|
كيف سيكون السودان بدون البشير وفريق المريخ ؟؟
|
والبشير يقترب من السقوط فى انتخابات العامه والمريخ يقترب من تلقى الضربه القاضيه من الترجى هل يودع البشير السلطهالتى اعتلاها فى نفس العام الذى اعتلى فيه المريخ السلطه الكروية بكأس يتيم (مانديلا) هل يمكننا ان نصحو من نومنا لنجد البشير والمريخ مافيشين لا اظن ذلك البشير مارس التزوير فى الانتخابات مبكرا ام المريخ فاعلامهم يمارس التزوير عبر اعلامهم الذى يصور لهم كل شى ماشى تمام ولم تدخر الحكومة فى ان تمارس معهم هذا التضليل فامدتهم برئيس يبنى لهم مقصورة تل والمقصورة عشان مايعرفوا انو مافى كورة,,,,,,,,,,,,,
(عدل بواسطة مدثر قرجاج on 04-12-2010, 07:18 PM) (عدل بواسطة مدثر قرجاج on 04-12-2010, 08:07 PM) (عدل بواسطة مدثر قرجاج on 04-13-2010, 01:57 PM)
|
|
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: Mohamed Foto7li)
|
مدثر يارشاشة
سلام
اجمل حاجة الواحد يبلع قبل مايأكل
معقولة بس....؟
مداخلة وااااااااااااحدة وتبلع.....؟
قال زي الورد قال....!!!!
النهب ده الا يكون....
زي الورد ولا ز ي سواقين الحافلات
البطلو شغل ووقفوها قدام النادي.....؟
ولا زي باقي قروش التوقيع بتاعت ولدنا مهند....؟
ولا زي شيك الفندق الحجز علي دخل المباريات....؟
ولا الحاجة ام سادومبا لسع عيانة.....؟
ولا ولدنا القال لعب المية براهو....ولعب الخمسمية براهو....؟
ولا مساعدين كامبوس الطردوهم من الفندق لعدم السداد......؟
ياعمكـ.......
ياخي البيتو من قزاز مايفلق الناس بالحجارة.....!!!!!
يمين ماعارفك كتبت شنو.....؟
لكن البلع عجبني وريحني في حناني ظاااااااااااتو.....!!!!
ماقلتو ......؟ ولا بلاش
ياعمكـ
المريخ ده شعرا ماعندكم ليهو عنقرة
وحلقا ماعندكم ليهو اضان.....!!!!
عليك الله قوم لف وانت لافي ادي معاك
جمال السنوسي
وطارق الكوتش
ومحمد فتوحلي
ومحمد عادل الكج ....لفه
بس النصيحة لي الله
ماتلفو علي كادوقلي
عشان خاطر ولدنا ( منير الانتر ....)
وكاااااااااااااااااااااااااااكـ
هاك البلع الناشف ده
وبرضو.....
زي الورد
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: محمد عبد الماجد الصايم)
|
والله ياهارون وياودالصايم وماطالبنى حليفة,,, اول مرة من دخلت المنبر دا ازعل جد جد,,, لانو المقارنة كانت قمة فى الشتارة ورغم شتارتها كنت بتمنى من اخونا مدثر مايبلعها(اقصد يمسحها),,, وبعدين انا مسالة اكوت واعمل save للمداخلات والبوستات لزوم الظروف وكدا دى ما شايلاها خالص,, لانو بعتقد اى زول هنا مسئول مسئولية تامة تجاه مايكتب ,,
غايتو ممكن انزل ليكم ملخص للبوست لو عايزين او الاخ مدثر يرجع الحاجة المسحها(بلعها)
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: حمزاوي)
|
عارفه انا رجعت جزء من الحاجات المسحتها لانو مامتذكر الباقى ولمن عدلتها ماكان عشان مداخلتك، والله يشهد لكن عشان الصياغه ماعجبتنى من حيث الحبكه كنت عايز حبكه احسن من كده قلت خلاص اسحب البوست واغير العنوان وهسه اخليهو يغطس وانزلو بعد الانتخابات اوبعد كورة الترجى وكنت عايزو يغتس لكن وكت جابت ليهاتحدى ... انا حا ارد عليك
Quote: المريخ اكبر من كدا يا مدثر وبطل الشتارة,,,, |
اول شى من الذوق الواحد يقول السلام عليكم بعدين انا ما اشتر لانو دى فكرة بتاعت ربط مامقارنه بعدين ماتنفعلى بطق ليك عرق الربط بيختلف عن المقارنهQuote: المريخ لا نهب لاسرق لا كتل ولا شرد..
