شرك ده زول سافر من نوري عشان يقرا الثانوي في عطبرة.. شايفا غربة.. فما بالك اليوم بمن وصل بلاد الواغ واغ.. في الحصة عقلي أنا راح سدر يمة المدرس لو فكر كان كربجني بي سيطان بقر
03-16-2010, 10:05 PM
jini
jini
تاريخ التسجيل: 02-05-2002
مجموع المشاركات: 30720
Quote: وريني شن طعم الدروس ما دام بكانا مشي قطر وكيف ذاتا ترتاح النفوس تقبل قرايةً في سفر زينوبة كر من حالى كر قاعد لى فوق كيمان جمر غربة وكمان حالاً فقر عذبني قبل اصل القبر زينوبة كل ما افتح كتاب القاك في اول سطر القى الجداول والصحاب القى الجناين والتمر زينوبة دنيا الاغتراب خلتني زي ورق الشدر انحت من عدم الشراب عم الاراضى وانتشر كيف زاتو يا نبع الحنان انجح من الام السهر يا يمة حان الامتحان من وقتو بس فاضل شهر ما اظنِي من جور الزمان انجح واجيب ليكم نمر
عمرك سمعتيلك جبان خاض المعارك وانتصر في الحصة عقلى انا قام سدر يمه المدرس لو فكر كان يلقى قاعد فوق ككر في الدونكا(المطبخ) لسع ما فطر يسمع كليمة يا عشاى واغلى الحكم عند الضجر وانا قلبي كلو على جناي وقلب جنايا على حجر والله مش لو كان نهر (يعنى المدرس) لو كالني بسيطان بقر ما دام عقيل الجن سدر ما اظنو من عندك حضر بذاتو ابوى تلقاهو قام فاتح كتابو مع الفجر يقرأ ويرتل في كلام ما بفهمو الناس الكفر الشوق متل شوك الكتر طعن الجسم لمن خدر والله لو ما منجبر ما كت بفارقك بي شبر الغربة اصلوا طعيمة مر لكني بعقد بالجبر لمن سنين الهم تمر يا ربي الهمني الصبر
يا سلام على حميد العبقرى كتب هذه القصيدة الرائعة وهو لم يبلغ سن السابعة عشر! تغنى بها محمد كرم الله بصوته الرائع الاخاذ لينقل به شعر الشايقية من الاقليمية الى القومية! جنى
Quote: زينوبة كر من حالى كر قاعد لى فوق كيمان جمر غربة وكمان حالاً فقر عذبني قبل اصل القبر زينوبة كل ما افتح كتاب القاك في اول سطر القى الجداول والصحاب القى الجناين والتمر زينوبة دنيا الاغتراب خلتني زي ورق الشدر انحت من عدم الشراب عم الاراضى وانتشر
ياسلاااااام .. .. من اروع الاغاني والله ..
03-16-2010, 11:11 PM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: تغنى بها محمد كرم الله بصوته الرائع الاخاذ لينقل به شعر الشايقية من الاقليمية الى القومية!
صاااح يا جني ..يديك العافية .. كثير من الناس لا يعرفوا انو هذه القصيدة كتبها حميد بعد ان تم قبوله في عطبرة الصناعية ...وكتبت القصيدة بعد ان احس حميد بالغربة بعد انتقاله من (نوري) الى ( عطبرة) فتأمل ؟!!
التحايا والود لصاحب البوست
03-16-2010, 11:39 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة