|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: Muhib)
|
الأخ Muhib
شكراً على المرور .. جاييك في البوست الرائع عن الهوية .. ما قصدته هنا إننا الشعب السودانى حقيقة شعب متميز عن غيرة من الشعوب تربطنا علاقات عربية وأفريقية متينة وتمتد تلك الراوبط إلى أشياء نحن قد نعلم عنها أو نجهلها مع كونها موجوده .. الموسيقى السودانية يرحب بها في تشاد، الحبشه، تنزانيا، كينيا وكثير من الدول الأفريقية دليل أرتباطنا الوجدانى فى محيطنا الأفريقى، أضف ذلك إلى الأكلات، فالأنجيرة كالكسرة السودانية يؤكد إننا نستسيغ الأكل الأفريقى، ومن أراد أن يشوف العجب يذهب كينيا ويجرب "البوريتج" أو غيرها من الأكلات الكينية، الأغرب أن (العفانة) في الملاح السودانى، كالمرس، الكول، التركين، الكجيك والفسيخ، كلها تطابق الأكلات الأفريقية حتى داخل بطن القارة وغربها فى دول مثل نيجريا وغانا وغيرها .. هذا لا ينفى أن البريانى السعودى، أو المتبل اللبنانى، أو الكشرى المصرى والكسكس التونسى، والكبسة والحريرة المغربية ليس أكلات مفضلة بالنسبة لى، نخلص إذا تبعنا لسانا نعرف إنتماءنا .. بريمة
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: Biraima M Adam)
|
الانجيرا ..هو الخبز الشعبي الاول في كل من ارتريا وإثيوبيا والزقني ايضا هي الوجبة الاهم في كلا البلدين الكسرة السودانية تشابه شكلا ومضمونا الانجيرا ..مع فارق المكونات وسمكها ..فالانجيرا غالبا تصنع من "الطاف" وهو حبوب(عيش) خاص ينتج ايضا في البلدين ..كما ان الانجيرا اكثر سماكة من الكسرة السودانية .. كل ذلك يدل على صلات عميقة تتجاوز الوجبات بين دول الغقليم التى كانت تسمي في قديم الزمان بارض الحبشة ... للإشارة : اللحوح اليمني هو الاخر خبز مطابق للانجيرا .. وهو اكثر شبها ومطابقة لها من الكسرة ..نقطة اخرى تسجل لصالح هذا التمازج ..ولا ننسي ان ابرها الاشرم ( الحبشي) غزى اليمن السعيد في ذات تاريخ مضى ثم تقدم الى الجزيرة العربية حتى وصل الكعبة المشرفة التى حماها رب العباد..
لك الشكر يابريمة على هذا الموضوع
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: محمود ابوبكر)
|
اسمعها منّي داوية يا بريمة: ال Teff Ingera الحبشيّة أفشل من الكسرة السودانيّة.
و قد اّّن الأوان للسودانيين أن يغيّروا عادتهم الغدائيّة في تناول الكسرة السودانيّة و
استبدالها بالتيف انجيرا الحبشيّة.
عبارة: Ingera تعني رقائق الخبر المستديرة باللغة الأمهريّة. و ال Teff هو نوع من الحبوب:
Grains معروفة في الحبشة لكنّها لا توجد في السودان. و حبوب ال Teff مرتفعة الثمن
و بالتالي فانّ الانجيرا المصنوعة من طحين التيف الخالص تكون مرتفعا الثمن بالمثل.
و الشائع عند الأحباش هو خلط ال Teff بالشعير: ال Barley لانتاج انجيرا شعبيّة منخفضة الثمن.
أقوم بتناول التيف انجيرا علي فترات متقاربة عند زيارتي لمطعم Rahel Teff Ingera Market
في ضاحية أثيوبيا الصغيرة: Little Etheopia بنواحي مدينة لوس أنجليس.
