|
Re: قررت ان اكون آنسة رقيقة .. (Re: سارة علي)
|
ياخي بماما بابا دي فوتو علينا فرصة الدعي بتاعة يمة يمة يمة اليمة تزهج تقوليك الجمة تكتلك با حيليلنا نحنا جبل المامات
بالله في رجالبقولو ماما؟
انا ولدي قاعد يقولي يا حاجة
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
ســــــارة لمن تدخلي امريكا من الباب بتطلع الرقة من الشباك ! ياخي الرقة تجينا من وين بس مع ضغوطات البلد دي ؟ أستهدي بالله كدة و استغفري و أنسي الموضوع دا لغاية ما ترجعي السودان بالسلامة ، والله البنات في السودان رااااايقات و رقيقااااات و نضيفااااات لا عندهن هم و لا غم لا فواتير ولا ايجارات ولا غيرو ! كل همهم الكريمات الجديدة و الجديد في اسواق البلوزات و برامج زي البرامج ، ثقافية و إجتماعية و برامج عدم الموضوع زااااتو و أي شئ يخطر علي بالك بساعدهم يكونوا أكثر رقة و حيوية ، اما نحنا هنا في بلاد اجروا و تعالوا نوموا عشان تقوموا تجروا تاني دي فأنسي أااااااانسي شديد .. هئ هئ هئ هئ هئ ( دي بكية جااااادة ) معاها وش عامل كيف كيف كدا !
نـسـيـت اســلم عـلـيـك و كـل زوار الـبـوســت
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
Quote: بالله في رجالبقولو ماما؟ |
يا دكتورة.. في بعض الرجال بصبغوا شعرهم.. وبيفردوهو بي كريمات.. وبيلتخو وشوشم بالديانا.. وبيعملو بدكير بس بدون منكير.. وبيلبسو ضيييييق..
وعيييييييييييييك
انا قلتا بعض عشان ما يجوني شابين لي في حلقي.. كل شي ولا حلقي الايامات دي.. لانو عبدالله ود البوش قال لي سر الرقة في الصوت...
ـــــــــــــــــــــــــــــــ منافسيننا في رزقنا....
| |
|
|
|
|
|
|
Re: قررت ان اكون آنسة رقيقة .. (Re: heba Elmahi)
|
Quote: What you talking about |
عملا في الله بوريك معناها شنو.. بس تقريها سريع عشان اجري امسحالانو مشروعي الجديد ما بيسمح لي..
المهم النخيج او الخنيج ما متاكدة.. معناها تبكي بي جوعير شديد.. واااااع وااااااع..زي الغنماية الرايح ليها جنا .. او ماكلا كيس في الكوشة..
بكا من النوع ابو هزة دااااك,,, تتهزي زي الضارباك صاقعة.. اما عن كم المختاتيت فحدث ولا حرج..تميها خيال..
يلا اقري بسرعة .. ــــــــــــــــــــــــــ وريتك الخنيج وريني الغنيج وبطلي قتاتة.. انتن..
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
دور الرقة الذي ألبستيني إياه لا يسمح لي ابدا" بفهم المفردات من شاكلة نخيج ، جوعير ، واااع ، غنماية ، جنا ، كوشة ضارباك ، صاقعة ، مختاتيت و خيال و مش عارف إيه !!
خديها مني نصيحة طول ما انتي ما قادرة تتخلصي من لغة الخطاب اللوكل دي راء من رقة ما بتشوفيها !
أها لقيتني كيف في الدور دا ؟
| |
|
|
|
|
|
|
Re: قررت ان اكون آنسة رقيقة .. (Re: heba Elmahi)
|
أي نعم انا كتبتا غلط لكن انتي اعيدي كتابتا صح..للفائدة العامة..
Quote: أها لقيتني كيف في الدور دا ؟ |
لقيتك زايغة ..بدل النقة الكتيرة سؤالي ليك كان واااااضح وريني هئ هئ دي بيعملوها كيف؟؟ دة أخر مرة اسألك المساعدة.. لانك لو ما وريتني حاعتبرا غتاتة بنات ما اكتر
ـــــــــــــــــــــــــ غلطانة انا البشرح..
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
Quote: لقيتك زايغة ..بدل النقة الكتيرة سؤالي ليك كان واااااضح وريني هئ هئ دي بيعملوها كيف؟؟ دة أخر مرة اسألك المساعدة.. لانك لو ما وريتني حاعتبرا غتاتة بنات ما اكتر
|
طيب عشان ما تًزعلي روحك خالص كدة النبي فيك كان ما جيتني بالسكة عشان أوريك بيان بالعمل بعملوها كيف أصلو نفسي في بكية حاااارة كدة افك بيها الزهجة الحاصلة دي و بدل ما يقولوا بتبكي بلا سبب زي المجنونة خليني اعملها فيك و اقول ليهم قاعدة أدرب سارة علي الرقة و الذي منه !
_______________________ دي شبكة شنو دي يا جماعة ؟
| |
|
|
|
|
|
|
Re: قررت ان اكون آنسة رقيقة .. (Re: شول اشوانق دينق)
|
يااااي يا ساره انت ما رقيقه !!
معقوله بس .. كيف انت عايشه ؟؟ انا متفاجئه والله بالجد شوفي .. لازم في الاول تخصصي وقت لي النوم عشان الهالات السودا وتشربي عصير برتقال كتير وتاكلي اكل صحي اتكلمي بشويش بشويش .. ايوا زي كدا وصوتك خليه ناعم .. اهم شئ الصوت يا سرو اوعى يكون ما حلو وكلامك كلو يكون يا حبيبتي و قلبي انت .. وحشتوني كتير خالص بالجد يا سرو انت ممكن تكوني رقيقه وناعمه بس اتعودي .. اصلا مافي زول ولدوهو رقيق كلنا بنى آدمين حلوين
اوكي اتفقنا ..
منال صحبتي بالجد بالجد رقيقه شديد وانا نفسي كلنا نبقى زيها .. دا المفروض طبعاً
| |
|
|
|
|
|
|
Re: قررت ان اكون آنسة رقيقة .. (Re: عبد الدائم سيد أحمد)
|
عبد الدائم سيد احمد.. ازيك..
Quote: يا سارة عملتى عيد ميلاد قبل كده |
عيد الميلاد الوحيد العملتا كل ما اتذكرو يجيني نفاخ,,, دة لمن كنتا صغيرة...
ياخ عيد الميلاد كلو بسكويت في بسكويت حتي الهدايا بسكويت بركة ..
كيكاية واحدة كانت مافي!! ـــــــــــــــــــــــــــــــــــ يا بنات يارقيقات داليا ودلال وفادية وهبة ممكن تختو بدل الكيكة (جاتو) .. فيها كل حروف الرقة..
| |
|
|
|
|
|
|
Re: قررت ان اكون آنسة رقيقة .. (Re: داليا حافظ)
|
Quote: (شفت جدا القبل صعبة دي جديدة لنج في عالم الرقة )
|
ايوا صاح .. عارفه دي كلمه مهمه شديد عندي .. وبستعملها كتيير ومن زمان خالص
الغريبه كل ما اقولها او اقول يا( جماعه) .. الناس الموجوده بعملوا حركات وبضحكو
بالجد انا ما قادره اعيش مع الناس المتوحشه دي يا لولو
في كل كلمه بيضحكوا علي .. في كل كلمه
انا اعصابي تعبت خلاص منهم ( وجه باكي رقيق )
| |
|
|
|
|
|
|
Re: قررت ان اكون آنسة رقيقة .. (Re: Dalal Ezzaldin)
|
Quote: ايوا صاح .. عارفه دي كلمه مهمه شديد عندي .. وبستعملها كتيير ومن زمان خالص |
نووووووووووووو حبيبتي ما بتكلم عن جدا في حد ذاتها
قصدي تقديما في الكلام يعني بدل تقولي : صعبة جدا
تقولي : جدا صعبة .. كدة أشيك
فاهمة علي صاح ( دي برضو جدعة )
ــــــــــــــ
بلاي يادلال خلاص قدومي وجعني ..سارة دي تورطنا وتنوم ..
| |
|
|
|
|
|
|
Re: قررت ان اكون آنسة رقيقة .. (Re: داليا حافظ)
|
Quote: تقولي : جدا صعبة .. كدة أشيك |
صاح صاح صاح (والصوت يزداد رقه تنازلياً) فعلا صحباتي بقولوا كدا
بالذات وحده صحبتي اسمها ساره .. بس ما ساره دي واحده تانيه
جد فظيعه الحركه .. انت مميزه يا دلو طب بتتواضعي لي وتتكلمي زي الناس العاديين
| |
|
|
|
|
|
|
Re: قررت ان اكون آنسة رقيقة .. (Re: Dalal Ezzaldin)
|
يا سرو
و بدون غتاتة صدقينى انا عايزاك تكونى رقيقة زى كده
و خِدك منى كم قاعدة كده ... والباقى بحتفظ بيه لنفسي (لزوم غتاتة البنات وكده)
اول قاعدة فى الرقة: - بطل الكواريك دى اول شئ - واخفضى صوتك بقدر المستطاع لدرجة الوسوسة، يعنى حنين لو قاعدة جنبك ما تسمعك.
يلاااااا باااااى
يتبع...
| |
|
|
|
|
|
|
Re: قررت ان اكون آنسة رقيقة .. (Re: فادية اليمني)
|
والله يا دكنوره نجاة الحكاية تحير الزوله يادوبه بتقول ياهادي في الغربه وماعاوزه اقول ليك هي ساكنه وين ولا امه اسمه منو ولا ابوها ولا الطامه الكبرى لما زوجه غير اسمه لزوم الدلع وكده عموما قالو الكبير لما يدّلع زي الخشب لما يتخلّع ولا يتقلع
| |
|
|
|
|
|
|
Re: قررت ان اكون آنسة رقيقة .. (Re: وجن)
|
ياخي قولي لي سارة علي
انت قايله عطيش الجيم دا بس لوية خشم؟
لا لا لا
الموضوع مؤهلات متكاملة, عشان تعطشي الجيم
لازم في الاول تعملي فلجات و وجنات وتعملي رجيم للشلاضيم
مش الواحدة وشها كله جضوم وشلاليف والسنون مرصوصة جوة الخشم
زي الضمنة, وبكل نفس فاتحة عايزة تعطش الجيم
هسه الهواء بتاع العطيش دا يطلع ليكم بي وين؟؟؟؟؟؟؟؟؟؟؟؟؟
***********************************
معليش مالقيت لسارة ايميل في بروفايلها وانت اخر واحدة اتداخلت في بوست الرقة
بالله بلغيها اعجابي التام بكل ماتكتب كان رقة كان لياقة
مع احترمي وتحياتي لكم الاثنين
ابوهاشم
________________________________________
والله يا سرور اتاري لياقتك دي في منه فائده بس ما تنومي على كده مع اني عارفه انك تاني شهر ماحتنومي يا موهومه بختك يا رقيقة الرقة جابت مفعوله ودي حالتك لسه بتسخني
| |
|
|
|
|
|
|
Re: قررت ان اكون آنسة رقيقة .. (Re: وجن)
|
يا دلال وداليا وفادية والباقين معليش عندي ليكم زمن للردود .. مداخلة وجن الاخير دي جبت ما قبلها من المداخلات.. ارد عليها الاول وبعدين افضي ليكم.. ثم انا عمري كلوووو مبارياكم في البوستات استفدتا منكم شنو؟؟؟
ابو هاشم.. Quote: بالله بلغيها اعجابي التام بكل ماتكتب كان رقة كان لياقة |
انتا.. انتا الزيك منو؟؟.. بالجد زول فاهم.. لو البورد دة فيه اتنين بي فهمك دة كان حالو اتصلح.. وبالتالي حالي.. كلمهم عليك الله ..
ـــــــــــــــــــــــ يا وجن لو طلعت دي وهمة منك تلقيني قدامك في السعودية... بنجضضضضضضضضضضضضضضضضضضضك نجاض..