|
عارف مافى كتل لكن الباقى ده اشك .. صدقينى انا بعرف المريخ اكتر منك وللمرة التانيه مافى مقارنه يايت الناس يعنى معقول اربط بين المؤتمر الوطنى والمريخ هسه عليك الله الاشتر فينا منو؟ بحب اطمنك انا بعرف ناس الحكومه وعمايلهم يمكن اكتر من ناس كتااااااار
Quote: مسالة لاتحتمل الهظار والمريخ كيان محترم |
منو القال ليك الهظار ده اجمل شى فى الدنيا وانا شخصيا عايش الدنيا هضار رايك شنو؟ ومن وجهة نظرى المريخ كيان مامحترم اها رايك شنو؟
Quote: نحن ماناقصين والله.... |
انتو منو؟ وناقصين شنو؟ يعنى خلاص بقت على هظارى مع المريخاب انا سودانى زيك منكوى بنفس النيران يعنى انا بالواضح كده ما حبشى .اناسودانى واعى جدا احس مايحيط بالوطن وما اصاب الناس ليس هذا فحسب يا اختى بل انا عايش فى قلب المعركه ولاداعى انك تعرفى كيف اخوضها المهم ان تعلمى اننا ناقصين القال ليك منو ماناقصين ناقصين كل شى ولو كان البوست بتاعى ده سيعيد للشعب حقه ممكن امسحو ليك وان كان سيقتل الفساد برضو ممكن امسحو ليك ولو كان بخلى البشير مايفوز برضو ممكن امسحو ليك مشكلتنا اننا نمسك فى التفاصيل الصغيره حتى فى وقت الهظار تعودنا ان نتجهم وان نكون فى حالة تحفز دائم دون ان نعلم لماذا نحن متحفزون ودون ان نفعل شى يستحق كل هذا التحفز عشان كده عليك الله فكيها وماتعمل جاده لانو البقت بقت يا اختى والان وقع البلاء ولاندخر سوى ان نهظر ونتريق ونقول اللهم نسألك اللطف فيه..
Quote: بالجد بوست غير موفق...
بوست غير موفق
بوست غير موفق...
بوست غير موفق |
اربعه مرات ماكان واحده كفاية خسرتى نفسك زمن ساكت يعنى لو كتبتيها مرة واحده كنت برضو حااعرف انو بوست ماموفق خلاص اوعدك المرة الجايه حا اشوف المواضيع البترضيك وبتناسبك وحا اتكلم فيها ... كان بقت على البوست هينه والله يا اميرة عندى كترت حاجات ما اتوفقت فيها يعنى لحدى هسه ما عملت لى بيت وماعملت الماستر ومالقيت وظيفه بمرتب حلو ونفسى اسوق الحاجه الحج انشاالله عمره ونفسى ونفسى لكن التوفيق من عند الله .. عليك الله دعواتك ماتبخلى على
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
الاخ مدثر ... سلاااام اولا مسالة انى ما سلمت دى ما مقصودة ابدا والله وفى الغالب لما ادخل بوست ما بنتبه لمسالة السلام دى مرات بلقى روحى سلمت ومرات لا ... لكن غير مقصودة اطلاقا ,,,,
فتقبل السلام وان جا متاخر ...
Quote: بعدين ماتنفعلى بطق ليك عرق الربط بيختلف عن المقارنه |
دى ماعندها ليها رد والله ... مسالة طق العرق فاعتقد انها فى غير محلها
Quote: عارفه انا رجعت جزء من الحاجات المسحتها لانو مامتذكر الباقى ولمن عدلتها ماكان عشان مداخلتك، والله يشهد لكن عشان الصياغه ماعجبتنى من حيث الحبكه كنت عايز حبكه احسن من كده قلت خلاص اسحب البوست واغير العنوان وهسه اخليهو يغطس وانزلو بعد الانتخابات اوبعد كورة الترجى وكنت عايزو يغتس لكن وكت جابت ليهاتحدى ... انا حا ارد عليك
|
صدقتك ولانو دى ما نفس المداخلة النزلت اولا لذلك انا امتنع عن اى تعليق عندو علاقة بالبوست لانو فى اختلاف كبير بين المداخلة الاولى والمداخلة التانية .... واكيد مافى زول بحفظ كل حاجة نزلها بالنقطة والشولة والا يكون هو كمبيوتر ..
Quote: ربعه مرات ماكان واحده كفاية خسرتى نفسك زمن ساكت يعنى لو كتبتيها مرة واحده كنت برضو حااعرف انو بوست ماموفق خلاص اوعدك المرة الجايه حا اشوف المواضيع البترضيك وبتناسبك وحا اتكلم فيها ... كان بقت على البوست هينه والله يا اميرة عندى |
لغة الاستخفاف والتريقة اعتقد ماعندها معنى ....على الاقل فى المداخلة الفاتت
Quote: كان بقت على البوست هينه والله يا اميرة عندى كترت حاجات ما اتوفقت فيها يعنى لحدى هسه ما عملت لى بيت وماعملت الماستر ومالقيت وظيفه بمرتب حلو ونفسى اسوق الحاجه الحج انشاالله عمره ونفسى ونفسى لكن التوفيق من عند الله .. عليك الله دعواتك ماتبخلى على |
مابتقدر تواصل من غير تريقة ...؟؟
برضو ربنا يوفقك وتحقق امانيك رغم كل شئ
______________________________________________________- بعدين فكرة المريخ كيان مامحترم دى وكل حاجة متعلقة بموضوع البوست الاصلى زى ما قلت ليك ماحاقدر ارد عليها
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: والله ياهارون وياودالصايم وماطالبنى حليفة,,, اول مرة من دخلت المنبر دا ازعل جد جد,,, لانو المقارنة كانت قمة فى الشتارة ورغم شتارتها كنت بتمنى من اخونا مدثر مايبلعها(اقصد يمسحها),,, وبعدين انا مسالة اكوت واعمل save للمداخلات والبوستات لزوم الظروف وكدا دى ما شايلاها خالص,, لانو بعتقد اى زول هنا مسئول مسئولية تامة تجاه مايكتب ,,
غايتو ممكن انزل ليكم ملخص للبوست لو عايزين او الاخ مدثر يرجع الحاجة المسحها(بلعها) |
ياخى بعد الشر عليك من الزعل وانشا الله البكرهوك انا ماببلع يا اختى وهسه امشى شوفى رجعت ليك الجزء الانا متذكرو لانو عادت مابكتب على الويرد بعدين انا ما بتهدد بالكودات عليك الله كان قدرتى رجعى كلامى الاول كلو يعنى بيحصل شنو حا اسقط من نظر البورد هههه حلوة نظر البورد دى صاح ،، الغريب انا بغنى كويس وبرقص حلو وبدق ايقاع زى الورد ماعارف الشتارة دى جبتها من وين وانا مليان بكل النغم ده يكون بالوراثه ..حلوة حكاية كلو زول مسئول مسئولية كامله والاحلى منها حكاية انك بتعتقدى دى.......... مسئولية شنو عليك الله انت قايلانى متنصل من كلامى انا مامتنصل وبقول ليك تانى بكره البشير والمريخ مع بعض ،،بعد داك انتى قلبى الموضوع براك وحاولى ما يكون فيهو شتارة عشان مايغيظك انا نزلت ليك الملخص ونشوف حايحصل شنو؟؟ بس عليك الله ساعدينى البوست يكون فوووووووووق عشان المسئولية تشملنى شويه.. فى اول ظهور ليكى بعد غيبه على حسب كلامك من البورد بلعتى ليك زول كلامى انجاز يحسب ليك افرحى ...
