|
|
 Re: مفاجأة: تــــنويم مغــــناطــــيسي للاعبي المــــريخ! (Re: Ahmed Alrayah)
|
ود المبارك:
Quote: ســؤال ،،، يا عمر الفاروق واحمد الريح ،،،
كيف طبق ريكاردو نظريه Recardition أمس ؟ |
ده سؤال جميل جداً ..
ممكن أجاوب يا استاذ احمد ؟؟؟ "لأنو حقوق الملكية حصرية على احمد الريح"..
كليتشي لعب وهو مصاب وقام مازدا قال لي سفاري كلاتشي ده مضروب فكل ما يستمل الكورة اديهو شلوت صغير في ضربتو ..
ونجحت الخطة ..
بين الشوطين الجماعة ما متوقعين أبداً يكون في تغيير وريكاردو تعمّد عدم إخارج كليتشي إلا بعد الشوط يخلص عشان ما اتوفيستر يستوعب الخطة ويبدا يجز ناسو ..
يا زول قالوا اتوفيستر لمن شاف مهند جوة الميدان وكيلتشي مافيش مشى للحكم وقال ليهو :
"يا حكم عن إذنك ممكن تدينا عشرة دقايق تاني أغير كلامي القلتو بين الشوطين ؟؟"..
دخول مهند الطاهر ليلعب خلف المهاجمين مع وجود هيثم مصطفى كمهاجم ثاني مع قودوين مع عدم الإعتماد على المهاجمين ليلعبوا رأسين حربة ده كان فهم جديد على السودان اول امبارح ..
فقودوين كنا نجده في الاطراف أكثر من العمق وهيثم نجده عند الطرف اليمين اكثر من العمق وده فهم راقي جداً ..
الجماعة جابو قون قضاء وقدر فما كان من ركاردو ان ..... والعهدة على ما قاله احمد الريح بعد داك..
اها قوم يا اوتوبسكر قول عايز تحاكي الراجل ركاردو فقام عمل ليهو تغير زيو زي تغيرات عصام باسطة مدرنا في الحلة طلع راس حربة ودخل راس حربة ويا كافي البلا مش اللاعب لمن يدخل بيتكلم مع الزملاء نظام يوريهم المخطط الجديد ؟؟؟ وحاتك زولنا ده سااااااااااي ومشى لي ريتشارد في حتتو وزي ما دخل زي ما طلع ..
ريكاردو العجيب عمل تغيير تاني حير ليك الأمة السودانية ..
طلع يوسف محمد وجا معتز كبير !!! الخواجة ده جنّ ؟؟؟
يطلع لاعب وسط مدافع-مهاجم ويجي مهاجم صريح ؟؟؟
طيب البيغطي مكان يوسف محمد ده منو ؟؟
عشان كده شفنا معتز طوالي بيكون إتكلم مع اللاعبين جوة ونظام الخطة إتغيرت يا شباب ويا داريو ركز على اليمين ويا حمودة ارجع ورا شوية ويا عمر بخيت سنتر كويس ويا ويا ويا ..
يا جماعة يوم الكورة دي شفتو هيثم مصطفى ده قطع نص الميدان وفات بهناك لي مدافعين الهلال؟؟؟
يا جماعة شفتو عمر بخيت مشى لي نص المريخ بهناك ؟؟؟
يا جماعة ما شفتو داريو كان بيكون في خط ستة حق المريخ ؟؟؟
يا جماعة ما شفتو قودوين حدو راس ال18 وبس؟؟؟
التكتيييييييييييييييييييييييييييييييك يا قوم التكتيييييييييييييييييك ..
تخريمة :
بعد ما طمبل قفل الخط من موسى الزومة موسى ضرب للعجب ودار الحديث التالي:
موسى : الو ازيك ياعجب..
العجب: منو معاي؟؟؟
موسى : معاك الزومة يا عجب..
العجب : الزومة منو ؟؟
موسى : ياخ انا البلعب معاكم في المريخ ..
العجب : مريخ منو يا زول ..
