|
شكراً بكري ومرحباً يابورداب
|
الشكر أجزله للأخ بكري وهو يفتح لنا نفاجاً للتواصل وجسرا للتعبير والحوار عاطر التحايا لرواد المنبر بورداباً وقراء اتمني ان يكون بيننا متسع من الحرف وان اكون ممن ان اتفقوا أفادوا وان اختلفوا لم يفجروا في الخصومه. ولكم عامر الود
|
|
|
|
|
|
|
|
Re: شكراً بكري ومرحباً يابورداب (Re: الصادق سلفاب)
|
Quote: اتمني ان يكون بيننا متسع من الحرف وان اكون ممن ان اتفقوا أفادوا وان اختلفوا لم يفجروا في الخصومه. |
حبابك عشرة ياودسلفاب,,,,
الكوتيشن الفوق دا حكمة وامسك فيها قوى وخليها قدامك,,,
منور ونتمنى انك تكون اضافة ودا اكيد,,,
تسلم وتحياتى,,,,
| |
|
|
|
|
|
|
Re: شكراً بكري ومرحباً يابورداب (Re: محمد صلاح)
|
الصادق سلفاب شخصياً يا الهي
بين تربية و أسكول حكاوي و حكايات
11 المناهل ... داخلية الوسط
محمود الكذاب , رندا المر , مني عبداللطيف و اييييييييييييييك
حبابك و مرحبابك يا صديق الزمن الكعب و كتير حنحكي ....
يا الصادق انا حافظ حسين علا حسن دا عمي و بكري أصر انو يتبناني حسن بدل حسين ... لكن و الله يا بكري ما قصرت ...
نورت البودر و الجنبه يا صديق
| |
|
|
|
|
|
|
Re: شكراً بكري ومرحباً يابورداب (Re: طارق جبريل)
|
- شيخ أنس تسلم يا سيد وخطوه خطوه لك الود
- قيقراوي لك التحايا وشكراً لهذا الثناء الجميل مودتي
- ود الصائم (عمك) وجه يجلب الحبور في زمنٍ جفت فيه الضحكات شكرأً للتراحيب
- ناصر أو (نناش) كما ورد في المعجم اللغوي( لريله) ليبيا فتحت لكن بعد نفس زاوغت الموت.... البلع ساكت هين المشكه في البلع الناشف أجارك الله لك التحايا ومن معك
- محمد صلاح وين يا شاب من زمن العاصمه العلمانيه تانب ما شفناك لك الشواق
- حافظ حسين وبين المويه والخزان حلم انسان لك الاشواق وسعدنا بالقيا وبيننا من الحكي ما تنؤ بحمله الراسيات منور بك المكان ولك الود
- قاسم حسن العجوز لك التحايا العاطرات
- ابو جهينه شكرا للمرور ولك السلام - مرحباً طارق جبريل ملك الليل وناقر اوتار الحنين تسلم
| |
|
|
|
|
|
|
Re: شكراً بكري ومرحباً يابورداب (Re: talha alsayed)
|
من والي العاصمة العلمانية سابقا!! الى ودسلفاب جميل انو نشوفك هنا وسعيد جدا بي طلتك اتمنى لك معارك ناجحة
واصدرنا القرار التالي : تم توريث ناصر الشين معتمدا لتلك العاصمة الضيقة ! يعمل بالقرار من الآن!
| |
|
|
|
|
|
|
Re: شكراً بكري ومرحباً يابورداب (Re: عمر صديق)
|
سليمان الرفاعي .. سلام وأشواق كيف الدنيا عندكم ... والله آزول دواس شين خلاس في هادا الحوش غايتو الله لا جاب البخلينا نداوس لكن إن بقت في العزيزة نداوسلك دواساً لا انسمع لا انشاف وان بفت علي النضمي غيرو شن بنعرف لك الود والتحايا لي برلومي الجنازه القدر ما عافرناه ما جاب خبر
| |
|
|
|
|
|
|
Re: شكراً بكري ومرحباً يابورداب (Re: كمال عكود)
|
ود عكود... لك السلام واهلاً بالطله فاح اريج ود حامد وديوان عمي ابراهيم في ليالٍ مقمره وتلكم الرمال الناعمه طقطقة البوابير في الاصيل ونحن نازلين التحتانيه موعد الحليب وعشي السعيه وعبد المتعال كعادته داقشاهه زهجه شيينه وما دري انه في نعيم سيد احمد طيب النفس بسام المحيا وعمي حسن صاحب القفشات المميزه عباس ود العجيمي صاحب الزاكره الفولازيه والله ياود أعمي دنيا ما بتنفات لكن الطمع حق الرجال والجنيات الغابت جابت لك الود والتحايا ومن معك
| |
|
|
|
|
|
|
Re: شكراً بكري ومرحباً يابورداب (Re: الصادق سلفاب)
|
Quote: فاح اريج ود حامد وديوان عمي ابراهيم في ليالٍ مقمره وتلكم الرمال الناعمه طقطقة البوابير في الاصيل ونحن نازلين التحتانيه موعد الحليب وعشي السعيه وعبد المتعال كعادته داقشاهه زهجه شيينه وما دري انه في نعيم سيد احمد طيب النفس بسام المحيا وعمي حسن صاحب القفشات المميزه عباس ود العجيمي صاحب الزاكره الفولازيه |
الله الله يا الصادق ذكرتنا وهيجت حنينا للبلد
عبد المتعال طبعا لسع في استهباله داك وزهجه المضحك وإن كان هدأ شوية بعد الوليدات طبعا عندو إبراهيم وسيداحمد ومريم واولاده شياطين ومستهبلين زيو زمنو الصغير
وسيداحمد طبعا عندو بنية واحدة جديدة اسمها متاب
وعمك حسن لسع في قفشاته ديك وبقى جد طبعا زي ما عارف من خلال جنى عمك عبد اللطيف
والله ايام ياالصادق والدنيا فرقتنا وضاعت متع الحياة ومباهجها التي كانت في الأوطان
وقديما قال القائل:
وحبب أوطان الرجال إليهم **** مآرب قضاها الشبـاب هنـالك إذا ذكروا أوطانهم ذكرتهم**** عهود الصبا فيها فحنوا لذلك
| |
|
|
|
|
|
|
Re: شكراً بكري ومرحباً يابورداب (Re: الصادق سلفاب)
|
حباب الصادق ...
عــلا حوش بكرى ده اكبر نفاج اشوفــو فى حياتى ...
يدخلك غزالة جاوزت ويطلعك هناك فى استراليا ...
ويمر بيك عبر العوالم والمدن والفضاءات البعيدة
فى الحضر والريف ..
علا انت بــس امســك فى كلامــك السمح وزين ده ...
Quote: وهو يفتح لنا نفاجاً |
| |
|
|
|
|
|
|
Re: شكراً بكري ومرحباً يابورداب (Re: بدر الدين اسحاق احمد)
|
بدر الدين اسحاق احمد
حبابك الف.... والله حوش بكري ده محنّا محن جد من غزاله جاوزت تخفس استراليا وان كربت كراعك تمرقها في مكه تهبش .... لندن.... يمين شمال تلقي رقبتك في ام قرناً شاك ...غايتو التكنلوجيا ما خلت لها بعيداًما قربتو لك التحايا وشكرا على المرور
| |
|
|
|
|
|
|
|