|
حـالــتهـم بـدوون وضـوء ... ووووووب !
|
استغرب جدا للناس الجايين فرحانين باصوات قيل انها كانت من نصيب المقاطعين !!!
يا جماعة الصادق وياسر ونقد والفاضل ديل قاااااااطعوا قطع نااااشف ولا زول منهم عنده خيمة ولا حتى ظهر للناخبين ولا يصات ولا (سندوشتات) بل اعلنوها دااااوية لجماهيرهم ياجماعة سعيكم مشكور ارتاحوا فى بيوتكم ونافع قال لىيكم العاقبة عندكم فى الاستفتاءات ..
عدد الاصوات دا هو عبارة عن غواصات تلك الاحزاب لدى المؤتمر الوطنى .. والتى اظهرت ضعف شديد !! بالجد اختراقكم تعبااااان .. حبوبة غريبة قالت ليكم زيدوا شوية ،، غواصاتكم لا تكفى للغوص فى هذا اللج الذى لا قرار له (والله دى استاذ بشرى ما يكتب زيها ) لووووب !!
ـــــــــــــــــ الرسول فى البفتح بوستات النتايج دى يشلكم .. بوروا ليهم السوق دا .. قاطعوا هذا العبث الذى يسمى نتايج .. افقدوها قيمتها ياللا يدينا فى بعض يدينا للبلد خلونا نقاطع ..
|
|
|
|
|
|
|
|
Re: حـالــتهـم بـدوون وضـوء ... ووووووب ! (Re: بدر الدين الأمير)
|
بدر الـ دين !!
انت عارفنى بقول فى شنو ؟؟ ما تفتح بوستات النتايج دى ،،، بس !
كسر الله ...
كلامك صاح حقوا يشيلوا جنازتهم دى يدفنوها عشان ما تاااذييهم وتاذى الحولينهم من مجتمع دولى ..
نحن ديل اصلوا بقينا ما بنشم .. مش قالوا الزول البكون قاعد فى محل الريحة ما بشمها ؟؟؟ الا يجيهو زول داخل من بره يقول لى ااااااااااف قاعد هنا كييف ؟؟
دكتور راشد الحاج وينك ؟ مشتاقين ! شكلك كدا اتصوفت واعتزلت الرجه بس اطمنت عليك فما زلت فى المعسكر الشرقى لووووووب .
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: عمران حسن صالح)
|
Quote: نحن ديل اصلوا بقينا ما بنشم .. مش قالوا الزول البكون قاعد فى محل الريحة ما بشمها ؟؟؟ |
بالحيل .. الزي ده بيقولوا عليهو : زول مدوبل . هسه نحنا مدوبلين جدددددد .. ( ياربي ده النقض وضوهم ؟ .. الريحة )
......... في الحج قالوا الموية قطعت و بقت سوق اسود .. في بماني استغل الندرة المائية و بقي يبيع قزازة موية الصحة بـ 20 ريال . جا حاج شايقي طاشي ، مغروض في المويه و ما عارف السعر .. طوالي قال لليماني جيب واحدة ، قعد بالجنبة كده إتوضا و جا لليماني أداهو الريالين . اليماني قال ليهو : عشرين ريال يا زول .. الشايقي إتخلع ، حدر لليماني كددددددددده .. و طااااااط أداهو ليك واحد ريحة أصلية و معاها نهرة : ما وضوك ده .. أها نقضناهو .
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: دينا خالد)
|
Quote: قاطعوا هذا العبث الذى يسمى نتايج .. افقدوها قيمتها ياللا يدينا فى بعض يدينا للبلد خلونا نقاطع .. |
لا تبكـوا على اللبن المسكـوب يا دينا ! يعني شنو نقاطع النتايج ..؟؟ نعملها كيف دي ...؟؟ يعني الميكانيزم شنـو ..؟؟ طيب قولي انا داير اقاطع النتايج .. اهـا قاطعتها .. قوطوعت ..!! يلا الحصـل شنو ..؟؟
----- تاني .. لا تبكي على اللبن المسكوب يا دينا !
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: داليا الكباشى)
|
يا عمران ... اربع سنين بتاعت اية يا عم !!!
الامر ح يكون اكثر سوء لانو الانتخابات دى قامت وكان معاهم شريك فى السلطة ،، وناس فى البرلمان وفى الحكومة وحسب نيفاشا كانو ملزمين بى مفوضية ومراقبين محليين ودوليين ،،، اها دا كلوووو ح يكون مافى فى الانتخابات القدمة مع انفرادهم التام بالسلطة ... فتامل !!!
ـــــــــــــــــ ثم اعد البصر كرتين ياخ !!
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: داليا الكباشى)
|
Quote: لا تبكـوا على اللبن المسكـوب يا دينا ! يعني شنو نقاطع النتايج ..؟؟ نعملها كيف دي ...؟؟ يعني الميكانيزم شنـو ..؟؟ طيب قولي انا داير اقاطع النتايج .. اهـا قاطعتها .. قوطوعت ..!! يلا الحصـل شنو ..؟؟ |
يعنى يا دكتورة ...
ما تتداخلى فى البوستات البــ تعلن عن
نتايج الإنتخابات لأنو ممكن يكون إعتراف
ضمنى بشرعية الإنتخابات وممكن أن
يستخدم ضدكــ .. مــــش كدا يا دينا ؟
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: محمد كابيلا)
|
Quote: لأنو ممكن يكون إعتراف ضمنى بشرعية الإنتخابات وممكن أن يستخدم ضدكــ |
يستخدم ضــدي ..؟؟ يستخدم ضـدي وين يا كابيـلا ..؟؟ كدي اشرح لي الجزئيه دي ..!!
بعدين نفترض اني قاطعتا بوستات النتائـج هل حتتغير النتائج دي في الواقع عشان نحن قاطنا بوستاتها الاسفيريه في المنبر العام لسودانيز اون لاين ..!!
----------- لو دينا قاصده فعلا المعنى دا يبقى (ابشر بطول سلامـه ..!!)
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: محمد كابيلا)
|
لو سمحتي يا دُنّانتي لطنّانة أنا عايز تلفون حبُّوبتِك ضروووووووووووووري شان تجي تشوف كِضبِك دة بعدين أنا و حبُّوبتِك مويتنا واحدة و بنقدر نتفاهم كُويِّس و بعدها هي تتفاهم معاك يلاّ فتِّحي عيونك الدُقاق ديل معاي و عايني هِنا
دي خِيم الحِزب الإتِّحادي من موااااااااااااااقِع مُتفرِّقة
أها أواصِل يا دُنّانة و أجيب ليك ناس الأُمّة؟ شكلي حأواصِل شان خاطِر حبّوبة و النبي كان ما خلِّيتيها تقرأ البوست دة
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: احمد محمد احمد عتيق)
|
وووووووووووووووو علتى العلعالة ياخ !! جيت بىىىىى كرورك .. عشان تعرف روحك ذى حبوبة ناس سيدى ديل مشاركيييييين .. وضرب الرقم جلاااا .
ياخ عاين للجزء الما مسكوب من الكوب ياخ لووووووووووووووب ...
عارف بتحكى لى الحبوبة القليصة ونحن ماشين قلت ليها ياخ ناس سيدى ديل ما نازلين ما تديهم قالت لى هناك فى البلد قالوا لى الحاجة ناس سيدى ناس سيدى ياحاجة قالت ليهم يا ولاد هووى انا سيدى سيد العمود دا لوووووول ..
يا علاء لم صورك دى عليك ناس سيدى الاتحادى الديمقراطى ديل انا ما جبت سيرتهم وكان جبتها غلطانة لانهم مشاركين .. وبعد خيمهم .. شربوا المقلب ..
اتحداك جيب خيمة للحركة الشعبية او الشيوعى او الامة الجد جد او الخ من المقاطعين عابدين بتاعك دا متفلت خالف قرار الحزب وخلاص بكون اترفد ما عاد امة مش حزبهم ؟؟ اى زول يخالف قرار حزبه ببقى خارج عن الحزب ولا يمثله يعنى الانصار يقولوا ليهم الصادق قاطع والحزب قراراه مقاطعة وهو يدق لى خيمة !!! يكون عشمان فى ناس الوطنى وديل الله لا عشمك فيهم هسه بكونوا مسحو بى الارض .. علييييك الله يا علويا كان ما شفتو لى جاب كم ؟؟
جيب جيب يا علاء كاميرتك دى بتشكيك لى الله يوم القيامة .. انا عيونى صغاااار لكن انت لسانك الطويل دا بتودى وين ؟
ــــــــــــــــــــــــــ حبوبة قالت هى حكومة قومية ذاتها ما دايراها لو سووها بتسحب صوتها قالت لى بس برااااانا كان عجبكم !!!
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: احمد محمد احمد عتيق)
|
امورة يا بت الشيخ العسل .. شفتى الحالة دى يا بت امى .. يعنى انت برضو مع اللبن المسكوب ؟؟؟ لووووول يا بت الشيخ .. امسكى قوى
دلوية بائعة اللبن !!!
قلتى لى ما نبكى ؟؟ والببكى لينا لبنا منو ؟؟ غايتو كان على الميكانيزم ساهلة بس ياها قوطوعت دى .. قوطوعت دى مكانيزم من لا مكانيزم له ..
احمد عتيق ! سلامات ياخ .... تيمموا تيمموا صعيدا طاهرا فى خشمهم !!
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: دينا خالد)
|
يا عمدة يا ابو العمد الممدة !!
تشيييل وتغيير فى صورك العجيبة دى .. الدنيا انتخابات ياخ .. مدوبليين والله لمن غلط ..
غايتو يا رطانة الجابركم على الدين دا شنو ما بتفهم ! وطبعا الدنقلاوى شديد بكون ما دفع ومشى صلى .. مش ؟ لوووووووووووووووووووب .
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: دينا خالد)
|
علييييييييك الله يادينا كان إترشحتى إنتى بدل ال 12 ديل ماكان نافستى لينا المشير ده ؟ على الأقل كنا بنضمن حياد ناس علاء ديل وشماتتم فينا !
