|
ياناس شرق النيل الحقونى,,,,راحن منى نعجتنين وعبور
|
المكان الحاج يوسف ,,,الفسحة الكبيييرة التى كانت بين دار السلام المغاربة واشلاق البوليس يعنى منطقة كانت خلاء,,من محطة الردمية مربع عشرة بتشوف ماذن جوامع ام دوم والجريف شرق كنا فى هذه المنطقة فى اخر الثمانينات,,بنلعب كورة وفى الخريف بسرحن فيها غنم المايقوما واهلى البطاحين,,اها الليلة جيت من الدوام واخت لى نومة خفيفة بين المغرب والعشاء,,هنا حلمت حلمة ازعجتنى خلاص,عندنا نعجتني وعبور كانن فى الحوش واحدة من بنات عمى فكتن قالت عشان يتفسحن على حسب قول البنت الحنكوشة وقتذاك,,اها النعاج ديل راحن منى هنا,,فمسحنا تلك المنطقة كلها بوكسى شريطو بندق,,الوحدة,,الكرتوت,,الشقلة ,عد بابكر ,,وا ضواء بان,,,حتى الصحيان ما لميت فيهن اها...مطلوب مفسر احلام من شرق النيل او من البطانة,,,لانه بعرف مراتع الضان
|
|
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: خالد المحرب)
|
Quote: البكسى موديلو تمانين ابقوته لا الزمان ولا المكان ولا الناس اوك تغيرت كل الحاجات يازول ات بتحلم ياجامع يا رغيب يامقوى النصيب ......... تحياتى |
ود المحرب,,,,, اتصلت بعدها على مفسر احلام سعودى ,,قال لى دى حلمة سودانية,,شوف ليك زول من تلك المنطقة عشان يفسر ليك الحلمة,,اها اتصلت على احد تجار سوق ليبيا عندو معاى شغلة قلت ليه فسر لى الحلمة دى قال لى النعجتين ديل الصادق المهدى وياسر عرمان,,,لكن العبور دى فسرها براك كدى شوف لى احمد ابو حريرة وين بكون عندو راى فى الكلام دا تسلم,,
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
انت عارف يا اخ ابقوتا السنة دي حتجي سمحة لانو النعاج ديل مشن مصبحات والصباح رباح يعني اكان مشن علي حلة كوكو وكوبر والا مشن مسفلات علي السمرة وكدي اكان المسألة بتكون فيها انّ علي كل مما يزيد التفاؤل انهن مشن اتفسحن ودا مزيد للتاكيد من السنة وجود الهمبريب وريحة الدعاش
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: الشامي الحبر عبدالوهاب)
|
اللخو ابوقوتة انا ساكنة فى الحاج يوسف شارع واحد وابشرك امكن نعجاتك ديل دخلن مركز من مراكز الاقتراع بمدارس الحاج يوسف فيها يصوتن حتى لو ما مسجلات ما مشكلة ناس اللجنة الشعبية قاعدين بس يفهموا انهن بصوتن للشجرة وبنومن تحت ضلها بدوهن الشهادة والاستكر الجماعة بدوه ليهم اها بعد التصويت حوش المدرسة فيه كترة قش ونجيلة وقطع شك نعيجاتك جعانات وما اكلتهن ليك كم يوم قعدن المسكينات يرعن لحدى ما جات الساعة ستة والواطة ضلمت والشرطة طردت مراقبين الاحزاب برا وقفلوا الباب وهسى نعجياتك ديل اخير من مراقبى الاحزاب لقن طريقة باتن فى المركز وقامن بواجب وطنى وحرسن الصناديق من التزوير انا بكرة الفجر بمشى المركز وبلقاهن ليك وكان محظوظ اقعن فى الحبر الما مضروب لانه عندنا حبر هنا فى الحاج يوسف بمرق بالموية عشان اعرف بيه نعيجاتك ديل لانك ما خاتى وصف دقيق وما عندى غير حبر البصمة
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: رهف)
|
Quote: وقامن بواجب وطنى وحرسن الصناديق من التزوير انا بكرة الفجر بمشى المركز وبلقاهن ليك وكان محظوظ اقعن فى الحبر الما مضروب لانه عندنا حبر هنا فى الحاج يوسف بمرق بالموية عشان اعرف بيه نعيجاتك ديل لانك ما خاتى وصف دقيق وما عندى غير حبر البصمة |
رهف عاينى كويس النعاج شقر والوسم قطفتين وخرس وشقة ونار,,,اها بعد ما تتاكدى تمشى التقاطع بتلقى محل بتاع تحاليل طبية فيه الدكتور عبد الرحيم الخضر ,,زميل دراسة وبطاحنى بعرف وسم الضان قولى ليه دا هلات صاحبك احمد ابقوتة,,,
لكن يابت امى لو شجرتكم دى بتاعة نيم,,بكونن نعاجى ديل باتن القوا,,,
,,,لى ذكريات فى شارع واحد,والصقعى ,انا خريج مدرسة ودالسائح الثانوية ومن ابقوتة غرب الجزيرة شفتى كيف تداخل الرؤى والمعالم والامكنة سكنت الردمية والشقلة وود دفيعة,بتسوق فى سوق ستة ,وكثيرا بشرب شاى الحليب فى حلة كوكو الساعة 12 ظهرا,,وهى تلتقى مع بلاد الهند فى هذه الصفة شاى الحليب 24 ساعة,,مع ريحة روث الابقار,,قبل كافورى ما يجنى عليها,,,
تسلمى على المشاركة الثرة
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
الاخ ابوقوتة من الفجر مشيت المركز بس يا خوى وصفك دا انا ما فهمته ياى كلام اهل العوض دا عروب الجزيرة لكن المتاكدة منه انه نعجاتك ديل باتن فى المركز حسب شهادة غفير المدرسة شافن تحت ضل الشدرة وواحدة فيهن لابسة طاقية مرسوم فيها الشجرة اظنه واحد من مناديب الاحزاب شافن وشكلها نعجتك دى ما قاعدة فى الواطة لقت ليها تيس لابس ليه فنيلة مرسومة فيها الشدرة وطكت معاه الحنك وبقت مبارياه اها مندوب الاحزاب شافها معاهم وقالوا امرقوهم من المركز لانه دى مخالفة لكن المركز التانى قريب وقطع شك مشت معاه ودخلن المركز التانى اما العبور والنعجة التانية والخروف قالوا وابرا من قلنا وقالوا لكن سمعت قالوا مرشح الدائرة حقتنا جاه خبر انه فايز وبقى نائب قالوا فى وداعية شغالة مع ناس المفوضية رمت له الودع وقالت له حضر ضبايحك ساكت فايز فايز اها زولنا دا لقى خرفانك قراب وساهلات ربطن فى المركز تحت الشدرة وجاب الضباح قعده ما يزح من محله لحدى ما المفوضية تذيع اسمه الا هو متاكد وكان ما شفت لك طريقة قبل يوم الخميس الله يعوضك وانا غايتو لو عملت لى توكيل بتصرف وترسل لى نثريات الحركة بخلى شغلتى ومراقبة المركز وبجرى من البوليس للقاضى وكان غلبنى بصل كارتر على الاقل اكون سواله حسنة فى الانتخابات واشتغل له شغلة يحلل بيها قريشاته وانقذ خروفك ونعجياتك من الضبح لانه القضية بقت ما جنائية بقت مربوطة بقانون الانتخابات دحين رسل لى الساهلة بليلك دا واوعك من الشيكات بطاقتى راحت وما تنسى حق كارتر بدور حقه
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: الشامي الحبر عبدالوهاب)
|
Quote: ودا مزيد للتاكيد من السنة وجود الهمبريب وريحة الدعاش |
الشامى الحبر
قلت سنة مطر وخير وبركة,,,,والله مشتاقين للهمبريب وريحة الدعاش
مطر السعودية دا ما فيه ريحة,,ينزل ويحسى زى الراتب
تسلم,,,
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
Quote: ,,قبل كافورى ما يجنى عليها,,, |
صحي جنوا عليها .... حرمونا من ملاعبنا والجري وسط عيش الريف
بس نعجاتك ديل ما يكونن وصلن المصحة ودخلن !!!! باقي الحالة اليومين ديل بتوصلن هناك
(عدل بواسطة شادية الطيب on 04-14-2010, 09:20 AM)
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
يارهف
صباحك زين,,راغبى كويس
لكن نعجاتى ديل ما برجعن تانى,,,مصاقرة الشجرة دا سبب ضياعهن الراعى بحب المقيل والركلسة,,اها يابت اخوى الله يستر على بقاى المراح ما يضيعوا,,,,
تفسير الحلمة سياسى
قالو النجتين هما الجنوب ودارفور العبور هى حلائب,,,ستذكرى كلامى دا بعد ما الشجرة تطلع عاقر,,يعنى ما فيها ثمار تطلع شجرة زينة فقط,,, تسلمى على المتابعة
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
