|
ماركه مسجله...زي مهمه تبارك وكده...-انسي بس-
|
قرار اسفيري رقم واحد اعتباراً من اليوم فصاعدا قررت انا المدعو كما ماهو موجود تحت صورتي بتسجيل ماركه جديده تحت قانون المصنفات الاسفيريه patent mark وهي ختم كل كتاباتي بكلمه........-انسي بس-.....او .........-انسي- وعليه لا اسمح لاحد باستخدام هذه الماركه كتوقيع بدون اذن مسبق منٌ صاحب ال باتينت والشكر للملهم.......المهم.....المبروك...كيف نتخارج من احباطاتنا........والقرفه
و يتم البدء في تنفيذ التوقيع فوراً....بعد اعلان النتيجه......من مفوضيه المصنفات الاسفيريه
=== .-انسي بس-
|
|
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد زكريا)
|
الماده اربعه...استثناءات سيكون التوقيع ادناه في اغلب المداخلات ........والبوستات..........والقرفات ما عدا الاجتماعيه منها....... مثل الزواج وما شابه........معقول حدي يقولو اتزوج اقول ليهو ......انسي بس؟ في حالات الوفيات والعزاء.....ممكن انسي......... بدون بس....او.....الصبر والنسيان ....وكفي في حالات خاصه تقدر في حينها....سيتم المراعاه للشعور العام بصوره جيده
===== حالات الاكتئاب سترعي جنس مراعاه
-انسي بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد البشرى الخضر)
|
محمد البشري.........يا استاذ العربي .....سلامات
Quote: القصة دي ح تكون في مداخلاتك في البوستات الكاتبنها أعضاء ذكور برضو ولاّ ح تصلّحها |
والله استاذ بالجد؟؟؟؟ولقطتها صاح...فعلاً انا لمن قلتها كان في ذهني زميله ......حيرت افكاري ولخبتتها لكن الصراحه ما انتبهت للياء المنقوطه دي و انها بتأثر برضو لما تتقال للراجل......المذكر لكن كتوقيع ما اظن بتفرق كتير لو كانت للمؤنث او المذكر....ولا شنو؟ طيب اقول ليك نورنا اكتر.......والشكر موصل كميات كده...
-انسى بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد زكريا)
|
معقول ننسى انو محمد زكريا وبكرى كونوا ..
الجالية السودانية فى النرويج لا يمكن ان ننسى نشاطات وفعاليات الجالية لا يمكن ان ننسى .. الفنان الموسيقار محمد زكريا.. مع حمد الريح مع حسين شندى مع معاوية الوكيل مع عبد العزبز المبارك
السمندلاوى.. صاحب الكمنجة السحرية والروقان,,
... معقولة بس
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: سمندلاوى)
|
سمندلاوي يا بتاع الاويات
Quote: خلاس تعال نمشى كالف اوويا نظبط مفروكة قريلل |
انت داير تسطح بضيوفي ولا شنو.....يا شباب كالف اويا دي جزيره صغيره بتاعت رحلات زي جزيره توتي زماااااان.....كالف يعني عجل.........جزيره العجل.......العجل جنا البقره مش السمك وبيعملوها في جنس شوايات.....لحم ..جداد.......سمك
تقول لي قندهار
-انسى بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد زكريا)
|
عبدالعظيم احمد
Quote: معقول ننسى انو محمد زكريا وبكرى كونوا ..
الجالية السودانية فى النرويج لا يمكن ان ننسى نشاطات وفعاليات الجالية لا يمكن ان ننسى .. الفنان الموسيقار محمد زكريا.. مع حمد الريح مع حسين شندى مع معاوية الوكيل مع عبد العزبز المبارك
السمندلاوى.. صاحب الكمنجة السحرية والروقان,,
... معقولة بس |
الما بعرفك يجهلك........انت زاتك كنت معانا في البروسيس لحدي ما اتفاجائنا بيك خليت البلد......وجافيتها......والحمدلله الجاليه بقت كبيره
-انسى بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد زكريا)
|
واخيراً تم تصميم الشعار....للامانه والتاريخ ما عملتو انا.....وجدته في مداخله للزميل Holoy......وسنحتفظ للمصمم بكل حقوقه الادبيه في التصميم مع احتفاظنا بالشعار نفسه....شكر خاص الى ابن عطبره الاحمر اللون وسيتم استخدام الشعار من الان فصاعداً وهكذا
-انسى بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: عزام حسن فرح)
|
با ودزكريا ... وأنا بقرا في ردك سطر سطر كان بترتب في ذهني شكل الرد الإقتباسات وكدا لغاية ما وصلت التوقيع ههههههههههه لقيت كلامك صاح مافي داعي للنقّة الكتيرة و مسيخة فنسيت بس
_______________________________________
خطورة توقيعك دا إنو ح يوحي دايما بإن ما سبقو من حديث إنت كاتبو و تعبان فيه محض خارم بارم لا يستحق عناء التعليق عليه فـأحسن يتنسي
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد البشرى الخضر)
|
ياخ والله دة افرغ بوست عينى تقع عليه فى الخمس سنين الاخيرة يا اخوى مالك ماقاعد فى السويد وفنان ماتكتب لينا حاجة كويسة تليق بالمعطيات العندك دى بعدين كان انسى بتاعتك ولا المهم بتاعت المبروك الاتنين غير مايعمقوا السوقية وشغل الجربندية ما ح يضيفوا لينا اى حاجة فى المنبر البقيتوه قبيح دة بعدين ياخ لو موضوع ماف ماتكتب اقرا بس
ــــــــــــــــــــــــــــــ زعل مامعانا كويس ...
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: عزام حسن فرح)
|
Quote: وودالصايم < كاكاتو > . |
دي اول مره نسمع بيها.....المعني شنو يعني؟Quote: الماركة المُسجلة عِلا تكون قاطِعا مِن رِويسك الشايلو فوق كِتْفينك وماخِد مِساحة ما بطالا ، مُش حاجة بنسْتعملا يوماتي مِن قُمنا ... قوم لِف ... وبعدين بِكْتبوها < أنسى > مُش < أنسي > وحالتي مِن غير الناطِقين بِها ... " المهم " لو حتِتحسس مِن كلامي ده " أنسى " |
لو ما قلت لي انسي ......اخخخخ كنت ح اتحسس عكازي المضبب........كلام يفرجنق الكرعوب.....اخ مش قالو عربي فالعب به؟ بعدين هو انا قلت ليكم انا جايبو من مكاناً غير رويسى الكبير ده؟....ومال نجيبو من وين ؟....ما لازم نستلفو من النضمي بالتنضمو ده........ النضمي الينضمض جنضومك انت في زول حماكم تسجلو ليكم نضيمايه.......عالم نضامه دايره تنضم وما دايره الناس تنضم كده كيف؟ اتحسست ليك صاح .........هه؟
-انسي بس-
| |
|
|
|
|
|
|
Re: ماركه مسجله...زي مهمه تبارك وكده...-انسي بس- (Re: محمد زكريا)
|
Quote: ياخ والله دة افرغ بوست عينى تقع عليه فى الخمس سنين الاخيرة يا اخوى مالك ماقاعد فى السويد وفنان ماتكتب لينا حاجة كويسة تليق بالمعطيات العندك دى بعدين كان انسى بتاعتك ولا المهم بتاعت المبروك الاتنين غير مايعمقوا السوقية وشغل الجربندية ما ح يضيفوا لينا اى حاجة فى المنبر البقيتوه قبيح دة بعدين ياخ لو موضوع ماف ماتكتب اقرا بس |
انه الاحباط يا عزيزي والله ياخ كلامك صح ....من ناحيه انو بوست فارغ وما منو موضوع بقولو عليهو...لكن لو قريت البوست من الاول تعرف انها حاله قرفه نتمني ان تعدي علي خير هسه اقرا بس دي ما زي توقيعي.........بعدين المبروك ذنبو شنو تديه و معاي علي راسو؟ علي العموم انت ضربتك قويه وهسه زاتي ما عارف اعمل شنو؟ ....اواصل ولا انسي بس ...ولا.....ندبرس..ولا....نتخلص من البوست ده كيف والغريبه ما زعلان...حاجه غريبه والله
===== بدون توقيع
| |
|
|
|
|
|
|
|