|
|
|
 Re: الحزب الأسود (Re: هشام آدم)
|
| Quote: أنثى جديدة تصب الشهوة في أوردته المُتيبّسة والمُتعطشة إلى الجنس دائماً. |
| Quote: بل أن يُخرج من ثلاجته الصغيرة قارورة الخمر، ويبدأ رحلته الميتافيزيقية اليومية. |
إستغفر الله العظيم ..
| |
 
|
|
|
|
|
|
|
|
Re: الحزب الأسود (Re: عبداللطيف خليل محمد على)
|
أنا الموقع أدناه أقر وأعترف وأنا بكامل قواي العقلية دون إكراه أو جبر قد تنازلتُ عن بوستي الموسوم بـ[الحزب الأسود] والموضح رابطه أدناه للمكرّم عبد اللطيف خليل محمد علي تنازلاً لا رجعة فيه وذلك اعتباراً من اليوم الأحد بتاريخ 5 أبريل 2010م، وبذلك فإنني أبرئ ذمة المذكور من أيّ استحقاقات مالية أو أدبية مترتبة على هذا التنازل، ويحق للمذكور بناءً على هذا التنازل التصرّف في البوست تصرّف المالك في مِلكه، وعلى هذا جرى التوقيع والاتفاق بين الطرفين.
الطرف المتنازل: هشام آدم
الطرف المتنازل له: عبد اللطيف خليل
التاريخ: 5 أبريل 2010م
شاهد أول: أميرة الشيخ
شاهد ثاني: .....
المرفقات: الحزب الأسود
--------------------------
أتمنى الصيغة بتاعت التنازل دي تكون واضحة بما يكفي لأنك تحل عن سماي يا عبد اللطيف، كل ما عليك الآن أن توجد شاهد ثاني، يا كمان شوف ليك شاهدة + شاهد عشان يكون التنازل وفق أحكام الشريعة، لأني بصراحة ما عندي مزاج لاستقبال أو تبادل أيّ نوع من الظرافات معاك.
| |
|
|
|
|
|
|
|
|
Re: الحزب الأسود (Re: Nazik Eltayeb)
|
يا عبد اللطيف يا أبوي خلي قلم التصحيح جاهز لبعد نهاية الرواية
يا صاحب البوست الأصلي واصل مع توسيع صدرك .. يعني لازم يكون في شكلة وزعلة عشان الرواية اسمها "الحزب" الأسود؟
غايتو نحن منتظرين باقي الرواية (رواية هي ولا قصة؟)
| |
|
|
|
|
|
|
|
|
|
Re: الحزب الأسود (Re: rummana)
|
هل كلما ناولتك يد الروح سوسنة من دمي تقشعر؟ وأنت الذي قلت لي لا تفر !!!
تتنازل ليه ؟!
-------------
كمل . . كمل . . بلاش لعب عيال !!!
| |
|
|
|
|
|
|
|
|
|
Re: الحزب الأسود (Re: هشام آدم)
|
محمد الحاج
نازك الطيّب
رُمانة
قيقراوي
بجيكم راجع بكرة بي رواقة ونتكلم عن: هل يُمكن أن يُسمع هديل الحمائم في ضجّة الميناء!
تحياتي لكم جميعاً
| |
|
|
|
|
|
|
|
|
|
Re: الحزب الأسود (Re: هشام آدم)
|
صديقي الجميل: محمد الحاج
تحياتي
تسألني عن إصداراتي؛ وليس المسئول عنها بأعلم من السائل. الحقيقة أنني لا أعرف الكثير عن نقاط بيع وتوزيع هذه الإصدارات، لاسيما الإصدارات الأخيرة، ولكنني قدّمتُ من قبل بعض الوصلات والتي أعتقد أنها كانت مُفيدة للباحثين عن هذه الإصدارات، ولا بأس في إعادتها.
أولاً: رواية أرتكاتا
هذه الرواية بالتحديد متوفرة فقط في الأسواق المصرية، وبإمكانك مُراسلة أحد أصدقائك المُقيمين في القاهرة وتطلب منه شراءها لك من إحدى مكتبات وسط البلد ويُرسلها لك، وهي غير متوفرة في أيّ مكان آخر. ويُمكنك الحصول على نسخة إلكترونية من الرواية من موقع [ديوان العرب] و [أدباء جيران] مع ملاحظة أن الرواية في هذين الموقعين باسم [أيامي] وهو عنوان الرواية الأصلي قبل أن يتغيّر إلى [أرتكاتا] لاحقاً.
ثانياً: رواية أرض الميّت
هذه الرواية كسابقتها غير متوفرة إلا في الأسواق المصرية، ولكن بإمكانك الحصول على نسختك من موقع [نيل وفرات.كوم] علماً أن سعر الرواية [10.2 دولار]
ثالثاً: رواية السيّدة الأولى
هذه الرواية من المُفترض أنها متوفرة في الأسواق والمكتبات العربية حسب الخطة التسويقية المُعلنة للناشر [دار النفائس للطباعة والنشر] وهي دار محترمة ومُلتزمة، ولكن في حال لم تعثر عليها في الأسواق والمكتبات الكُبرى فبإمكانك طلب نسختك من موقع [نيل وفرات.كوم] علماً بأن سعر الشراء من الموقع هو [4.28 دولار]
رابعاً: رواية بتروفوبيا
هذه الرواية متوفرة في الأسواق العربية [ما عدا دول الخليج] إذ تم حظر نشرها وتداولها في أسواق ومكتبات دول الخليج، فمنذ تم منعها في معرض الكويت للكتاب الدولية، وهي محظورة التداول في الأسواق الخليجية، ولكنها متوفرة في العواصم العربية الأخرى: بيروت – دمشق – بغداد – القاهرة إضافة إلى دول المغرب العربي وشمال أفريقيا. ونحن الآن بصدد الحصول على طلبية كُتب يحصل عليها الناشر [الدار العربية للعلوم - ناشرون] حتى يتمكن من توزيع الرواية في السودان، وفي إحدى المُراسلات مع الناشر أخبرني أنه لا يتعامل إلا مع مصدر وحيد في الخرطوم [الدار السودانية للكتب] لصاحبها عبد الرحيم مكاوي. وعلى الدار السودانية للكتب تعميد الناشر بطلبية كتب جديدة من ضمنها بتروفوبيا حتى يتمكن الناشر من إرسال الرواية إلى السودان، وهنا فأنا بحاجة إلى المساعدة ممن له علاقة مباشرة بالسيّد عبد الرحيم مكاوي صاحب الدار السودانية للكُتب، وكذلك أطلب المُساعدة من اتحاد الكُتاب السودانيين ونادي القصة السودانية ومن لهم علاقة بالنشر والتوزيع داخل السودان. في حال لم تعثر على الرواية في محل إقامتك، فبإمكانك طلب نسختك من موقع [نيل وفرات.كوم] علماً بأن سعر الشراء عبر الموقع هو [5.59 دولار]
أتمنى أن تكون هذه المعلومات كافية ووافية بالنسبة لك يا صديقي
مودتي البالغة
| |
|
|
|
|
|
|
|
|
|
Re: الحزب الأسود (Re: هشام آدم)
|
العزيزة: نازك الطيّب
تحياتي
أن أحوج منك لقراءة ما لا يتعلق بالسياسة؛ فما يجري باعث على الضجر و [القرف] فعلاً، والفوضى تطغى على المشهد السياسي، فوضى الفعل السياسي من القيادات الحزبية، وفوضى ردة الفعل السياسية الحاصلة هنا في هذا المنبر. عموماً؛ لو سمحَ لي مالك البوست الجديد بالمواصلة فسوف أواصل.
مودتي
| |
|
|
|
|
|
|
|
|
|
Re: الحزب الأسود (Re: هشام آدم)
|
lما شايف شنو المعيب انو تكون في اخطاء
اي دار نشر واي روائي بسلم نسخة من عمله لمصحح
وبرضو في اخطاء لاتفوت على فطنة القارئي الذكي
وبعدين شنو الاستغفار والكلام يحكيه الراوي الفي الرواية؟
بالله خلونا نتابع دون مقاطعة لوسمحتم ..\
رجاء دمتم بعافية ولم احتراماتي
| |
|
|
|
|
|
|
|
|
|
Re: الحزب الأسود (Re: محمد سنى دفع الله)
|
الأخت: rummana
تحياتي
| Quote: يا صاحب البوست الأصلي واصل مع توسيع صدرك .. يعني لازم يكون في شكلة وزعلة عشان الرواية اسمها "الحزب" الأسود؟ |
سؤالك هذا يجب أن تعيدي توجيهه إلى مالك البوست الجديد [عبد اللطيف خليل محمد علي] فهذه الرواية بهذا العنوان أسبق بكثير من أحداث الانتخابات وتداعياتها، كما أنني أعتذر مقدماً عن التباس قد يُحدثه العنوان في هذا التوقيت. ثم عن سياسة [توسيع الصدر]؛ فلا أدري الحدّ الذي كان يجب أن أبلغه، حتى أكون واسع الصدر مع هذا الفتى أكثر مما فعلت! لقد تجاهلتُه مرّة وأخرى ثم ثالثة فرابعة، أفلا يُعد ذلك من باب توسيع الصدر؛ أم أن توسيع الصدر يعني شيئاً آخر؟
| Quote: (رواية هي ولا قصة؟) |
أنا شخصياً لي رأيك واضح في تسمية [القصة القصيرة] بهذا الاسم، وأرى أن الاسم الأصح له من المفترض أن يكون [رواية قصيرة] وهذا موضوع يطول شرحه؛ وعلى العموم فهذا النص عبارة عن [رواية] وليس قصة قصيرة.
ملاحظة: أشعر بسعادة مجهولة المصدر عندما يُعلّق على بوستي أحد أعضاء [2002م]
| |
|
|
|
|
|
|
|
|
|
Re: الحزب الأسود (Re: هشام آدم)
|
صديقي: قيقراوي [العواضي]
تحياتي
أتنازل لأنني أبدو كمن يُشذب الأشجار في فصل الخريف! أتنازل لأنه لا يُمكنك ترتيب المنزل إلا بعد انتهاء الحفل وليس أثناءه. أتنازل لأنني لستُ يسوع المنبر، ولا أنوي أن أكون. أتنازل لأنه من المستحيل التقاء الأدب بقلته كما قال تبارك شيخ الدين جبريل؛ وكان مُحقاً فيما قاله.
| |
|
|
|
|
|
|
|
|
|
Re: الحزب الأسود (Re: هشام آدم)
|
| Quote: وبعدين شنو الاستغفار والكلام يحكيه الراوي الفي الرواية؟ |
الأستاذ: محمد سني دفع الله
تحياتي
كان دافع الاستغفار هو ذاته دافع تشبيهي بالأستاذ الطيّب صالح، ليس من حيث هو قامة روائية كبيرة في هذا الوطن المُهدد بالانقسام، ولكن من حيث هو كاتب بورنوغرافيا يجب أن تكتب على رواياته [+18] تخيّل. قبل مُطالبتي بإكمال فصول الرواية، يتوجب علينا أولاً أن نناقش قضية الأدب ووظيفته، وما يجوز فيه وما لا يجوز، وإلى أيّ حدّ بإمكاننا إخضاع العمل الأدبي إلى المعايير الأخلاقية والدينية! إنها مهزلة حقيقية أستاذي الفاضل. مهزلة.