موسى : ياخ انا الأمبارح جبت القون بي "الهيد"..
العجب : اهااااااااااااا موووووووووسى ..ياخ والله ما عرفتك لو ما قلت لي موضوع "الهيد " ده..
العجب : هو نحن كنا لاعبين مع منو يا موسى ؟
موسى : والله ما عارف لكن أظنو في بطولة افريقيا..
العجب: والله يا موسى كورة امبارح سمحة خلاص عليك الله شفتني حاورت ليك صديق منزول كيف..
موسى : اي والله والعجب انا لمن طرت ليك في ابو شامة جوز ..
بما إنو المكالمة تبدو خارج الشبكة فقط شك جماعتنا ديل كانو بيتكلمو من شبكة اريبا ..
وخلييييييييييييييييييييييييييييك سوداني..
|
|
 
|
|
|
|
|
| العنوان |
الكاتب |
Date |
| مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 04:20 PM |
| Re: مفاجأة: تــــنويم مغــــناطــــيسي للاعبي المــــريخ! | اساسي | 05-12-07, 04:22 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 04:26 PM |
| Re: مفاجأة: تــــنويم مغــــناطــــيسي للاعبي المــــريخ! | اساسي | 05-12-07, 04:36 PM |
| Re: مفاجأة: تــــنويم مغــــناطــــيسي للاعبي المــــريخ! | على محمد على بشير | 05-12-07, 04:45 PM |
 Re: مفاجأة: تــــنويم مغــــناطــــيسي للاعبي المــــريخ! | شهاب الفاتح عثمان | 05-12-07, 06:19 PM |
| Re: مفاجأة: تــــنويم مغــــناطــــيسي للاعبي المــــريخ! | عمر الفاروق | 05-12-07, 05:56 PM |
| Re: مفاجأة: تــــنويم مغــــناطــــيسي للاعبي المــــريخ! | بهاء بكري | 05-12-07, 06:02 PM |
| Re: مفاجأة: تــــنويم مغــــناطــــيسي للاعبي المــــريخ! | wesamm | 05-12-07, 06:09 PM |
| Re: مفاجأة: تــــنويم مغــــناطــــيسي للاعبي المــــريخ! | Yassir Tayfour | 05-12-07, 06:31 PM |
| Re: مفاجأة: تــــنويم مغــــناطــــيسي للاعبي المــــريخ! | عمر الفاروق | 05-12-07, 06:37 PM |
 Re: مفاجأة: تــــنويم مغــــناطــــيسي للاعبي المــــريخ! | معتصم دفع الله | 05-12-07, 06:41 PM |
| Re: مفاجأة: تــــنويم مغــــناطــــيسي للاعبي المــــريخ! | كمال مبارك | 05-12-07, 07:08 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 11:33 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 11:37 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 11:42 PM |
| Re: مفاجأة: تــــنويم مغــــناطــــيسي للاعبي المــــريخ! | ABDELMAGID ABDELMAGID | 05-12-07, 11:47 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 11:46 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-12-07, 11:49 PM |
| Re: مفاجأة: تــــنويم مغــــناطــــيسي للاعبي المــــريخ! | ABDELMAGID ABDELMAGID | 05-12-07, 11:57 PM |
| Re: مفاجأة: تــــنويم مغــــناطــــيسي للاعبي المــــريخ! | Ahmed Alrayah | 05-13-07, 00:13 AM |
| Re: مفاجأة: تــــنويم مغــــناطــــيسي للاعبي المــــريخ! | abas | 05-13-07, 04:52 AM |
| Re: مفاجأة: تــــنويم مغــــناطــــيسي للاعبي المــــريخ! | Khalid Osman Jaafar | 05-13-07, 05:11 AM |
| Re: مفاجأة: تــــنويم مغــــناطــــيسي للاعبي المــــريخ! | عمر الفاروق | 05-13-07, 07:36 AM |
| Re: مفاجأة: تــــنويم مغــــناطــــيسي للاعبي المــــريخ! | كمال مبارك | 05-13-07, 09:42 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست