|
Re: البطه والشيطان (Re: قرشـــو)
|
سلام عمدتنا قرشو الشوق بحر
ياعمدة ما متقلب الكاتل ساي هنا البطة بتاعت حبوبتو والحبوبة حنينة وبتسامح أها الكتل بطة أب إيداً قوية يسوي شنو وسيبك من البطة الخانق الجدادة وخامي بيضها يتخارج كيف
ذكرتني .. ود أختاً لي زر أخوهو مولع ليهو سجارة وطبق فيهو نظرية البطة بحذافيرها قروش الفطور في غضب الله . الريموت كنترول . البلي ستيشن آخر الحكاية بقى يقول ليهو تكوي لي هدومي كمان صاحبنا روحو حرقتو وجمع ليك العائلة من جدو وحبوبتو مروراً بالوالد والوالدة وصولاً لأختو الرضيعة وحكى قصة السيجارة وزاد عليها كمان قاعد أعوم في البحر وبقول ليكم ماشي أذاكر وبدخل السينماء والدايرنو سوهو بس زحو مني العواليق دا .
سيدي المُلا عمر لعلك طيب طمني على الأسد.. لسة بفرفر ولا الغنماية أكلت عشاهو قلت لي قبل كدا ما بقولوها كدا بقولو : وما تلك بيمينك يا مُلا رفقاً بنا يا سيدي .. ما زالت النفس الدنيئة تحدثنا فنغلبها مرة وتحنكلنا مرات
|
|
|
|
|
|