مودتي
| |
|
|
|
|
|
|
|
|
|
Re: الحزب الأسود (Re: هشام آدم)
|
طيب يا هشام آدم هسة الخلاصة شنو؟ ح نناقش الأدب ووظيفته ولا ح نتابع معاك الرواية ولا ح تتنازل لعمو عبد اللطيف عن البوست وتفتح واحد تاني؟ وبالمناسبة انت ما اتجاهلته.. انت رديت عليه والمفروض انك ما ترد في حالة التجاهل يعني بالانجليزي كده تفتح ليه خالص أو على الأقل ترد وتستمر
غايتو لما تكون عاوز تواصل ادينا خبر
تحياتي
| |
|
|
|
|
|
|
|
|
|
Re: الحزب الأسود (Re: هشام آدم)
|
هشام :
| Quote: وإلى أيّ حدّ بإمكاننا إخضاع العمل الأدبي إلى المعايير الأخلاقية والدينية! إنها مهزلة حقيقية أستاذي الفاضل. مهزلة. |
بجيك ..
| |
|
|
|
|
|
|
|
|
|
Re: الحزب الأسود (Re: هشام آدم)
|
يعني بعد ما اتنازلت عن البوست والزول ده مشي وخلاهو ليك بعد ما امتلك الحقوق الحصرية... مالك تاني جايب سيرتو ...
عموما وجود عبد اللطيف جزء من جمال البوست ... (بس اذا وقف لحد هنا)
تحياتي وأتمني ان تواصل ثم تناقش الحقوق لاحقاً
| |
|
|
|
|
|
|
|
|
|
Re: الحزب الأسود (Re: rummana)
|
جعفر بشير :
وين انت يا رجل ؟؟؟
رايك افتقدناه في الكتير من الأشياء !!
تظهر بس مع الانتخابات ؟ انت ( صوت ) ؟
| Quote: عموما وجود عبد اللطيف جزء من جمال البوست ... (بس اذا وقف لحد هنا) |
و أنا ما بقيف ؛ لكن بجي أهبش فوق فوق ..
وعد ..
ما حأخرب للراجل فكرتو ..
| |
|
|
|
|
|
|
|
|
|
Re: الحزب الأسود (Re: عبداللطيف خليل محمد على)
|
رمانة :
تحياتي ..
| Quote: ملحوظة للأخ عبد اللطيف: أي محاولات تخريبية ستواجه بالحزم اللازم |
مافي داعي للعضلات ..
بس انتوا وقفوا الزول دا من أخطاء النحو و الصرف ..
في الحالة دي اطلاقاً ما حأتكلم ..
بجي أقرا وبس ..
لكن ألقى غلط املائي و لا نحوي .. يصبح من حقي التدخل ؛ بل حيكون تدخل عنيف جدا ..
بلغت .. فأشهد ..
| |
|
|
|
|
|
|
|
|
 Re: الحزب الأسود (Re: عبداللطيف خليل محمد على)
|
العزيز: جعفر بشير
تحياتي
شفتا يا حبيب؛ أنا جني وجن العرضة في بيت البكا، إنتا حسّي مشكلتك كلها في إنو أنا جبتَ سيرة الزول ده تاني؟ ومكلّف نفسك وحارق روحك في دي بس، ولا الحكاية دي أفسدت عليك متعة متابعة الرواية [ده لو فيها متعة أساساً؟] وقلتَ تنبّه عليها وخلاص؟ عموماً ممكن تفسّر الكلام بي فهمين:
فهم عكلتة:
وده لأني اتنازلت عن البوست ده للمدعو عبد اللطيف يوم [5 أبريل 2010م] الساعة [07:14ص] حسب تقويم سودانيزأولاين طبعاً وقراري بالعودة والكتابة كان في يوم [8 أبريل 2010م] الساعة [07:25ص] برضو بتوقيت سودانيزأولاين، يعني في حكاية بتاعت 3 أيام، في التلاتة أيام ديل الزول ده ما جرّ حرف في البوست. فبفهم العكلتة ممكن تقول إنو المسألة خلاصة حق ما أكتر، يعني زي ما الزول ده أدى نفسو الحق إنو يكتب في بوست ترجع ملكيتو لي حصرياً، فأنا كمان بكتب في بوست ترجع ملكيته ليهو حصرياً.
