هو الطيرة ده شنو ؟ موش (طيرة )وعندو قنبور .... وفي رواية اخرى (قمبور) ..... المؤتمر حكومة البشير المعذبة الناس كم وعشرين سنة مرشحينو يفوزو في دوائر مقفولة لأحزاب عريقة عراقة البلد المسلوب .... القمبور ده الا (علا ) يقوم لي طير؟؟؟؟؟ الانتخابات ثبت بما لا يدع مجال للشك مقاطعة السواد الأعظم من المواطنين ... والجماعة فرحانين ... اها ..رقيص (العروس ) متين .. وفي رواية اخرى .....رقيص ( العروص ) متين ؟ البلد فيها كم مليون .....؟ والصوتو كم ؟ هو يعني الناس دي تقاطع كيف ؟ واللذيذة ناس تاكل عيش والمخمومين فرحانين ... لا وكمان حبوبة غريبة بتسلم عليكم وبتقول ليكم كمان .... هي حبوبة غريبة دي موش كانت مع مايو ؟ ولا انا غلطان ؟ يمكن اكون بتكلم عن حبوبة تانية ... احسن ما نجيب اهل الناس داخل ( بوستينا ده ) .. اللذيذة التانية حاتم السر (سقط ) بالصاء في دائرتو ؟ عاد ده كلام ؟ ولا كسلا يفوزو فيها .....اخير نسكت ... كارتر ده شوفو ليها تبروقة وابريق الراجل (ينشد حسن الخاتمة ) حتى مركزو دايرين يحولوهو لي (منظمة حسن الخاتمة ) فرع امريكا ... الأصم ده اخير منو ابكم ... ابكم بتاع ( ابقا ابكم وشدو ) اما دارفور ......احي انا من دارفور ...يعني الناس كتر خيرها جوة المعسكرات الكان السبب الرئيسي فوقو البشير ... صوطت للبشير ...شوفتو الحلاوة دي .... وكمان ياسر عرمان قالو فاز في الشمال ... الزول موش انسحب (طيب يا حسين غير الصناديق لأنو ياسر انسحب ) ولا اقول ليك كلم كارتر (يقوم بعملية ) تمويه عشان ما يشرب الحاجة الباردة المجهزنها ليهو .. قالو اكتر اغنية منتشرة الأيامات دي (حبيبي زور لي وانا ازور ليك ) ... اما اغنية مين احلى من حبيبتي مين؟ فتراجعت للمركز الخامس ( في دائرتها وبي 17 صوت ) وحتى اهلها ما صوطوا عليها اقصد ليها ... على صعيد البورض الشفت وروهو الشفتنة الجد جد لكن فوض امرو لله واشتكى ...بس المرة دي ما شال اورنيك الشكوى من مزمل ابو القاسم لأنو الأخير ده بكتب شكاويهو في ورق فلسكاب ... كمان قالو ماليزيا واندونيسيا التزوير فيهن ما ممكن اصلو كلو كلو صعب شديد لأنو الناس البقترع دي كلها مسجلة بس قمنا اتذكرنا انو مافي كشوف باسم (المقترعين ) فبلعنا كلامنا الكنا دايرين نقولو ... بعدين اوكامبو اكتر زول منتظر نتيجة الانتخابات دي لأنو حا يحول الموضوع لمجلس الأمن .. ومجلس الأمن (بعد الاذن من امريكا ) حا يزيد العقوبات ويمكن يعمل حظر جوي عشان ( الجوة جوة والبرة برة ) وما دايرين يشوفو (وصلات راقصة في دول تانية ( هو انحنا زاتنا ناقصين ؟) غايتو لو ابوفاطمة فاز حا تكون زي بيضة الديك لا تعرف تأكلها ولا تعرفها جات كيفن ...
لا و اللذيذة الجد جد انتخابات قطر - فرع السودان ...قالو الصادق المهدي جاب ( صوط ) واحد بس والله دي مشكلة كبيرة حقو الانصار الفي قطر يفتشو على الزول ( الصوّط ) ده يدوهو بي صوت عنج ....يعني ناس حزب الامة ديل موش انسحبو وهم معروفين منضبطين وما بكسرو كلام حزبهم ..لا يعني الزول ده قاصد شنو؟ ولا قاصد شنو ؟
04-17-2010, 00:01 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
أسامة محمد صباح الفوز بلا تزوير، وبلا تأجيل ، والجماعة منادين بحكومة تجميل ، وانت مالك؟ بالله يامحمد لو نزل غردون باشا بتاريخه السي في السودان ممكن يجيب اصوات زي الجابها حاتم السر؟؟؟؟؟؟؟؟؟وبرضو الناس يقولو انو الجماعة ديل اذكياء، اذا كان هذا هو الذكاء ، فكيفا الغباء اذن؟؟؟؟؟ سلام
حكومة شنو ؟ والله الاحزاب بعد ده لو شاركت تكون زي قصة الأتنين الراكبين عربية وماشين في الشارع فجأة ظهر (ثعلب ) قدامهم قام (الما سايق )قال للسايق شايف داك ثعلب !!!!! قام السايق قال ليهو (والليييييلة حا يغشنا ) .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osama Mohammed
الشفيع وراق عبد الرحمن
ibrahim alnimma
Emad Abdulla
فيس بوك
تويتر
انستقرام
يوتيوب
بنتيريست