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: مدثر ,,,
فعلا المريخ زى الورد |
والله انتى بتحلمى كان قايلانى قاصد كده افهمك انا العنوان بقول شنو (كيف يكون السودان بدون البشير وفريق المريخ) الاجابة زى الورد ... انشاالله فهمتى..... ..................................................... بعدين انا عايز اقول ليك ما كل الناس البتكتب هنا بترضى الناس كلها يمكننا ان نختلف لكن نختلف على نقاط معينه وممكن نقتنع بالحوار البناء لكن باسلوب الاستعراض والتقليل من قيمة الشى مابجيب فايده ...لو كنتى مختلفه معاى وهذا من حقك كان ممكن تبينى لى نقاط الخلاف وانا ارد عليك ربما افتنعت بوجهة نظرك لكن تعملى فيها عضبانه وحامله هم البلد وماعارف الاوهام التجاريه دى، صدقينى حتى لو كنتى صاح مافى زول حا يستمع ليك لاننا تعبنا وزهجنا من نضال الكلمات ده واى زول يعمل فيها بحب البلد اكتر من التانى بالحروف فقط .. لو بتذكرى اختلفنا مرتين من قبل لكن باسلوب الحوار الجميل الذى انتهجناه حينها اعترفت ليك بغلطى فى فتح البوست بعنوان(البرالمه لايحتاجون لكل هذه النصايح) على ما اذكر ...لانو انا مامن النوع البيهرب من الغلط او من المعركه زمان كان غلط وهسه انتى حولتيها لمعركه وانا الان موجود وصدقينى مبتسم وبضحك ومستمتع جدا خصوصا لمن اتفرج على نفسى وانا فى خانة المزنوووووووق وكمان زانقنى فى شنو فى كلام قلتو عن المريخ ..مريخ شنو انا اصلا مابحب المريخ الفريق ولا الاارة ولا كل مايخصه من قبل ان يأتى البشير اها شنو ليك؟؟؟؟؟؟؟؟؟؟؟
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
أســــد شنو يازول قول بسم الله هسي في غابة هنا عشان تتمرد التمرد ده كلو وبعدين المريخ ده ياعمكـ علي قول ود الصايم تاريخ من زمن تيم عباس وهو الأتفرع منو هليلك المتهالك ده وحتي لو أتغلب من الترجي فيبقي الكوكب الدُوري العظيم عظمة الكرة في أرض المليون يا صحبي وبعدين بتنا بت الشيخ دي أحلي نجمه عندنا هنا فرجاء لا تذهب أكثر من ذلك مدثر يا أبن مربعي بس المسافة بينك وبينك نحنا كواكب وأصغر كوكب بيغطي هلالك القدر قوس حاجب ود الصايم ونحن في المريخ أخوة نعشق النجم ونهوي أنت بتكون دبرست بيك العوضة يا صاحب كدي غير اللون الأبيض حق غطاك وبتعرف الفرق شامبيون ده ما كأسكم الفكتوبيه الكُج ده بنمسحو بي دبي زمن عملاق الكرة بريمة وبعدين كدي خشو النوبه حقت الدراويش ديل وتعالوا لينا.
،،،،أبوقصي،،،،
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
حبيبنا مدثر ليك وحشة يا مان
اولا هارون دياب ده لو رسلت ليهو مبلوحة مظبطة كده من السودان الى الدوحة بال DHL حيقلب هلالابي وعلى السكين بالمناسبة يامدثر ادى خبر لغرفة تسجيلات الهلال بضم دياب هارون دياب قبل ابوه يودى مريخ السجم اما صديقتنا اميرة الشيخ والله يامدثر شغالة فى حته نضيييييفة عشان كده بتشتهي الفسيخ والمريخ احيانا ودالصايم هلالابي مطبوع على جوكرين انا بشجع ودالصايم والهلال وبرشلونة
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: عصام علي أحمد)
|
Quote: أســــد شنو يازول قول بسم الله هسي في غابة هنا عشان تتمرد التمرد ده كلو وبعدين المريخ ده ياعمكـ علي قول ود الصايم تاريخ من زمن تيم عباس وهو الأتفرع منو هليلك المتهالك ده وحتي لو أتغلب من الترجي فيبقي الكوكب الدُوري العظيم عظمة الكرة في أرض المليون يا صحبي وبعدين بتنا بت الشيخ دي أحلي نجمه عندنا هنا فرجاء لا تذهب أكثر من ذلك مدثر يا أبن مربعي بس المسافة بينك وبينك نحنا كواكب وأصغر كوكب بيغطي هلالك القدر قوس حاجب ود الصايم ونحن في المريخ أخوة نعشق النجم ونهوي أنت بتكون دبرست بيك العوضة يا صاحب كدي غير اللون الأبيض حق غطاك وبتعرف الفرق شامبيون ده ما كأسكم الفكتوبيه الكُج ده بنمسحو بي دبي زمن عملاق الكرة بريمة وبعدين كدي خشو النوبه حقت الدراويش ديل وتعالوا لينا.