فهم متطوّر شوية:
ممكن تقول إنو ما داير أظهر بمظهر الزول الثقيل الداير حناسات عشان يواصل سرد الرواية، وخاصة بعد مداخلة الأخت [rummana] فيبقى من عدم الذوق إني أتجاهل رغبة ناس ما عندها علاقة بالخمج الحاصل ده بيني وبين مالك البوست [اللي أصلاً استحوذ عليه من البداية بوضع اليد] وقلتَ أواصل في السرد بصرف النظر عن الخم جده. غلطان أنا؟ لو غلطان ممكن تمشيها بي فهم عكلتة وتريّح روحك
| |
|
|
|
|
|
|
|
|
|
Re: الحزب الأسود (Re: rummana)
|
Quote: الواحد يقول بيجي يوم السبت اكمل الحجوة
يقوم يجي في اليوم الغلط ويعملهامختار الصحاح ولسان العرب |
دي ما مُشكلتي يا رُمانة؛ مش؟ :) أنا جيت حسب المواعيد يوم السبت، وياهوندا بواصل "الحجوة"*
---------
* ذكرتيني بي أمي؛ أصلو ما بتحترم فن الرواية وتسميها حجوة!!
| |
|
|
|
|
|
|
|
|
|
Re: الحزب الأسود (Re: rummana)
|
هشام آدم تحياتي
شكرا على نقل المادة المعجمية .
كتبت ((فقط حقناً لدماء حبرينا، فرضا هي الصحيحة بألف ممدودة وليس ألف مقصورة [رضى])))
الفرق بين الألف الممدودة والألف المقصورة في كلامك دا ما واضح !
هل ألف (رضا) ممدودة وألف (رضى) مقصورة ؟
| |
|
|
|
|
|
|
|
|
|
Re: الحزب الأسود (Re: Mohamed E. Seliaman)
|
Quote: الفرق بين الألف الممدودة والألف المقصورة في كلامك دا ما واضح !
هل ألف (رضا) ممدودة وألف (رضى) مقصورة ؟ |
محمد E سليمان
تحياتي
رأيك شنو في الرواية حتى الآن؟ أعتقد إنو ده الموضوع الأساسي؛ مُش؟
يعني ما كفاية إنو البوست ده انصرافي مُقارنةً بالواقع السياسي في
السودان، كمان تكون في انصرافية Extra على الانصرافية دي؟
| |
|
|
|
|
|
|
|
|
|
Re: الحزب الأسود (Re: هشام آدم)
|
هسة بالله ما أثبتنا في البوست ده اننا شعب عكليت
قوم متعكلتين في موضوع الصرف والنحو
والقوم الآخر متعكلت في الرواية/الحجوة
بكرة حنقلبها حرب "قومية" وندخل أميريكا وسيطة
| |
|
|
|
|
|
|
|
|
|
Re: الحزب الأسود (Re: rummana)
|
Quote: قوم متعكلتين في موضوع الصرف والنحو
والقوم الآخر متعكلت في الرواية/الحجوة |
الحقيقة الأكيدة يا رُمانة
إنو أنا خاشي في "القومين" العكليتين ديل .. يعني عكليت بجدارة! :(
| |
|
|
|
|
|
|
|
|
|
Re: الحزب الأسود (Re: Mohamed E. Seliaman)
|
يا صاحبنا الذي يكتب ..
ياخي : فاكتب .
و ياريت توقف حكاية إستجابتك لكل الهبيش البتتهبشو ده ..