| |
|
|
|
|
|
|
Re: قررت ان اكون آنسة رقيقة .. (Re: وجن)
|
Quote: والله يا دكنوره نجاة الحكاية تحير الزوله يادوبه بتقول ياهادي في الغربه وماعاوزه اقول ليك هي ساكنه وين ولا امه اسمه منو ولا ابوها ولا الطامه الكبرى لما زوجه غير اسمه لزوم الدلع وكده عموما قالو الكبير لما يدّلع زي الخشب لما يتخلّع ولا يتقلع |
لوووووووووول يا وجن يا بتي
زمان في البلد (مورا) الواحدة من تجي البندر وتخلي كلام الشوايقة يقولو ليك اي مي قلبت حسها دلاللاة على الفهمة والقرضمة وينظر لهاباستهجان شديد مرة زمان مشينا المطار لاقينا بت عندها ولد عمرو سنتين قالت لي راجعة لانها ما قادرة تمسك ولدها شكت وبكت من الولد عندي بتي الفي النص بس واقفة قدام البت تعاين ليها وتهز في راسها ذات اليمين والشمال انا عارفهاحترمي لي درابة كل مرة اقوليها اجري العبي مع اخواتك تاخد لفتها وتجي تقيف قدام البت تعاين ليها بدهشة شديدة.. اها قلت احسن حاجة نتخارج قبل الدرابة.. قامت سالتني لما مشينا يا ماما البت دي ليه بتتكلم كدا!!!!! قلتا ليها كيف؟ قالت لي ما بتعرف تتكلم يا ماما؟ قلت ليها ليه قلتي كدا؟ قالت بتتكلم ذي البي بي توك بالجد اي حرف عطشان يكورك للموية في الرمق الاخير غير وشوشات كدا لزوم الرقة...(سارة ما تنسي الوشوشات والسوسوات ) بعداك عرفت انها كانت كائن عادي جدا قبل تعرس واحد اسمو ميدو وتسكن احد الاحياءالشعبية
اهاالمشكلة خريجة جامعية من جامعة مرموقة.. بالجد الموضوع داعايز ليه دراسة جادة جدا وتجربة ذي تجربة مسرحية سيدتي الجميلة لبرنارد شو
الله يدينا خيرن النوسوان الرقيقات ديل ويخلي لينا سارة الخشنة دي
سؤال للرجال كيف تحس لو زوجتك بتتكلم كدا انت عارف انها متكلفة؟
| |
|
|
|
|
|
|
Re: قررت ان اكون آنسة رقيقة .. (Re: د.نجاة محمود)
|
Quote: قالت لي ما بتعرف تتكلم يا ماما؟ قلت ليها ليه قلتي كدا؟ قالت بتتكلم ذي البي بي توك |
ههههههههههههههههههههههههههههههههههههههههه
للضمان لو اتلاقينا بتك ابعديها مني..
Quote: سؤال للرجال كيف تحس لو زوجتك بتتكلم كدا انت عارف انها متكلفة؟ |
يا بتي امي انتي بتسألي في منو؟؟
ديل مغشوشين بي رضااااااهم..
| |
|
|
|
|
|
|
Re: قررت ان اكون آنسة رقيقة .. (Re: د.نجاة محمود)
|
والله يا دكتوره بتك ليها حق تتعجب لان زي ديل التصنع بكون ظاهر وماخايل فيهم الفلهمه بالنسبه لسؤالك سؤال للرجال كيف تحس لو زوجتك بتتكلم كدا انت عارف انها متكلفة؟ بكونوا مبسوطين نظام نسوانم برستيج وكده والعينات الاقتني تمخولك
| |
|
|
|
|
|
|
Re: قررت ان اكون آنسة رقيقة .. (Re: Dalal Ezzaldin)
|
دلال...
بعد ما فكت مني ام فريحانة ..ممكن ارد ليك..
Quote: منال صحبتي بالجد بالجد رقيقه شديد وانا نفسي كلنا نبقى زيها .. دا المفروض طبعاً |
اولا وقبل كلللللللللل شئ..
حددي لي...
منال منو.؟؟
عشان المنالات كتار وكدة...
ـــــــــــــــــــــــــــ ياختي بختك ..اسمك مساعدك.. دلال..تسلفيني ليهو؟؟
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
داليا حافظ..
انا جدا جدا* سعيدة انك صديقتي الاسفيرية.. لانو نصايحك مهضومة جدا..مهضومة..
زيديني فيك الخير.. طبقتا الدرس بتاعكم انتي ودلال في الشغل.. ما بوريك الحصل شنو.. لكن.. غصبا عنهم.. انا جدا رقيقة... انا جدا رقيقة... انا جدا رقيقة... انا جدا رقيقة...
ـــــــــــــــــــــــــــــــ جدا التانية دي زيادة خير مني..
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
*** منـــال *** يا راجل
Quote: ياختي بختك ..اسمك مساعدك..
|
وانت اسمك مالو يابت امي .. حلاة الدنيا على بس غيري صورة القرصان دي والباقي ببقى سموس
وصيه:
كوني واسكه من الفوز
| |
|
|
|
|
|
|
Re: قررت ان اكون آنسة رقيقة .. (Re: سارة علي)
|
Quote: بدرالدين الامير..
حاجاوب ليك بي صراحة مطلقة عن جميع الاسئلة:-
Quote: 1هل عندك اصدقاء فقراء
2 يوجد..فقراء وفَـــقٌر كمان..
Quote: هل عندك اسم دلع
3 نعم يوجد...(السرة)
Quote: اذكرى خمسة من بيوت الموضة الايطالية وكذلك الفرنسية
لا اعلم 4 Quote: اذكرى اسماء افضل عشرة مصففى شعر في العالم وذلك مصممى الازياء
ديل بعرفم تب .. بس عشرة كتار علي بديك اسماء الاهم بتول المشاطة(امدرمان) ست النفر مشاطة برضو(السجانة) الحبشي الخياط(سعد قشرة) نعيمة الخياطة(جارتنا)
وشوووكرن |
سرو عطفا على اجاباتك اعلاه هل تسمحى لى بكمين سؤال ؟ كما انى قد عينت الظلامية بيان لتقوم بدور الرائد يونس لمشروعك الحضارى
تنهدات: الكلام للطيب صالح (الحضارة انثى وكل ماهو حضارى فهو انثوى)
| |
|
|
|
|
|
|
Re: قررت ان اكون آنسة رقيقة .. (Re: فتحية شامي)
|
(هاي قيرلز)..داليا و دلال..
شكراً انكم (جيتو) تساعدو سارا و (تنقذوها).. ...
(هاي سارا)..
كيف أخبارك مع (التحدجي) ؟
دخلت عالمنا و لا لسة..
أوووو لا لا سارا..
ما دام لسة بتتذكري ( بريدرز) (السجانة)..
و بتعملي (حركات بريدرز) اسفيرية.. يبقى (جداً صعب) تتعلمي تكوني زينا أنا و داليا و دلال..
لازم أول شيء.. ترفعي (أنفك) فوووووق كدا..و لو عموده ما بيساعد (زي بتاعي كدا) أتكليه بtooth pick أو حتى لو مشبك غسيل قبل ما تنومي..
و تراعي لبريستيجك.. ما تلقّطي (البريدر ستيك) (بالعربي مغرز مشاطة ..مش كدا؟) البتتحدف في طريقك...
أوكي دوكي سارا.
انتي ليه ما بتسمعي كلام (موني)..شوفي (موني) قالت شنو
Quote: شفتي سناء خالد البتجي تعمل فيها ما رقيقه دي, عليم الله ما لاقاني صوت أجمل ولا أرق من صوتها, ومش حركات بنات, ابداع رباني :) انشاء الله (خالد) زوجها ما يقرأ الكلام ده عشان ما يموتنا :),
تقومي تمسكي في سناء دي قوي, دربك بيمرق لووووول, |
يعني بشهادتها أنا الرقة (زبتت) معاي لما شكلها بقى (تبيعي) خالص
و الحكاية (جداً) سهلة..
أمسكي في الطرف دا..(سوفتلي بليز)..
__________________________________
الله يسامحك يا أماني هسة سارة افتكرتني بتكلم معاك بصوت غير البتعرفو هي..
و كمان طالبة ليهو تسجيل.. أنا اللي الله لا عطشني لا عطش حاجة على يدي..أجيبو ليها من وين دا هسة أنا..إلا أكان أمش لوجن توديني لصاحبتها.. و لا منال صاحبة دلال
غايتو بالعدم بأرجع أذاكر في البوست دا..
__________________________________
سارا لو ما (رجعت) بسرعة..
أعرفيني أنا و خالد (جايبين) (كاتو شوكولا) و بنحتفل بوسام الرقة في (الجنينة) (الجميلة) (جمال) بتاعتنا..
| |
|
|
|
|
|
|
|