أب قوته قنبلة الود الموقوته إبتداء كذب المنجمون ولو صدقوا ففي تفسير الإحلام لعم على أبي الكلام في هذا المقام لا هو كلام تنجيم ولا هو علم أى برمودا كما يقول العامة "بين هذا وذاك" أو قل سلبطه. المهم في الأمر تقول فائقة الوداعية وهي خريجة مدرسة أبي الكلام القسم المسائي في شأن رؤياكم التالي: شوف النعجة في النوم يعني أنك سوف تجدد عقد عملك لعامين متتالين بدون أى Salary Increase وينصح ذات المصدر "فائقة الوداعية" بقبولكم للعرض وعدم الدلع لأن سوق العمل أصبح زي سوق سعد قشرة زحمة ونشالين وبياعين صعوط وفرّاجه ، وهي تخاف كما تقول الودعة الشمال أن تاباها مملحه وتكوسا قروض. أما في شأن العبور ففي الأمر قولان فإن كان قد تم إخراج الزكاة فيها فأنت موعود برحلة لا تنسي ربما أوصلتك إلى شلالات نياجرا ، وإن كانت هذه العبور صفراء فاقع لونها فسوف يقوم مراجع لئيم بمراجعة كل الطرق الملتوية التي سلكتموها في تهربكم من سداد ما عليكم من إلتزامات مالية للدولة من ضرائب وكنانه وخدمات وخبحانه ومساجد وشفخانه وهلم إنها نكبة روما والمتمه. وتبقي هناك الكثير من المخارج التي ربما تأول هذه الرؤيا على سبيل المثال أنك تعشيت بصحن فول وشية جمر أم بت القوى والطوى وهل كانت نايم في مكيف ماركة window type أم Spilt وهل الشرينق في السكن مسدد حتى 31/12/2009م أم أن هناك ديون مشكوك في تحصيلها ، وهل أنت ناوي ترجع أهلك أم مواصل كفاحك. المهم دا كلام تومات الودع وفي إنتظر الودعات الخمسة في الرميه التانيه يرجى إرسال البياض بالـ foreign currency ويفضل اليورو على الدولار بحسب أسعار وول الإشلاق.
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: almulaomar)
|
Quote: المهم دا كلام تومات الودع وفي إنتظر الودعات الخمسة في الرميه التانيه يرجى إرسال البياض بالـ foreign currency ويفضل اليورو على الدولار بحسب أسعار وول الإشلاق. |
[blue] والله لكن يا بو احمد,,,ولا ياتى بنباء بعد قولك خبير لانك من ناس شرق النيل ,,ومتابع اسعار البورصة فى سعد قشرة اخرى عهدى بيه كنت بجيب صندلية التاج من حيدر اباد وببيعها ل محل اسمه ابتسامات طه فاتح على الجنبة الشمال وكنت لازم ازوره فى كل زيارة امشى فيها السودان الا اجازتى الاخيرة زرت فيها سقين فقط سوق ليبيا وسوق ابقوتة,,,والاخير لازم اداوم فيه من الصباح كل اتنين وخميس
نجى لتحليل الوداعية وحتى تكتمل الصورة فى انتظار الودعات الاخريات سلامى ليك كتير ,,,كويس انك بتدخل وانت فى الريف البحراوى
| |
|
|
|
|
|
|
Re: ياناس شرق النيل الحقونى,,,,راحن منى نعجتنين وعبور (Re: abuguta)
|
شوف يا أب قوته نعجتك والعبور والعناق والحمل ما أن تطل برأسها إلا وهناك ألف عين تترصدها وترقبها فهناك محلات شية الجمر وهناك محلات الشاورما وهناك حلل وقدور وطناجر كلها تجقجق وتنفث روائح هي بين الكمونية والمرارة النيه ، ولأن النعجه مسكينه بالقدر الذي تأكل الغنماية عشاها كان لابد أن تروح في أقرب كرتونه أو شوال ما أن تطل برأسها خارج الدار طلباً للفسحه في زمن أصبحت فيه الفسحه مسخرة. وحتى لا تظلم غيرك بطلب نعاجهم وغنمهم إلى نعاجك لابد أن تعرف ان الحاج يوسف لم تعد نجع صغير بل تمددت بالقدر الذي أصبحت مدينة وأن المدينة لا يجب أن تعيش فيها الحيوانات المستأنسة مع البشر جمباً إلى جمب (اللهم إلا إذا كان هر فارسي أو كلب ألماني أو ببغاء إكوادوري) ، فقد إنقرضت على سبيل المثال غنم كوبر وأغنام الإشلاق وكلاب الشوارع وحتى سيد اللبن إستبدل الذي هو أدني بالذي هو خير بعد أن خلي الحمار ببردعته وأمتطي صهوة بوكس تويوتا ماركة لهيب الشوق ، ولم نعد نسمع نغمات على شاكلة الجيردقه والحرجل ، النبق النبق النبق (تخريمة: واحد من أصحابنا قال لي بتاعين الجردقة ديل غريبين خلاص الواحد سايق ليهو جمل طويل عريض ويبيع ليهو في تراب ونبق ويوم واحد ما شفت زول بشتري منهم وحتى لو باع بضاعتو الشايله دي كلها ما بتجيب حق القش للجمل ، وأخد ليهو صنّه كده ثم أردف قائلاً إنت عارف الناس ديل إلا يكون ببيعوا مخدرات.)
| |
|
|
|
|
|
|