|
Re: محكمة والمتهم باعوضه (Re: abubakr)
|
الفضل منو ست انداية اشكت الجار عودو في محكمة شعبية وقالت الجار عودو ضربني اها الغلات حصل في المحكمة ضربني وما ضربتها والشهود اقوالهم تضاربت لانهم كانوا سكرانين وبين الحضور كان هنالك طفل صغير اسمو اللحيمر ود حاج يوسف جاء مع ابوه كان احلوا المشكلة وديا قام الشافع قال : انا عندي كلام اندهش كل الحضور بما فيهم العمدة .. اها قول آ جنا قام الجنا قال : اولا بالتبادي الدفيس دفيس الفضل منو ( الدفيس هو مسكاب المريسة ) والحمارة حمارة الجار عودو حمارة الجار عودو اكلت دفيس الفضل منو والفضل منو ضربت حمارة الجار عودو والجار عودو ضرب الفضل منو اها العمدة قال : الجنا دا ابوه وينو ؟ قالوا ليهو اياهو دا العمدة قال لابوه : الجنا دا قري ... الجنا دا اختصر الجلسة في كلمات مختصرة وعليها يتم قرار المحكمة بس للاسف الشديد الجنا ما قرأ ........ دا لو قرأ كان اكون من اكبر قضاة المحكمة الدولية آخخخخخخخ يا اخوالي عين بس واصابتكن ... مضروبين عين حاسدة وعنية .... الله اكبر اعلاه رواية حقيقة والجنا دا خالي لزم ... والبركة في اولادن وبناتن ..... تحياتي الملا عمر .......
|
|
|
|
|
|