|
بسم الله الرحمن الرحيم الاسد العديل ده بتاع الغابه الملك اها انشاالله اتذكرتو ياحبيبنا ... تيم عباس ده منو وود الصايم ده منو ماعرفتهم ؟؟ يعنى هم ناس عاشوا زمان ولا شنو ماقدرت احدد،،، ياود حلتنا عموما انا ماعارف الاتفرع من التانى منو وحكاية التفرع دى ماسمعت بيها الا زمان قالوا لينا النيل بيتفرع وين كده ماعارف لكن حكاية المريخ يتفرع من الهلال دى ماسمعت بيها اطرشنى لانو البيتفرع منكم ده معناها جنازة بحر عديل !1 يعنى معقول فريق يتفرع منكم يسموه سيد البلد ويحتكر الممتاز ويصنف من قبل الاتحاد الدولى احسن فريق فى افريقا واحسن فريق فى العرب !! انت بتصدق جنس الكلام ده انتو البيتفرع منكم ماعندو غير يطلع من جواكم يمشى المقابر طوالى ... اميرة دى كان قلت ليها العجب بلعب وين مابتعرفو عشان كده نجمتكم ضاربه زى لمبتكم ...بعدين انت مالك يا اخوى متجرس من الترجى ده من هسه اصبر شويه لمن تقع الواقعه يمكن تلقى الايسندك بس بعيد بعيد مننا امشى اسند ليك فى نجمه بس اعمل حسابك اختار ليك ليلة لايكون الهلال فيها بدرا عشان ماتخبط الواطه ويجيبو ليك الاسعاف .. على العكس انا الايام دى ما مدبرس ومنتشى وزى الشايف المريخ قدامى وهو بيترنح فى انتظار ان نجهز نحن عليه والله صدقنى انتو راجياكم ايام اصعب من ايام الانتخابات دى على الاقل الانتخابات ممكن تنسحب بشرف لكن هناك فى استاذ المنزه وووووووووووووووب عليكم قلبى مامعاكم وربى يتولاكم .. شامبيون ده ما احلاهو شامبيون شامبيون كاسنا الصافى شامبيون والله عاجبنا وسارى بالنا انتو مالكم يعنى فرقو شنو من كاس دبى لعبتو كورتين ونحن لعبنا كورتين يمكن يكون الفرق داك فى دبى وده فى الشارقه ودبى والشارق بتفصلم صينية اوعك تلف يوم اللف والقسطره والله الدراويش ديل نخليهم ليك يشطحوا العمر كلو ونخليهم ليك يعملوا ليهم مسيد رسمى فى ضواحى الاسماعلية ويزهدوا فى كورة القدم.............
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: حبيبنا مدثر ليك وحشة يا مان
اولا هارون دياب ده لو رسلت ليهو مبلوحة مظبطة كده من السودان الى الدوحة بال DHL حيقلب هلالابي وعلى السكين بالمناسبة يامدثر ادى خبر لغرفة تسجيلات الهلال بضم دياب هارون دياب قبل ابوه يودى مريخ السجم اما صديقتنا اميرة الشيخ والله يامدثر شغالة فى حته نضيييييفة عشان كده بتشتهي الفسيخ والمريخ احيانا ودالصايم هلالابي مطبوع على جوكرين انا بشجع ودالصايم والهلال وبرشلونة |
عصام مشتاقييييييييييييييين ليك والله ..طبعااكتر من مشتاقين لمباراة الترجى انشاالله انت كويس ياخ .. هارون اصلا هلابى زعل مره من المرات قام قلب مريخاااااخ ومعظم المريخااااخ هلالاب زعلانين عشان كده نحن بنفتح ليه الباب فى اى لحظه عايز يعود لى سيد البلد بس بشرط يغطس عشرة مرات فى النيل الازرق وبعد داك يقدم طلب والله اميرة مرتاحه ماشاءالله كان بس ضربت الفسيخ ده مع التراطيب دى احسن ليها من يطق ليها عرق ...معليش نسيت اقصد شريان بسبب المريخ ده مريخ شنو ياعصام عليك الله .. ود الصايم ده ولدنا بس دايرنا نمشى عليهو..................... اها ياعصام العمل شنو مع الترجى ده؟؟؟؟؟؟
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: عصام علي أحمد)
|
1- يازول ما تطاول على المريخاب ديل ناس صفوه و صافين زي الحليب
2- يازول خلينا من السياسة والمريخ واحكي لينا عن جلساتك مع العملاق الراحل المقيم (عثمان حسين)
3- يامدثر عايزين الجديد
4- انا بكره امريكا
5- ما بسلم عليك موش انا حر انت فاتح البوست عشان الناس تسلم عليك
6- ارفع ايدك عن بنات الصفوه
---------------- مدثر السلام بخليهو للمهندس صاحبك جالس معاي ...(كيف الاهل )
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: وليد عبد اللطيف)
|
الأخ العزيز مدثر
تحية واحترام
التفت لحال فريقك فهو أولى بذلك خصوصا ومباراتكم القادمة مع الاسماعيلي تم تعيين حكام
هجين لها للمرة الثانية والأولى كانت في مباراة مازيمبي والتي انتهت بخماسية والظاهر
ستتكرر تلك الخماسية طالما يوجد تحكيم عادل ونزيه ..
( فضحتونا وخليتو سمعة السودان في الواطة وصدق من أسماءكم بنادي الحكام ولايحيق المكر
السئ الا باهله ) ..
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: Emad Ahmed)
|
Quote: الأخ العزيز مدثر
تحية واحترام
التفت لحال فريقك فهو أولى بذلك خصوصا ومباراتكم القادمة مع الاسماعيلي تم تعيين حكام
هجين لها للمرة الثانية والأولى كانت في مباراة مازيمبي والتي انتهت بخماسية والظاهر
ستتكرر تلك الخماسية طالما يوجد تحكيم عادل ونزيه ..
( فضحتونا وخليتو سمعة السودان في الواطة وصدق من أسماءكم بنادي الحكام ولايحيق المكر
السئ الا باهله ) .. |
باعمده انشاالله انت كويس انت عايزنى التفت لفريقى العظيم الهلال ولا للحكام الهجين ؟ اذا كنت تقصد ان التفت للهلال فانا اطمنك انا ملتف حوله عديل وبطمنك انو مباراة الاسماعيلى حانفوز فيهاوبعدد وافر من الاهداف يعنى الامور تحت السيطرة والاسماعيلى الان يرتعد ومستسلم لمواجهة مصيره المحتوم.. اما بخصوص التحكيم الهجين فهذا شأن الاتحاد الافريقى الذى يحاول خلق اتيام للتحكيم من عدة دول فى تجربة جديده نلنا شرف بدايتها امام مازمبى واحب اقول ليك انو هذه التجربة ستعمم فى دورى التمانيه وانتظر وشوووف.... نجى للأهم وهو فريق الترجى التونسى يعنى للأسف حاتركبو التونسية باى باى باى خلاص فايتننا محبتى يا عماد وطول بالك وخليك جاهز الجماعه جووووووووووكم...
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: amir jabir)
|
Quote: التحكيم الهجين فهذا شأن الاتحاد الافريقى الذى يحاول خلق اتيام للتحكيم من عدة دول فى تجربة جديده نلنا شرف بدايتها امام مازمبى واحب اقول ليك انو هذه التجربة ستعمم فى دورى التمانيه وانتظر وشوووف.... |
سلام يامدثر
أول مرة أسمع بكلامك ده ولماذا تنفذ التجربة فقط في الهلال ؟؟؟
ودوري الثمانية مابعيد ننتظر ونشوف على قولك ..
ادناه منقول من موقع نادي الهلال :
Quote: ونتيجة للفبركة والتصريحات الصحفية المزيفة والحقيقية لمدربي الفرق التي هزمناها بعرق الرجال ونتيجة لصمت مجلسنا علي اكاذيب المريخاب التي يسودوا بها الصحف كل صباح عن شراء الهلال للحكام نتيجةلضعف رد فعل مجلسنا تجاه المعاملة المهينة للهلال العام الماضي بما يسمي الحكام الهجين وهي تجربة لم تنفذ الا للهلال فمازمبي في ارضه ادار المباراة حكام غير هجين وعندنا هجين وليس هجين فقط بل حكام معادين للهلال ومشحونين ضده ويريدون اثبات انهم ليسوا متواطئين معه
وهاهو الاتحاد الافريقي يكررها لنا من يهن يسهل الهووان عليه سكتنا فظنوا اننا بلا انياب واننا فعلا نشتري الحكام اين عدالة المنافسة عندما يخص الاتحاد الافريقي فريقا واحدا بمعاملة مريبة ويرسل الي الحكام الافارقة اشارات خبيثة ضده ويعطيهم احساسا بان المطلوب منهم معاملته بغلظة ليبعدوا عن الشبهات؟؟؟ اين هي عدالة المنافسة والاتحاد الافريقي يوجه حكامه ضد افضل فرقه واكثرها وصولا دور المجموعات؟ ماهي فائدة مشاركتنا في بطولة اتحاد لا يحترمنا ولايثق فينا أو علي الاقل يسئ معاملتنا ويحرمنا حقنا في عدالة المنافسة؟؟؟ كيف ترضي يامجلس الهلال هذه المهانة؟ كيف تقبل ان يعاملوك دون فرق افريقيا كلها هذه المعاملة المذلة وكيف تقبلون بذلك؟ هل يتجني احد عندما يعتبر سكوتكم قبولا بالتهمة؟؟؟ سادتي لايشرفنا ان نشارك في منافسة لايحترمنا ولايعرف تاريخنا وحاضرنا من يديرها ولا يشرفنا ان نشارك في منافسة غير عادلة فلو كان كل حكام بطولات ومباريات افريقيا هجينا لقبلنا ذلك ولكن ان يكون الهجين هنا والعجين بارض الخصم من بلد واحد فتلك اهانة للهلال والاتحاد السوداني والشعب السوداني ولعلكم تابعتم ان هناك طاقم سوداني كامل ذاهب لادارة مباراة واحدة في ذات المنافسة؟1 فلماذا الخيار والفقوس يا اتحادنا الافريقي؟؟؟ هل اصدرتم ادانة بحق الهلال دون حيثيات ودون سماع وجهة نظره واستنادا علي تلفيقات الاخوة الاعداء؟؟؟ وهل قبلت يامجلسنا الصامت الادانةوسلمت بها وهل اخترت الصمت وركنت لتبريرات صلاح احمد محمد صالح الخائبة والمضللة؟؟ ان قبلتم فلن نقبل ولن نقبل منكم اقل من الانسحاب من البطولة ما لم يوحد الاتحاد الافريقي معايير اختيار الحكام ويكف عن تحريضهم ضد الهلال لن نقبل ان نخوض منافسة فقدت اهم شروطها: العدالة
لن نقبل الصمت ولن نقبل مسك العصا من المنتصف فهنا نكون او لا نكون |
لاتعليق ..
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: سلام يامدثر
أول مرة أسمع بكلامك ده ولماذا تنفذ التجربة فقط في الهلال ؟؟؟
ودوري الثمانية مابعيد ننتظر ونشوف على قولك ..
ادناه منقول من موقع نادي الهلال |
عمده سلامات دورى التمانيه قريب وانشالله تشوف تعميم التجربة اما بالنسبه للكلام المنقول من الموقع الهلال فهذا ان دل انما يدل على ان هذا الكيان ديدنه الديمقراطيه وحرية الرأى والفكر كل يدلو بدلوه واعتقد ان ماهو منقول جاء نتيجه لتفسير مغلوط ... وعندما سقط ايداهور وفارق الحياة خرج بعض كتاب المريخ فى صحفهم وفى المواقع الالكترونيه ينتقدون مجلس ادارة المريخ الذى وقف عاجز امام من سماهم بالذين قتلوا ايداهور ونفس هؤلاء اعتذروا بعد فترة وان كان اعتذار باهت لكنه مقبول ننتظر من الذين كتبوا عن التحكيم الهجين من الهلالاب ان يقدموا نفس هذا الاعتذار حينما تتضح الحقائق.... محبتى
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: ارجع لي عقلك ومريخيتك المدفونة جوة اعماقك وربنا بيحقق ليك احلامك .. طبعا الكل مريخاب الا بعضهم من عصى وانت واحد منهم عشان كده استغفر يا حبيب وارجع عشان الله يرضى عليك ويديك الفي مرادك .. اكتر تلاتة حاجات ما بحبهم (ملاح الخدرة والسقط والهلال) .. لكن يا قرجة طبعاً ما بتمنى زوالهم وخاصة الهلال (امّال نمرمط منو؟!؟!) . مودتي يا حبيب .. امبارح قالوا لي اهلي الخرطوم زعمطكم اتنين صفر .. والله السنة الله يستر عليكم ] |
يا امير ههههههههههههههههههههههههههه ياخى انا كان جيتكم بتغطسوا حجرى وانا مع سيد البلد مع حققت احلامى اجيكم انتو عشان تجيبو لى اكتئاب وزهللة انت والله يا امير قاعد تدعونى بدعوة الجاهلية والبتطلبو منى ده اسمو الردة الكروية وهى جريمة كبيره جدا... اطمن السقط ممكن يجى سنه وماتلقاهو الخدرة احتمال تانى ماتزرع لكن الهلال قااااااااااااااااااعد فى قلبكم .............. اهلى الخرطوم ده شنو ؟؟ نحن عايزين نتمرن بس وبنستعد بالاحتياطى وبنجرب فى الاولاد الصغار (احمد الله انك ماشفت مبارتكم الوديه الاخيرة والله كان قنعت تب من المريخ.........بس يوم كورة الترجى ماتحوم بجاى خصوصا بعد الكورة لانو اليوم داك انا حا احرس البورد ده من الصباح ويارب تحقق امنياتى فى اليوم داك بدل تلك التى لاتتحقق البته... محبتى
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: Emad Ahmed)
|
Quote: ارجع لي عقلك ومريخيتك المدفونة جوة اعماقك وربنا بيحقق ليك احلامك .. طبعا الكل مريخاب الا بعضهم من عصى وانت واحد منهم عشان كده استغفر يا حبيب وارجع عشان الله يرضى عليك ويديك الفي مرادك .. |
ياود قرجاج الليله الله يحلك وقعت مع اميرالجمري (معروف عنها عائلة مريخية ) اما عماد عثمان ( زعيم مريخي قديم ) وزعيم منتدياتها اما شخصي الضعيف هلاريخي ومستمتع بالمناقرة دي
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: وليد عبد اللطيف)
|
Quote: سلام يامدثر
ماجاوبت على سؤالي أعلاه
علما بأن ذلك تكرر للعام الثاني
على التوالي وللهلال فقط على نطاق
إفريقيا وفي المباريات التي تكون
في السودان تحديدا ..
ودي وتحياتي |
ياعماد كيف امسيت سؤالك تشوبه التلميحات الى ان الهلال يشترى الحكام وهذا طبعا حديث كل المريخاب لكن دون دليل مادى على ذلك حتى الاتحاد الافريقى لم يذكر شى من هذا القبيل لكن ان بحب اطمنك لانك ما حاتنتظر لحدى دورى المجموعات لان هناك اخبار تناقلتها المواقع انو مباراة الاياب بين المريخ والترجى فى الخرطوم ستشهد هذا الهجين ...... للعام الثالث على التوالى مرتين دورى اربعه ومره مجموعات معقول طيلة هذا المشوار الجميل الانيق الملى بالتحدى والقوة ومانلقى حكم نزيه يقول لينا لا يعنى ده كلو حكام ياعماد (مالكم كيف تحكمون) مودتى
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: ياود قرجاج الليله الله يحلك وقعت مع اميرالجمري (معروف عنها عائلة مريخية ) اما عماد عثمان ( زعيم مريخي قديم ) وزعيم منتدياتها اما شخصي الضعيف هلاريخي ومستمتع بالمناقرة دي |
ياوليد كيفنك
امير الجمرى عارفو مريخابى قديم لكن فى نفس الوكت شايف انو محطتو الاخيرة مع المريخ اوشكت وحان قطافها والترجى التونسى لقاطفها والله ياوليد بعد كورة الترجى كان وقعت عينك على اسم امير فى البورد اضحك على..... ام حبيبنا عماد الزعيم المريخى الكبير غنى عن التعريف لكن الايام دى بحاول يهرب من الترجى بموضوع الحكام الهجين والهجين بعدين بتجيب ليها سين وجيم لمن الترجى يضرب فى الصميم والله كل يوم بدعى ربنا يمد فى عمرى لحدى ما احضر الكورة واجى
اشوف الجماعه حايمشوا وين ؟؟؟؟ ياترجى حرام ترررم حرام حرام ياترجى حرام حرام حرام.. لقيتنى كيف ياوليد فى اللحن ده اوع اكون اشتر وشاتره ماشى وين ؟
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: اشوف الجماعه حايمشوا وين ؟؟؟؟ ياترجى حرام ترررم حرام حرام ياترجى حرام حرام حرام.. لقيتنى كيف ياوليد فى اللحن ده اوع اكون اشتر وشاتره ماشى وين ؟ |
ود القرجاج ياخي الشتارة دي صحيح انت بعيد عنها لاني اعرفك انت محصحص ولكن انا خايف جماعتك يخزلوك مع الاسماعيلي وبعدين ماتلاقي اليواسيك غير المريخاب الصفوه
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: وليد عبد اللطيف)
|
Quote: اهلى الخرطوم ده شنو ؟؟ نحن عايزين نتمرن بس وبنستعد بالاحتياطى وبنجرب فى الاولاد الصغار |
يا قرجة .. هيثم ومهند ومساوي وسادومبا وامبيلي واحمد عادل ومدثر كاريكا وديمبا وهاليفا ديل اولاد وعايزين تجريبوهم ؟!!؟!؟ والله كلامك صاح هم فعلاً احتياطي واولاد بس في حال وجود مثل هؤلاء سفاري نجم الدين الزومة مصعب راجي لاسانا وارغو العجب قلق كليتشي ميدو والنفففففففففففطي
الترجي ده بيرهبكم انتو بالستات والخمسات .. وان شاء حا نبدأ في سداد مديونياتكم ..
محمد حمص قال : هلال مين يا عم احنا دلواتي بنعمل تجهيزاتنا للمجموعات
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: امير عوض الجمري)
|
Quote: ود القرجاج ياخي الشتارة دي صحيح انت بعيد عنها لاني اعرفك انت محصحص ولكن انا خايف جماعتك يخزلوك مع الاسماعيلي وبعدين ماتلاقي اليواسيك غير المريخاب الصف |
ماتخاف ياحبيبنا نحن الحمد لله واقفين على مستوى الفريق هسه ضربنا ليك الامل عطبره العاملين فيها حايشيلو كاس الكونفدرالية ثلاثه زى السم وسم السم والمسيرة ماضيه انشالله ... بعدين ياولى المريخاب ديل عمرهم ماواسونا بس يشمتو ويشمتو عشان كده يوم الترجى ده حايكون اليوم الدايرنو ليك يامريخ مبروووك عليك الخمسه مقدما
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: امير عوض الجمري)
|
Quote: يا قرجة .. هيثم ومهند ومساوي وسادومبا وامبيلي واحمد عادل ومدثر كاريكا وديمبا وهاليفا ديل اولاد وعايزين تجريبوهم ؟!!؟!؟ والله كلامك صاح هم فعلاً احتياطي واولاد بس في حال وجود مثل هؤلاء سفاري نجم الدين الزومة مصعب راجي لاسانا وارغو العجب قلق كليتشي ميدو والنفففففففففففطي
الترجي ده بيرهبكم انتو بالستات والخمسات .. وان شاء حا نبدأ في سداد مديونياتكم ..
محمد حمص قال : هلال مين يا عم احنا دلواتي بنعمل تجهيزاتنا للمجموعات |
امير الجمرى والله العظيم اجمل حاجه فيك انك حالم شديد ودى حاجه كويسه لكن احسن ليك تطرد الاحلام ياحبيبى واصحى لانو الحلم ممكن يتحول لى كابوس يخنقك لمن شباكك تهتز وينزل عليها وابل من الاهداف زى المطر .. انت راجل اخونا وخايفين عليك من الصدمه خليها بس مفتوحه واتوقع كل شى سى .. وربنا يثبتك يوم ان يلتقى الجمعان اها اللبله رايك شنو فى الامل العطبراوى ده نهينها بدرى عشان مايعملو لينا فيها بتاعين كونفدراليه...
