين المجموعات البشرية فى السودان كان منذ القدم قوياً وحاداً ، فنحن نتحدث باللغة البجاوية حين نذكر المرفعين والبعشوم والبعنيب او نستعمل العنقريب والكركب والفندق والدانة للشرب والسكسك والكرورية او حين نأخذ الشبال فى العرس ونستعمل فى مجال الاطعمة الدوف والقنقر والعنكوليب او نقول لمن لم يحالفه الحظ جلا او ننادى الطفل بالدرفون أو نشكو من الدبس ونبرم الشنب ونطبل البيت بالطبلة ونقول لمن يرحل قنجر ونصف الشفاه الغليظة بالشلاليف وأصل الشلوف عند البجا خرطوم الفيل ونرى أن تأثير البجا فى لهجتنا اعمق من ذلك بكثير . والسؤال الذى يجابهنا هنا هو : هل إمتد نفوذ البجا الى منطقة وسط السودان فأثروا منذ القدم فى اللهجة تأثيراً مباشراً كما فعل النوبة ؟.. إن الطبقة الحاكمة من العنج البجا والتى حكمت اواسط السودان فى القرن الرابع عشر الميلادى احتفظت بلغتها البجاوية فى الحكم واورثتها لخلفائها من العبدلاب والجعل واستمرت اللغة البجاوية فى الاستعمال فى اواسط السودان لفترة ما حتى اصبحت تياراً فى اللغة العامية السودانية عند سيادتها فى آخر الامر .
|
| |
|
|
|
|
|
|
Re: مساحة حرة لي ناس الليل خاصة ولي باقي الناس عامة (Re: البدري عبد الله)
|
Quote: ادفع كل ما امتلك في هذه الفانية لو يعود بي الزمان |
Quote: يا ريت نعود أطفال أطفال صغار وحنان لا نعرف الأحزان لا نحمل الأوزار وألقالي تعريفة أجريبا للدكان وأقول دايربا لبان وكمان لبان نعناع ونوزع النعناع لكل زول ف الحي والمطره برضو تصب لكل زول في الحي لا بتفرز الغنيان من الشقي التعبان وأهلك ينادولك يا بت تعالي البيت سيبي اللعب يلا سيبي اللعب في الطين فستانك إتبلا و أرجع براي البيت ويقولو لي ليه جيت ما كنته تتغدا جاينا كلك طين ارجع محل كنته وأتمنى بي سري أرجع محل كنته .. ارجع معاك البيت نقرأ القصص بالليل الأرنب الطيب والأرض والبقره ونوم غطانا الشوق لي بكره والمطره ونوم غطانا الشوق لي بكره والمطره |
| |
|
|
|
|
|
|