|
Re: دعوة للبورداب لتكريم الاخ محمد E سليمان (Re: Tragie Mustafa)
|
أساسي يا أمير الظلام ، سلام الكلام ده كتبتو أول أمس :
Quote: يا محمد عثماننا ، هذا الحبشي من أكتر الناس علما و سعة في الإطلاع ، صاحب معرفه حقيقيه وأدب لا تخطئه العين ، لا يستنكف أن يعتذر إن اخطا ، و لو خيرت بمقابلة بني أدم واحد في هذا المنبر لاخترت الحبشي بلا تردد ، للرجل مكانه عظيمه في قلبي !! all that been said : الحبشي ملك ملوك الكركبه الاسفيريه و مبتدع علم كماين السايبر ، غااااالاط و ممكن يجيب ليك كلام قلتو من الأرشيف قبل ما تشترك هنا ذاتو !
|
و ده كتبتو أمس دي Quote: دكتور محمد الحسن سليمان الشهير بالحبشي واحد ممن تضرب لهم أكباد الابل و وتثنى لعلمهم الركب ، شاء من شاء و أبي من أبي !! الزول ده بس محتاج انك تفهمو ، لا أكتر لا أقل !!! |
القصه باختصار شديد : الحبشي من أعمق الناس هنا و أكترهم بتاع كركبه !!! عشان كده أنا مع ود الصايم : الزول ده ما يكرمو !! لانو ممكن يجي يزرزركم واحد واحد عن سبب التكريم و مالاته و يعمل ليك مقاربات يطلع ليك إنو كيكي أولي بالتكريم !!!
| |
|
|
|
|
|
|
Re: دعوة للبورداب لتكريم الاخ محمد E سليمان (Re: أمين محمد سليمان)
|
أثني بشدة
Quote: لا يستنكف أن يعتذر إن اخطأ |
و أنا على ذلك من الشاهدين..
والله الزول ده إعتذر لي لمن خجلني !
Re: إلاّ رسول الله!!!
Quote: حتى هظاره جادي ومخلص جدا ولا يحب ان يكتب اي كلام غير متأكد منه |
أصابت تراجي.. والثانية سمة العلماء
و أكتفي بهذا القدر قبل أن: Quote: يجي يزرزركم واحد واحد عن سبب التكريم و مالاته و يعمل ليك مقاربات يطلع ليك إنو كيكي أولي بالتكريم !!! |
التحية للأخ محمد الحسن سليمان
| |
|
|
|
|
|
|
Re: دعوة للبورداب لتكريم الاخ محمد E سليمان (Re: Emam Hassan)
|
علمو ما بناباهو ،، لكن البيعمل فيهو ده ،، الانتو قاعدين تقولو عليها زرزة وما شابه ذلك ،، ده اسمو همز وغمز ولمز وده البيخليهو يومو كلو يقعد يعتذر ،، ماممكن الزول معظم كلامو يكون غامض وما مفهوم ولما تسألو يرد ليك بي سؤال ،، معقولة ياخي نحنا ناقصين
هو نعم ماهر في فن اللولوة واللف والدوران ،، بيحاول بي علمو الفي راسو يجرجرك لي اخطاء ما تكون انت حاسبها وبعد داك يمسك ليك فيها
علمو الفي راسو ده مخليهو يتعالى شوية ،، ولما انت تحس بي كده يرقد ليك واطة ويعمل ليك ابوجهل
وبرضو تكريمو ما بناباهو ،، طيب قولو لينا نديهو شنو
| |
|
|
|
|
|
|
Re: دعوة للبورداب لتكريم الاخ محمد E سليمان (Re: خالد العبيد)
|
محمد E سليمان نابغة في مجاله .. البسمة لاتفارقه .. سريع البديهة .. يحب الله بقوة ثم رسول الله (صلى الله عليه وسلم) ولايقبل فيهم ابدا .. رفع اسم السودان عاليا في مؤسسة مرموقة خارج البلاد ولهو أخوة اخرون دكاترة نوابغ التحية لهم ولعلمهم ..