أو كمّل في الأول .. و بد داك تعال راجع بالرواقة و أدي كل ذي حقٍ حقه .
بيكون كويس لو بتكتب في الـ WORD أول و بدين تلصق هنا ..
وللا لو ما كده كمان ياكا الماكل نيم المروق من حالة الكتابة و داخل في أمراً ضيق ، و عليهو ح تجوبق مادتك دي جوبيقة العدو .
........
شنو حكاية ابيع و اتنازل و ما بعرف شنو دي ؟؟
هشام ياخي قول لا إله إلا الله ..!!
أكتب كتابتك و جودها و أديها حقها الجد جد .. و أبقى مارق و لا هاميك .
| |
|
|
|
|
|
|
|
|
|
Re: الحزب الأسود (Re: Emad Abdulla)
|
| Quote: أكتب كتابتك و جودها و أديها حقها الجد جد .. و أبقى مارق و لا هاميك |
عماد عبد الله [ذوي الأيدي والأغصان] .. كيفك؟
مع إني يا حبيب لستُ من أنصار الاهتمام بـ[كعب] البوست وتتبع عدد مرّات التعديل
إلا إنك على حق 100% .. الظاهر لازم أجوّد الكتابة أول حاجة، وبعد داك أتفلهم وأنشرها
شكراً على النصيحة يا صديقي.
| |
|
|
|
|
|
|
|
|
|
Re: الحزب الأسود (Re: Emad Abdulla)
|
هشام آدم ..
برجع ليك البوست ؛ و عافي ليك كل حقوقي ..
واصل سردك ..
قلل شوية من الأخطاء .. فقط لأنك روائي و قاص .. بل و سياسي كمان ..
لوزول أغبش ساي ما حنسأل في أخطاءك ..
لكن بشرط حأجيك أكثر حدة بعد الانتخابات و قبل ظهور النتيجة ( المعروفة سلفاً ) ..
دي فرصة كويسة تسكب مدادك الرمادي دا هنا ..
ممكن تقبل تحياتي ؟؟؟
| |
|
|
|
|
|
|
|
|
|
Re: الحزب الأسود (Re: عبداللطيف خليل محمد على)
|
| Quote: فقط لأنك روائي و قاص .. بل و سياسي كمان |
يا زول سياسي شنو، أنا لا سياسي ولا شيتين، مالك داير تلبسنا تهمة ساي :) لكن يا عبد اللطيف؛ بكل أمانة الدنيا دي أقول ليك: أنا ما عندي أيّ مشكلة معاك، ولا مع غيرك على الإطلاق، لكن فكرة مراقبة الكتابة وتصيّد الأخطاء [خصوصاً لمن تكون ما في محلها] فكرة ما حبابا أصلاً، الفكرة الأساسية من البوست ده فكرة ذاتية جداً، الغرض منها كان كسر حدّة التداعي السياسي الحاصل، محاولة لإغماض العينين والتعامي عن واقع مُر مرارة عدوك، بحاول أتغابى بيهو [بالبوست] عن الحموضة القايمة عليّ، وما أنكر أبداً إني ممكن أغلط مرّة أو أكتر: كان في الإملاء ولا حتى في علامات الترقيم زاتو، لكن في النهاية المسألة متروكة لتقديرك الشخصي للموضوع.
وما أقبل تحياتك ليه؛ كنتَ شنو يعني عشان ما أقبل. يا زول حبابك
| |
|
|
|
|
|
|
| |
هشام آدم
عبداللطيف خليل محمد على
تبارك شيخ الدين جبريل
معتصم مصطفي الجبلابي
Mohammed Elhaj
Nazik Eltayeb
rummana
قيقراوي
معتز تروتسكى
محمد سنى دفع الله
Mohamed E. Seliaman
Emad Abdulla
فيس بوك
تويتر
انستقرام
يوتيوب
بنتيريست