|
Re: أضبط تزوير: توجد تسجيلات فيديو! (Re: BAKTASH)
|
Quote: الفضائح الانتخابية في ولاية البحر الاحمر (السودان)
هكذا فاز المؤتمر الوطني (الحزب الحاكم) في السودان عامة وولاية البحر الاحمر خاصة وهذه النماذج توضح الطريقة التي فاز بها ايلا و جميع نواب المؤتمر الوطني في ولاية البحر الاحمر 1- المكان:- ولاية البحر الاحمر الدائرة (4) الاوليب مركزهوشيب
الذي يعبي البطاقات هو رئيس لجنة مركز هوشيب كل اعضاء اللجنة يقومون بتعبئةصناديق الاقتراع و قد وضع الملتحي شعار الموفوضية تاج علي راسه مثال للصدق و الامانة و النزاهة الانتخابية. و قد قام بهز الصندوق لوضع بطاقات اضافية مزوره
هذا جز من الاساليب الانتخابية الفاسدة |
مرفق الفيديو Youtube
| |
|
|
|
|
|
|
Re: أضبط تزوير: توجد تسجيلات فيديو! (Re: خالد العبيد)
|
Quote: الظاهر بلدياتنا ديل دربوهم محلى |
و الله يا نوريت بلدياتك شغلهم اغبش شديد الشي يصوروا فيهم و هم يشكنوا ما جايبن خبر و يذكروا في الله لووووووووووووووول دي قالوا همشكوريب بلد الخلاوي و القرآن
عجبي و مغسي ديل بخلونا نعضعض في ايدينا من المغسة لمان يكملن
| |
|
|
|
|
|
|
Re: أضبط تزوير: توجد تسجيلات فيديو! (Re: نصار)
|
مبالغة هو أصلا كان رافض حكومة قومية لتدير الإنتخابات
لياتو سبب ساى بس عمر حسن عارف ما بقدر إجى بى شرف
شباب جميل ........... قبل الإنتخابات قلنا دربوا الناس تصور
قلنا شيلوا موبايلات حديثة بس لعن الله قلة الإمكانيت
كدى خلى زول إجى ناطى إقول حالة فردية ومحصورة وسوف نحاسب من قام بها
فى أمبدة إتقبضوا ليلا ومعاهم رئيس اللجنة وسلموهم بوليسهم
المهم هسى متابعة الجماعة ديل سوف يعتقل جميع من كان بالمركز
لتحديد من الذى قام بالتصوير مش من الذى قام بالتزوير
أصلا التزوير مافى زول مغالط فيه غير شوية موهومين
| |
|
|
|
|
|
|
Re: أضبط تزوير: توجد تسجيلات فيديو! (Re: زينب بدر الدين)
|
Quote: فى أمبدة إتقبضوا ليلا ومعاهم رئيس اللجنة وسلموهم بوليسهم
المهم هسى متابعة الجماعة ديل سوف يعتقل جميع من كان بالمركز
لتحديد من الذى قام بالتصوير مش من الذى قام بالتزوير
أصلا التزوير مافى زول مغالط فيه غير شوية موهومين |
الاخت زينب الحكايه عامه لقد تم القبض على شخص فى المجلد وهو يقوم بملئ الصناديق ليلا واعترف بان هذا يومه الثانى وسيق لمخفر البوليس وتم اطلاق سراحه فورا
| |
|
|
|
|
|
|
Re: أضبط تزوير: توجد تسجيلات فيديو! (Re: خالد العبيد)
|
لم يخالجني أدنى شك بأن التزوير قد تم على أكمل وجه ولكني كنت أظن أن من قام به هم الذين أسندت إليهم عمليات التأمين ليلا لكن أن تأتي من المفوضية نفسها فهذا لعمري أغرب العجائب
طبعا حيجوا ناس كتار ويقولوا التصوير مزور !!!!
| |
|
|
|
|
|
|
Re: أضبط تزوير: توجد تسجيلات فيديو! (Re: جعفر محي الدين)
|
الحاجه البيعملوا فيها الناس دى قبيحه جدآ جدآ اذا كان هذا الفيديو صحيحآ ...
بس كمان الما منطقى انو الزول ده بيصور بارتياح كده ومافى زول بينتبه ليهو دى برضو كتيره ..
عمومآ لك الله يا وطن كثر جراحه ..
اذا كان الوالى هو الكحال فابشر بالعمى ...
عجايب جنس جكين غايتو سندوتش ما يجكنوه كده آآآآآآمنا زاااااتو
| |
|
|
|
|
|
|
|