و أنا علي قناعة تامّة بأنّ من يجرؤ علي اقامة مصنع للانجيرا الحبشيّة التقليديّة في العاصمة
المثلّثة سيجني من ورائه أرباحا تجاريّة باهظة. بامكان رجل الأعمال المغامر أن يستجلب حبوب
Teff من الحبشة في المرحلة الأولي من تجارته. و عندما يصبح تناول الانجيرا رائجا في انحاء
العاصمة المثلّثة بامكان رجل الأعمال المغامر باقامة مصنع الانجيرا أن يقوم بزراعة الانجيرا في
مدينة القضارف مثلا، أو ربّما في مزرعة المشروع العربي بأم دوم، في ضواحي الخرطوم.
أعرف مواطناأثيوبيّا يقيم في مدينة أوكلاند في شمال ولاية كاليفونيا مهنته الأساسيّة هي
توريد حبوب ال TEff من أثيوبيا الي ولاية كاليفورنيا في الولايات المتحدة الأمريكيّة.
وقد وعد بمشاعدتي بجلب حبوب الانجيرا الي الخرطوم، اذا عزمت علي انشاء مصنع للتيف انجيرا
الشعبيّة، أعني تلك المخلوطة بالشعير.
أمامكم الاّن مشروع اقتصادي واعد. علي كلّ من يملك الامكانيات الماديّة أن يتّصل بي علي العنوان
الالكتروني التالي: [email protected] لمناقشة التفاصيل الدقيقة بمشروع ادخال
صناعة الانجيرا الحبشيّة ( أعني التيف انجيرا المخلوطة بالشعير ) للعاصمة المثلّثة.
طارق الفزاري
ود زينب
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: wedzayneb)
|
كده نعمل دعاية لصاحب البقالة الأنا ساكن فيها (أثيوبي من أصل أريتري مواليد كسلا).. اسمه يسين.. سوداني في كل شيء حتى النخاع..
ترقد صينية الأنجيرة الحبشية قدامه مغطاه بكيس نايلون.. لمحتها وكنت فاكرها كسرة أم كاس.. وكبدل فاقد في المرة الأولى إستخدمتها.. المرة الثانية لقيت ليكـ حارتنا شغالين ليك فيها حجز.. شيتاً يمن وأهل بلد.. وسودانيين ما يدوك الدرب..
من جانبي كانت لذيذة بالملوخية..
لكن وزارة داخليتنا كان عندها رأي تاني.. وعشان عين أكرمت ألف عين.. وغضت الطرف..
ما أجملك يا بريمة..
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: wedzayneb)
|
الأخ wedzayneb
سلامات يا أخى وكتر خيرك .. وبعيدين لأيه تخرب السوق الافكار مثل دى بشتروها في الارميكا بالعملة الصعبة ..
أنا أول زول خاشى فى المشروع .. صدقنى ..
أتوقعنى في الماسنجر .. شايفك أختلفت مع محجوب في أن الطاف لا يزرع في السودان، كدى ركز في النقطة دى شويه .. مين معلوماته ضاربه؟ علماً إننى أميل لتصديق كل الطرحين السودان بطن فيل ..
بريمة
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: محمود ابوبكر)
|
الاخ محجوب والواحد يقول شنو، الله يزدنا علماً، عايز تطلعنى زراعى كشيه ليه، كنت أعتقد إننى أعرف اى حبه تزرع في أرض المليون ميل ..
وين يزرع الطاف في السودان ..
عجبنى أعتقادك أن الغزاة يفرضون حتى نوعية أكلاتهم، أبرها الحبشه فرض اللحوح .. أختلف معك في حتة أن العلاقات بين الجيران تتخطى الأكلات وأنا أفترض أن الجيران يجب أن يشتركوا في الأكلات أو على الأقل طبيخ الجيران رائحته تنشم كما في الأنجيرة ..