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: امير الجمرى والله العظيم اجمل حاجه فيك انك حالم شديد ودى حاجه كويسه لكن احسن ليك تطرد الاحلام ياحبيبى واصحى لانو الحلم ممكن يتحول لى كابوس يخنقك لمن شباكك تهتز وينزل عليها وابل من الاهداف زى المطر .. انت راجل اخونا وخايفين عليك من الصدمه خليها بس مفتوحه واتوقع كل شى سى .. وربنا يثبتك يوم ان يلتقى الجمعان ... |
هههههههههههههههههها.. والله يا قرجة انتوا خائفين اكتر مننا وعارفين اننا ها نشوت ليكم الترجي ده ونتأهل وغايتو بعد داك شوفوا ليكم بلد امشوا ليها خاصة بعدما تنمشوا انتو لدوري الترضية في الكونفدرالية بفعل الدراويش رفاق حمص .
Quote: هسه ضربنا ليك الامل عطبره العاملين فيها حايشيلو كاس الكونفدرالية ثلاثه زى السم وسم السم والمسيرة ماضيه |
يااااااااا حليلكم يا قرجة بقيتوا تفرحوا بي غلب الأمل والله حالتكم تحنن وبقت سأبة ياخي الامل ده من 7 مباريات عنده 5 نقاط يعني الطيش بي مزاج لكن برضكم كنتوا خائفين منه . غايتو السنة دي الله يستر .. الله يستر .. الله يستر عليكم
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: امير عوض الجمري)
|
Quote: يااااااااا حليلكم يا قرجة بقيتوا تفرحوا بي غلب الأمل والله حالتكم تحنن وبقت سأبة ياخي الامل ده من 7 مباريات عنده 5 نقاط يعني الطيش بي مزاج لكن برضكم كنتوا خائفين منه . غايتو السنة دي الله يستر .. الله يستر .. الله يستر عليكم |
اها اليوم الدايرنو ليك ...جا خليك من الامل عطبرة واتمسك بالامل ... وووووووووووب عليكم وربنا يشوفكم .. حانتلقى العزاء بعد الساعه العاشرة من مساء اليوم
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: خالد درق)
|
الهلالاب وحمى الترجي
بالمختصر المفيد المريخ ليس لديه عقدة مع الكرة التونسية ولا خوف عليه عدد الأهداف التي ولجت شباك المريخ من كل الأندية التونسية 11 هدفاً ولكن الهلال تجرع من الترجي فقط 32 هدفاً !!!!!!
شئ طبيعي أن يهذي الهلالاب بذكر الترجي وخطورته كل ما عن لهم تاريخ أعذروهم أعزائي الصفوة فما نالوه من التوانسة يكفي أن يوقفهم في صينية مرور ناهيك عن تشبيه المريخ بالبشير
أعذر كل هلالابي يتمنى أن يتلقى المريخ الخمسات والستات التي تلقاها الهلال من الترجي حتى يقلص الفارق التاريخي بين الفريقين ..
وترباس أريتو كان ما شرب الموية
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: أحمد محمد عمر)
|
مدثر قرجاج صباحاتك بيضاء طبعا الترجي التلاتين دقيقة الاولى ما كان كويس بس المريخ كان كعب وبعد كده المريخ توازن ورجع لمستواه المعروف وتقهقر الترجي (بالله رايك شنو في تقهقر دي) .. التوانسة قالوا كنا قايلين المريخ زي الهلال وممكن نهزمه بالستة والخمسة بس الظاهر اننا بنواجه فريق كبييير والله يستر علينا في ام درمان الزعيم حاضر في ام درمان ..
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: امير عوض الجمري)
|
Quote: انت عايزنى التفت لفريقى العظيم الهلال ولا للحكام الهجين ؟ اذا كنت تقصد ان التفت للهلال فانا اطمنك انا ملتف حوله عديل وبطمنك انو مباراة الاسماعيلى حانفوز فيهاوبعدد وافر من الاهداف يعنى الامور تحت السيطرة والاسماعيلى الان يرتعد ومستسلم لمواجهة مصيره المحتوم.. |
أحلام زلوط
تحياتي يا مدثر ..
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: وليد عبد اللطيف)
|
Quote: مدثر قرجاج صباحاتك بيضاء طبعا الترجي التلاتين دقيقة الاولى ما كان كويس بس المريخ كان كعب وبعد كده المريخ توازن ورجع لمستواه المعروف وتقهقر الترجي (بالله رايك شنو في تقهقر دي) .. التوانسة قالوا كنا قايلين المريخ زي الهلال وممكن نهزمه بالستة والخمسة بس الظاهر اننا بنواجه فريق كبييير والله يستر علينا في ام درمان الزعيم حاضر في ام درمان |
يا امير والله قلبى معاكم ثلاثية نارية يازول بتعوضوا هنا فى العلعة الحمراء التى خيم عليها السوااااد الرماد فى خشمكم قال الترجى ماعندو شى (احلمو)
| |
|
|
|
|
|
|
Re: كيف سيكون السودان بدون البشير وفريق المريخ ؟؟ (Re: مدثر قرجاج)
|
Quote: أحلام زلوط
تحياتي يا مدثر ] |
ياعمده مشتاقيييييييييين
ياخى انت قدرت كيف تتلملم وتستحمل الضربات الموجعه دى وتجى وتخش البوست والله احييك على شجاعتك وقدرتك على ضبط النفس ...........هسه المن حقو يحلم نحن ولا انتو نحن واحد بعادل لينا النتيجه انتو 3 مابتمركم....اين هى احلام زلوط؟؟!! محبتى
| |
|
|
|
|
|
|
|