خيرها فى غيرها ,, جهزى حالك ,, الأربعه سنين قريييبه . ومن هسه برشح ليك علاء ووليد ومحمد عادل ليقودوا حملتك الإنتخابيه القادمه ,, مش أخدوا خبره كافيه ؟
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: مرتضى احمد عبد القادر)
|
كمال صاحبى !!! مشتاقين .. Quote: خيرها فى غيرها ,, جهزى حالك ,, الأربعه سنين قريييبه . ومن هسه برشح ليك علاء ووليد ومحمد عادل ليقودوا حملتك الإنتخابيه القادمه ,, مش أخدوا خبره كافيه ؟ |
وطيب ما تسقطونى من هسه منتظرين 4 سنوات ليه ..؟؟
ـــــــــــــــــــــ دايما ما تتكلم على الريق .. اشرب حاجة بعدين قول !
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: دينا خالد)
|
Quote: دلوية بائعة اللبن !!!
قلتى لى ما نبكى ؟؟ والببكى لينا لبنا منو ؟؟ غايتو كان على الميكانيزم ساهلة بس ياها قوطوعت دى .. قوطوعت دى مكانيزم من لا مكانيزم له .. |
اوكـي خالـص يا دينا.. اهـا من اسـي قوطوعـت..!! بس عليك الله وريني حته (تستخدم ضدك) دي لانو كابيلا دا ابى يشرحها لي وشكلو كده بيسمع كلامك .. عليك الله بي حيطه الجيران كوركي ليهو قول ليهو دلوش دي منتظراك تشرح ليـها ..!!
----------- انـا برضـو اللي (بائعـه لبن) ..!! لوووووووووووووووووووووووووووووووووووول ياخ
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: داليا الكباشى)
|
Quote: مدوبليين والله لمن غلط .. |
بالله هي الكلمة مدوبليين ..الحاجة دي أثارت فيني شجون وأنا بتذكر معارفن لينا عندهم شفع كتااار وأظنهم يبللون الفراش ليلا ..المهم تدخل بيتهم صنانة العدو ..وهم قاااعدين في أمانة الله ماكلين وشاربين ..وأنا شايلة حالهم أتاريهم المساكين مدوبليين ..
وهسة يعني السودان مدوبيل عن بكرة أبيه ..طيب ما معذور وكدة ..
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: داليا حافظ)
|
زمان في المدرسة عندنا زميلنا اسمه ربيع كان ماخد ( الطيش) مقاولة من سنة اولي لي سنة سادسة ما اداها لي زول اها ربيع دا يوم النتايج ما كان بيجي المدرسة يستلم نتيجته , سالناهو مالك يا ربيع ما بتجي تستلم النتيجة قال يده مفكوكة ما بقدر يصفق للعشرة الاوائل اسع المعارضة عندها تمزق عديل في الرباط الصلبي كما هو واضح
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: اساسي)
|
Quote: زمان في المدرسة عندنا زميلنا اسمه ربيع كان ماخد ( الطيش) مقاولة من سنة اولي لي سنة سادسة ما اداها لي زول اها ربيع دا يوم النتايج ما كان بيجي المدرسة يستلم نتيجته , سالناهو مالك يا ربيع ما بتجي تستلم النتيجة قال يده مفكوكة ما بقدر يصفق للعشرة الاوائل اسع المعارضة عندها تمزق عديل في الرباط الصلبي كما هو واضح |
إنت الطيش دا كنت بتعيد معاهو ؟؟
واللا طيشكم ما كان بعودوه السنة ؟؟؟
ست البوست ازيك وغايتو الله يعينك ...
................................حجر.
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: الرفاعي عبدالعاطي حجر)
|
Quote: واللا طيشكم ما كان بعودوه السنة ؟؟؟ |
الطيش بتاعنا كان متجاوز للعمر القانوني للابتدائية عاد لمن ربنا غفر ليهو , بقو يمشوهو ساكت , وبعدين طيشنا كان مدعوم من ابوهو الحنفولي زيه زي المعارضة من سنة كم وخمسين نقد و الصادق والميرغني يوم واحد عادوا السنة , ما ياهم في كل الفصول مشاركين معارضة تشتغل ستين سنة بنفس الوشوش ما اخير منها طيشنا ؟ اليده مفكوكة , ما يصفقوا ساكت ويغوروا
| |
|
|
|
|
|
|
Re: حـالــتهـم بـدوون وضـوء ... ووووووب ! (Re: ابوبكر الامين يوسف)
|
اساسى لكن ناس سيدى كمان بتغيروا ؟؟ هسه مولانا دا عنده بدل ؟ لو قلت كدا طوااااالى ببدل خلقتك .
بعدين ياخ قريشن قال ليكم ياهو قدركم الحاصل دا ما تقيسوا بالمعايير الدولية ..
وطيب هى اسمها دولية لييه ؟؟؟ ما يسموها معايير العالم الاول ويفكوونا ..
كمال سالم !! ازيك
حجر !!! عرفتنا مش ؟؟
| |
|
|
|
|
|
|
|