|
|
 Re: باع اسورة إبنته في المطار ليدفع رسوم المغادرة... (Re: سيف اليزل برعي البدوي)
|
رسوم المغادرة تعتبر رسوم خدمات وفي بلادنا أنا ضدها تماماً لأنها جباية بدون مقابل أى أنه ليست هناك أى خدمة يلمسها المسافر أو القادم توازي كل تلك المداخيل.
رسوم المغادرة معمول بها في معظم مطارات الدنيا وحتى في السعودية التي تحدث بعض المغتربين عنها فإنها موجودة وإن كانت من ضمن قيمة تذكرة السفر.
الطريقة التي يتم تحصيل الرسوم بها في المطار أتفق مع الجميع بأنها غير مناسبة ويمكن أن تكون بشكل حضاري لو تم تضمينها في سعر تذكرة السفر مثلاً يعني أقل شئ عند إعادة تأكيد الحجز في الخرطوم وبالتالي لن تكون هناك مفاجآت غير سارة تنتظر المسافر.
نحن بنهول ونبالغ زي ما قال أبوبكر في بوست المبالغات وبنصور أى حاجة بأنها مبااااالغة ، يعني رب الأسرة المكونة من 7 أفراد دا وشايل في جيبو 350 جنيه سوداني ليفاجأ بأن هناك رسوم مغادرة أكثر من الذي يحمله في جيبه وبالتالي يضطر لبيع أسورة بنته في المطار لحل المعضلة ، يعني هو قال الكلام ده حتى لو حلف طلاقين تلاته فحايكون طلاقه فشنك زيو وزي أى بياع خرفان أو سمسار عقار أو سمسار في دلالة عربات يحلف بي أى حاجه بس البيعه تتم وفي النهاية الزول دا كلامه مردود عليه ، فالمفاجأة غير متوفرة الرجل دا لمن مشي عشان يسافر لازم يكون عنده حجز وربما يحتاج إلى تأكيد الحجز في حالته لأنه لديه حجز من السعودية وربما يكون لديه حجز عودة وحيث أنه سوف يقضي في السودان أكثر من 72 ساعة لابد أن يحتاج إلى إعادة تأكيد الحجز بحسب قوانين الطيران وأكيد مشي مثلاً ميدان جاكسون ودخل صالة الخطوط السعودية وقطع ليهو رقم وإنتظر صف من هنا لغاية عطبره أها لمن جا دورو وقف قدام الموظف بتاع الحجز وقعد يخبط في الكمبيوتر لو السيستم ما كان داون والواااااطه حاره شديد بالرغم من مكيف المبني أها قالو ليهو تلفونك هنا كم ، وبعدين قالو ليهو خلاص حضور المطار إن شاء الله الساعة كده (قبل أربعه ساعات بكتبوها في التذكرة) يوم كده ورسوم المغادرة وبرضو دي بتكبوها في التذكرة (كده) أها المفاجأة وين يا الزول دا ما بعرف أو ما بفهم عربي وأظن دي ما واردة لأن هناك حوار دار بينه وبين الموظف يا كمان برضو ما بعرف عربي ولا في حل تالت.
سيف في حاجات كده بستفز الناس وبدل ما تكون محاولات لتعرية سؤات النظام تستره لأنها لا تحترم عقول الناس ولأنها تحاكي حركات اليهود يمنحوك الفرصة لكي تتحدث عنهم بما تشاء ومن خلال أجهزتهم الإعلامية (طبعاً هم المسيطرين على الحته دي بالإضافة إلى المصارف) يعني تقول أى حاجه بطاله فيهم بشرط أن يكونوا قادرين على تفنيدها وبالتالي تكون نقطة أو روايه في صالحهم لا ضدهم.
أقول قولي هذا حتى لو يقولو علي كوز
|
|
  
|
|
|
|
|
| العنوان |
الكاتب |
Date |
| باع اسورة إبنته في المطار ليدفع رسوم المغادرة... | سيف اليزل برعي البدوي | 03-10-10, 01:13 PM |
| Re: باع اسورة إبنته في المطار ليدفع رسوم المغادرة... | هشام هباني | 03-10-10, 01:17 PM |
| Re: باع اسورة إبنته في المطار ليدفع رسوم المغادرة... | سيف اليزل برعي البدوي | 03-10-10, 02:18 PM |
| Re: باع اسورة إبنته في المطار ليدفع رسوم المغادرة... | سيف اليزل برعي البدوي | 03-10-10, 02:19 PM |
| Re: باع اسورة إبنته في المطار ليدفع رسوم المغادرة... | almulaomar | 03-10-10, 03:09 PM |
| Re: باع اسورة إبنته في المطار ليدفع رسوم المغادرة... | almulaomar | 03-11-10, 06:57 AM |
| Re: باع اسورة إبنته في المطار ليدفع رسوم المغادرة... | تيسير عووضة | 03-11-10, 07:33 AM |
| Re: باع اسورة إبنته في المطار ليدفع رسوم المغادرة... | اسامه خليفه | 03-11-10, 11:24 AM |
| Re: باع اسورة إبنته في المطار ليدفع رسوم المغادرة... | عبد الدائم سيد أحمد | 03-11-10, 11:58 AM |
| Re: باع اسورة إبنته في المطار ليدفع رسوم المغادرة... | عبد الدائم سيد أحمد | 03-11-10, 12:12 PM |
| Re: باع اسورة إبنته في المطار ليدفع رسوم المغادرة... | د.محمد بابكر | 03-11-10, 12:36 PM |
| Re: باع اسورة إبنته في المطار ليدفع رسوم المغادرة... | عثمان جلال الدين | 03-11-10, 05:39 PM |
| Re: باع اسورة إبنته في المطار ليدفع رسوم المغادرة... | سيف اليزل برعي البدوي | 03-14-10, 06:38 PM |
|
| |
almulaomar
فيس بوك
تويتر
انستقرام
يوتيوب
بنتيريست