| |
|
|
|
|
|
|
Re: دعوة للبورداب لتكريم الاخ محمد E سليمان (Re: Mohamed E. Seliaman)
|
ههههههههههههههه أستغفر الله العظيم البوست دا بقى زي الإيميل الإسبام !! تجيك رسالة تشكرك شكر نامن تتكيف وتعجبك نفسك وتقرب تصدق إنو الكلام السمح دا كلو فيك ! أنا ما عارف الرسائل دي بتجيكم وللا لا . قلت شنو يا تراجي ؟ (( مشكتله الوحديه انه جادي دائ))) ههه من أكبر مشاكلي يا تراجي إني قدرت أكون جاد . ------------------------------------------------------- يا حبيبنا وائل عندك كتاب حقك معنا في البيت
| |
|
|
|
|
|
|
Re: دعوة للبورداب لتكريم الاخ محمد E سليمان (Re: HAIDER ALZAIN)
|
الأخ احمد صديق السلام عليكم ورحمة الله يا زول إنت أحسن زول في البوست دا كلامك على العين والرأس ! أولا العلم الذي تتحدث عنه غير موجود. ثانيا: حديثك عن ((قعادي )) ((كل)) يوم في الاعتذار غير دقيق زي كلام تراجي عن جديتي الدائمة . ثالثا: التعالي الذي نحدثت عنه موجود لكنه ليس بسبب العلم كما بينا في النقطة الأولى. رابعا : قولك إن معظم كلامي غامض وغير مفهوم دي بقدر أغالطك فيها لأن قياسها عندك إنت ما عندي أنا . خامسا: لا أذكر أني قد دخلت معك في حوار وسأتني فرددت عليك بسؤال !!!!!!!!!!!!!!!!!!!!!!!!!!!!!!! سادسا: لا أذكر أني تعاليت عليك ولم أحسست أت بذلك رقدت لك واطة أو عملت ليك فيها أبا جهل . هذه نقاط ست ذكرتها لك غيرة على الضبط والتدقيق ،خلاف ذلك فإن ما أهديته إلي من عيوبي فصحيح لك الشكر ذلك وأرجو الله أن يخلصني منها .
| |
|
|
|
|
|
|
Re: دعوة للبورداب لتكريم الاخ محمد E سليمان (Re: Mohamed E. Seliaman)
|
الأخوان عمر عشاري وخالد العبيد السلام عليكم ورحمة الل تحياتي وشكري لكلامكما الطيب عني لا أخفي عليكما سروري به على ما فيه من سرف ومبالغة ------------------------------------------------------------------ الأخ محمد عثمان السلام عليكم ورحمة الله كلامك عني يفرحني لكنه غير صحيح وأنت معذور إذ تقيسني على بعض إخوتي . آخر مرة قابلتك في جيتكس دبي وكانت آخر مرة قبلها في نادي الأساتذة جامعة الخرطوم .
| |
|
|
|
|
|
|
Re: دعوة للبورداب لتكريم الاخ محمد E سليمان (Re: Mohamed E. Seliaman)
|
يا دكتور إمام ما استشهدت به من اعتذار لهو من فضل ما تعلمناه منك لك تحياتي وتقديري وودي. --------------------------------------------- يا أمين خال حمور هههههههههههههههههههههه قربت أصدق كلامك دا قربت شنو صدقتو عديل كدا وقمت راجعت الجنك ميل بتاعي لقيت الرسالة دي : Dear M. SELIAMAN,
It is my pleasure to inform you that you are being considered for inclusion in the upcoming 2011 Edition of Who's Who in the World, which is scheduled for publication in November 2010.
From the publisher of Who's Who in America since 1899, Who's Who in the World is relied upon by business leaders, journalists, academics, and other professionals for its accuracy and currency of information. Distributed globally, it is found in the collections of many of the world's leading libraries and corporations.
As the Marquis Who's Who editors begin assembling the 2011 Edition of this historic publication, the original Who's Who in the World continues to be recognized internationally as the premier biographical data source of notable living individuals from every significant field of endeavor.
To be considered for inclusion as a biographee in this prestigious publication, you need only provide the requested information by completing the Biographical Data Form by February 15, 2010. الأمريكان ديل ههههههههههههههههههههههه أول مرة أفهم القول العربي إن الأحمق يغره الثناء بما ليس فيه
| |
|
|
|
|
|
|
Re: دعوة للبورداب لتكريم الاخ محمد E سليمان (Re: Mohamed E. Seliaman)
|
يا محمد الحسن ساغيب - بإذن الله- هذا الاسبوع وثلاثة ايام قادمات عن الشرقة في مامورية عمل بجدة
الخميس القادم سأكون بالدمام بالتاكييد
أرجو اننا نتقابل خميس او جمعة - لا فرق - هاتفي لديك ويشرفني إن لم تسعفك الظروف التي اعلمها للخروج ان آتيك بالمنزل في أي وقت بمعيةحمد فتح الرحمن وعوض هارون للمعرفة
هم أصدقاء وقبلها راعيين لبورداب الشرقية
ـــــــــــ تقبل مودتي ورغبتنا في جعلك عصو اصيل بيننا نستفيد منه ..!
| |
|
|
|
|
|
|
|