خالص مودتى
بريمة
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: Biraima M Adam)
|
الأخ عبدالرازق
Quote: ترقد صينية الأنجيرة الحبشية قدامه مغطاه بكيس نايلون.. لمحتها وكنت فاكرها كسرة أم كاس.. وكبدل فاقد في المرة الأولى إستخدمتها.. المرة الثانية لقيت ليكـ حارتنا شغالين ليك فيها حجز.. شيتاً يمن وأهل بلد.. وسودانيين ما يدوك الدرب..
من جانبي كانت لذيذة بالملوخية..
لكن وزارة داخليتنا كان عندها رأي تاني.. وعشان عين أكرمت ألف عين.. وغضت الطرف..
|
شايفك يا ول أبا الرزم وقع ليك .. عندى صحبى عندو صلعة لما نمشى مطعم الحبشة من شدة سحونة الشطوش لما الصلعة تجيب موية في الشتاء شيئ رهيب .. وبعدين الأحباش أحسن مننا بكثير في أسلوب الضيافة وطريقة التقديم .. ما عندك "رسبى" بتاعت بقارة لشيئ نادر عشان نعمل ليه سوق في أمريكا؟
بريمة
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: Biraima M Adam)
|
Quote: دينق
يا أخى ما تحمدالله نحن جبنا العربى فى السودان وأنت قاعد تلغلغ بيه وكمان لاقى ليك وظيفة على حسابنا وتنبذ فى العرب .. يا أخى طيب، متى أنت أكلت الأنجيرة، أنت فاضى يا دينق من الكنجيمورو ..
بريمة
------------------------------------------------------ يا اخوانا دينق دا عندى معه تار قديم عايز أخلصه .. |
بريمة.
والله لو أنت جبت العربي السودان أنا بنصحك تطلع بيهو تاني من السودان, ولكن المشكلة حتمشي بيهوا وين؟ البقبلك منوا يا بريمة؟ ياتوا دولة عربية دي؟ فأنت في نظرهم سوداني أسود. بعدين يا ود أبا ممكن تشرح لي بكل رواقة كده, كيف أنت صاحب اللغة العربية ولا بتعرف الفرق بين المزكر والمؤنث؟ أنا أكلت الانجيرة في سن صغير جدا. زي ما عارف يا بريمة هناك عدد كبير من الاثيوبين والارترين الذين يقيمون في السودان منذ زمن بعيد. وكان يجب علي الاختلاط بهم والتعارف معهم كمكون للتمازج الثقافي في السودان. بعدين الكنجمورو ده أنت قايلوا عيب ولا شنوا؟ أمشي شوف الناس البتسكر وبتكذب وبعدين تعال لي أنا. لمن جبنا ليك سيرت العبار نطيت فوق وحلفت بالله أنوا عبارك عبار لبن. أول مرة أعرف اللبن بشربوا بالعبار. تار شنو البتتكلم عليهوا أنت يا زول؟ نهبنا بقرك ولا شنوا؟
دينق.
| |
|
|
|
|
|
|
Re: الأنجيرة الحبشية: ما ياها الكسرة السودانية ذاتا .. إكتشاف خطير!! (Re: Deng)
|
دينق
Quote: بريمة.
غلبك الرد ولا شنوا؟
دينق.
|
لا الرد غلبنى ولا شيتين، الحصل أنك عملتها عنصرية وما بتعرف المذكر من المؤنث وجابت ليها طرد .. قلت أحسن أضع طباق الأنجيرة البراقة .. دينق هدأ نفسك ول أبا، أنت من خلقت شفت ليك عربى بأكل ملاح كول أو سلخو جفا أو ملاح مرس، يا أخى عروبتنا وعربينا دا بتاع السودان وبس ذى عربى جوبا بتاع الجنوب وبس .. الكلام دا طبعاً بريحك للأخر ..
سوف أتيك بقصة البحث عن قبيلتى فى الجزيرة العربية والشام ..
نهاية الأسبوع أنت الكربما عازكم ملاح أنجيرة بالويكاب (الويكاب طبعا دا السابنخ)
بريمة
| |
|
|
|
|
|
|
|